唔知點解最近好唔開心，仲係沒有原因的唔開心。
可能因為某些事、可能因為某人，或者．．．．就連我自己都唔知道係什麼原因。
我希望、我相信好快會過去．．．．
日子過得真係好快，咁就幾年，幾年既時間就空氣咁，無形無色但又一直係度變動。
經歷令人明白到好多事情，但我相信經歷必須令人銘記在心才會懂得。有些人無論經歷過變遷都未可以學會懂得，到底這些人是不會還是根本未學懂?? 這個是個"謎"，我沒有能力去解拆，或者係唔想去解拆。雖然我不能解拆呢個謎，但原來我還會痛心，痛心既係無人會知道、明白到呢個謎何時才能解開??

謎呀謎，到底何時你才會學懂、會明白、會體諒別人??
謎呀謎，到底何時你不會再執迷不誤??

過年到依家都係咁，無咩特別事情，或者有，但我都沒有太過在意了。

夏天既日子又來臨喇，我發覺越來越唔喜歡夏天。最大的原因不是因為 "悶熱"，而是........是.......

唉! 話說尋日追完"大鮑小鮑"之後就就寢喇，我每日就寢前都會預備晒d野先瞓，點知尋晚都"banana"。
就寢前工作︰『點蚊香』、『開香薰滅蚊燈』、『塗白花油』。
就係『塗白花油』出事喇，淨係塗雙腳，心諗雙手同個身應該無樹既，咪就係咁囉，瞓到半夜點多d喇，就左丫右丫丫醒咗，係左邊呀，左邊係重區呀，總共六個重點呀。
開燈之後立即塗滿白花油，唔知仲以為自己俾"白色油王子"上身添。正常想關燈瞓過果時，就見到"佢"，"佢"伏係我床頭幅上面，仲肥啫啫咁，起初我都係以為其他昆蟲喇，點知當我用紙巾擊中既時候，發現係鮮血呀，我d鮮血呀，"佢"仲開餐開到咁肥。
之後我一直都瞓唔返，當我成身都係汗既時候，我走去開冷氣舒緩我既 "火"，唔知幾耐我又無知覺了..............

I HATE SUMMER..........................

今日係大年初一，祝大家身體健康，心想事成。

呢個一月好繁忙，因為有好多生日會要參與同籌備。
最先生日既當然係我既心肝寶貝小魔怪喇，唔覺唔覺佢已經兩歲，諗番起小魔怪剛出世果時既所有野，真係好似尋日既事咁，真係估唔到咁快。生日既正日我地去咗迪士尼玩咗一日，舊年同今年雖然都係去同個地方，唔同既係舊年小魔怪去到係坐係 bb車度瞓、學習行一兩步，今年佢已經唔坐車，就真係好似小魔怪咁走來走去，想捉都捉唔住。睇埋煙花我地就走喇，小魔怪玩咗成日終於都瞓咗，我想她一定累透了，因為係的士只有小魔怪既鼻寒聲。
至於舊歷生日我就幫小魔怪開咗個生日會，佢收到一份大過佢既禮物，我將份禮物收埋係房，然後叫佢自己搵。小魔怪以為我放係床底，搵來搵去都搵唔到，最後要提佢唔係呢度佢先生第二間房搵，佢搵到之後係咁係度笑，仲笑得好奸添。
拆完禮物之後，我地總動員幫佢砌個"廚房仔"，好攪笑呀四個男人砌完後發覺原來唔記得要上螺絲，結果又要再砌過。小魔怪兩歲生日就係咁樣渡過咗，小魔怪呀小魔怪，媽咪淨係想你身體健康，唔好再成日病喇！

潛伏喺我體內既細菌，終於都喺星期一爆發咗出嚟喇!
星期一我係無返工既，早上去咗睇醫生，食咗藥之後就大覺瞓。
今日已經係星期五，仲係病緊，我估過多兩天我個鼻都會甩出嚟，平均每日朝九晚六我都會用上一卷半紙巾。

距離聖誕節仲有兩天，今天沒有什麼特別地方想去，或者會同小魔怪去睇吓燈飾囉。

頂唔順要枓枓。

話說星期日果晚屋企好齊人喎，我地一家人食完飯之後都仲係好早，咁我梗係提意打麻雀喇，因為我都好耐無打lu.....
落場既有小賤人女友  (ok識打)、小肥肥同肥仔強 (大古惑)，當然仲有小星星 (詐糊怪)喇。東風第一局小星星已為我的家人帶來無限既歡樂，佢又食詐糊囉~係果一刻小賤人即時問佢，得閒一切打多d麻雀喇。^-^"
小星星都唔識打既，都係得啖笑。
至於小魔怪佢近排唔瞓晏晝覺，攪到有好大個黑眼圈，好醜怪。
話咁快又一年喇，小魔怪又大一歲，今年點同佢慶祝好呢??
開心既時間過得得別快，又係時候同大家講bye-bye。

呢個星期同之後我想應該會比較忙了......
因為星星爸被醫生証實患有肺癌。
相信嚟緊既日子，我都要花點時間陪吓星星，我知道他接受不到。
我其實都唔知有咩可以忙到佢，我想唯一是上吓網睇吓有關既資料再講佢知，佢....都好"迷", 唔太清楚知道自己有咩可以做或者去做。
小魔怪都係未正式咁講野，都係叫下"媽媽"、"婆婆"、"公公"、"父父"咁，不過佢好聰明呀，識得分辨事物咁喇，我知道佢係唔想講野而唔係唔識講。

依家係公司.....開始要瞓晏覺，因為......成間公司d人都要 sleep既。

今年生日有好齊人呀 _{梗係喇一年一度嘛}
我地四個女仔同男朋友，仲有細榮、樹基同二個叔仔。我地先先去咗 BBQ，然後返咗我屋企玩"猜猜畫畫"，幾好玩、好得意。
就係咁樣過咗12:00，渡過我呢一年既生日。呢幾年以來，我最開心既生日就係今年喇，放低咗 D 野，又得到 D 野，真係好開心呀。
到咗我正日生日，我喇、妹妹喇同埋星星去公園度玩，夜晚既時候我地約埋小肥肥、肥妹、小賤人同小茄子入咗去食泰國菜。第一次去果度食野，佢地個個都話好食，我就覺得普普通通咁喇。

過得好平淡既生日， 其實都係會好開心架，不過......
唯一美中不足既係......我未食蛋糕呀.......