30/6 晚同橙and 兩位朋友一齊食飯, 去左旺角始創中心和花亭食壽司, 等位等左半個鐘唔駛, 有人食左好多三文魚壽司, 係咁勁食, 叫左成8碟黎食, 仲話其實唔夠...  _  傾下計, 笑下, 雖然唔係D咩悉心安排既活動, 但係好relax~~ 將一個星期既辛勞一掃而空...

另外買左對波鞋等橙去做gym既時候著, 保護住雙腳唔好咁傷... 而家搞到自己都想買一對新既添...

就黎放暑假, 唉, 要溫書要做功課, 要背詩要記好多野, 咩地方都唔駛再去lu...慘慘...

Re: K (上一篇留言者)

我對港產片好難公平咁對待, 如果要我俾錢入戲院睇新紮師妹3或者球愛可人兒, 點都好, 我都係會選擇後者, 因為爛片歸爛片, 有誠意既爛片同無誠意既爛片, 分別就好大...

睇套有誠意既, 自己啖氣會吞得落, 睇完出黎會繼續笑.

睇套無誠意既, 未完場已經會忍唔住破口大罵, 之後四圍同人地講唔好去睇呀. 睇完想死呀! 尤其係近呢幾年既港產片, 睇完之後都係忍唔住俾呢個反應, 無法, 因為真係拍得好求其... 最重要係無劇情主線唔清晰, 是但搵個星明又唔識做戲, 嘻嘻哈哈當交左貨, 真係火都黎... 仲話人地唔支持又乜又七, 都係果句, 俾少少誠意黎拍好嘛?

今日同橙橙去睇呢個球愛可人兒, 笑到眼淚水都標埋出黎

 故事簡介

靚女高中生Viola青春無敵，是女子足球校隊主將。可惜校隊人數不足要解散, 為證明女子足球可比男子足球，在化妝師好友Paul和一班姊妹貼身幫忙下，Viola成功大變身，扮成哥哥Sebastian同一「boy look」，代替有要事逃學兩星期的Sebastian！她成功魚目混珠地殺入Sebastian學校的足球隊，誓要打敗自己學校的男子足球隊，然而「女扮男裝」比想像中更要命──她發覺自己單戀的同房帥哥Duke，暗戀著頭號校花Olivia已算事小；最糟糕的是，Olivia竟然看上了反串後的Viola！求愛事件越鬧越複雜，足球校隊的重要比賽也接踵而來，Sebastian突然提早返回學校...

其實套戲既橋段都係咁上下, 加入左踢波題裁，雖然劇情結局都實估到, 最重要係睇下個導演點去處理女換男裝既笑料, 不過實在好笑~~ 值得一睇, 起碼好睇過D港產大製作, 得閒無事又整多套新紮師妹3, 完全無創意~~ 又係果條橋果個圈子, 只係換左個女主角, 再唔係就整套龍虎門, 嘩, 真係頂佢唔順, 真係唔差唔拍, 仲話經典, 經典既係過時唔跟得上潮流, 再唔係就係咩鬼域, 嘩, 人地拍完Silent Hill??鬼魅山房??, 你又整套差唔多既野, 真係俾少少誠意好嘛? 唔怪得香港電影業息微, 呢D戲真係送飛俾我都唔入場睇, 我寧願睇下阿媽果D韓劇好過...

好努力好努力咁做咁D功課... 終於交左兩大份... 而家再衝刺埋一份... 做左一半... 已經有D頂唔順... 唔想做呀~~~

係時候休息一下... 同隻橙去睇達聞西個密碼... 點知達聞西無密碼... 睇果時覺得好連貫喎... 個劇情講得好合理...

但係突然間覺得有D好唔對路... 首先果個圓筒碼密係達聞西整... 點解個碼密又會關牛頓事呢... 咁點解唔係達聞西整完個筒... 再將個秘密放入去... set 密碼... 而係用200年後先出世牛頓既密碼呢... 唔明咧... 一個係1452年出世... 一個係1642年出世...

不過算... 睇戲者... 基本都明晒就可以... 只係橙橙睇唔明... 哈哈哈... 轉左牛角尖... 唔明呢個宗教點解要神化一個人... 宗教就係要神化一D野嘛... 唔神化既話... 好難搵人信... 信神信神... 崇拜既唔係神... 咁有咩好信...

正如當年既太上老君... 原本係老子... 只係思想家... 但係去到唐代... 將佢神化左... 變成左神仙... 由道家... 變左道教... 宗教既野... 唔需要去深究咁多呢...

睇完戲... 個人輕鬆晒... 返屋企再度作戰...

感覺, 像洩了氣的氣球, 軟軟的, 懶洋洋的, 提不起勁。脾性, 昔日的稜角給削了, 消磨了。呆呆的躺在床上, 有點像被棄置了的傀儡一樣, 感受有點奇妙。堆積如山的工作還未完成, 不願動身處理, 就只是這麼躺著。

人嘛, 要謾罵的請自便, 要譏諷的請自便。想不到, 還是同事的生活哲理獨到, 「傻笑最好」。

(從今天開始, 我也要白話)

以為尋日黎接放學... 今日應該唔會再黎... 點知隻衰豬又黎... 好彩我今日無早走... 如果唔係實響學校門口食風... 今次真係估佢唔到   醒左... 可能近得我多... 無以前咁蠢...

之後一齊去左銅鑼灣四圍行... 睇電話... 同埋買護膚野... 兩個路癡... 響個咁細既銅鑼灣行左好耐都搵唔到fancl house... 我都話左香港無咩分店架啦... 要買要去日本買... 真係行足一個鐘... 都唔知間fancl去左邊... 睇黎香港都執晒咁滯...最後終於都俾我搵到... 係我搵到...

跟住返屋企食飯... 隻橙話要測驗... 由我洗碗... 下次到我要交功課... 等佢洗番夠佢... 要洗到手都爛... 洗完果幾隻碗仔返入房... 話溫書果個訓到隻豬咁... 叫極都唔起身... 襯佢唔知影左佢幾張相... 有機會post上黎一齊欣賞下... 如果我有命的話...

到咁上下時候... 見到justlittle 上msn... 阿橙見到寫明生日喎... 咁就打左句生日快樂... 祝justlittle生日快樂law~~

放完假第二日返工... D功課改極都改唔完... 放學仲要帶果隊咁既死人爛鬼田徑隊... 真係受唔到... 個放假既感覺仲未完... 唔係好想返工呀....

放左工... 打電話俾阿橙... 聽到佢把聲廿個唔自然... 一早就睇穿佢籠野... 放左學響學校門口等我嘛... 一出門口就知啦... 當我傻架咩... 諗住俾驚喜我... 可惜我一早悉破左...

之後去左旺角... 話買鞋買衫... 結果呢... 係咩都買唔到... 遊街都唔入D鋪頭... 買條命... 跟住去食日本野...

去到間日本野... 有1 樓同2 樓... 等左一陣位... 個侍應叫我地上2樓... 咁咪入lift去2 樓... 阿橙按lift... 上到去 打開門... 見到大大隻字寫住1 樓... 噢... 蠢左... 要上多一層先到... 個死侍應又唔講人聽1樓要按2字lift.... 2樓要按3字lift... 躁左...  哈哈哈...

食完飯... 返屋企... 見到阿媽一個人坐響廳睇電視... 佢見到我地兩個一齊返... 又唔同佢食飯... 唯有同佢講我地兩個各自約左人食飯... 最後返屋企先join埋返... 兩個拿拿臨走番入房... 阿橙睇住我做功課...

唉... 又要開始做功課... 灰...

今日改評估... 續寫以下句子部份... 其中一句係咁既...

"表姐的小花貓被_______________________________。"

一般七歲既小朋友會寫:  "小花貓被汽車撞倒了, 表姐很傷心。"

                                   "小花貓被小明偷了, 表姐很傷心。"

佢地既造句不外乎受傷或者唔見左, 但係改改下俾我見到一句精句, 同大家分享一下....

"表姐的小花貓被醫生做了節育手術。"

哇哈哈哈.... 好有創意... 我好鍾意~~

好似好浪費時間咁... 呢個假期唔知做左D咩添...

就好似佢咁... 唔知自己做緊D咩...