剛剛發現左個香港的 Mero Ring:
http://fibberhk.com/cgi-bin/hkmero/ering

我 join 左喇~
你 join 左未呀?

P.S. 我發現已經有幾個 Hompian 登記左lu~

大少個外婆, 即係我阿媽, 呢牌做左個好學的外婆~

佢以前都唔多敢掂電腦, 成日話驚整壞.
雖然近年好左D, 會開機玩接龍同上海麻雀, 不過其他野都係唔敢用

自從大少出左世之後, 佢成日叫老豆幫佢上網去 access 我屋企個 ip cam.
前日佢竟然o係電話同我講, 話佢而家好叻, 識得自己開黎睇~ 唔駛叫老豆幫佢開! 佢話睇睇下仲會傻笑添~

有個咁可愛o既阿媽, 我真係幸福~

哈哈哈哈哈哈哈~

屋企部 cam 今日 cap 到大少側身訓!

話說尋日我公司某 Sales 同事捉住左我老公條o靚幫佢 check 機, 整到九點先放佢走, 於是今朝我就收到佢一個俾佢自己部門o既 e-mail 喇~
笑鬼死我~

其實我公司有好多人都不滿 Sales 的作風, 因為佢地 好多時都會對其他部門有好多無理要求, 攪到神憎鬼厭

[咸濕日報訊]
咋天晚上, 曾令觀塘居民聞風色變之女奸賊, 再次於新近落成之 APM 行兇, 受害人其後哭稱, "我都唔想, 我都係被迫架!".

受害人文迪, 疑於替行兇者維修電腦時遭脅持, 受害人由於害怕 sales 部門一個口大個我地 15 個口之威脅下唯有乖乖就犯被脅持至晚上 21:00

本報至電其肥仔上司稱, "無奶由咁樣同佢搞到 21:00, 佢又唔係用唔到, 而且, 佢星期一仲會番公司添, 再唔係咪由佢拎到部機上大陸先繼續囉", 而肥仔上司亦無奈表示, 受害人遇上以上情況, 應聯絡上司, 再按情況決定是否有需要這樣做.

據香港人力脂原脅會表示, 香港大部份公司之 sales 部門之口平均會比普通員工大 3 ~ 10 倍, 每每都會因小事而獅子開大口, 有咁惡得咁惡, 而其他小職員只可以默默承受, 如打工仔遇上以上情況, 應當多於上司溝通, 舒解所受之壓力.

咸濕日報記者: 四眼佬報導

尋晚發現, 大少竟然識得自己打側身訓了!!



好開心呀~

指名者:
SECHS 的 SECHS Memories II

相關文章:
【Blog Tag】我的五大擇偶條件

遊戲玩法：
在一些英文網站看到這種有趣的Blog Tag遊戲，規則很簡單。開始遊戲的人出一個題目，在自己的blog上寫下答案，然後把題目丟給另外五個人，在文末附上這五個人的連結，並且到這些人的留言版留言，這五個被tag到的人，在自己的blog註明(並附上連結)是從哪一個blogger那裡傳來的題目(可用「引用」功能)，然後寫下自己的答案，再去貼另外五個人，如此繼續下去。

我的五大擇偶條件：
（一） 鍾意笑
（二） 錫我
（三） 有愛心
（四） 唔食煙唔飲酒唔賭唔嫖
（五） 高大

指名對像：
jaycy 的 ‧無‧由‧亂‧記‧
kwoksam 的 快樂人生
肥貓主人噹噹豬 的 肥貓竇
野孩子@K! 的 ＊～＊野孩子＊～＊
κειιγ@ ＬM 的 茄莉部屋

其實我o既擇偶條件... 咪我老公囉 XDD

我有D野真係諗極都諗唔通...
點解一個做左好好先生幾十年o既男人, 可以一百八十度變左另一個人
點解對住自己揀o既伴侶可以話 "聽到你把聲就覺得煩"
點解可以望住第二個第三個第四個女人目不轉睛?
點解第二D女人同佢講野佢可以笑笑口, 但對住結左婚幾十年o既伴侶就黑口黑面?
點解佢可以唔理全家人o既感受?
點解要愛佢o既人受苦?
點解有女人可以咁唔要面?
點解玩左幾年都未夠?
點解我咩都幫唔到?
點解我仲要因為咁而自己匿埋喊?
點解......
點解...