今日下晝去完大圍揸車返火炭0既時候，經過大埔公路沙田火車站對開，沿途兩邊有好多樹都好靚仲有好多都開左木棉花(係之前經過時老公講係木棉花0既，以前都唔知)，雖然之前都有見到依個風景，不過今日見到就好似特別靚咁。夏天黎啦! 最鐘意見到四圍都係花花草草樹樹....心情會好好0架。

首先補祝返隆隆豬12號1歲仔生日快樂! 12號亦都係對於mami黎講一個好特別0既日子。

1歲仔0既隆隆豬識好多野

語言︰BB話，最叻叫baba，會叫mami做mother or ar da，有事要搵mami時會叫mama，問佢食唔食夥時會答你"食"、得唔得呀會答你"得"、識得叫姐姐、無lala又會成日講五百....

動作︰自己坐，扶住行(相信如果唔係上月整親隻腳的話應該可以自己行)，拍手(特別係聽國歌時)，hihi byebye.....

其實佢仲識好多野。

今日係隆豬舊曆生日呀~ 一歲啦。

好想放全日假or半日假陪佢，不過好忙唔可以。希望新曆生日果日可以有時間陪佢一日啦。

太好啦~ 隆隆豬提早今日就出左院啦~ 開心~ 不過黎緊3星期都要好小心照顧~ 3星期後覆診照x-ray~

YEAH~ 隆隆豬星期一可以出院返屋企啦!! 等到頸都長啦!!

今日已經係年初六啦!! 恭喜恭喜!! 祝大家鼠年快樂，身體健康，心想事成，財源廣進，小朋友快高長大聰明伶俐聽聽話話!!

再祝我的寶貝豬隆隆豬快D好返。快D返屋企。

這個新年原訂年初一返鄉下為隆隆豬開丁大喜。不過隆隆豬就係因為受左傷入左醫院返唔到。仲要在醫院過新年tim。希望依個星期尾真係可以返屋企啦。依家隆隆豬隻腳仔都開始用返力啦。睇見都開心。

比起入院第一個星期，依家心情都好左好多啦。雖然都係好擔心好緊張隆隆豬，不過比起都輕鬆左一D。 

Mami好心痛~ 比起任何受傷更痛。哭得很厲害。

只有帶你去睇醫生、在醫院不眠不休地陪住你。冰凍的天氣中來回家中為你準備粥仔。嫲嫲也是如此。Baba、爺爺、婆婆等每日都去醫院看你。

但是每一刻Mami個心都在哭。

面對住醫生更是勞氣，結果昨晚在你面前與醫生大吵大鬧。

很多很多......總之Mami、Baba和每個人都很心痛。

BB豬  I LOVE YOU!! 加油呀，你的新陳代謝很快，骨膠生長也比Mami快好多，好快好返。就算Mami辛苦d都唔緊要ga!! 因為對Mami黎講BB豬先係最重要ga。

係我既問題or你既問題呢

係我發皮氣or你發皮氣呢

係我語氣唔好or你語氣唔好呢

係我or係你?????

依排，你總係借d意黎話我依樣話我果樣?我係咪真係咁唔好呢?

有時我會試試站在你的角度看，但結果竟然不是我所想的。相反.......

到底要點先至做得好呢?