又一個月了... 今日係 2 月最後一日。

生活仍是很忙碌... (算是件好事嗎？) 或許是的﹐每天的生活也很充實。不過整個人也很累...

這個月﹐又去了一趟 Business Trip。又是一次很難忘的 Business Trip﹐很難忘﹐及很難得。最難得是我去 Business Trip 的檔期跟幾地的好朋友一樣﹐我可以同一時間在一個地方跟幾地的朋友 (同事) 會合。雖然工作時間很長﹐但難得可以跟他們一齊上班﹐大家可以互相交流。每天又約在一起吃早餐及晚餐﹐聊天...

或許這個月太忙了﹐有點忽略了家人... Business Trip 回來後整個星期也沒看見媽媽... 之前就算上早班﹐每天也是做到很晚才下班... 這樣忙碌的日子﹐希望再過一個月會好一點吧！

2009年咁快又已經過o左一個月... 真係無諗到時間過得咁快... 或者快樂不知時日過﹐又或者自己真係比較忙... 是的﹐一月的確頗忙！

不過雖然係頗 busy﹐但我都有抽時間去同舊同事食團年飯﹐同好朋友行下年宵﹐去親戚屋企拜年及同而家班好同事食開年飯等等！

其實一踏入 2009年﹐雖然很忙﹐但心情總是不錯...

未來呢段日子﹐都會幾忙的。不過幾忙都好﹐我都會抽時間出來陪下家人﹐及跟好朋友聯誼一番的。

Happy New Year !!!

今年仍是在公司倒數﹐大家叫了 Pizza hut 及 KFC！

其實在公司也 ok ar﹐反正聖誕 24, 25 號都出了街﹐若 31 號放假的話再出街的感覺也是一樣﹐分分鐘可能響屋企睇電視仲要未倒數已上床睡覺... 所以我覺得在公司跟同事一起的感覺也不錯。

回顧 2008 年﹐也是 ok 的一年 (除了有全球性的金融海嘯)！但整體仍是生活得很開心﹐滿足！很感謝家人﹐身邊的好朋友﹐同事！

今日下午去了朗豪坊﹐其實都無諗住買咩﹐但入到間 Izzue 試了幾件衫及裙﹐最後買了一條連身裙﹐原價 $899 減到 $360﹐我用埋朗豪坊 $50 coupon﹐所以最後比 $310﹐好抵！

明天開始返工啦﹐今個 X'mas 真係好 relax﹐放九日假﹐雖然日日都有節目﹐日日都出街﹐但又唔會很累。因為日日都訓 10 至 12 個鐘！好啦﹐收拾心情﹐又要努力工作了！

今日陪媽咪去銅鑼灣 SOGO shopping﹐但佢沒有收穫﹐反而我買了一件乾濕褸及一條頸巾﹐因為半價﹐好抵...

買完野後去了食街邊的小食﹐買完企埋一邊食﹐o的豬腸好好味！

而家好多地方都開始大減價﹐遲o的一月有時間再去 shopping...

Again, 今日同好朋友又出了尖沙咀 shopping﹐不過沒有收穫！

今晚同屋企人去了又一城食 dinner﹐之後又同媽咪出去中環行下！