開心哂！原因得一個！就係...哇哈哈！今天好老闆終於沒有板著面了！

今天得知好老闆遲些要做一個小手術！UM我在他面前起碼說了10次「咁恐怖」！咦！小秘書一生人最驚就是入醫院了，無論那個手術有幾少都好！唔好搞我！仲要只係局部麻醉，咁咪會聽到哂醫生同姑娘既對話囉！咁會好驚架！同好老闆傾了一陣計，問他為何隻手要做手術？！他說因為晚晚回到家中都打機，用得MOUSE多，所以隻手就出現了問題，搞到而家要做手術！我問他：「咁你老婆知唔知係因為打得太多機，所以隻手咁呀？！」佢勁古惑地笑著說：「她當然唔知啦！我只係話佢知工作辛苦，所以咁囉！」哇哈哈！呵呵呵！咁都信？唔係呀FA？！我就話喇：「車！佢晚晚見住你打機，實知啦！」他依依古古惑惑咁傻笑！

今天我拿起了記事簿打了好老闆（當然是開玩笑果種啦），玩完之後，覺得自己好似唔係幾規矩添！（雖然佢冇鬧我，仲繼續同我講笑）哎呀！但好似唔係太好，UM要乖Ｄ先得啦！

「走啦！...小秘書走啦！」好老闆每天都會跟我說，今天也不例外，5:55pm好老闆便叫我快點回家！我快快的回答：「好呀！」平時依依哦哦既我，今天答得特別爽快，好老闆不懂回應，笑說：「仲咩今日應得咁快呀？！」6:30pm仍未離開，好老闆再說：「走啦！快ｄ走啦！」我走到他的房說：「仲咩日日都趕我走喎！你唔要我嗱？！」好老闆答：「唔係趕你走呀！只係夜喇！想你快ｄ番屋企咋！我都不知幾想你等埋我先走呀！咁啦！你今日就等埋我先放工啦！至多我送你去車站喇！」我只是笑沒有回應！秘書姐姐話：「咁妳送番佢去碼頭啦！」好老闆大叫：「好喎！」...haha

今天心情差到極點...與何A食飯第一句就問：「我心情唔好！你可唔可以比我打幾吓？」跟住又打電話比哥哥，鬧了他一大餐（雖然件事係唔關佢事），又打了比連連說：「我唔開心呀！...心情唔好！」...哎呀！好煩呀！好討厭「佳佳」的行為，無聊至極點，三個人一齊去學點用碎紙機！請問你部機係咪「超智能太空科研碎紙機」呀！要咁多個人一齊去學？！＠ＸＹＺ！碎紙機有幾難用呀？洗唔洗學呀？頂！激氣！擺明玩野！尋日又無端端走埋黎問我：「你玩緊電腦呀？！」頂！你想點呀？~＠＃％...！！！！＠＃％ＸＹＺ！！！！

好老闆最近有心情麻麻，成個星期都好沉默，沒有跟我說笑！！希望佢要煩既野快Ｄ解決啦！小秘書會乖Ｄ，忍佢！

今天致電給哥哥...

小妹子：「哥...咦！你冇番工呀？（因為聽到在街上的聲音）你放假咩？」

哥哥：「唔係呀！出咗去開會呀！做咩事呀？」

小妹子：「去咗邊度開會呀？」

哥哥：「金鐘囉！開完喇！」

小妹子：「咁你咪即係放咗工囉！」

哥哥：「係呀！...咁點呢？」

小妹子：「冇嘢呀！其實我冇野搵你架！」

哥哥：「咁你即係打黎玩電話啦！」

小妹子：「唔係呀！...好耐冇打比你啦麻！」

哥哥：「哦！...喂！你第時send SMS比我，SEND去另一個號碼丫...910X...，咦！唔知有冇記錯添！」

小妹子：「咁你打比我啦！我SAVE咗咪得囉！」

....

今天晚上與舊老細聚舊，大家也說說近況，她還著緊地跟我說最近的激氣事！很開心聽她的分享，沒想到她因為要署任一個較高的職位，而想到要去做義工，她的解釋是往後的日子，她知道接觸的人和事都會不同，相信到時她的生活模式也因此而轉變，而她很想保持住一些眼光，幫助貧窮及有需要的人，從而不會忘記她是出生於草根，更要繼續看到現實世界中最真實的一面（還有人活於困苦當中）！

********************************************************

我告訴家姐，今天唔開心，佢問：「點解每樣事都要講你知？」我回答：「因為我係管家囉！所以樣樣事都要知！」她說：「就係因為咁，所以先至唔話你知！！」其實心裡面果句係：因為我緊張好老闆，所以佢既事我乜都想知！

今天心情有種不安的感覺！看著桌上的信封，很想在燈光下一照，但我沒有這樣做，留點私隱給別人，這絶對是應該的，縱然他說甚麼東西也已給看知道，我沒有甚麼是不可看的，但我知道這不是藉口讓自己這樣做吧，唯有...繼續耐心地等待，等到有一天，他自己親口跟我說吧！

與何A經過一場激烈的爭論，累也！已經掛了線兩小時多，但心情仍未平伏，現在有種缺氧的感覺！立場好像已表明，但似乎他未明白！或是他太明白／太了解，而不讓我再逃避下去呢？！欠缺了的空間感，無奈！

星期五何不可以輕輕鬆鬆，簡簡單單的過呢？！

昨晚門訓前收到阿民的電話...謝謝您！

今天下午，好老闆外出中，有個不客氣的外國人致電來，說了一大堆話，表示要找好老闆或其他相關同事盡快給回電，無奈，好老闆的電話熄了！等了一小時多，好老闆沒有致電給我，也沒有回電郵，心情開始沉重，因為實在不知道那個人的來歷，真的有點擔心不知道遲了回覆會有甚麼後果，最後，好老闆的電話終於搭上，我說：「果個咩咩人頭先又打比你喇！佢話我地唔覆佢電話，又話要我地搵人即刻覆佢...佢把聲惡惡地架！」好老闆回來後問我：「頭先佢鬧你呀？」...我靜了！沒有出聲！然後...扁嘴，好老闆就說：「不要理他啦............！」