這個日記..


我不再打了

新日記..
   要知的請問我.

尋晚成晚訓訓下醒左..
原因係因為...手痺囉..

今朝訓醒都幾攰..
眼袋大大.腫腫的..

番工....
沒有RACHEL 的日子很悶呢..
出左下個禮拜更表..
要番成十日工先有得放假呢..唉..

LUNCH同GAVIN 去左燉奶佬食飯..
食完飯就番去喇..
呵呵..GAVIN幫我個PAKPAK買左隻GAME呢..
好啦..聽日等佢考完試就獎佢玩啦..

五點準時收工..
搭巴士落左沙田.去買左本深雪..
然後去幫媽咪買鑊...

結果...原來個鑊係重過個煲架..
又熱又重..唉...

番到屋企..沖涼..食飯..
之後邊睇"蜂蜜幸運草"同"蛋炒飯"
邊整我個新日記..

PAKPAK 呢兩日好比心機溫書..我都唔洗阻到佢..
但係好掛住佢呀.........................

放左兩日假..今日又要番工.
點知一番工又要壞消息..
rachel 又走喇...我真係超憎嗰個女人.

放break 落去食左個腿旦治..
番上去繼續..呢幾日唔知點解無人叫入call.
好開心..聽唔到d人喺咁叫人入call.
但係當然我無偷懶啦..

Mr.cyrus 今日捽3G啦..雖然我都真係好想幫佢..
but.......唉...

lunch同gavin, jeffrey, leo 喺4/f 食飯.
大家一齊講嗰個女人壞話...so good..
無rachel 喺到..番工真係好唔慣啦..唉..

收工前又開始頭痛啦..
我都知係因為喺公司所以頭痛架喇..
快d 收工..快d收工..
六半走得...番屋企...食飯..

食完飯要執野..因為要放pakpak 放比我既野..
首先我要將我d 小說移位..
再將我d VCD同DVD 移位..
終於"吉"番D 櫃出黎喇..

用左一個鐘頭執好晒..但搞到個人好熱呢..
沖個涼整下部NOTEBOOK..
打埋D 日記要訓LU..


今日你話我知你睇完本BOOK 同LETTER..
話好鐘意...哈哈..我用左好多心機架..
不過最緊要喺你鐘意...嘻嘻..

Love u honey

大家尋晚都訓得好好..
一覺訓到今日十一點幾..
起身整好晒d野...
又要check out 喇..
呢間酒店我都係覺得麻麻.
唔知點解都係鐘意永利多d..或者MGM
不過呢間酒店係我黎macau 咁多次.
第一次有景睇下既酒店..仲要住32樓.哈哈.

check out 之後過左去新馬路黃枝記食野..
每次都要黎一次..
一碗雲吞麵一碗水餃麵一個小既炸雲吞..
食飽飽再去多次星際賭場..

玩到五點幾就走lu..
去到碼頭六點..嘩..超級多人呢..
尋日唔記得換定船飛真係蠢左..
搞到我地要搭七點半船...
喺入面等左成個幾鐘..
食下花生睇下電視傾下計好快又過喇..

話咁快番到香港搭巴士番屋企.
番到去沖個涼就食飯喇..
食完飯睇左套命中注定我愛你.
睇完pakpak要我訓覺喇....
咁我好乖咁去訓覺囉~~

-------------------------------------------------------
話咁快就一年喇..
一年雖然唔係發生左好多事.
但係最重要有你喺我身邊..
日日都過得開心快樂..

或許有時我情緒化發作
或許有時我唔乖..
都仍然有你氹下我...錫番我..

thanks so much..my honey..
thanks your present
thanks your card
thanks your love

一週年紀念快樂~


尋晚特登早d番黎..
趕及十二點送份禮物比你..

點知番黎你訓左覺..
不過我去沖完個涼出黎.
你已經起左身睇緊波lu

陪你睇波時.你話買左份禮物送比我..
呵呵..入房開燈就見到啦..

集齊一套換獎品.?哈哈.好呀~~
要番去執好個櫃放好佢..


之後睇睇下波你喺到諗我送咩比你..
手整嗰份你估唔到.呵呵..
買嗰份你都估唔到..呵呵呵呵..

你拎出黎拆啦~件衫都好彩岩著..又你又鐘意咋..
至於本book.你話要遲d慢慢睇喎..

陪你睇完波之後又話叫我休息陣..
點知又係唔叫我起身既..=.=

--------------------------------------------------

今朝訓醒十點幾..
起身整好晒d野..你都起身喇..
點知因為等auntie 整個糭搞到遲左出門口.
去到碼頭又勁趕..所以拎左點半船飛出發..
買完薯片..喺個閘口等左半個鐘...上船

架turbo jet 變左slow jet 成個半鐘先到...
落船就搭車去左星際啦..
佢話我地係VIP 所以要去拎一邊做登記.
點知話未有房囉..要我一個鐘頭後再黎囉..激死..

放低d袋就去左福隆新街買翅食..
超多人囉..等左大半個鐘..
中途pakpak 仲去左鉅記買左個新鮮出爐既葡撻食..
買完翅之後就搭的士番酒店..

番到去即刻食左兩碗翅..休息一陣..
就落左去賭場兜個圈..
八點鐘出發去我地既目的地..

漁人碼頭..去食我地最愛既意大利菜.
一年前黎食..味道仍然記得.
一年後黎..d waiter 唔同左..
但係仍然係好好味....
一個蘑菇湯...一個焗薯茸.
一個七成熟既肉眼扒.
一個火腿絲蛋麵

所有野好似好普通..但係真係好好味
仲有好似平左添呀....
我地仲有一個希望..
只係希望下次我地再黎既時候.
呢間餐廳仍然繼續營業

食完之後我地行左去金沙搭巴士去威尼斯.
玩到兩點幾搭的士番酒店..

沖個涼..睇場波..
之後就訓覺lu~~

尋晚睇完集last friend..
ruka 好勇呢...
唔知點解次次睇完last friend 都有d唔開心既感覺..

今朝黑雨呢...
但係我都係要番工的...
去到沙田買早餐搭的士番工..
marcus 落黎接我...

番上去..今日好爆call呢..
不停入不停入....

lunch同gavin出左去m記食野..
食完幫marcus 買飯..
都話要入去問佢架啦..
又唔信我..哼..

收工同rachel走...
去左沙田買野...
去完citysuper..上左i.t.
過左去"一田"..
買完要買既野就又過番去citysuper..

搞掂晒...搭車去左旺角新世紀.
買埋最後一樣野..
落左去食碗仔翅..呵呵..好耐無食過..正..

食完就過去旺中neway 搵alan佢地..
今晚要同alan 補祝生日呢...

不過唔好意思啦..
因為聽日係個大日子..所以要早走啦..

搭車番去lu~

唔知佢收到會點呢..

今朝一早PAKPAK已經喺到整電話喇..
我今日番1030..所以早左起身..
仲可以落街買早餐番去同PAK一齊食..
佢終於整好個電話LU..哈哈..

今日一路搭車一路玩..
又落好大雨喇..
番到去連平時坐開個位都無左..
今日都幾爆CALL..不過無所謂啦..

LUNCH落左4/F食...原本同GAVIN食既..
但係越坐越多人...連MARCUS 落到黎都無位..
咁我就起身同佢食啦..
食完傾左陣就番上去..又繼續努力喇..

五點鐘PAK番到黎就最開心..因為D時間開始過得好快..
話咁快就收工...媽咪今晚又無煮飯..
所以等埋PAK 一齊食飯...同玩電話..

同PAK, JACKY, DOVE同KAREN 出左河畔食飯..
食完飯搭的士上火車站再番屋企./.

開始想轉個第二個日記喇..

今日番八點..所以一早起身啦..
落左去M記買早餐食..呵呵...魚柳包餐..
食完又繼續聽CALL..唔知點解咁多CALL既.

放BREAK 既時候...轉番埋位..
LUNCH同RACHEL 去左訓覺..
訓醒..遲左一分鐘..嗰個矮仔又煩..真係好煩..

收工既係走..去左旺角等PAK..
然後去左WILSON換機..
整左個幾鐘..衝住去搭車番公司.

因為今晚TEAM GATHERING 呢..
好彩阿民可以車我地咋..唔該晒佢..

我同PAK, 簡同KENNY 走先..
點知道喺布袋澳等左一個鐘先人齊囉...
呵呵.....海鮮依然好味..
食到十點左右就走喇..
CYRUS 先車D同事落將軍澳..
然後再番轉頭車我, PAK, 同KAWAI 出去..

番到屋企..沖個涼..睇左陣日劇..SLEEP LU..