3日前"我地"分左手..."我地"呢個形容詞係最後一次用....佢做既野我覺得係女仔既底線 , 有邊個可以容忍到?一個我相信既人估唔到會咁做 , 我聽到既時候成個人呆哂....咩都諗唔到...你有幾中意我 , 我心裡有數 , 如果你發生件事之前有諗起過我 , 件事唔會發生...

你問我有冇嬲你 , 換轉係你 , 你會唔會?

就算係嬲都係嬲我自己多d~嬲自己仲去挽留段感情 , 嬲自己就你 , 嬲自己對你好 , 嬲自己仲幫你搵藉口 ,嬲自己為你喊...... 每日搭車番工喊 , 一路行一路喊.... 同同事講緊野又喊... 喊喊喊! 唔准喊呀!你喊緊既時候 , 人地可能sweet緊...唔准再喊呀!!! 冇人會理你ga!!

以家...要問自己..仲值唔值得....?

生日前先分手.....你好憎我呀?點解要咁對我?我做錯d咩呀??

生日落左bar慶祝 ,一個唔開心既生日party.....今年生日係最唔開心....慶祝生日定慶祝失戀 ? 真係好好笑....間bar送左支香檳同一set酒 , 特別鳴謝 :小學同學--(志偉 , 坡坡) , 表妹 , 中學同學--(神婆) , 舊同事--(阿婷) , 阿婷男朋友 , 新公司阿頭--(阿華)。  你話會黎 , 到最後都冇黎 , 仲玩失蹤...之後一個電話都冇....可能你同佢sweet緊......      好心淡

一句 "我地" ...好似提醒左我...我係自己一個人....已經係"我" 還"我" , "你地" 還"你地" .....個傷口更加痛...

開心 , 快樂好似係我自己既字典裡面消失左...咩係開心?咩係快樂?有冇人話比我知呀?笑就係開心 , 快樂?我可以話比自己聽一定唔係........笑還有意思嗎?

唔開心係自己 , 喊係自己 , 人地可能sweet緊 , 唔會再理你 , 關心你 , 唯有自己撐落去.....

要去放低 , 唔係講咁容易.....你最厲害係話放低就放低..一d唔捨得都冇......不如你教下我點做丫.......

記得有一首歌既歌詞"如果哀傷都也可伴隨眼淚點點滴去  我抱著頭肆意失聲痛哭  難道有罪"如果喊可以忘記發生既事 , 我都會選擇肆意失聲痛哭 , 忘記睇戲 , 食糖水 , 公園 , 沙田 , 屋企樓下 ......

發生件事後兩日都冇咩食過野 , 胃開始痛 ,  琴日飲左酒 , 今日更加痛....

**表妹知我想收花佢就送左比我 , 仲要係粉紅玫瑰~~thx so much!

祝"你地"開心快樂!

今日約左yoho d同事食lunch , 好懷念個時係yoho既工作生活呀~雖然辛苦 , 不過好開心~ ^.

dinner去食泰國野~諗起"出走公主"都sad sad地 ....

終於比左盒喉糖佢勒~食完之後 , 佢約左朋友 , 各有各走....一個人偽市中心行...我都唔跳自己行去邊 , 有路就行 , d雨愈落愈大 , 我番到屋企已經由頭濕到落腳...連襪都濕埋....d頭髮仲滴緊水.....比d人勁望......= ="好慘呀.....

對佢真係好失望

已經有3個人覺得我同佢唔似拍拖...

食飯既時候不斷講電話 , 我真係唔係佢有幾中意我.....連我自己都唔知~我都好嬲自己 , 同佢一齊為左d咩?開心咩?我自己都唔知....

*可能我多疑la~我聽到佢講其中一個電話d語氣好怪...我開始懷疑.........

今日同媽咪 , 表姨 , 表妹食飯 , 之後去左姨媽屋企 , 幫手整表哥結婚既回禮禮物 , 然後再搵jackie佢地 , 我地4個人落左bar , 我同阿婷傾左好耐 , 大家都係因為感情上既事 , 最特別既係我同佢都係同一日開始拍拖......我同佢已經相約一齊睇<<大丈夫 2>> , 佢仲話帶我去九龍城D" 泰bar "玩 ,  咁我使唔使識講泰文ga??仲話個度D泰仔好似韓國人.....我都想去睇下~ "

唔知點解好想快D到表哥結婚既大日子呀~可能想快D見到佢地好幸福快樂既樣 , 或者係想可以一大班人一齊玩(可能悶得太耐= ="哈哈) , 又或者想識法國仔 , 想知佢咩樣...

誰知她開了口　未能挨下去　已恨我很久
錯失太易　愛得太遲　我怎想到　她忍不到那日子
盲目地發奮　忙忙忙從來未知
幸福會掠過　再也沒法說鍾意
愛一個字　也需要及時　只差一秒　心聲都已變歷史
為何未放肆　見我愛見的相知
要抱要吻要怎麼也好　不要相信一切有下次

to you : 求你要開心　要珍惜健康  盼你別要逼你自己忙

to myself : looked some...

冥王星(Pluto)

剛剛睇新聞話冥王星被剔出太陽系....唔開心囉~好地地做咩剔出太陽系wo???可能我由細細個都被sailormoon荼毒la~冇la la唔見左Pluto....有d唔係咁慣....又或者學香港天文協會既某某講....對Pluto有感情la~

加上新聞話其中原因包括 , 搵到d比佢更大既行星.....咁好似唔係咁公平囉~冥王星一直都係咁大ga la~咁如果搵到一粒大過地球....地球又要被剔出太陽系?唔公平!!!

好想睇......之前又話同我睇....= ="

我地愈來愈少聯絡.....點解呢?

我決定下個月7號去訂Pink box個隻介指,一個月後...10月7日我就可以有一份自己 好中意 既 生日禮物 勒....哈哈~好野!!不過比人寸.... " 你自己買比自己呀? "........唔係點姐....一係你買比我囉....= ="

剛剛表妹同我玩左一個 心理測試 , 準呀!! 我知點做勒~

琴日睇<<出走公主>>大結局....3am~5am , 4:20am開始喊.........5:00am睇完入到房再喊......唔明點解兩個人明明相愛,到最後因為身份唔同已分開....公主仲要將自己最愛既阿若男處死....喊得最勁個part係阿若男同公主講 : "人死左之不過係好似訓左咁 , 有一日我地始終會再見...." ; 公主同阿若男講 : " 我永遠都會係你個夢裡面陪住你..... " 睇完個心好痛......不斷喊喊喊.....入到房好一陣子先平靜到個情緒.....以家諗番起都想喊.....個心仲痛痛地....>.<"

琴日我地去左食飯睇戲....睇<狗咬狗>8pm~10pm (陳冠希勁型),好恐怖呀(不過都係一部好片!!)......勁血腥!! 到最後都係悲劇收場...心情低落......之後我自己搭車番屋企 , 之後收到個sms叫我小心D,唔好訓過站....不過我都係遲左一個站先落車...心情唔係咁好 , 唔想番屋企住 , 落到車後一個人向番屋企既反方向行....係市中心行左一個圈...之後再一個人去左食糖水....番到屋企打左2次比佢冇人聽.....原來落左黎飲野.....呆哂= ="

*究竟係咪我有問題?定係我要求過份?難道我真係排到最後?

今日佢冇去教空手道...黎左搵我食飯...冇見一排...黑左好多........變左一舊炭...= =

今日上網見到pink box有隻介指好靚~~~勁鍾意.....2千幾蚊~好想買呀~~~如果同媽咪講當生日禮物得唔得呢~~哈哈哈.....

*個傻佬真係唔記得今日係我地第一個月wo....= ="