呢幾日真係好多野做，雖然可以話大部分時間都o係度玩 但係都真係好忙，哈哈！

不過我都想自己繼續忙落去，因為我唔想自己又變成自閉，依家岩岩先可以話脫離左小小之前自閉o既生活咋！同返大家一齊癲真係好happy架！不過今日同阿媽飲茶，唔知點解無啦啦講起前幾年佢同我講過o既一番肺腑之言，「你依家就成日話同d好姊妹唔會變，到左大個左你就會知道咁係冇可能o既事架喇！因為人每個階段都會有唔同架朋友。」當時我同佢講，我地會係例外。但到左今日，我又不得不講一句…阿媽真係阿媽。不過我好希望變還變，唔好變到完全冇contact囉！如果唔係我會覺得好可惜…

今日部電視機因為冷氣滴水而「燒」左…唉！好灰，冇得睇最大部o既電視喇！之後夜晚一口氣睇左屯門市中心至新墟一帶的租盤…返到黎部電視都係冇起色。(本以為d水乾左會開得返-.-")

波豬隻白色老虎狗終於拎左啦！聽講好得意，豬仔以後有狗陪佢反喇！呵呵～

Mi雖然拎唔到影后，但我相信佢好快會再被封后，所以唔擔心。睇到佢連頒獎禮都冇去，感覺到佢自己都好放得開，好似一早知唔會有得拎咁。咁我就放心喇！

恨 歲月背叛 往事都變成了 災難 遺憾…

近排要開始搵屋了，唔係到時就訓街都似。我理想地點係屯門或元朗，最好要交通方便！

仲有一個星期就中秋了，即係話…我都就黎生日了。呵呵～

今日聽左「長恨歌」呀！真係好有味道o既一首歌，mi用低深o既聲音演繹出一首同電影好夾好有feel o既歌，正！

今晚12:30威尼斯o個邊就頒獎喇！好緊張，唔知mi可唔可以打低李英愛拎個影后返黎呢！不過今日d報導好正面，唔會好似尋日咁！仲有份報導話首映d觀眾起身拍手拍左10分鐘，有人話「長恨歌」好睇過「花樣年華」，又有人話「長」好感動。我睇到都好開心呀！

今日係波波的生日，尋晚成班走左去唱k，唱左成四千幾蚊呀！死人阿仇又貓左，搞到我今日起身成身肌肉酸痛，因此佢同我打交咁又咬我，死一死八公，次次都係咁，不過好開心o既係尋日見返好多朋友囉！我仲係12點第一個同波波豬講生日快樂o既人tim！呵呵～

今日看到新聞…感覺好唔好受，我諗MI的壓力一定好大，因為連我一個小小粉絲仔都感覺到MI的壓力。但我覺得一套戲好唔好唔係著重於口音正唔正，我唔明D人點解要咁話MI，點解要將人地o既努力踩o係腳底下。不過算喇！反正意大利人應該都唔會識聽國語，而且呼聲高唔高應該唔會影響當地評審o既專業！MI加油呀～

MI著起佢套黃色戰衣真係索到…

俊男與美女

唔知點解我隻mero今日先正式啟用到個RSS…所以佢一直都冇長大過。唉…

尋日成日去左搵工，幾乎都冇online咁滯，但係都搵唔到份岩o既，今日再接再厲，不過就唔係出街搵，係上網搵下勞工處。睇黎我都係時候結束我o既雙失身涯重新振作喇！

哇!岩岩東張西望有好Cute o既mi呀！仲好鬼靚女tim呀！係講佢o係機場正要出發去威尼斯o既新聞真係好可愛架！佢仲話早知有咁多人黎(傳媒同Fans)佢就畫靚d條眉咁話～哈哈！佢仲話佢去威尼斯件「戰衣」係佢自己揀架！黃色的～但當問到安仔同韓紅o既野，佢就話「你地都識笑啦！」咁姐係唔駛信d雜誌講野。之後佢就叫大家講返電影喇！好開心呀today，有mi新聞~