今個星期我番左兩日學：

Ｄａｙ　１

明明由屋企到菲臘牙科醫院（以下簡稱ＰＰＤＨ）只需頂盡一個鐘，我已經預早兩個字出門口，去到恆生總行一切都算順利，但係我等巴士上ＰＰＤＨ竟然等左三個字！！！！果度其實架架巴士都上到去，偏偏ｏ向果三個字入面一架ｏ岩ｇｅ車都冇！世事就係咁古怪～

落車站又同上一次去果陣有分別，問左幾個人先去到ＰＰＤＨ，當時已經０９５５，仲有五分鐘就開始ｏｒｉｅｎｔａｔｉｏｎ，冇理由第一日番學就遲到俾人點相咁樣衰架！咁就急步去搵ｌｅｃｔｕｒｅ　ｔｈｅａｔｒｅ　ＩＩ　嘞。張紙寫Ｇ／Ｆ，咁我咪由一樓行後樓梯落去ｌｏｒ，點知原來去到係停車場！係入唔番去ｇｅ！好彩遇到個牙醫姐姐，先知要經過一個用密碼ｇｅ門通番入去，而其實正確應該由一樓行入面ｇｅ樓梯落去．．．

去到ｏ岩ｏ岩開始，見到我ｇｅ同學仔～今年計埋我只收八個人，同學都好ｆｒｉｅｎｄｌｙ的，還帶點搞笑～好快我地八個就共同進退喇～

ｌｅｃｔｕｒｅｒｓ都係非常ｎｉｃｅ　ｇｅ，我地仲有一間房，可以ｏ向入面上網用電腦食野吹水．．．每人獲配給一個ｐｉｇｅｏｎ－ｈｏｌｅ同ｌｏｃｋｅｒ

嘗試左ＰＰＤＨ　ｇｅ　ｃａｎｔｅｅｎ，奶茶好味，其他麻麻，ｄｅｎｔｉｓｔｒｙ冇靚仔，還有點ｄｕｄｅ

要ｏ向ＰＰＤＨ見ｃｌｉｅｎｔ係必需一張證ｇｅ，迫住你要影相，咁又收＄４０

下午ｇｅ　ｌｉｂｒａｒｙ　ｗｏｒｋｓｈｏｐ好悶，但係偏偏ｏｖｅｒｒｕｎ，吹了一個脹～

Ｄａｙ　２

晨早０９００就碌番去上ｐｌａｇｉａｒｉｓｍ　ｇｅ　ｗｏｒｋｓｈｏｐ，其實ｄａｙ　１已經有同學提出不如走左去～但係作為新同學，冇理由咁衰架～悶到訓著咁滯，提出走堂ｇｅ同學有備而來，人地有人地講，佢有佢睇Ｔｉｍｅ～

再去ｈｅａｒｉｎｇ　ｃｅｎｔｒｅ上ｐｒａｃｔｉｃａｌ，初次接觸並學習儀器ｇｅ運用，ｌｅｃｔｕｒｅｒ話儀器（細件果ｄ）可以借走，叫我地搵親朋戚友多練習睇耳仔，大家要準備好了～～～ｉ’ｍ　ｃｏｍｉｎｇ！

午餐去附近餐廳食，食物ｏｋ，但太多ｋｉｎｇ屎仔，同埋聽佢地講檸茶有水喉水味，鴛鴦似廿四味，華田變ｈｏｒｌｉｃｋ，奶茶最ｏｋ，但都唔好飲。結論：下次試第二間

食飽飯我地去左港大攞學生證，有人想順便影＄４０兩打ｇｅ證件相，一行人浩浩蕩蕩踩場，好熱；回程時因為就遲到所以行得好急，更熱，仲遲到１０分鐘～怨聲載道～～～

下午上問題為本課程（以一個問題出發，列出可能衍生ｇｅ問題／學習點，再由學生自行搵參考學習，再討論），用英文ｄｉｓｃｕｓｓ左三個鐘（充實地），四點完左後因為星期一要ｐｒｅｓｅｎｔ，所以各人不敢鬆懈，到圖書館摷料同討論，影埋印走ｇｅ時候已經接近七點（仲做到爭Ｄ唔記得約左人食飯）～～我日後加埋實習應該都冇一日會得閒～～～ＯＨ　ＭＹ　ＧＯＤ～！超ｃｈｕｒ呀～～～～！！

Ｄａｙ　３　－　打針記

今日０９００去港大打預防疫苗，點知搞完一輪發現因為上年十一月仆街果陣打過破傷風，要出年先可以再打，仲要而家打唔駛錢，出年打要收＄３０，我仲見到珍納（ｂｕｔ佢見我唔到），再一次運吉～

番學真係好開心架！尤其係老餅如我仲可以ｄｏｏｄ八達通果陣聽到半價ｇｅ聲音～！

好緊張呀！唔知ｄ同學係點ｇｅ呢？

人ｌａｓｔ　ｄａｙ我ｌａｓｔ　ｄａｙ，邊有人ｌａｓｔ　ｄａｙ要ｏｔ　架！？！！？

就係因為接替者ｇｅ不負責任，搞到我要做到１９：１０！！足足蝕左４０分鐘呀！！！

心急放工之餘又擔心會交帶漏野，緊張到肚痛；最近都有呢個情況，一心急緊張就會肚痛，要馬上ｒｅｌａｘ　（攤）先會ｏ向幾個鐘後有改善～

無啦啦得個咁ｇｅ怪病，人老左真係麻煩～～

下星期二我就做番學生喇！！！　＝）））

有一隻甘肅黎ｇｅ土撥鼠寄居於我教室，呢隻土撥鼠懶到非常，成日ｏ向度扮忙，令整個教室ｇｅ氣氛同士氣都勁差

今朝教室好多野做，但係土撥鼠仲當冇件事ｏ向度ｃｈｅｃｋ　ｅｍａｉｌ，係人都知ｏ向教室唔可以做公司野架啦～不過由於佢係土撥鼠，唔係人，所以冇得怪佢，唯有我自己慶一大餐，然後雞左佢一野，就算了～反正在位的人不管，我管來幹嘛～？

連公司個會計都覺得佢騎呢，我覺得好好笑～

不過都唔夠佢對棗紅色懶佬鞋襯白色短襪仔襯吊腳褲再襯一個土撥鼠樣咁好笑～！！！！

由下星期二開始計，我仲有四日半就正式離開公司，仲有四日就正式離開教室喇～

呢段時間，我由得到ｏｆｆｅｒ好開心，到開始諗下ｄ學生同家長唔知點算而有ｄ憂慮，到諗埋我ｄ好助教唔知以後會唔會投靠到主好人家，到不斷耳聞公司高層ｇｅ是非，到屢次目睹自己ｇｅ上司點樣不負責任，到近三個禮拜果兩舊大垃圾ｏ向教室度阻頭阻勢，我好想即刻離開，但又擔心離開左之後唔知教室會變成點、同事會變成點、學生會變成點．．．

似乎成件事唔係我一個人ｇｅ偏見，連ｏ岩ｏ岩中七畢業冇耐ｇｅ同事都覺得果兩隻野好鬼廢，仲有其中一隻係死懶鬼，但係又成日ｏ向你面前扮忙，雖然手法低裝到俾人睇穿晒，但係亦證明上司冇經大腦就揀呢兩個人黎係絕對有問題ｇｅ；明知我教室絕大部份人都講英文，你搵兩個連同學生講句英文都淆ｇｅ人黎，即係點先；係咪我ｄ學生唔係學生，係咪上司ｇｅ工作只係搵兩舊垃圾黎叫頂住間教室等ｄ學生繼續有堂上先，良心可以過意得去ｇｅ咩？自己跟都唔跟下ｗｏｒ，要放假ｗｏｒ！唔係搞教育ｇｅ咩？所有野都只係得個講字～唔怪得平時要嘥咁多時間講咩ｋ．ｗａｙ同ｋ．ｖｉｓｉｏｎ同ｋ．ｍｉｓｓｉｏｎ啦，講丫嘛，佢ｇｅ工係就係齋講ｌｏｒ！真正落手去做果ｄ原來一直都係唔重要ｇｅ！咁唔怪得我一直都ｕｎｄｅｒｐａｉｄ啦！

公司衰我一直都知，但係最近又發生果ｄ類似何超痕同我講果番”太ｇｒｅｅｎ言論”ｇｅ事情，不過唔係發生ｏ向我身上，而係ｏ向我地條ｔｅａｍ新升上去ｇｅ　ｓｕｂ－ｔｅａｍ　ｌｅａｄｅｒ身上：佢為教室助教爭取均等薪酬，換黎ｇｅ係公司高層同佢講，升左上呢個位就唔可以同下面ｄ人一般見識，佢並唔係下屬同公司溝通ｇｅ橋樑，仲要為老闆同公司著想，要衡量下究竟ｏ向呢件事入面應該企咩立場。嘩！呢ｄ說話人講ｇｅ咩？！點解ｄ人硬係要咁愚昧，將自己個冇野ｇｅ肚皮拿高俾人睇晒ｇｅ　ｊｅｋ？！即使呢ｄ係事實，都冇必要咁樣講出口ｊｅ，唔理會咪得ｌｏｒ！每次離職，都令我徹底睇清楚ｄ人有幾無知有幾愚昧，點解呢～？呢個世界有腦ｇｅ人其實係咪佔大多數ｇｅ呢？

ｃｅｃｉ講得ｏ岩，自從公司換左ｈｒ班子之後就不斷有人走，就算新人都留唔過兩年，公司從來冇檢討自己有冇出問題，責任亦唔係全落在ｈｒ身上，因為講到尾縱容呢ｄ事情發生ｇｅ人只得一個，果個人到而家都唔清醒，仲一貫日本大男人作風做落去，公司只會吊鹽水，然後ｃｅｒｔｉｆｙ，當然呢ｄ其實都唔關我事，我係擔心ｃｅｃｉ　ｊｅ，佢去得邊丫～

下星期五我就食ｆａｒｅｗｅｌｌ　ｌｕｎｃｈ同ｄｉｎｎｅｒ喇，再星期三就食ｆａｒｅｗｅｌｌ　ｂｕｆｆｅｔ，我就即管放長雙眼睇佢地點衰，我只係替我ｄ學生感到可憐ｊｅ，不過都唔緊要丫，佢地覺得果兩舊垃圾連攞去回收都費事ｇｅ時候，就自然會ｑｕｉｔ架啦～我會打去問候大家ｇｅ～

今晚睇睇下《唔似貓唔似狗》果陣發生左令我感到非常意外ｇｅ事

話說手機響啦，唔知乜水，照聽左啦，原來係以前一個新昌ｇｅ莊員打黎（而我從來冇出席過莊聚，上莊期間亦冇同呢條友講過野，佢ｇｅ事跡我都係聽陳佩旗講ｇｅ　ｊｅｋ），佢問我記唔記得佢係邊個，我話記得啦，佢話：下？！你竟然記得？！

咁啦．．．

所謂無事不登三寶殿，野都唔講多句ｇｅ人無啦啦搵你一定冇好帶挈啦～

佢話佢本身讀ＩＳ　ｇｅ（唔係ｉｎｔｅｇｒａｔｅｄ　ｓｃｉｅｎｃｅ，係ｉｎｆｏｒｍａｔｉｏｎ　ｓｙｓｔｅｍ），咁但係最近轉行做ｆｉｎａｎｃｉａｌ　ｐｌａｎｎｅｒ（拿ｏ向呢個位我開始想收佢線喇！）咁佢就話今次打黎其實都有ｄ唐突（無錯！唔止有ｄ！），亦都係平常心架喇，因為佢知我都出黎做左兩年幾野，都一定有ｄ　ｆｉｎａｎｃｉａｌ　ｐｌａｎｓ係ｊｏｉｎ左ｇｅ，但係佢都可以幫我睇下我仲有冇其他需要（有呀！需要錢！）同埋睇下而家有冇ｄ　ｐｌａｎ係我唔需要ｇｅ～咁跟住就想約我出黎啦，但係一知我ｏ向東涌做野佢就開始驚惶啦～之後仲唔心息話要約我ｏ向美孚食飯，當聚舊ｗｏｒ～多麼的冠冕堂皇！！！！！總之我猛話我唔知自己ｓｃｈｅｄｕｌｅ，咁佢都冇符，之後就收左線ｌｕ～～

各位，你地冇得撈都唔好撈呢ｄ呀！尊嚴何在？！！！咁搲爛塊面ｇｅ事都做得出ｇｅ咩？！

媽咪之前參加果個情緒復康課程今日搞左個大旅行，邀請一位家屬出席，好明顯我係不能倖免ｇｅ～原先叫埋蘇生去，但係因為佢屋企有急事，所以最後都到唔到喇～～

大家首先去到一個叫新生農場ｇｅ地方，去果度睇ｄ有機耕種同埋蝴蝶標本，本來都冇乜野（冇乜野到有ｄ悶），但係果度ｄ蚊多到嚇死人！我同一個小弟弟慘變蚊飯，養活佢地祖宗十八代！我對腳總共中左十幾粒！！！！不斷靠同行隊友ｇｅ雙飛人先止到痕～～法國好野！！～ＸＤ

睇完ｄ瓜瓜菜菜之後，我地去左整有機盆栽，用個空樽底做花盆，ｏ向上面貼雙面膠紙，再綑ｄ麻繩上去，之後就種左棵ｂａｓｉｌ上去　（即係羅勒，又或者叫金不換，泰國菜好興用黎炒野果ｄ呢～）

我同四姨種好之後等媽咪期間，同枱有名男子無啦啦同我搭訕：丫～呢度好多蚊ｗｏｒ～

我話：係呀～

佢話：可能係皮膚白ｄ所以咬你呀．．．你又係參加我地呢個課程架？

我話：＠＠　唔係～我同我媽咪黎ｊｅ～

佢話：哦～你點稱呼呀？

我話：．．．我姓張ｇｅ，叫ｍｅｎｚｉｅ

佢話：哦～ｍｅｎｚｉｅ．．．我叫ｃｙ呀！

～完～

我四姨一路ｏ向隔離賤賤格格咁笑，原來佢話果名男子一路眼碌碌望住我好耐架喇！！　ＯＭＧ～～～～～！！！天生麗質真係麻煩～～～ＸＤＤＤＤＤＤＤＤＤ

之後坐車去左錦繡花園度食ｌｕｎｃｈ，都好豐富ｗｏｒ！仲幾好味添～

跟住就去左南生圍，生左個大運，都唔知做乜，果班人話要聽下樹ｇｅ心跳聲ｗｏｒ．．．真係ｓｈｏｒｔ得好勻循～

最有意義就係去左敬耀農場食山水豆腐花～～超好味～同場加映巨型塘虱～ａｌｉｅｎ呀～～～！！！

總結：好熱，好攰，好痕

激死～

原先特登請左半日假去ｈｋｕ辦理註冊手續，而家冇得去啦！仲冇得同ｚｏｅ食ｄｅｌｉｆｒａｎｃｅ添呀！

搞到我要教媽咪聽日去幫我整，仲慘過自己去．．．