自從搬左入元朗後, 放工返屋企既方法就係搭k巴再轉搭一個站輕鐵...呢個係最方便同最平既方法(因為轉乖輕鐵唔駛$$)...

但輕鐵冇閘既設計, 令我好幾次唔記得do八達通(當然真係冇心啦!!!)...每次都好慶幸冇俾人查飛...

輕鐵查飛有兩種: 一種係d職員係月台等車到達d人落車時向落車既人查飛...另一種係d職員上埋車向每一個乘客飛...

今日因為追車既關係, 我又唔記得do八達通就上左車...等車關左門, 我先記起...心諗, 唔會咁o岩下個站有人查飛掛...點知到下一個站, 亦即係我應該落車既站時, 真係見到人職員企左係度.....於是我就由原本企係門邊準備落車, 走到去車內最後既位置, 唔敢出車....心諗....死囉! 千祈唔好入黎查呀!!! 最後好彩d職員冇入到黎, 而我亦冇出到車, 搭多個站再過對面線do番八達通搭返轉頭...

今次真係好險! 而我再一次覺得輕鐵冇閘既設計好唔掂...因為我真係唔係有心搭霸王車架(因為我do左都唔會扣$$嘛!!)

好耐冇update了....忙..又唔係忙....只係....懶!

呢個月學校有好多野搞....又去太空館, 藝術博物館, 之後又去camp....d學生就好啦, 唔駛上堂....

今日去完camp返黎lu....感覺上冇咩好玩, 連最期待既睇珊瑚都好失望....所謂玻璃船....只係一隻快艇+玻璃底既膠筒....快艇載我地去一達清水既地方, 之後每人一個膠筒, 膠筒原本個底cut左, 加左塊玻璃, 之後將個膠筒放係海上面, 個人就望落個膠筒裡面, 咁就好清楚見到個海底, 之後就自己搵珊瑚喇...........真係O晒咀...

近排唔知點解心情唔好, 唔想出聲, 唔想同人講野…見住男友, 仲出現左一個“究竟我係唔係鍾意佢”既疑問…死啦….我係唔係婚前恐懼??

上星期周杰倫演唱會優先訂票錯失左...今日朋友同我講已經開始公開售票, 仲幫我網上訂左添!

其實我唔鍾意周杰倫, 亦好難聽得明佢唱咩,  只係男友想睇, 就當俾個surprise佢...

最近流行玩facebook, 我亦開始左個幾月, 愈玩愈上癮...亦係facebook度搵番好多年冇見既舊同學/同事....

你地有冇玩? 有既就add我啦~

仲有唔夠四個月就係我既大日子了...開始通知我d朋友...但2月14日呢個日子, 真係係人眼中咁"玩野"嗎?

"2月14日? 玩野咩? 點黎呀?" 當我同d朋友講我婚期既時候, 好多時既反應就係呢個...特別係男性朋友!

2月14日真係一個錯既日子? 係佢地重視佢既另一半丫, 定係我同佢地之間既友誼唔係好重呢? 當然我唔會怪佢地...

只係我覺得有點down....

一對男女, 原本係好好朋友, 卻因為一方對另一方既感覺昇華了, 但得唔到另一方既愛, 結果倆人變成陌路人...

呢種感覺, 好討厭!

近排好少上黎寫野, 因為都唔知寫咩好...每日都過得好平淡, 平淡到連shopping, 約朋友既時間都冇....

每個星期有三日要返學, 放學有時仲要返屋企煮飯(見到bf咁博做part time, 唔通唔為佢煮飯咩!), 想行下街, 又或者約下朋友既時間都冇...

仲有四個月就結婚喇...前排send email俾d舊同事(係上上果份, 都有四年前), 通知我結婚喇...點知...send左十幾個, 得兩個有reply俾我....其他果d真係咋唔知? 唉...有時真係唔想請d唔係咁熟既舊同事...但又諗...如果請呢個唔請果個會唔會唔係咁好? 好怕一係唔搵人, 一搵就請人飲....因為我都試過好多次咁樣俾人對待....

遲d要硬著頭皮去打電話喇....