今日番工激死我喇! ! !
無啦啦俾人鬧0左一餐,但事後先知自己冇做錯過! !
事關我地中心個物理治療師,佢番半職.
有時0的小朋友覆診關佢事,佢有野要醫生做就會自己打信.
而我地護理組每逢咩野覆診/睇醫生等,一定有信俾醫生.
尋日,有個小朋友睇完骨科.今朝個物理治療師番工睇番封醫生既回覆信.佢即走入0黎問我,你做咩野係封信度咁寫?點解我唔件事?
我只系寫0左個小朋友腳眼間中有微紅腫,叫醫生檢查下,因為唔知關唔關佢行路步姿問題定系佢夜晚用既腳托問題!(之後小朋友mum口講話醫生講0左唔駛著腳托,不過冇寫入信)
但lee件事有紅腫既事,我有寫入交更薄,而佢每次番工都一定拿0黎睇番.
今日佢話唔知lee件事,又話事後都冇人再寫過再發生.(我話我寫信前有問題知道lee件事既老師,佢都話間中都仲有0的紅.不過大家都唔知點解遮)所以個物理治療師話唔一定系我諗既原因,依家停埋個腳托,問番我點喎! !
仲叫我以後寫完0的骨科信要俾佢睇添...
我當時幾想cry.因為我唔知自己點解錯?而我覺得自己冇錯,佢話我錯.咁佢系治療師,我冇得駁咀,只系聽囉.
到下午,我上司招晒我地護理組.原來就系講lee件事,佢唔知我俾人話.不過應該個物理治療師叫佢同我地講每次寫信時同佢夾番.之後我上司反駁個治療師所有野.因為我地兩邊寫野信都唔同.我地有責任寫小朋友既健康.而且個治療師話0左自己睇溜0左腳眼既事.而且今次停腳托既事,佢話醫生唔會因為一句說話而即刻停囉!

就系因為lee 件事,我問埋我上次都有俾個治療師話過有野唔0岩.上次就系個治療師話個小朋友做完手術後拉筋好似痛過以前,所以要我地係拉筋前俾止痛藥佢食.之後因為唔夠藥,我系中心有個到診醫生,都開0左支止痛藥俾侉.咁覆診時我咪寫番件事,順便問醫生仲需唔需要食止痛藥之麻.
個治療師又話我唔可以咁寫.會令醫生誤會我地自己話事後先問佢意見喎! !
講番lee件事後,我上司話個治療師冇提過.不過佢會去跟.
講完之後,個護士同我講,你可以順番0的啦.好在我地亞頭明白你咋!

0個日你屯門市廣場出大會堂0個個門口發生ga!
0個日亞妹,燕姨同黎敏表妹都係度,不過佢地行係我前面,所以都系事後先知.
因為帶背囊,所以電話放0左係褲袋.之後"突"0左少少電話繩邊出0黎,個小偷就有機可成喇! !
當我開緊門出去時,感覺到褲袋有0的野郁,令我有好唔自然0既感覺.我轉身睇後面系有個女人,但唔系佢.因為個小偷系好矮既男人.佢係我同個女人之間伸隻手入0黎偷.
當我睇住佢拿緊我電話時,我問"喂,你做咩野呀?"
佢只不停話"你電話跌0左.你電話跌0左"(但佢依然唔俾番電話我,只系講.)
我咪話"跌0左! ! ! "伸番手問佢攞,佢先俾我! !
之後佢就走0左,行前0左少少搵番佢個朋友,拉住佢走囉!
事後我先唔憤氣,做咩野唔鬧佢呢! ! 

今年既大假,已經係8月既用0左lu.由25號至31號,整整一個星期.本來plain 0左係11月放,因為某0的工作上不愉快既原因,被迫改了.好在亞存都改到同我一齊放,但今年plain 0左要做既野都要變晒! 今次行程,我地每用攞$2000出0黎一齊用!

25/8~下午3,4點到出去皇岡.先係按摩場食自助餐,之後沖涼-按摩-再沖涼.走得.

26/8~去0左黃大仙行個轉,求0左支事業籤(系中吉籤).之後坐的士去九龍城食野.俾蔡瀾同洪金寶騙0左入一間食泰國越南菜,就系叫做"金寶".價錢又唔抵又唔好食先死,仲系得幾款主打菜系好食囉!  食0個個咖哩雞...0的雞老到你丫......

27/8~去赤柱.提起lee日,首先要默哀一會.因為有位少女係赤柱不幸被大樹壓倒致逝世行下街,影下相.本來想買件狗狗俾亞奀同亞胚做兄妹衫,點知轉頭番去買時,個老闆唔想做我生意.我係度睇緊邊件,佢就收邊件,之後仲收埋鋪添.6pm都未到,趕住去邊喎!  今日食0左個大餐"King Ludwig Beerhall"係赤柱廣場美利樓號202舖.本來諗住食自助餐,點知要星期6日先有.不過我地兩個人叫0左兩個set dinner加一隻豬手! 當然要打包啦頭盆0黎個包先(好似有0的果仁既口感)之後飲湯or前菜(唔知咩野好似火腿0既野,中間有粒唔知咩野腸)主菜(牛扒)(大蝦帶子)兩下就食完仲有個(豬手)整個甜品(唔知咩野草莓撻)最正另一個甜品加錢轉特別野,我都唔記得咩野(有0的生果,有酒味,又好似奶昔咁)唔好飲最後系兩杯飲品(凍檸茶)

28/8~今日去0左銀座睇戲<80分鐘死亡直播 (REC)>我竟然睇到嘔兩次.以前睇戲會因為食過爆谷,所以完場就會嘔,之後我先知自己唔食得爆谷.但今次嘔系因為0的情境轉到我暈,用lee 0的拍攝手法既光暗亦唔0岩我睇.心口都頂住頂住咁

29/8~終於完0左亞存0既心願,就系去[海洋公園]了.不過好多地方都裝修.我不嬲都唔會玩任何野,一場去到,唯有只系玩<滑浪飛船>.一架船,前後分別可以坐兩個人,雖然我地兩個一架,但因為我驚,所以大家一齊坐晒前排.就系因為咁,令架船重心響晒前面,一滑落去就好快,亦都好多水花,我成身可以濕晒(好在帶0左一套內外都齊既衫褲同埋拖鞋).而亞存冇諗過會濕到咁,所以玩前冇換拖鞋,結果對又爛又濕既波鞋要報銷了睇熊貓時只系見到3隻,有一隻入0左房唔知做咩.都系後生0的活潑0的你估右邊0個隻做緊咩野............大解中......~行程完0左之後就去旺角食唔知咩野泰X雞既.

30/8~今日休息一天,一齊放狗.胚胚玩追波仔.Dinnia去洪水橋泰式私房菜<泰馨>食野.

31/8~Last DAY了.去埋個天水圍濕地公園.之前去過一次,貝貝只系訓覺.今次,個管理員話佢會4:50pm到出0黎就真系出0左0黎喎

今日放假,跟0左0的狗朋友去<龍珠島>摸蜆,亦都帶埋胚胚去游水(唔帶奀仔啦! 因為佢太驚啦.如果佢去埋,胚胚就要成日睇住佢,唔肯落水ga喇)

亞胚一見到個沙灘就衝落0的水度,好在系潮退,加上佢都識游水.不過佢今日水上跑多過游.因為淺水,亞胚覺得行又唔系,游又唔系.所以不停彈下跳下,之後引佢出0的先游到佢游水個樣好攪笑,可惜冇影相....上番沙地,佢就滾地沙

最可惜系...今日主要系摸蜆ga麻! 我一隻都冇...腳都軟埋啦! 好在佢地俾0左3隻我試下都幾大隻ga! m....我掌心咁大啦之後叫0左mum蒸水蛋食.都OK丫,幾有蜆味

真系好耐好耐冇打日記啦! SORRY

等我諗下lee排有咩野事發生先??

係生日之後收到封(合格通知書),就系我讀藥物實務基礎證書.雖然系好好既生日禮物,因為我一直都覺得自己唔合格.所以成日俾mum&亞存話我唔俾心機溫書,浪費0的$$.通知書表面上話我合格,但通知書上亦話暫時不能領取證書,因為仲要等到12月經委員會再評審.好心就唔好俾0的希望人啦!

依家每個星期放假都要去<屯門醫院復康大樓>做物理治療.自己隻腳有事開始,我工作上多在於文件上.但有一次,我上司講0左一句話:[橫掂你咩野都做唔到ga啦].0個日真系好唔開心,一番到去.寫字樓0的人就用盡我咁! 明明有個broad已貼上讚許信,依家無啦啦又要整多個broad仔,仲要整色整水.之後上司要我改番上次我打0個份會議紀錄,跟住另一份會議紀錄都要我打埋,但lee份仲要冇copy.就系唔知邊個打,又話趕住要.本來有兩日時間俾我做晒lee 0的野既.但我個last day系放假,即系要我一晚多0的做晒! 好在0個日系係公司訓,同埋系星期6日,無咩野做,先趕得晒

係14/6又去考試.又系社署攪既護士課程.今次亦系考筆試,試題好伕俾之前淺0左少少,但都唔知有冇機會去面試呢?

奀仔已經係19/6/2008正式成為{公公}了!  我特登拿了半日大假(因為系一星期前通知有絕育期,而我要係公司訓,唔可以拿幾日假)唯有早0的放工,之後都陪0左佢3日! 不過佢冇亞胚咁辛苦咁囉! 亞胚要自行自閉3日,而奀仔只系唔俾胚胚掂佢,但精神真系好好.不過個衰仔都系要忍住落街去廁所.唯有唔可以放繩.

27/6做0左件傻事! 一直相信自己寫低既野係冇錯,點知就錯0左啦!  今日差唔多成日都落雨,以為奀仔夠3年要打瘋狗針.所以前一日買0左件小童輕便雨衣($11.9),真系好輕囉! 唔駛15mins俾亞奀玩完.約埋多莉媽帶亞滿領狗牌.去到個職員話我知{你想俾我賺呀! }白痴...上年先打完晒...唔怪得有0的印象,但又唔肯定啦! 要到2010年先夠期呀! 傻婆

本應尋日已搭緊車番工,但左邊盆骨位越0黎越痛,痛到眼淚又出埋,都系要請假去睇醫生!

醫生話我可能拉傷0左0的肌肉.因為平時冇用開力,突然用咁多力緊系傷喎! 休息兩天 唉......成晚訓唔到覺,每半小時去一次廁所,轉0黎轉去.又食埋止痛藥都唔得.最後到6點幾am食粒"改善神經腺藥"先好0的.

其實我又要開始真真正正去諗轉工啦! 一來驚依家份保唔住,二來想有份時間穩定既工,讀下0的咩野計劃,有番個5科合格都好丫.唉...唔知點

今日Dad番0黎,特登問佢一唔一齊食晚餐,因為只系得我同佢.大家傾0左好多野! 內容中,佢都系偏0左一邊.我要幫Mum講說話. 夠竟內容中有幾多系真?點解同我知既野又唔同呢?你覺得冇問題,但女人既角度唔系咁睇呢!

今日放假,剛好去做物理治療,我做到流眼淚0左出0黎囉! 真系好痛丫麻

之後去0左屯門配藥,我俾個男人嚇死訓到死0左咁!

夜晚相約0左狗友們食飯,因為幫Ice補祝生日,但我同多莉媽都有份.一圍檯,全女班

唔好意思丫,咁0岩我同多莉媽都系紅衫.不過唔緊要啦,主要幫ICE補祝,件衫緊系唔同色ga啦

好豐富既晚餐,8"送"一湯,仲有蛋糕+自家紅豆沙做甜品

湯:青紅蘿蔔豬骨湯

送

係洪水橋食,我地有85拆,每位只系60元正到!