5月12號    晴     護士節

原來5月12號係護士節 , 令我想到你 , 唔知點解 ???

放工出到街望上天 , 黑黑既天 , 掛住個又圓又亮既月 , 我又想起你 !!! 又係唔知點解 ? 你點呀 ? 因為5月11號俾我發現左d野 , 令我好想對你講聲 " 對唔住 " !!! 但我已經唔能夠可以再同你講任何野 , 就連一聲簡單o既3個字 " 對唔住 " 我都唔能夠講出 !!! 更何況 " 我愛你 " 呢 ? 當晚我發現之後隨即衝口而出講左 , " 對唔住 " ....... 你聽到嘛 ? 你感應到嗎 ? 唔知你信唔信有感應呢樣野 ? 我亦唔敢講你感唔感應到我所講o既o野 , 但我兩日後o既夜晚 , 突然地有股力量 , 驅使我去感應到你 .... 你的一點點 !!! 我有信心你係收到 !!!

5月12除左護士節外原來仲係十五 !!! 但我唔記得左 !!! 冇食到齋 !!! 又一次大頭蝦唔記得左 !!! 點解食你記得嗎 ??? 米話初一十五食齋可保父母長壽o既 !!!哈 ~~  如果要我食長齋先可以o黎保你同我老爸 , 一切我愛o既人o既壽命的話 , 我願意咁做 !!! 要我減壽我都願 !!! 但願你o地開心健康 !!!

對不起 ~~ 我愛你

 多麼想用說話留住妳　心中想說
一生之中　都只愛妳
為何換了　對不起
今天分手像我完全負妳　這傷痛盼望輕微
望妳漸忘記
我　每日也想著妳
靠在這街中等妳
遙遠張望　隨妳悲喜
視線人浪中找妳
行近我又怕驚動妳
我又怕心難死
立定決心以後分離
一生裏頭　誰是我的心中最美
往日的妳

今日事情如不順　今日問題如不盡
像處圈中圈　了斷也了不斷
若今日你倦了　頹然哭　容許我送贈暖
准我漫漫長路末端　亦如初戀

當日熱情燃不盡　今日熱情仍不盡
就算怎都好　你願我更加願
共跨盡冷及暖　甜和酸　才可以算是共存
能共患難　才是認真的有緣

抬頭吧　相信愛　你便能飛
敢交出　你會創出傳奇
變幻人生是避無可避
卻沒人可驅使愛別離
(這份情愛卻永不會死)

抬頭吧黑暗過　會是晨曦
懷著樂觀　總有轉機
今天珍惜今天　逢凝望我心所愛的你
我已彷彿會飛　（能敖翔天和地）
（我已彷彿會飛　你眼睛牽我飛）

今日像明日一樣　今日任何日一樣
就算怎辛酸　愛護你　我甘願
沒揀擇冷或暖　甜和酸　晴天雨季　缺或圓
全部受落　才是活得真正全

今日2006年2月10日星期五 , 真係一個 happy friday !!! 因為妳 !!! 唔 _~ 今朝應該大約六點我就醒咗喇 !!! 跟住只係喺度繼續賴床到八點先肯起身返工 !!! 一切一切都係因為妳 - 媽咪 !!! 唔覺唔覺妳離開咗我都七年喇 !!! 我仲好掛住妳 ... 妳知唔知 ??? 應該知啩 !!!

尋晚唔知係我同阿佬講開你吖定還是妳想教訓我抑或係我日有所意夜有所夢呢 ? 我夢到你呀 !!! 以往咁多夢中見當中, 最真實最有感覺係尋晚一見 !!! 夢入面嘅背境都好奇怪吓 !!! 喺馬路上面 , 嚟過百人盆菜宴咁 !!! 真係兩條馬路都係爆晒檯 .... 我張檯有五個人 , 但又唔係平時我班好朋友 !!! 有我同埋佢同另一對情侶再加一個人咁 .... 食食吓我感覺到你嘅 "出現" , 低頭抬頭低頭抬頭咁 , 真係望到你 !!! 你著住件衫我記得 , 記得係你以前都鍾愛嘅 !!!! 咁好當然地我梗係嗌你啦係咪 , 咪嗌媽咪媽咪囉 !!! 你見到我你亦有望住我 , 因為你係喺對面馬路 , 所以我話我過嚟搵你吖 , 但你就越嗌越走 , 我邊追上去 .... 你就邊走 ... 不過亦好快咁 .... 你 ... 嚟到我面前 !!! 我嗰刻好開心 , 叫出 " 媽咪 " .... 你亦回應我 .... M ..M 好似 .... ( 妳當刻把聲係唔同以前嘅 , 帶點沙咁 !!! 但點解你唔係嗌我個乳名嘅 ? ) 咁我都唔理得咁多 , 跟住就即刻走上前攬住你 , 攬得好實好實 !!! 亦 ... 好快地就流出眼淚來 !!! 個感覺好實在真係 !!! 但不孝嘅我 , 對唔住 , 唔知點解幾秒後 , 腦袋轉出第二個感覺係 ... 第2個人 - 係佢 , 唔係你 .... 真係對唔住 ( 我都唔知點解 ) !!! 亦因為呢個 "內疚"  , 我即刻醒咗成個人 !!!! 之後咪一直喺床轉轉轉咁 , 繼續回味個夢 , 因為記憶猶新 ..... 依家我就更加要將佢記低 , 好等自己要記住自己的不孝 !!!   

真係對唔住呀 !!! 我係咪真係好不孝呀 ? 抱住你可以想到第二個人 !!!! 所以我唯有一廂情願地認為你應該都唔會介意啩 !!!   你 ... 鍾唔鍾意佢呀 ? 希望妳可以接受啦 

亦希望妳同我哋個個都開開心心健健康康啦 _~~

媽咪   妳個孫孫 , 佢雖然係脾氣嗅啲 , 但學嘢都係醒目咖 , 都係聰明仔嚟嘅 !!! 妳開唔開心 ???

好嘢啦阿 " 斯 " , 勞斯.萊斯 ..... 得到最後一首十大 !!! 好呀 , 恭喜晒 !!! 呢個係佢第一個嘅歌曲獎項 , 對佢嘅意義就應該更大 !!! 都話你係得o架啦 !!! 你係應得o架 !!!!  哈哈哈 _~ 好奇怪呀 , 喺屋企睇住個電視見阿曾志偉同崔建邦你一句我一句咁 " 帶 " 你出嚟 ..... BINGO .... 真係係你 !!! 我竟然會叫咗出嚟同埋 .............. 一個人喺度   拍手呀 !!!

其次 , 我冇聽錯聽少的話 , 我聽到有至少三個單位多謝阿WY ..... 分別有第一個嘅代表係 .... 明哥啦梗係 , 同埋當然係阿 " 斯 "  , 何韻詩啦 !!! 另外嗰位唔記得咯 _~ 有啦總之 !!!

真係 " 別怪他 " 啦 !!!  我只係會 ..... 怪另一個 " 它 " 囉 !!! 唔係呀嘛 !!! 新人多的是 ... 點都唔會輪到佢呀嘛 !!!! 好馬呀真係 _~~~~  

估唔到 " 裁縫先生 " 喺得到男歌手後真係 ... 向全世界說愛的的宣言呀 ....  都好SWEET .... 但我都係俾阿智3號喺架勢堂嗰個愛的宣言受感動多啲 !!! 可能裁縫先生畢竟都 .... 十幾年 ... 係佢o架啦 !!!! anyway ............. 又多一單囍事 ......... 都係開心嘅 !!!

零四年度嘅成績表終於玩完喇 !!! 你你你你同你 ..... 滿意嗎 ???

各位男男女女係咪歌手係咪詞曲編監嘅人都好 .... 一齊努力 !!! 齊齊期待下一張成績表有更驕人嘅成績啦 !!!

又係好感動呀!!! 好開心 , 阿wy佢今年又得咗 , 又下一成地得到咗叱咤最佳填詞人大獎!!! 真係好開心, 好一場 " 球賽 " 呀 !!! 今年又係拍掌拍到爛呀!!! 除咗拍阿wy我梗係拍 ... at 17啦 !!! 佢哋得到我最喜愛組合 ..... 好嘢 , 孖女都要行埋一邊 !!! 真係睇住佢個 " 正 " 字不斷咁上上上上 .... 好嘢跑出咗呀 !!! wow _~ 好痛呀隻手拍到真係 !!! 另一個感動位 ... juno .... 佢等咗四年 , 終於上到叱咤台喇 ... 其實juno都OK可以o架 !!! 佢唱功唔錯 , 對音樂又係熱誠 ... 都好努力呀 ... 加油啦 !!! 

真係好開心 , 今年僥倖地又有得去觀賞叱咤呢件盛事 !!! 好開心 !!! 我今年終於記得戴上叱咤logo個聖火徽章喇 !!! 過往兩年我都唔記得咗戴 " 佢 " 入場 , 好似有遺叱咤精神咁 !!! 所以今年點都要記得戴 !!! 兼且好支持地著上上年度嘅大會T入場 !!! 夠晒捧場啦係咪 !!! 

今年 " 賽果 " ?????  都好接受好滿意呀 !!! 好公平 !!! 所以話呢 , 我係點都只係支持叱咤一個頒獎禮 !!!  唔 _~ 我覺得 ... 第3個令我感動而落淚嘅阿詩 ... 個成績係可以有更好囉 !!! 最終 ... 銀獎 ...都好!!!    佢今年真係做得好好啊, 可能真係舞台劇嘅關係啦 , 不過其餘地方佢都真係可以俾人見到佢係得嘅 , 係值o架喎 !!!   俾心機呀 !!! 向 " 金 " 邁進呀再 !!! 係 ... 你講得啱 ... 雖然 " 顏色 " 係唔重要 !!! 但想你知道 , 有啲嘢你係應得o架何韻詩 !!!

林一窿佢入咗五強我都已經好開心o架喇 !!!   兩個半 !!! 佢今年又唔可以贏過醫神基仔克難都一定係o架喇唔使講 (老實嘅呢句 , 但以後我唔敢包唔敢講囉 , AAAAA ... 唔好her住 , 你同我都唔知o架喎以後 ) !!! 林一窿佢嗰個 " heart " 係一定可以留到我喺佢身邊而 .... 為佢守候住囉 !!! 

今晚大贏家 ... 仲唔係醫神佢 !!!

好音樂 ... 請支持 ... 請聽聽 !!!

好薯條 ... 你唔怕肥嘅 .... 可以試試 !!!

" 夕陽無限好 " ... 只是近黃昏 !!!

某程度上 ... 我覺得做人都真係要有適當嘅 " 浮誇 " 嘅 !!! 

" 葡萄成熟時 "  .... 係幾時呀 ??? 有冇人可以話我知 !!!  

無記都轉播完喇 !!! 佢又係cut 咗好多吓 !!! 只係俾人睇賽果咁好似 !!! 唔 _~ 都係同佢哋一齊現場親身經歷個感覺好受啲 !!! 有如森美開頭一句 .... 叱咤個獎難攞 但叱咤啲飛仲難攞 !!! 係呀真係好難呀 !!! 大家都係去 now度睇返轉播啦 , 會足版啲囉 !!!      再唔係睇得切嘅 .... 依家余宜發一切從音樂開始 ... 講梗呀佢都 !!! 冇聽直播嘅 , 聽返轉播囉 !!!  都可以o架 !!!!

生時係叱咤迷 ,

死時就會係叱咤魂嘅一個 .....

 我 ^^

GOOD SHOW TOO  

88013057 , 你知唔知道 ? 我有好多嘢好想同你講!!! 我唔知點樣好呀 ? 工作感情我唔怕反而 !!! 我煩係煩我嘅家事 !!! 我真係覺得我呢個屋企人唔多但有點兒亂 !!! 每件事係大係小好視乎你自己點睇 ? 在我來說 , 算係大 !!! 因為我在乎我嘅屋企人 !!! 但佢哋 .... 佢哋嘅事你多少都應該知道 !!! 最近我一次同我阿哥午餐時得到一個消息 .... 但我哋兩個意見唔係好相同 !!! 當日嘅結局係點你都估到應該 !!! 我唔想同佢嘈所以我轉話題 !!! 我果刻有點兒嬲佢咖 , 但我又唔敢同佢講 !!! 唉 _~ 仲有好多好多嘢 .... 我都唔知點去處理好 !!! 我真係唔係唔想理 , 只係我唔知點去理好 !!! 個人力量好有限真係 !!! 況且我喺呢個家係冇力嘅 !!! 只係一粒好渺小嘅沙 !!! 唉 _~   大又係咁 , 細又係 !!! 我可以點 ????

我唔知點解唔想唔敢同我班老死講 , " 以前 " 我有啲咩 , 我都大部份同你 " 分享 " 咗 !!!! 但都係嗰句啦 !!! 你走咗 !!! 我冇得再同你講心事 !!! 唔 _~ 可能你嫌我煩啦 !!! 走都係走得啱嘅 !!! 我都想走你又知唔知 ???