gn00927989


RSS Feed


photos
July 18,2008

小學聚會既相


被偷拍了.. : (
6c 3個讀kyd既女生
亦係只得厘三個

|
左起 : 婷婷 manka rita 嘉詠 polam {惠州大堂}


左起 : hotin 旦旦 peter doctor manka 嘉詠 rita 婷婷 polam aaron
{魚米家}
大家感受到我份無奈嗎?



u see peter幾enjoy!


奉rita既要求 大家有型忍住笑容咁影一張
我忍得極度痛苦
有張影到我大笑左出泥


一班痙攣友 : 6C!

其他相請到album
右邊有link..



俾意見 [0] 文章URL 引用 [0]
friday
July 18,2008

徐子珊你唔好咁作狀扮哂純情咁講野得唔得呀??
一d都唔純情一d都唔可愛
好難頂呀!



今日難得地老豆媽咪8點幾都已經起身
係火車站見到peter同佢同學一齊
peter : 你星期六去唔去呀?
我 : 去掛
peter : byebye
極度無聊!
唉amanda又遲到..
點解我地每次都總有一人會遲到既?
行番去個陣背李煜同柳永既文學地位
幫助實在不太大.
到要默個陣依然唔記得哂
本身寫岩左 但係我想確實d
於是靜雞雞問家強
點知我又聽錯左.. 搞到原本岩搞到唔岩..
自討苦吃! : (
正當我努力問姣淇
家強一手推我隻手
畫花左張默書紙
antony問我幾時碌ling
於是問sohei幾時唔洗番工
佢話佢都唔知自己幾時要番 要等電話先開工
之後antony話sohei做援交.. xd
要等電話先有工開.....
調左去同細k坐
偷拍姣淇極度成功
break個陣仲錄埋片添..
next step : youtube!
玩左一陣雙層芝士孖堡
miss mo問蘇東坡除左作詞叻仲知佢d咩
我叫細k答東坡肉  點知佢真係答左.. 一口一"
兩個白痴仔係度扮玩飛越太空山
細k揸的士  我做客人 
唉無聊到冇人有囉
我同細k見到一個極度好笑既樣
笑到有唔到聲  姣淇以為我地笑佢
想問我咩事  個弱智仔擺隻手係我櫈背
我一俟後佢即刻震哂音.. 低能到冇人有!
12點放學
厘度又遠個度又遠  咁邊度都唔好去啦以後
係海聯買麥當當番去食
買完個刻king打電話泥話突然間想約我lunch
又唔早d打  係要人買完野食先打
十年難得一見話約我lunch
但係都係去唔成
番到去見到彭叔叔
佢禮貌左同埋竟然同我傾計
原來一場大病真係會改變一個人既性格態度或者價值觀
可能因為佢地曾經爭d冇命 曾經生存係生死個一線間
佢地自此明白生命既可貴  
知道自己好好彩可以繼續生存下去
當佢地知道可能有一日死神隨時又會泥比挑戰佢地既時候 
而事前係唔會有任何告知
佢地會變得更珍惜現在..
生命真是很寶貴
可一不可再


i am still waiting for u
the sixth day..


俾意見 [0] 文章URL 引用 [0]
July 17,2008

算一算  原來已經等了五天
一天又一天
每天都等到快傻快瘋
究竟還要等多久?
你答應了 我也不敢抱太大希望
你答應過的事  你真的會做到嗎?
滿腦子都是問號
統統也不知道而且沒有答案
究竟還要等多久?
眾所周知我帶電話回校的日子是少之又少
最近我每天都帶了
雖則只是補課
而且為了同學方便找我
但其中一個重要原因還是因為..
我仍在等著
你日記打的說得不明不白 令我摸不著頭腦
五天了
解決不了就不要去解決
我只求一個答覆回應或一個電話
無論結果是如何我也不會怪責你的
你解決不了我可以找我的朋友幫你
或者你要面子 你想憑自己一手一腳解決所有問題
我也不阻你
但切記  若需要幫忙
我在等著你

五天
我沒有你半點的消息..
你是否失縱了?
擔心死我了



睇raymond個facebook album
原來佢舊年係uk番泥去左..


拍塚愛囉baby..
其實我都唔知佢點解有得去 有機會問下佢
有得同樂樂樂樂合照搭膊頭囉.. T^T"
繼空中仔後  再次羨慕厘d人囉!
衰人 高到冇人有  連呀樂都高得過......

*今日facebook有個著住3點式身材超級正既girl add我
 嘩好得人驚呀.. 不過我都係照confirm哂
 


俾意見 [0] 文章URL 引用 [0]
勁熱
July 17,2008

哈哈 婷婷同polam話我日記詳細得驚人
冇計  個腦記野太勁..
極細緻我都記得一清二楚!
細k曾懷疑我係咪每做一樣野之後都會記低... xd


今日本身約左amanda姣淇食早餐
但係因為個龍蝦沙律再唔食就會壞
所以要食左佢但係食唔哂淨左3分1比媽咪執手尾
平時叫佢食我口水尾就死都唔肯 
但係今次佢一定好開心 因為實在太好味
連佢自己都話 : 咁益我?
去到m記佢地都係岩岩買到野食
超級多人 多人到爆
我勁影姣淇個食相
一日係度扮斯文
切舊麵包.. 算吧啦你.. 點扮都唔會似咖啦!
死左條心佢把啦.
我同amanda同時間同表情望向電視. "
食完陪佢地買小龍蝦蛋沙律三文治
我實在好中意厘個名. 小龍蝦好得意! ; )
我坐底等佢地 張櫈重到我郁唔到
我誤以為佢係fix死左..
行番去個陣勁熱勁曬..
番到課室開到個風扇最大
拎姣淇個小龍蝦玩.. xd
好快miss chow就泥左..
9點鐘準時開課
break個陣同細k玩姣淇個小龍蝦
wowowo又有新表情啦! 型到你呀..
笑爆咀.. 笑到姣淇頭肉都紅埋.
miss chow講書真係好吸引人人都好專心
除左個d每日依然番泥訓教唔聽書唔抄notes又唔係勁個d死性不改既人
話哂大家同班同學  真係唔想睇住大家係出年既會考死得好慘烈
或者你唔care.. 如果唔係
如要緊要自己成績但係又要hea荒廢光陰既話
我亦都無話可說
我越泥越感覺到會考好逼近 
老套講句  一分耕耘一分收獲
雖然我自問都做唔到每日溫書
但係我覺得專心上堂係邁向成功既第一步
若果連厘一步都唔肯踏出的話
咁對唔住  成功只會向有付出有努力有準備既人走近
係你自己放棄去令自己成功  與人無尤
恕我黑心講句
會考失敗  係你咎由自取  怪只好怪你自己一年前即係而家你冇選擇努力
bye 講完
放學同姣淇行出去  佢行行下發覺自己銀包不翼而飛
其實又係勁kai咁漏左係學校
9秒9咁跑番學校
我就去元綠等淫ling
點解你既時間觀念咁差咖?
雖則我都冇乜資格話人..... "
暢談是非懷緬小學左將近兩粒鐘..  
一齊傾小學然後咁岩大家都記得會好開心咁大笑一番
去新都broadway搞亂檔
睇人d notebook.. 有人開左個小畫家
我畫左hok上去.. 一_一"

之後去睇雪櫃
原來個個雪櫃都有電  勁涼
運吉運得好緊要  姣淇泥突登唔聽佢電話
之後hea左去冒險樂園   唔好提
心情低落冇癮到冇得再低!
厘度又唔去個度又唔去
ok 番屋企
熱到無倫  咁熱既時候d人竟然又走泥同我sell信用卡
我夠秤啦咩家下..
浪費我時間又搞到我再meng d


俾意見 [0] 文章URL 引用 [0]
小學同學聚會(加插左新野)
July 16,2008

今日係補課的第一天 my godness!
約左amanda係東海堂等
其實我意思係指我平時等heitung個度
但係原來個度係叫大班.. 一0一"
我到搭9見amanda仲未泥於是打比佢
先知原來佢係粉嶺東海堂等緊我..
真係好對唔住..
明天一定唔會錯 i promise! xd
番到課室原來要跟setting plan坐..
家強極好人幫我落tuckshop幫水
thankyou very much!
暑假開始不久就番番課室重拾書本筆記
極痛苦囉..
初頭寫筆記完全覺得d字唔似自己
可能如炸子雞所講  太耐冇正式寫過字..
個break走左去搞細k.. 咩事呀你玩fing頭髮..
好細呀你?
我地係姣淇封家長信改野
個侯字變猴..
周老師變賓周老師{冇寫到落去..但寫左係佢筆記}
小魚懷疑同羅家英有親戚關係.. xd
唉9點至12點半  挨得勁痛苦
都唔知之後d日子點過  隨時死人..
好彩今日準時放  一放左就仆番去惠州
我一開電話原來aaron send左msg泥叫我放學打比佢
跑樓梯上教員室.. aaron話個個都要同陳老師傾陣計
咁岩個陣佢同緊polam傾  傾完陳老師見到我就話
"雯嘉.. 我見到偉麒就知你好快就泥咖啦.. 下次唔洗前後腳喎..
 一齊泥呀嘛.."
唉救命.. 足足6年  講左足足6年!!
張影玉老師見到我認得我 : 嘉雯..
aaron大笑 : 咁多年都仲係嗌錯..
張 : 唉記得厘兩個字已經好好咖啦..
其實又真係好好  因為佢只係教過我普通話
不過可能佢處理過我同梁ka俊事件所以對我印象較深刻. "
家強跟埋李卓bun番泥囉.. 唔歡迎非惠州人囉! ; )
行過3樓跟樓梯個個隱閉房仔 polam走左埋去
我 : t sir係咪係個度呀?
aaron : 係呀你去搵佢啦..
唉好掛住t sir呀.. 大家討論個個話題都唔願意相信..
係地下hea左輪.. 影相..




打風都吹唔甩既一對 : )

polam笑我把傘{amanda送個把}..
有人問有冇傘 我話有但係只係遮到一個人
我意思係即係只係遮到我自己
但rita將我意思扭曲  話只係遮到一個人 而個個人就係doctor..
唉我好想死呀!
最終我都係同polam一齊遮.. heehee..
行出去見到超夢夢 
唔講真係唔記得佢個花名
一行9個後尾hotin加入 10人去食魚米家
嘉詠個頭真係粒豆咁細  同佢影相顯得個頭勁大
嘉詠叫我mout低就佢  我mout完話 : 咁夠未呀?
aaron唔知係嘉詠主動要求就走埋泥插咀話 : 洗唔洗咁串呀?
痴線..
等左一陣先有位
10個人迫埋係人地坐5至6個人既圓筒位度
仲要比人玩  將我同doctor迫埋一齊
旦旦peter勁係度迫埋泥  嘉詠坐我隔離又迫我..
勁陰公囉..

aaron話佢媽咪朋友有奧運飛
問我報左名未 做乜唔問佢拎  一,一"
我鬼知你有飛咩..
peter長期咀唇都係極度紅潤 超級搞笑!xd
10個人叫左5個餸食
rita畢左勁少飯搞到我碗飯食極都未食完
討端 babe話題幾驚hotin嬲左..
未有野食之前話玩killer
我極力反對但係所有人都唔理我
好彩及時有野食泥先可以逃過一劫
其實本身大家都冇乜野  係你地搞到咁尷尬only!!

佢地班友又係度老屈話doctor叫我雯嘉
你地聽唔清楚又係度老屈.. 慘到爆!
佢地話泥我屋企  但係我驚老豆將d野掛到全屋都係
之後又有人話 : 係你老豆d野定係吳xx d野呀?
nothing to say..
我杯水peter襯我唔為意換鬼左
好彩我醒目發現左佢地既惡行!
食完飯行去搭的士去aaron屋企
係的士被迫供.. 勁講小學中意邊個. xd
rita應承左我話唔玩我  但係統統都食言囉!!
御皇庭  好靚! : )
polam有女人問題  但竟然話比佢honey aaron知
你覺得佢買到你咩? 最終我入房借左比佢
polam個樣好似話比我同aaron知佢想係aaron間房度換
笑爆我地個咀..
玩左幾鋪killer都勁悶..
幾鋪都唔係nurse或者killer..
之後轉玩七級豬
下明明我好勁咖  但係輸下輸下輸到四級
嘉詠原本超勁 人人都有級佢都仲係零
點知同左婷婷講野  咁岩婷婷又輸左變左5級
勁慘...
最終.. 玩玩下個個睇旦旦打機
勁柒  個個睇住佢比人殺死.. xd
跟住玩大富翁   大家一世人都可能未試過我咁慘既situation
行左起碼4 round.. 我係一幢樓一幅地都買唔到囉
但係我勁多錢  都唔知要咁多錢做乜
我又唔係成日踩中佢地d地  又唔洗比錢..
四方八面都話 : 伍雯嘉你好慘呀..
最終都係靠旦旦讓左幅地比我
用4000蚊買原本2800蚊既地
但好過冇  起碼唔洗咁樣衰.
每次我"擇色" 大家都好期待我可以買到..
但係.. 真係對唔住  我都唔想令大家失望
polam係度怨冇地 
邊個咁講我都會話 : 你地怨? 咁我算咩呀..
咁係嘛.. 我0地呀.. 你地邊夠我有資格講!!
hotin中途走左因為要去練波
本身諗住有番d希望買佢d地.. 點知..
冇luck就係冇luck.. 點都去唔到d冇人買既地..
玩到勁頹.. 個個女仔都勁頹
因為比旦旦同doctor獨大
兩個癲哂 私底下不斷交易
最後因為我地發瘋掃跌哂搶哂佢地d錢..
不過佢地好不服氣.. xd
之後玩uno部禁牌出泥部機
都幾excited..
d牌好複雜   要逐一解釋
我地玩每鋪完都要計分
除左數字牌其餘都計10分
邊個最先到500就要請食雪糕{本身1000 但發覺好難玩到}
本身大熱係peter.. 因為佢後尾加入
老屈佢有100分底分..
我地罰冇嗌uno要禁10下
我challenge左rita2次.. sorry. 一v一"
之後明明peter同doctor都有叫
但係又比我地老屈佢冇叫話聽唔到
又要禁10下.. xd
邊個出錯牌就要禁5下
仲要比人指住講一句 : 你燸左..
有次peter又唔記得叫uno又出錯牌..
慘痛地禁15下.. xd
唉睇見doctor同旦旦恰peter真係好搞笑



旦旦笑到傻..
最右邊係aaron細佬 - 李逸朗

最初最接近500分係peter..
但係旦旦同doctor都後來居上
係最後一鋪大家都係只要多過10分或16分就會輸
doctor最終不幸成為loser..
要請全世界食雪糕!
落去食飯前係屋企影相...
為左 6c 個手勢搞左勁耐..
成班好似痙攣咁.. 嘉詠坐我大臀
你太輕啦  完全冇重量! ; )
旦旦一日都坐我隻腳.. T__T"
班男仔仲好似小學咁玩埋d勁低能遊戲
用張卡開人道廁所門
好彩旦旦已經著番褲.. xd
aaron同polam完全當我地冇到
兩個坐係梳化度勁親密
一齊玩nds係度煮飯仔..
又一齊入房珊埋房門唔知做乜..



7點半度落去對面間茶餐廳食飯
張枱大到想死.. 又為叫餸而煩惱
同嘉詠講話覺得polam同aaron好似老夫老妻
一齊左起碼4年  但係中意對方起碼6年以上
恩愛到冇人有  打風都吹唔甩  真係羨慕死人!
大家同枱食飯好有一家人feel
互相夾餸唔介意食人口水尾
但係peter同doctor每次叫我夾之前同細底下講左一大輪野.. 一.一"
嘉詠又照顧我
問我要唔要厘樣要唔要個樣
叫野飲個陣我話想飲凍檸水
但aaron叫我唔好飲水  因為佢會用水喉水沖
之後因為我地個位係出風位勁凍
嘉詠叫我飲熱野暖番個人
聽到覺得好溫暖 
本身hotin都泥  但係要陪女朋友
搞到有個白飯淨左  但係d餸係清哂囉
班男仔連d青椒洋蔥厘d配菜都唔放過
食完飯過百佳買雪糕
爭d比旦旦fake左分頭搵doctor..
嘉詠話好唔想咁快分開
因為好似好耐先一齊玩  佢唔捨得大家走
其實我都係!
初頭doctor話淨係請我地5個女仔 因為我地嬴
aaron知道自己冇份好似好失落咁
但最後doctor話因為我地好嘈  所以請哂咁多人! ; )
9條友係街邊食雪糕傾計
又講話小學佢地d作弄人既偉大事跡
咩士多啤梨底褲都記得..
食完我自己走先過對面搭的士
救命臨走都要玩多我一輪..


其實同小學同學一齊真係好開心
因為厘班先算係真正陪我成長既人
雖然之前有d係有d芥蒂
但而家都玩得埋冇哂事咁
同埋我覺得大家係完全冇變過
唯一變左既係以前polam同aaron之間係會否認
但而家係極度恩愛  旁若無人
希望你地厘份情同埋我地6cers厘份友情可以維持到永遠
嘉詠放心啦
下個星期六一定去得成既
你唔好唔去就真!



媽咪琴日同媚姨到銅鐵灣東山食日本野
聰師父專登叫媽咪拎龍蝦沙律比我食
極度高興  因為d沙律價值連成又勁爆好味
thanks聰師父!



其他相要等aaron


俾意見 [3] 文章URL 引用 [0]
補祝cindy生日.. ^^"
July 15,2008




琴晚睇向世界恤髮
謝賢講過最緊要開心.享受
其實有邊個唔想咖.. 有邊個唔係追求緊厘樣野..
不過在我眼中 
開心同享受係不同既人心中有不同既定義
有人認為同朋友一齊已經係一種享受
亦有人認為去旅行先係一種享受
不同程度既享受 目的都只是為左令自己開心
我個人泥講   我覺得我每天都係度享受緊.. xd
前日嫲嫲入左急症室
幸好只係年紀大  骨骼退化產生痛楚
而唔係我地所擔心既癌症復發
無意中聽到老豆講左句 : 咁岩你呀叔個晚番屋企訓..
我好驚訝 : 乜呀叔唔係晚晚番屋企訓既咩?
原來呀叔一個星期有幾日都唔係屋企訓..
莫非佢拍緊拖?
如果係就好啦..
我細細個已經好想呀叔快d結婚
因為老豆個邊得我一個孫係姓伍
所以我一個堂兄弟姊妹都冇咖... T_______T"
不過自從avery出左世  有個細細表弟比我玩
希望呀叔結婚生bb既願望又冇咁強烈
其實同我最親既表弟得3個
avery 呀峰 柏賢
avery越泥越大  唔可以好似以前咁當佢公仔咁玩
呀峰只係細我年幾  由細到大對佢泥講都冇當過我係表姐咁
大家之間冇任何表姐表弟既觀念.. xd
柏賢只係細我半年  但係同佢完全唔熟完全唔會傾計
因為佢簡直係一碌木既表表者..
而表妹更加係一個都冇
所以你話我幾想呀叔快d結婚呢..?!
媽咪成日叫我催呀叔
厘d野邊有得催咖..
更何況厘個係我呀叔 我表輩泥咖喎
雖然話由細到大我都覺得大家相處得好似表兄妹
但係我係後輩  點可以咁同長輩講野咖...
唔好以為我呀叔真係一個呀叔呀
我呀叔仲係3x歲咖喳.. {我都唔記得幾多歲^^"}
講真呀.. 佢個樣真係十年如一日 冇老過.. xd
可能因為同佢貪靚既性格有關啦!
細細個同佢感情就比其他親戚好
可能因為佢成日買野比我
而我又叫得佢親切  "熊仔餅"..
雖然諗起都覺得無聊..
想當年點解我會咁叫佢..
全因全家族既人都叫呀叔做 鴻仔..
係咪好無聊呢?
我估其實全家都好想你快d成家立室..
希望 嫲嫲既孻仔 老豆既細佬 大佬二佬既細舅父
我親愛既呀叔  
快d get married啦!



今日老豆媽咪番晏
10點幾先起身
我睇hilda日記話冒險樂園有優惠
如果身份證尾兩個數(唔計括號)係14
就有得送250個coins
我 : 老豆.. 你身份證尾數係咪14呀?
老豆 : 唔係呀..
媽咪 : 我咪係囉! XXXXX14..
我 : 下真咖?
媽咪 : 係呀..
之後媽咪叫我上網睇下點樣有得拎
shit.. 只限7月13號
仲要係會員 先到先得..
一場歡喜一場空!
老豆仲怪我收料收d唔收d..
wow.. 琴日老豆去探嫲嫲
嫲嫲又醒了我5舊啦.. YEAH
今日約左cindy12點半係元綠lunch補祝佢生日
傾左多方面既話題
同cindy傾計真係歡樂無比! : )
全餐笑料十足
最難忘莫過於送禮物環節
話說我一直未送禮物
我食食下野就係度幻想唔知cindy收到厘份禮物有咩反應呢
跟住自己就忍唔住笑左出泥
cindy見到我笑呢又跟住我笑喎..
咁我就係個袋度拎份禮物出泥啦
一拎上手點解咁薄咁輕既..
但係我就照送左比cindy
cindy望住個袋呆左然後比我睇  空空如也!
我就即刻搵個袋啦發覺原來份禮物跌左出泥.. xd
跟住我叫cindy另轉面等我放番份禮物入去
點知我自己又唔知痴左邊條線又噴野..
咁岩有人行過  死啦一定比佢睇到我個醜態啦! T__T"
哈哈cindy見到我份禮物都幾surprised!
係hello kitty既風扇仔泥咖
我叫佢扮大風影相.. xd
我話比佢等鄭元暢個陣用咖.. 細心嘛?喜歡嘛?
之後叫左個waiter幫我地兩個影相
第一張cindy瞇左眼 
影第二張個陣個waiter話 : 嗱你唔好再斬眼呀..
講完幾秒後先禁制.. 好彩好靚咁影左張姐!



個金毛仔一日企係隔離入單個陣隻手爭勁接近我個頭
有次撞到我sorry都冇句..
1點7度就走人  cindy等佢daddymommy..
我就番自己搭火車..
嘩超級大雨囉咩事..
i m very smart!!
我臨出門口擺左把傘係袋呀!
係火車有個初中男仔低頭哭泣..
大庭廣眾落淚.. 真係想問佢一句 what happened?
落火車個陣有個中年男士同佢朋友話 : 點解架車唔park埋d姐..
真係funny!
我出閘又再次飛銀包啦..
點解3日內2次? 太論盡啦.....
搭van仔個陣見到有兩個中學生迫埋係個電話亭度避雨
哈哈..我好中意留意身邊既人既言行舉止
因為會發現好多好有趣既野..
其他人一定話我好八 
但係對我泥講厘樣係樂趣..
去惠康買野..
wo升職!
congratulations.....
同carmen msn..
好似向佢交待第10座12戶既最新狀況咁..xd


楠哥話佢同事送左對兔仔比avery
初頭我以為係公仔  點知講講下先發覺原來係真個d
價值千幾蚊 avery要好好對待佢啦..
但係細舅父成日都話avery連烏英都驚.... 咁....
放長雙眼睇!xd
上星期六avery見家長
老師話佢冇好似開學個陣咁成日投訴人 份人大量左..
但係呢.. 就開始整古人..
哈哈 似足細舅父.. : )
至於同同學相處方面
老師話佢 : 淇曜會唔理自己既利益去幫人
真係好乖仔!
但係老師就話佢上課不太專心..
我相信佢會改既!





俾意見 [0] 文章URL 引用 [0]
勁羨慕囉!
July 15,2008

之前睇旅遊雜誌睇過以下厘張相.
係london... 上網搵唔到post比大家睇
點知空中仔竟然去左... 一O一"
不便曝光..送上個哈哈笑



佢去new york disney影左兩張勁爆笑既公仔.. xd
sorry.. 狂偷你d相.. "



俾意見 [0] 文章URL 引用 [0]
凝聚．向前．兩週年
July 14,2008

今朝8點幾老豆番工又例牌嘈醒我
不過今次訓得番 訓到11點幾先起身! : )
又發左個極搞笑既夢
angelababy係我表姐..
叫我得閒多d去佢屋企玩.. xd
下晏媽咪係深圳番
佢不斷強調我好似老豆
成日個口同個腦不協調
講完d野轉頭就唔記得左自己講過! xd
5點3出門口
上van仔個陣我心急上車
唔小心踩甩左媽咪隻高跟鞋
我淨係搞住笑冇幫佢拎..
佢係咁怪我搞到佢出醜.....
連個司機叔叔都笑佢.. xd
真係好對唔住 我冇心咖!
搭火車站要跑上車  樣衰死!
去到紅磡轉巴士去土瓜灣
去食日本野
壽司哥哥唔同哂既?
今次食左好多新野
不過都唔似日本野既!
waiter推介我飲蜜桃玉露  都唔錯!
照舊雜錦魚生飯. 龍蝦沙律
試雞軟骨餃子..
我初初以為係雞軟骨n餃子
點知原來係一樣野泥..






媽咪又話我聽覺有問題......
我問媽咪 : 幾時買相機呀?
咁岩waiter拎野食泥..
我 : 你唔好借d椅唔理我呀..
媽 : 你又要買衫又要買相機  你儲好錢啦咩?
我 : 可唔可以用黑箱個d..(我d積蓄)
媽 : 等我睇下你黑箱有幾多先啦.. 陣間黑箱作業呀..
我 : 唉唔好講厘個話題啦.. 費事傷感情呀!
買左盤壽司比工作人員慰勞佢地咁話喎
行去工人俱樂部
嘩一出lift就聽到多把聲一齊叫 "芬姐..."
u see my mum幾受歡迎! ; )
因為媽咪關係  我坐左係第一排
成排都係主禮嘉賓 except me..



坐我隔離個個原來係區議員亦係中學老師
準備來屆參選立法會...
傾計發覺原來佢係考form5 maths..
不斷同我講maths好緊要好重要好難讀要講理解
我想講  我都知.. 一_一"
8點就主禮嘉賓出哂台主禮
全排得番我一個kai子坐係度....




今日mc係gloria同呀憲..
我真係好中意gloria把聲.. 好好聽!!
初頭佢地可能有d緊張  所以表現有少少失準
但之後隨住現場氣氛越泥越高漲..
佢地都表現得好好! : )
睇video..
原來岩岩過去既七一慶回歸
佢地有份係紅館表演  好似幫泳兒(?)伴舞
好西利! 繼續努力呀!
第一個表演係舞蹈組既 maneater
全女班  件衫係肚皮  有d女仔凸左個肚腩出泥..



第二個表演係戲劇組既 新絕對簡單任務
得果定型到佢呀!!




不過個drama有點無聊.. 完左都唔知..
第三個表演係歌唱組既 博藝拉闊顯聲色
某幾個唱歌都唔錯既..
但其他真係不敢恭維.. 我覺得我仲唱得好過佢地
phillp唱歌個陣我諗起佢之前唱LALA世界..
佢d自創舞步笑爆我個咀! ; )
仲有某位人兄
你做乜全程望住我唱.. 好嘔心..









第四個表演係歌唱組x舞蹈組既 熱力歌舞woubomba
YEAH! 牛牛家姐終於出場啦..
睇跳舞始終睇番佢地厘班第一代既最好睇
anson x 牛牛 厘對情侶檔實在跳得太好睇啦!



第五個表演係愛心組既 夢中天使-手語歌
佢地係同一班有唐氏綜合症既患者一齊表演
有個叫做偉強既男仔好活躍好得意好識搞氣氛
之後我地全場企起身一齊做手語個陣佢勁high跳泥跳去
聽聞原來佢識跳hip hop
有機會一定要見識下!

牛牛家姐好難控制到偉強既情緒.. 佢好懊惱啊..



雖然佢同正常人係有唔同 
但係見到佢咁識得享受自己既人生
好佩服好欣賞佢地!
第六個表演係舞蹈組既 damaged
d dancers冇一個識  而且唔吸引..



第七個表演係歌唱組既 歌者電台
呀憲又玩人
好似之前sing con細k佢地玩人話有星星係櫈底
佢係後台扮聲厄人話佢係我地既後面
跟住真係個個另轉頭
可能我蠢過一次  所以今次醒左冇理佢..
果然佢真係fake人... XD



佢地唱完就邀請左班嘉賓上台一齊大合唱紅日
dickson領唱衰左  搞到大家甩哂.. 一v一"




全體大合照  聰哥哥叫我上台
但係我冇上  我憑咩上台一齊影?!




完左show得果定揸住個咪去訪問媽咪..
之後陪媽咪去social..
媽咪相識滿天下而且得高望重..
個個爭相同佢影相..


同牛牛家姐同小芸家姐影全家幅..
我部相機冇影  要等大會post左相先有得拎番..
聰哥哥誠意邀請我7月21號同佢地去拍mtv
佢話博藝坊聯同有線電視會為奧運首英文歌拍mtv
叫我搵我d同學一齊去..
有冇人會去?
小芸家姐為左個活動成個人殘哂... T___T"
佢話 : 呀妹.. 番泥啦..
佢叫我快d參加番多d野....
牛牛叫我加入愛心組同偉強一齊玩手語.. "
10點幾係土瓜灣走..
搭5號去尖沙咀摩地道個總站
同媽咪講原來我都好似係工聯會長大咁
因為老一輩既uncle auntie又識我
而家厘輩又識  
媽咪 : 咁你跟住我就係係厘個圈度長大咖啦?
我 : m... 勞工圈! 岩唔岩聽呀?
媽咪 : 岩聽.. 岩聽..
哈哈.. 咁工聯會係屬於勞工呀嘛.. xd



落車聞到好香既唔知咩味  搞到肚餓..

10點幾條街都冇乜人  可能厘度較靜掛..



搭火車有個帶住cap帽黑超既懶型人坐我隔離
佢隻腳好"a喳"..
坐得已經迫  佢仲要放隻手係我大臀同佢大臂中間..
搞到我要更加俟緊媽咪.. 一0一"
落車出閘個陣我成個porter飛左落地
我嗌左聲 "outch.."..
咁岩爭d整親個個人就係賴型人
幾驚佢帶住黑超帶唔到踩落去...
番到屋企11點幾......
zzzzz

ps.. 香港真係好多咸濕佬!


俾意見 [0] 文章URL 引用 [0]
« 上一頁 下一頁 »