(圖: xbox 塊魂封面照, 其 poster 口號為 "你同我滾!")

<<  請按一下 [圖] 繼續

^ v^

(6 OCT 2007)

唔係我嚇你  係你嚇親我啫.

我一向都怕狗.
見貓狗都避之則吉,
經 2 年訓練, 開始唔怕貓.
仲可以同佢地相處
(只限貓貓, MIMI, 忌廉, 比比)

狗... 人咁大隻果D...
不過細到手臂咁大隻我都好驚.
真係驚佢地個口喎 .

咁通常係街見到都會行埋一邊得佢地走左先...
小披經常叫我動作唔好咁大....
唉~
我想架咩...
我都只係貼埋牆 / 走過對面馬路咋嘛~

但.... 呢日...
係灣仔行落銅鑼灣的 15 分鐘...
俾  2 隻大狗驚到心都離埋...
真係個人會彈起果隻...
OK... 主人係呆左咁睇...
我知. 我係少數的異類...
咁我真係俾你隻人咁大0既狗嚇親...
又唔戴口罩...

如果唔係電梯壞...
都唔會行樓梯.
咁唔會係轉住落0既樓梯
俾隻衝住上的大狗嚇到呆左...
在相差  3 cm 距離, 佢個鼻就掂到我隻腳啦!

我著高跟鞋... 差點失平衡...
OK~ 我咁係嚇親你同你隻狗... 我唔岩~

最後...2 個鐘內係銅鑼灣...
我俾 2 隻好靚的大狗嚇到第一次喊囉~
唔好講笑. 真係俾狗嚇到喊!
我俾個精神有問題0既人用把刀指住我個鼻我都無驚過.
但就係俾2隻狗嚇到係條街都喊左出黎.

係一個轉角位. 一隻好鬼活躍0既狗衝出黎.
尾隨仲有一隻, 2 隻都無戴罩. 好活躍 !
我已經嚇到叫左一聲之後貼左埋個車度...
開頭無理, 等你地走左先行...
點知一望!

帶狗的人仲要行前睇我做乜...
大佬呀! 你 2 隻狗都係你前面!
你行埋黎時, 你 2 隻狗比你行得仲貼呀!
又係幾 cm... 不過係2 隻! 果刻好驚...
好似有種壓住左講唔到野, 又郁唔到0既感覺.
但無野可以做.
只見小披係成米遠冷眼旁觀!

到帶狗人捨得帶隻狗行開...
我先開始識深呼吸!
(頭先全世界係靜止左!)
而眼水開始唔知點解流左出黎...
其實我都唔想喊...
不過眼淚呢家野又真係唔輪到我控制喎~

唉~
其實你地D 狗唔係唔靚.
但我真係好驚囉!
咁其實又可唔可以幫佢地戴返口罩先出街呢?

唉...
心血越來越少啦~
老啦~

(21 SEPT 2007)

因為 INTERVIEW, 搵返 D 熟人做.
其中一個係小師妹.

與小師妹相遇係因為讀AAT 一個短COURSE
為期只不過有十幾堂. 她每天都坐在我隔離
(不設劃位,
我坐當正阿蛇第一排的那些位)

那一科是 TAXATION.

那主教正是今年有教我TAXATION 的PROFESSOR!!
(2 年了, 他樣子沒變個... 衣著依舊~)

最近談及她很清楚記得
那次我們因為冷氣太凍而認識的?!
(OH! 咁好記性?)

而那一屆我們都同時報考2 科,
亦同一個考場...
另意外的是...
她亦來自'觀塘職訓'

O!!!!!

而她亦有種特質...
她是會令我跟她不停嘴的吱吱喳喳
我又怕了跟她傾計了...
因為她令我發現自己一個以往不知道的事實
我是不懂用聲的人!!
每次跟她傾完電話/ 不停講野 2 個鐘...
我係每次都會因為失聲...又或者係聲沙
而再講唔到落去.......

[完]

唉~

點解想搬出黎住十幾年...
到家下都仲係要一齊住...

點解次次無人肯陪我去浦...
係咪我個樣太乖?

點解仲要對住部電腦打字...
唔係已經出去行街狂買野睇戲打機呢...

點解我0既人生總有咁無稽0既事...
所有人都覺得好正常理所當然0既事...
對我好唔正常喎...
係... 我知我唔正常...
咁... 總之我好悶但又咩都唔做得喎...

(Sept 16)

小披約我看戲~
選擇睇邊套中, 
他建議 出埃及記...
我立即興奮地叫好~
他見狀亦感快樂~

買飛前無聊傾談中
談套戲講乜...

愚道
"聖經故仔黎架~ 有個男人俾上帝攪, 佢做左隻船俾 d
牛羊豬人咁上去架嘛~~ 好好笑架~ 好開心架喎~~"

小披
立即大笑... 道 "唔係果套"

愚打哂問號
"咩呀... 唔係聖經故仔咩...???"

小披 "你又倒轉左啦...
果套係嚟多件衰鬼上帝(Evan Almighty)!!! "

E~ 係... 呀~~~

小披來愚家過節, 送來有史以來最好食的月餅 -- 雪糕月餅. 6件要 3 百多元… 好貴!! 

******

是非令人反思自己的言行, 可能有時可以另一方式辦得聰明點, 免受耳災.

******

原來人工不低… 但錢去了哪呢? 接近十萬的學費供完… 但接著的學費亦不菲!! 唉… 還有要愚媽基金每月奉獻, 過時過節又要加碼… 幸好愚媽知慳識儉沒時時去旅行~ 唉~ 自己的夢想和理想… 等多 3, 5年都唔知可否圓夢… 多年來一直的動力… 唉~

友人很有面子在這時間請得我出去食個飯.
(我午飯又沒吃... :p 乜 d 時間過得飛咁快)

請我吃了飯還送我月餅...
(買咁多月餅試食... 真係肥死你呀!)

不過多謝先啊~

delfrance 都出月餅...

p.s. 有人送我部門一盒 starbucks 月餅,
咖啡 (還可以) 及 綠茶 (唔好食)...
咁生果舖會唔會出生果月餅?

1. 人們開始多做不想多說:
”做 interview? 好呀, 俾份表我填完俾返你.”
(o… interview 喎… 唔係 questionnaire 喎…
不過算啦, 咁你自己黎)

2. 字粒 12 已經好大粒… 開始唔識睇
變成 8 細細粒先睇到 d 字… 好驚喎…

<完>