我: 神, 我想跟袮有更好的關係, 但好似好難進深. 疑似有野阻隔了. 我生命裡所經歷的, 我只數算到豐厚的恩典, 見唔到有咒阻. 係咩難阻左呢?

呀! 係我家人, 他們對我好重要! 但從他們生上的事, 我覺得袮無顧念佢地, 尤如無顧念我一樣.

我: 你知我最錫媽咪, 點解佢要受咁多苦?

袮: 點解你覺得佢苦, 佢一d都唔覺得自己苦, 因為佢有著我, 成為佢的幫助.

我: 老豆已經歸信袮, 點解佢的生命同以前一樣, 無改變?

袮: 我有我的方法讓佢經歷我. 我無離棄佢!

我: 點解細佬要跌得咁重, 咁傷?

袮: 如要唔係o果件事, 你倆的關係唔會變得咁近, 你唔會有返個細佬. o果件事令佢成長, 改變成今日的佢.

我: 家姐由細到大係屋企都唔開心, 一個人孤單左好多年, 佢好慘. 點解重要深深的傷透家姐的心?

袮: 佢的經歷讓佢有機會認識我. 既然認識我, 我絕不會放棄佢, 我比你更深愛佢.

 我: 咁, 康康... ... 無... 無...無野丫 ... ... 袮大大的祝福佢同我, 我們無缺乏過! 袮應許往後的日子, 仍會拖帶我的屋企.

感謝主!

我地一早就知你將要做手術, 我仲以為係人生間中遇到的常態. 但時候到了, 我的心情無有預計的簡單.

當我知道你做了六個鐘手術, 就知原來唔野少.

因為探病時間的限制, 呢幾日返夜更的我仲未見過你一面. 由於係醫院關係, 唔可以開住電話, 好難先打到比你. 呢幾日好忙, 我好夜好夜先收工, 當我見到有你的miss call, 我就好內疚接唔到你電話, 我只有一"味"喊.

聽到你電話把聲, 好微弱, 好沙啞的, 我知真係好痛. 對唔住.

你地兩個都老啦, 辛苦了你們. 我好痛心.

幾經辛苦, 終於申請到轉職, 9月15日就會去新department了! 我都有D D 開心, 因為唔使再係reception 捱! 我的新 position 係 TSA, 係 executive floor 做 reception 的工作, 係"靚仔". 不過上面少d客, 就會輕鬆好多.

話說當初我唔係申請呢個位, 而係 SPG officer, 做一d關於membership 的工作, 好administrative. 不過老闆揀左 executive floor 的一個supervisor做呢個位. 無被揀中, 我又無咩唔開心, 我諗神覺得呢個位唔太適合我, 所以無安排啫. 但, 神又唔會唔理我喎! 可能我確實有轉職需要, 衪就為我安排新工作. 之後, 我知道executive 請人, 即本試試. 今次我都覺得機會大, 因為job nature 同我做梗o既差唔多, 應該master得到. 我係擔心老闆唔想, 因為reception唔夠人, 我又走埋, 大家就好幸苦囉. 不過老闆最後都比我試. 尋日終於confirm ok.

我由 senior 做 junior, 要減人工, 不過 ok o既!

年紀大了, 約會舊朋友的次數就少了, 皆因大家都忙, 可能一年先會見到一次, 除非有特別事情, 就可能會見多次. 上年就因為有我結婚, 所以見左兩次, 哈哈哈!

約左幾個星期, 上星期終於成功約得成poly同學食飯. 有同學已預先通風報信話我知, 有特別事情宣佈. (唔... 呢個年紀, 有事宣佈的話, 都離不開係結婚啦!!! 兩位主角都係我地同學, 都特別登佢地咁開心, .)

女主角-女同學係唔守得住口個種, 食飯時, 我地故意唔問, 想等佢忍唔住口講. 起初男女同學推來推去怕怕醜都唔講, 咁算啦! 之後好正經咁話有野同大家講, 我地就攞起水杯,預備恭賀. 佢地真係宣佈結婚, 同埋女同學有了bb. 我地都覺得好意外, 但都替佢地好高慶. 全晚飯局, 到臨離別一刻, 我地的話題都離不開bb. 可能女同學啲屋企人係台灣, 大家都擔心佢唔識照顧自己同bb, 所以不停叮囑佢要小心身體. (我地好似好有經驗咁, 但當中無人生過仔, 當然所有意見都係"我聽人地講...." or "我聽阿媽話....", 哈哈...)

我回想起女同學話佢有bb 時, 佢個樣好開心, 好滿足, "初"住個肚同我地講bb 的野. 識我的人都知我唔敢諗生仔, 因為我怕好痛, 諗起都好驚, 所以都係唔諗住; 但從女同學那其待的表情, 反映佢真係好開心, 好滿足, 我的感覺正面左少少 . 唔... 如果心理預備十足, 應該會好期待, 好開心咁等有bb, instead of 得個"驚"字... 等我好好預備一下.

我地班同學, 好似又走到另一階段, 講完結婚, 就講生bb 啦!

 女同學預產期為二月, 我估因為探bb, 出年應該會多次舊同學聚會, 仲應該會好齊人呢!

最返, 係工作上好唔順利, 可能自己都有d錯.

事件1: 我跟一班大group, 玻人, 勁煩! 我自己拯強, 唔使人幫! 終於, 我的驕傲令我趕唔切搞點! 當然, 另外因為SALES 跟得唔好, 有D野MISS 左, 最終 check in 當日, 比隻"肥玻玻"鬧到癲左! 又要send 道歉信, 又要送禮物...

事件2: 有四隻黑珍豬check in, "R" upgrade, 我唔比, 走去投訴我. 係我manager 面前話我rude, 同我老闆講話唔鐘意我. 正衰人!

我問: 神我做錯咩, 點解接二連三咁多麻煩野發生係我身上.

詩歌話: "神未曾應許, 常晴無雨"

我的錯, 我承認, 求神赦免.

俄巴底亞書提醒我:  縱然有禍患, 神都會保護佢的子民, 因為我係被揀選的. 我唔明點樣保護 , 神比我經歷.

事件1: 最後班group走哂, 我老闆都無怪我, 仲話返比我知呢班group 自己本身安排得好亂, 好麻煩. 不過, 我地當然可以做好d!

事件2: 我 manager 和 老闆都唔信我會對四隻黑珍豬 rude, 係佢地想R野, R 唔到就投訴! 

我係唔如意的事上, 即本試下咩叫信心, 我認罪後繼續求上帝的公義. 衪 讓我經歷!

每次醒起, 都唔記得講, 估唔到要靠呢個方法話你知.

唔... 等我拋吓書包先...

"你們作妻子的，當順服自己的丈夫，如同順服主。因為丈夫是妻子的頭，如同基督是教會的頭，他又是教會全體的救主。教會怎樣順服基督，妻子也要怎樣凡事順服丈夫。" 以弗所書 5:22-24

四川地震, 令任何人都好心痛. 接住的反應是: 我有咩可以做到?

收到教會的email, 知道崇拜奉獻將會捐助振災, 你話我知你準備捐 "咁多咁多咁多錢". 多謝你通知我. 你是屋企的頭, 難得你有敏銳的觸角, 帶領我地屋企 (雖然只有你和我) 回應社會, 你起了帶頭的作用. 呢d野, 我地應該要做, 只要是我地能力犯圍內的, 我一定支持你!

email 又提及, 星期日早上將會舉行祈禱會. 平時大家不太願早起, 估唔到你提出我們要一早起身參加祈禱會. 你話要去做上帝所喜的事, 我又點會say no. 老實說, 星期日起身時, 我都有掙扎過-不如瞓多陣先. (唔知我有無提出過呢?) 不過, 我唔可以成為拌倒人的蛇! 好開心, 我地最後好趕咁上路, 回應上帝!

你做到上帝叫你做的頭, (做你個頭... 哈哈...)  well done!!! 繼續努力, 不要鬆懈!!! 多謝你! 

尋日簡直癲左, 300 幾check out, 200 幾 check in! 好辛苦呀!

我成朝不停抖大氣, 吸~ 呼~ 吸~ 呼~, 唉... 好辛苦! 我咁o既表現可能都會影響我d同事, 不過, 真係好難頂! 我 handle 到呢d situation 唔代表人腳無問題!!! 有幾刻, 我曾經好想突然係 counter 尖叫! 不過忍住吞返落肚. 唔知... 如果我真係係counter 尖叫, 果一刻又有好多客係到, 咁會點呢??? 我老闆會唔會以為我癲線, 又使唔使簽warning 呢??? 不如... 試吓... 丫...!

話咁快, 下星期又要返通宵啦!

唔, 返通宵唔係好忙, 我其實都唔抗拒, 不過我要好多朝先適應到瞓覺時間, (可能要四至五日), 但啱啱適應到, 第七日就話返完! 我有要求過連續返十四日工唔休息, (唔好浪費我的適應期) 不過話唔得喎!!! 要下次先... well... 算囉!