今晚同d小學同學去譚魚頭打邊爐，
一行十個人，八男兩女，
我去到o個時o岩o岩開席，yeah。

又o係度聽佢地講笑，咁又過o左一個好愉快o既晚上。
佢地仲話八月要借我生日之名，
約大家去深圳玩一日，仲要玩埋 ko-kart 車... 
咩事呀，你班男人。
連大住個肚o既佢都話要去，咩事呀，呢位大肚婆!

本人係支持買樓先，之後先結婚o架。
希望我他朝有日嫁得出o個時，已經搬o左去杏花村啦。

BB o岩o岩出世o個，
腩仔話狗仔三日開眼，
auntie 話狗仔七日開眼，
而今日係 BB 們出世後五日，
去到舖頭見佢地三個仲未開眼，
即係腩兄錯o左。

auntie又問我地要唔要養狗女，
雖然係動物o者，話晒都係生命一條，
養之前要好好考慮一下。
腩仔星期一至五都要返工，
無時間陪佢，好似唔係咁好，
而且，我由細到大都未試過養動物，
我唔識得同小動物相處。

今日引o左 Coffee 出籠，順便帶埋佢三隻 BB 出o黎，
放佢地o係報紙上面，auntie 唔知搞過佢地d 咩，
嚇到 BB 賴尿~~~ 
三隻 BB，最前面o個隻仔仔同後面o既唔同，
唔知佢係早d發育定係與眾不同，
佢 "鬈" o架。  (i mean 佢d毛呀...)  哈哈。
聽auntie 講呢隻都好霸道，
飲媽媽奶o個時會霸最多奶水o既奶頭，
而推另外兩隻去媽媽尾位無咩奶水o既奶頭，
搞到d BB 飲奶o個時悲鳴~~~   
(題外話: 唔知報紙上搬遷清貨一折o係邊呢...)



你睇下d "老鼠仔" ，真係好細o架咋，
五日大都淨係好似我隻手板咁大 only...
唔識行，淨係識識地蛙手蛙腳咁爬幾步，
同埋識瞓、悲鳴、食奶。
同人類BB一樣。 
再重申我由細到大都無咩機會接觸小動物，
尤其動物生BB，更加係第一次接觸咋。
所以，我對 Coffee 今次o既生產咁好奇。
我淨係o係 discovery channel 睇過非洲o既"馬"生仔，
d馬 BB 一出世之後，幾個鐘就識企，
所以我好surprise點解d 狗仔五日大，
眼又未開，又未識行，就好似人BB咁樣。
(BB們剪o左尾呀。
問o左點解要剪尾，原因係 "靚d " only!
同埋auntie 話 BB 第三日剪尾係唔痛o架喎，我都唔明點解。
而又係auntie話，佢帶三隻o野去剪尾，佢地都無嘈過。
真係咁神奇?!) 
而因為佢地唔o係籠，
auntie又引開o左 Coffee Leung，
所以我都去摸o左 BB 幾下，
好似公仔呀。 


一見到張相，係咪好想大叫 "好可愛呀..." 
d BB真係好得意o架，好似兩隻公仔咁呀。
不過幾個月後，
佢地就會跟其他人生活，
唔再屬於梁家o架喇...
諗起都唔開心。  

現在十點十分，我還在公司搏殺中，好累呀。

o係度無啦啦睇相，見到上個月o係街市買o既小小西瓜，
$25一個，好好好好甜，無咩白邊，我同腩兄每人半個。正! 

我今日全日，
早餐一個麵包
下午一個麵包 + 龜令膏
跟住到依家一d o野都未落肚~~~  好慘呀。

今日去太古城同腩仔配眼鏡o既同時，
問下佢地可唔可以幫我驗眼。

check o左出o黎，
同我expect o既差唔多，
左右眼同樣有遠視 25度，同埋散光 50度~~~ 
又係o個句，
"小姐，你對眼好精靈喎，唔洗配眼鏡~~~ " 

係咪好羨慕呢，呵呵呵~~~~  

今日同腩仔行o左一陣太古城，
之後又去o左舖頭睇狗狗。

今日Coffee見到我，居然走去我隻腳o個度要我抱抱，
不過聽到其中一隻BB叫 (叫得好可愛呀...)，佢又入返個籠保護佢三個小BB~ 

腩仔走去個籠叫Coffee出o黎，
Coffee E起d牙 wu 佢 (個樣好惡呀...)，
aiya... 死腩仔仲要伸d手指撩佢，
Coffee 真係唔咬佢當俾面我o架喇。哈哈哈哈



Coffee...你隻腳咁樣會唔會壓扁阿B o架~~~ 

梁家有喜，
梁小狗 (coffee) 於6月26日生了三只小狗，兩男一女，
隻隻都好健康。

星期六睇完transformer返舖頭睇狗狗，
第一次見 BB狗。
三只小狗有如三隻mouse咁，
未開眼、未有毛、未識行，
佢地就好似游蛙泳咁手手腳腳撥下撥下咁行，
好kawaii 呀。
而做o左阿媽o既coffee，亦跟平日o岩o岩生完o既母狗一樣，
一反常態，唔係好鍾意我地靠近佢個竇，
行近d佢就 wu wu wu 咁兇我地。
o岩o既，明o架coffee，我會遠觀你個竇，唔摸你d BB~~~~
(不過 Auntie 拎起o左你個女要我摸下佢，
我又當然摸下啦。wow....好得意呀個感覺~~~~   )   

而原來狗仔大肚，正如auntie 所講，懷孕 63日就 63日，時間真係o岩o岩好，多一日都無喎。勁準時! 
而聽腩仔講，梁小狗出世o個都係咁深色，不過愈大愈淡色。

多麼偉大的我，
居然同腩仔星期六睇早場，
九點二十分~~~  
我地要成朝早八點幾起身，九點出門口，
真係同返工無咩分別。

Transformer...  連第一集都未睇過，
細個o個時係機械人卡通片又會即刻轉台，
所以套片d機械人我一隻都唔識。

入場好多中一二o個d男仔學生，
我唔明點解佢地會有d位可以笑得出，
男生真的有時十分幼稚。

套片 150 分鐘，睇o左個幾鐘我就已經發霉，
仲要問腩仔幾時先完場。。。
o個兩個徽號我睇唔出有咩分別，
而且隻隻機械人都差唔多顏色，
我都唔知邊隻係忠邊隻係奸。
打到最後我仲問腩仔，
"又話有舊o野要射太陽o既? 都未搞掂，d壞人做咩無啦啦又話徹退呀?"
而腩兄居然話 "下?  打爆o左o個個裝罝喇喎。"
我: "下?  我淨係見到柯柏文o係度打o個個咩登咋喎... " 
場面亂到我咩都唔知。有咩壞人死o左我都唔知。

呢d戲，真係男仔戲...係佢地d男人先會明瞭佢好睇之處。
而我，淨係知個女主角好靚，身材又好正，而我呢世都無可能好似佢咁fit~~~　　


(o岩o岩睇返我上面寫o既o野，發覺自己好港女呀... 
但願我有港女o既福氣，o野o野 lur 個男友買o野...)
"腩仔~~~~　我要呢個，你俾錢~~~ "  
PERFECT!