本來有三個camp連續去，不過失敗了，只去得兩個camp，剩下的一個卻去不了，打了個電話同阿謙講，他卻話_~預了你不來，o...no，我又再次放飛機，so sorry to all，

勁想知佢地三日玩了甚麼_~

先講聯天_~(19 ~~ 21)

都未試過去camp是為了玩，這感覺比我實在太好了成組人，我都冇想過同我果組的關係，我一出聲，就比人想打的感覺，點算~~不過算係咁o架喇，都唔係比佢地打得這麼勁，可能因為他們是女仔喇。第一晚，本來我同志榮可以同澤仔傾計，dame~~~有一班人超嘈，攪到比人見我地全部要sleep，唔準逗留房外，攪到我地三個勁無奈，走返間房裡面，總算，我同志榮同阿聰都出o左一陣水，又見到有人飛o左落床，總算過了第一晚_~~~

之後第二日，都算有得玩，有得休息，但係休息時間居然為了st john training camp內的遊戲設計，又煩了，攪到自己冇得休息，終於，到夜晚，唔掂喇，超級的眼訓，但係又要做唔知咩聖體朝拜。我自己都完全唔知係乜。算喇，話哂聯天信仰camp，咪試下囉。入到去，so silent，倦意也閃了出來，我好努力，想著不要訓，算係咁喇，總算有20 25min冇訓過，同天主談了一陣。完了後，頂不住，GB>sleep去了，冇去到靜修院，少少遺憾喇_~~~~

第三日，冇野做過，因為我晨咁早出o左camp lu，鬼叫自己有camp 去咩_~~~~由長洲去中環，由香港站到荃灣，苦過dd，都唔知咩事，回到家重要攪埋training camp d手尾，完全是癡線的表現

st john (21 ~~ 23)

好喇，稔住做完同人食lunch去camp，點鬼知，返到去，去哂買野，買完野返黎，d van仔又到哂，又要搬野上車，頂，我的lunch又凍過水喇。上到車，比個司機狂講野，又比佢火頁我地。我都未見過一個司機，話自己年中去過幾次果一個camp site﹐講到自己好鬼醒。果頭不停問我，係唔係前面，係唔係要轉左轉右，大佬，唔識咪講句唔識囉，洗唔洗係我面前出水ar。攪到我地鬼死咁慘 ，唔好比我見到你，實比你試下我d 18銅人拳的威力_~~~~

去到聽camp site briefing，之後做o左陣門面野，就玩我設計的遊戲。可惜，天妒英才，妒忌我個遊戲，落大雨，攪到遊戲越cut越少，得返5個，重要失去我玩這些遊戲的宗旨。傷透了我的心喇，點解我之前想唔到我的遊戲的問題，根本須要所有負責人明白遊戲點玩，先至有用，自己唔想得詳細就話去做，終於，出了一個大頭佛，這一刻，我終於發覺自己問題所在地，唔夠細心，永遠害死人，害死自己的一種方法。可能，這亦是我成不了領袖的一個原因。玩到6點，去食飯，班靚仔又唔食哂d餸，有冇攪錯ar，每年的training camp都要喇，以前d人講一句，枱枱d餸都食鬼哂。而家，唔食的理由多到乜，好心你們喇，唔好咁喇，叫你地食哂，就食哂喇，我唔信每枱有10個人，攪唔掂成枱d野食。夜晚去o左做first aid training ，好勁d人個個比返哂d功課比我地，包紮又唔掂﹐判又判錯症，第日的first aid比賽點算ar。總算sunny勁，叫我地班nco做一次first aid 比佢地看(事前真的不知道要做)，總算ok喇，我自己都包得ok，判對哂d症。最可怕的，可算係完first aid時阿joe 昏厥，「仆」一聲跌低，好在他冇事，但之後去o左阿翠間房吹水，吹到3點到就訓lu~~~~

第二日，將開眼，又落雨，都唔知點算，將d programme順延，下午去做d我amb aid學的trama，好野，我d技術總算掂。夜晚來過first aid，但係發生好多事，事後又發生o左好多事，總之，勁火_~

第三日，nth is special 只不過去唔到另一個camp o者_~~~

近來，我愛上看日記的習慣，不知道我能否從中得出一種新的情呢？

從前有一架車，他的外型與其他車輛並沒有任何特別，更不用說出生於名廠之家。他每日都放在店舖內等候買家。有一日，老闆感到奇怪，覺得在車上添加色彩，可能更會吸引買家。但他的同事卻覺得，車輛不動就是美，做這些功夫，只不過劃蛇添足。但老闆永遠是對的，同事們亦不想感到為難而再沒有任何說話。老闆為車子粉飾一番，終於，他的大作完成。在他眼中，完美；在其他人眼中，只不過是一件「畢加索」。後來，有一個設計師看到了車輛，他覺得設計是可取，只不過用錯方法。他向老闆提及一些可行方法，但老闆依然堅持己見，最多作了部分修改.........結果.....................

試問世界上有幾多人懂畢加索呢？我覺得每件事是有多方面的看法，正如老闆覺得車的設計是好。但是，世界並不是得一個人，而是由很多人組成。堅持己見不是不正確，但不認真去尋求改進，卻是永遠得不到他人的認同。我自己更覺得，既然不滿意設計師的意見，可以忘記，根本不用常常迴旋之中，這只會令人更加感到討厭。

今天早上返去玩了幾個遊戲，就同plato出o左去找地方溫書。我自己曾未嘗試過找自修室溫書是這麼的辛苦：圖書館，迫爆、青協，要交入會費。無奈地電阿伯，問佢有冇地方溫書。佢都算是朋友，話幫我落去自修室，看看有沒有位置。點知讓我上o左巴士，一個電話話佢自己返緊屋企(即係冇位)。真是比佢攪到我Q o左個咀。不過我最後都去o左plato家溫囉~~~~~溫到6點，回家去lu 後記：等車途中，有個用電動輪倚的傷殘人士在梨木樹果條斜路玩飄移，超勁..............................

天還未亮，清楚記得是四點多，我已經不自覺地醒過來。可笑的，竟是阿媽走了入我的房間，對我說：「你甚麼時間要出街？」我想她大概唔會弄醒我出duty，隨便地答了一句六點多。之後我想還掂醒了，倒不如study下。可笑的是，同阿媽講o左一句起身study，之後就再次變成沉睡者..............................

幸好，我成功起到身，但是卻收到個電話，司令竟然發燒，打電話去佢重好似未起身似的，以為我是鬼，都唔知我講甚麼。沒有所謂，不竟都是做duty o者。點知今次我都是遲了2分鐘就到，plato重要遲過我，但係最離譜係西牛，條友又極度遲，好野，但係居然冇人話佢，感神奇。

是但喇，我想今日也只是一個普通duty。點知原來又是一個麻煩的duty，最氣憤的是我當了兩更，稔住可以休息兩更。一個radio講話唔夠人，要出去幫手。果一刻已經頂佢唔順，休未休夠﹐就要出去，痴線咩。我休息前大把成人隊喇﹐點會唔夠人。之後出到去，好勁，遊人沒有多，成人隊只是少了一兩個，又點會唔夠人ar。四個灘位，洗鬼四個人看守。之後琴姐過黎同我講：「你看看有冇足夠人手，人地要休息」一肚氣，人地就有休息，我地就做到上氣不接下氣。果然夠哂忙lu~~~~~~~~

1730，終於完了。但係太累了，回家休息，沒有出街食飯。返到屋企食下飯﹐溫o左陣書喇，同blue_wind q o左陣，sleep lu~~~~~~~~~

近排，我發覺感情真是令人費心的一樣東西。常常希望尋找一班良朋，卻發覺自己根本不可能成功。原來是我自己的問題，不懂待人、待自己。好辛苦ar，常常為一些事情而不停幻想，不停尋求單一的解決辦法，最後卻發現原來自己做緊傻事。慘喇﹐平時d人話我傻，我都唔係咁信，現在，我開始信喇~~~~~~~~~~~

點算ar~~~~~~~~~~~

第一日上來啊