可惡！唔經唔覺原來自己已經懶左好鬼耐！唔經唔覺又原來自己個肚腩有成三十七吋半＝０＝　今次大鑊就追到首領佢條士啤軩……有見及此，今日開始我會去做gym去減肥……希望可以快ｄ收身等我唔好超越首領啦！！！

　 　今日３７吋半腰　８８公斤重　……　一個月後會變成點呢？？嘻嘻～真係好難預測^^~

　　呢幾日都係做野比較多，成日都出去休息一下抖下氣的時間好似都無……日日開車出去去到真係有d厭倦，有時真係唔係咁想去law……不過自己的功夫都係自己做返比較好，放低比人有時真係唔放心……呢個世界咁多人真係乜人都有唔係人人都係好人架！係好就話la唔係的話咩都做得出黎呀…！唔好睇佢半日斯斯文文其實佢就係一個鬼鬼鼠鼠的人，好在我醒目唔係就差d害死人！

　　真係~唉~~~~~做人真係煩……做老細更煩…………

尋日做野做到4點半今日訓到唔識醒-0-做野還做野仲要感冒……手又弱頭又重勁唔舒服，但係都要頂住…… 結果就係今日病得仲勁law!!!但係今日都仲係要正常咁出去做野，但係實在係太累了……但係都照做啦唯有……

今日同個老師打左場波，走兩部喘晒氣，死啦 ……真係要減肥練下先得啦，我而家先二十一歲有排都未老但係咁快就咁……唉~~

訓啦寫住咁多先啦~各位最近好嗎？

Ｌｅｏ Sir  x Ｍｅ

Ｍｅ x PTI 占士Sir

( PTI 即警校內的體能教官當年占士Sir都係我既 PTI )

澳洲滅罪交流時的Ｆ４

Ｊｏｄａｎ x Ｌｅｏ x  遠爺  x  Ｍｅ

遠爺   x   Ｍｅ  x  Ｊｏｄａｎ x  Ｌｅｏ

澳洲滅罪交流時的團員

Ｊｏｄａｎ x Ｌｅｏ x  遠爺  x  Ｍｅｘ 細ｅ　

遠爺 x 細ｅ x  Ｍｅ  x  Ｊｏｄａｎｘ Ｌｅｏ

(下次會點遠爺細佬志鵬督察passing Out的相)

　　嘩嘩嘩~~我真係喪夠port呀，今日出去做完野，開電單返公司時，就返到公司啦，發生左一件事！呢件事真係好惡，真係夠port！

　　今日做完野我開住我的電單車仲車住兩個人返公司，去到一間酒店的小路走捷徑，半時每次都係咁行的，但諗唔到今日呢度竟然係一個陷阱！我一轉彎，見到有四個大陸警察係度，我覺得無咩野啦，一轉彎，路邊又有幾個喎……我都仲未知乜事！再行前d……先望到！原來查車……大鑊，其實我只有私家車牌，無電單車牌的……我開緊部車有牌但係無年審即係又等於無……死梗啦今次=.=前無去路後有追兵……向前行又比人捉住，調頭又比人捉住……我仲載住兩個人=.=唉～呢個時候我諗住都實死無生架啦……於是，我就叫左我車上的兩個人落車，跟住我諗左陣抱住一個沉重的心情踏上征途

　　下車的位置同查車的路障不足２０米人人都見到我車上面的人下車，跟住我開車，行左兩步個交警指我開埋右邊，跟住我減速，係呢個時候佢地以為我會停啦，其中一個警察佢去捉住左邊果部車，原本無位走架就係呢個時間，佢行左過去後出現左一個空位，我減速的同時見有空位就扮停車就到佢地果度果陣我突然加油走～～！我左手上臂比一個警察捉到右面又有一個拉到小小個sit位，我一ｆｉｎｇ－３－之後加油就衝過左，諗都唔諗一支箭咁一直飛～咁就衝左過去＠＠

　　我飛左幾百米之後就停埋一邊打比我載住果兩個人，拎電話時有ｄ手震……哈哈～呼～～脫險～！我開頭走的時候佢地無追我的，原來話係我走左之後有人叫人走追我的，但係我已經走左好遠車尾燈都見唔到啦！又話我衝過左之後全部ｄ警察都呆晒～我諗就算係本地人都無乜邊個做得出呢件事＝３＝哈哈哈哈～～而且我相信今日之內一定未有人試過咁做，佢地仲以為呢個死位我死緊啦，點知～比我～～呵呵呵～～

　　講就係咁講，但係都真係好危險的，好彩佢拉住我上臂，如果唔係就難走好多下次都係要小心ｄ唔好再走左入陷阱先得= ="今次真係喪夠port呀！千祈唔好有下次就OK啦～因為今次有ｄ好運先衝得過咋，如果有人追～咁就無咁易架啦^^"

　　呼～～～～～有驚無險～嘻嘻～～

遊戲玩法：
先由開始遊戲的人開出一個 topic，在自己的 blog 上答，再把題目轉給五個人，在答案末段附上五個人的連結，再到他們留言版留下 MSG『你被貼了』被tag到的，也要在自己的 blog 裏注明從哪個 blogger 傳來題目答好問題，再把題目丟給另外五個人，如此繼續下去。

五樣盡快達到的事

1. 唔再負資產

2. 瘦身

3. 要改變不良生活習慣

4. 要快d返香港工作...唔想留係大陸

5. 去旅行

我都無咩fd喎=.= 返彈返比你

　　唔覺唔覺，我都有成個幾星期無上黎寫日記，早排無咩野好做所所以可以日日都寫，寫寫下到左兩日一次，而家仲變埋週記！同一早預計果陣係一模一樣，我個人就係咁，小左一份力量，叫做堅持……做咩都係一樣，堅持唔到就會停止，就會半途而廢……我就係一個咁o既人成日都會半途而廢的一個人……睇睇下自己都覺得自己廢=.= 唔通我真係傳說中的一個廢人？？呵呵呵呵~講住咁多先~下午繼續嘻嘻~~

　　呢兩日要去返間小學度執埋d手尾~之前做左八成諗住而家攪埋最後呢小小野我就可以收工！點知呢~~~P佢個K之前電工佬做果d電有問題，我頂佢個肺呀，今次明玩野姐師兄！仲要話朝早過黎攪，話黎話黎話下話下話左半日，真係比佢吹到我啤一聲呀！結果整完之後到夜晚成八點幾九點先可以走到……

　　我真係唔明佢地點做野架，明明之前講好左要求，我都講得好清楚話係比電腦用，但係仲做出呢ｄ咁既野出黎，做得出黎用唔到都夠膽死！比我鬧到佢地趴係地！最衰就係阻住晒ｄ時間，人地老師放假，要人地陪我地坐度成日，真係攪到我勁唔好意思呀！！！

　　呢個世界係咪真係特別鐘意整鬼我呢？？？成日攪ｄ泡出黎比我，攪到我成鑊泡，睇下唔知幾時攪到我成身蟻丫／＿＼＃講係咁講，但當然唔好攪到我係最好啦．＿．

　　尋晚倦到我死，打打下機訓著左覺都有～你話可愛唔可愛=0=呵呵呵呵～～就又要出去做野啦～今日唔好做到咁晏就好啦~~