唉~開始越嚟越發覺個仔似自己(本來應該開心,因為佢個樣已經唔多似我...)衰就衰在係,好既唔見似,d臭脾氣就似足自己呢...有咩理由得個3個月人仔,仲惡過個廿幾歲嘅...我吖...離晒譜係,BB仔嘅表達方式係咁,不過阿仔,你知唔知你唔係喊,而係嗌...都冇眼淚嘅,你咁樣阿媽好難做咖,你明唔明呀?!

你睇吓佢個衰樣...真係無佢收...

不過佢一笑,真係心都甜埋嘅...^^幾嬲都唔記得啦...

上星期,阿仔剪咗頭髮呀~~係出世以來第一次咋!由大伯操刀,剪完之後仲覺得阿仔靚仔咗......本身已經靚仔咖啦,而家仲更加俊俏,真係個超級美男子呀~~哈哈^^(都唔知知唔知醜咖個阿媽><)

阿仔就快3個月大啦...見到佢一日一日咁大,就即係話俾自己聽...妳嘅減肥計劃好開始啦~~

無錯...我都真係唔想再背住呢三十幾磅肥豬肉啦...

所以,聽日開始,我就會俾醫師幫我......針灸減肥...

大家睇住嚟啦~~好快就有好成績咖啦...(我估^^)

呢兩張相我真係好喜歡,整得真係好"靚"呀~~尤其係SUPERBABY o個張...因為...

阿仔,你係媽咪心目中已經係個SUPERBABY啦!!

**係度特別鳴謝幫我整呢兩張"靚"相嘅人...TRACY...THX~~(佢都係啱啱做咗媽咪咖^^)

我嘅寶貝仔準時係二零零八年二月四日出咗世啦~~

我的家庭相...一家三(四)口...多B冇份添...><

無計啦...阿仔咁細(佢同多B仲未見過面咖!),等阿仔大d先同埋多B一齊影啦...

仲有10日(大年初四),我嘅寶貝<<吳知道BB>>應該出世或已經出咗世啦~~

心情真係幾緊張...

哈哈哈~~我嘅重要消息係...

係......

係......(其實都唔係啲咩特別嘢...只係希望會有多啲人為我哋高興吓啫^^)

我要做媽咪啦!!

下個月有重要消息宣佈,敬請各界好友留意!!

謝謝^^