今晚搞生日...早o係11月o個陣我突然忽發奇想想搞個制服party~嗌埋阿就朱威佢地成班...後尾12月知道1月6號要stock take即刻冇哂mood...因為阿蚊話要點通宵....後尾先知原來佢係嚇下我haha~不過都好ge...我自己cancel佐呢個idea...後尾阿峰佢地又出佐事...如果係約好哂先因為呢樣o野搞唔成仲冇引la~

其實本身今年諗住唔蒲ge...想8號o個日做d日間活動好似去迪士尼咁...但係家華有個fd又係同我同一日生日...咁佢又搞...我唔想佢因為同佐我一齊就唔去朋友生日...所以咪諗住約埋d fd又去下咁...點知我約哂人book哂台佢個fd又話唔搞wo...吹脹...我亦都有諗過咁唔搞la...但係又諗難得都約實哂成班朋友...再約另一個活動又煩...如果改唱k又唔係咁好...因為我不嬲覺得如果唔係一班超熟o既人一齊唱k係會搞到大家都好悶o既...所以最後都係起行la!

今晚約佐金英阿欣fanny nicola同almen...仲有家華咁la~去新場見識見識~

今日臨放工無lala俾阿蚊屌佐一餐...仲要係好無姑...亦都冇得解釋...我真係嬲到震...你冇o野r你明知我生日...呢單o野關我鬼事r...我屌我托柒咩...不過冇計...佢係阿姐...硬食...

之後又俾家華激到啤一聲...因為我book佐張台...almen之前同我講話佢條仔同d fd都會落但晏d先到...想問我借幾個qouta俾佢唔駛排隊...咁冇所謂o丫...一石二鳥o者...人地唔駛排隊...我d fd又唔駛夾qouta錢...點知家華突然有兩個fd話一齊出...想要qouta...我話要留俾人...叫佢地買飛...佢勁大反應...大男人即係大男人...其實當初almen一講o個陣我有o係家華角度睇過件事...我都覺得佢會唔高興...但我生日wo...駛唔駛咁...人地d仔都講明唔會過o黎張台真係純綷為佐唔駛排隊...

我o個下真係好想喊...想話唔去蒲喇...點解一個二個都要o係我生日激鳩我...我個人覺得一年入面仲重要仲值得慶祝o既日子就係生日...點解...唔可以俾我開開心心...唔可以就下我...

不過又諗d fd都出哂門口...唉...後尾搭地鐵almen o係長沙灣上車join埋...傾傾下就冇事la...

去佐新場club r...我對呢個場1 d好感都冇...歌係ok...氣氛ok...但我o既感覺係差過you too...個場個格局唔知似乜...

因為我地太早上去o既關係...而戲玉又要留到nicola上o黎先上演得...所以初斷真係好on99...錯在應該等搞掂哂d o野真係出去玩先食...

後尾nicola 1點到上到o黎喇~hehe好戲上演la~因為我買佐個蛋糕俾佢r...佢下個禮拜生日ma...又mm同行佐幾年o既男朋友分佐手...單身o既生日係好慘o既...所以我想俾個surprise佢...幫佢預祝埋...

題外話:我亦都會永遠都記得我上年生日...我一個好朋友都諗到呢一點...特登買佐個蛋糕送俾我...其實我真係好感激...好感動...好開心...不過因為1 d小插曲令呢位朋友有hard feeling...其實我好明...但真係一個美麗o既誤會...我希望你知道...你o既苦心冇白費...我真係會永遠記o係心...多謝你...

個蛋糕一拎出o黎...其實個個都知係我買俾nicola架喇...不過nicola梗係老奉以為係我架la~當佢見到個牌...我見到佢好開心...我都好開心~希望佢唔好再為個仆街而傷心la...身邊仲有朋友對佢好好~

我買佐一磅ja...心諗去蒲切蛋糕不嬲都冇人食架la...影下相架je...點知阿欣同金英...hahahhahahahahha!

不過最後係我冇蛋糕o既haha~本身fanny話買o既...但佢聽到我買佐俾nicola佢就冇買喇...然後家華又解釋話佢以為fanny買所以佢冇買...fine~我最後都有得切~雖然係我買~haha~

食哂就出去玩喇~個場個舞池...我真係唔知佢想點lo~之後又輪到家華...我亦都唔知佢想點lo...所以後尾就坐佐o係台同nicola同家華兩個朋友玩色中...

係後尾同d fd出去玩佐陣咁大把...又飲佐d k酒...成晚就係爆佐o個一陣...

玩到5點就一齊閃~

呢晚...有一半我係好開心...有一半我好唔開心...

開心o個part全部都係關於我d朋友...多謝阿欣o既禮物...金英本身都有o既...話走o個陣先俾我...不過後尾因為阿輝屌鬼...搞到佢要急急散水下次先拎俾我...nicola都同我講買佐la...但諗住去蒲廢事我整唔見...串我...另外就係...我見到佢地幾條女見得多佐開始熟絡...自己都有傾有講...呢點我又好開心...

同埋就係我今日先發覺...原來一直俾長沙灣班人灌輸佐個錯o既concept...原來人小小...但個個都係一心一意咁出o黎同你慶祝生日...會好緊張你悶唔悶...在意你玩得開心唔開心...咁樣係真係一件好開心o既事...

多謝尋晚o既每一位...諗番...呢個真係我最開心o既生日party...

唔開心o個part全部都係關於家華...就講qouta o個度...我已經覺得你食撚屎la...上到去...冇耐已經見到佢個樣西迷哂我已經躁底...我生日r...你可唔可以清醒d照顧我r...屌鳩你...之後我同佢講想佢今晚保持清醒...轉個頭佢又lor可樂...又索到坐o係張台度唔識郁...我見到佢咁o既樣我真係心都淡埋...有冇尊重過我r...我成班fd睇住你...我真係唔知可以講咩...

我唔知點解以前阿奇蒲親都係爆到豬西我又唔會咁樣覺得有問題可以自己有自己玩...但佢咁樣我就好嬲...但尋晚o既種種...我真係好唔開心...

蛋糕...冇...禮物...冇...聽日佢又同我講放唔到假...你食屎la你點做人條仔r...

我好想知佢以前條女生日佢點同佢慶祝有冇俾surprise佢送咩禮物俾佢...個個講到佢咁錫以前條女...對佢咁好...我估...應該都會花下心思掛...我生日佢咁樣...咁算點r...

或者個個人對生日呢個日子o既在意程度都唔同...有d人可能覺得年年都有架la...冇乜特別...可能佢未知我係一個咁緊張生日o既人...但我呢刻我淨係知我真係好心淡...

本身諗住要影好多好多相...但因為唔開心o個part搞到我都冇哂mood...可惜...尋晚粒糖1 d都冇上過...而且成晚傳查牌傳佐幾次搞到倒佐好多k...又唔敢索驚查牌o個陣好爆...但都好...等我睇清睇楚尋晚發生每一件事...邊個著緊我...邊個想我開心...每1 part我都會永遠記得...

今日plan得好忙...首先就朝早去整身份證...今日整唔到就大獲喇生日都冇得去玩...然後諗住整完之後就出旺角染髮整指甲...再同fanny行陣街...

晨早8點同阿b一齊去元朗攞籌...嘩勁多人lo...爭幾個就攞唔到籌喇...點知登記佐之後話3點半再去wo...成盤計劃禍哂喇...

所以就番佐屋企訓教...好支力r...終於可以訓下喇...

訓訓下家華鼠佐番o黎一齊訓haha...

3點起身再去元朗...整完再去埋銀行出糧又去交埋電腦錢已經成6點喇...我趕住出門口又著得好柒wo...如果要出旺角又要番一番屋企...所以都係唔出喇...

點知家華今晚舖頭有o野整...成12點先番...早知我出去行街la頂...

又訓佐陣...家華番到o黎就嗌m記外賣...食完睇埋套戀愛初歌就訓教lu...

尋日放假...一心諗住朝早同家華去還神之後去元朗整身份證同埋交電腦錢...仲有拎番張電話咭...再約佐阿媽o係元朗等一齊過天水圍坐下ge...

結果...有去到還神...不過遲佐小小...11點零先去到元朗...不過唔記得帶電腦分期張合約...金英又冇聽電話問唔到佢身份證no.結果交唔到錢...再去人民入境事務處...派哂籌...頂...再結果就電話咭都攞唔到...而當時又得11點幾...約佐阿媽1點...所以就叫佢到佐元朗搭的士過o黎..我番屋企等佢...

再結果就係...今晚係阿俊生日...家華成班fd落新場慶祝同倒數...我冇身份證...去唔到...難為佐家華都冇得去要陪我喇...其實我有諗過俾佢自己去o既...話哂佢個fd生日...如果一同佐我一齊就唔去人地生日會好似好有異性冇人性咁...不過諗諗下...都係唔好咁屎忽鬼扮好人衰心軟喇...到頭來可能自己o係屋企等o個陣又好辛苦...

咁尋日收工家華過佐o黎東涌車我...本身佢d fd話可能有計帶到我上去...不過最後因為個場新開同大時大節...所以都係一定要有身份證先入得...都好o既...後尾聽番佢地打大交...如果出佐去都咪話唔煩...又掃哂慶la...

最後我地出佐元朗同文展同佢d朋友打邊爐...倒數完點零鐘就番屋企喇...

番到屋企睇碟...4點幾先訓-00-

2009年lu~希望新o既一年順順利利...唔好再好似08年咁la...希望我冇信錯風水la...上年都係犯太歲o者...今年冇事架喇~希望在明天!

之前打過篇blog臨upload時又冇佐...都唔記得打佐d咩喇...

踩第6日喇...番埋聽日就放假...支力到仆街...

呢個聖誕都ok r...記得以前不嬲都唔係話好慶祝聖誕節...會搵街去下..不過其實都唔係好特別聖誕feel...今年...平安夜去佐阿楠屋企bbq...每人都要買一份禮物去交換...咁樣反而我自己覺得幾有聖誕氣氛...o個晚燒完o野食...就交換禮物...然後分組玩遊戲...仲有大抽獎添...多得搞手們咁有heart預先籌備咁多花臣...

家華22號先同我講話24號去交換禮物...所以都冇乜時間揀...最後一份就買佐一舊水朱古力同糖...一份就買佐一舊水避孕套...

至於聖誕禮物...其實我本身諗住買枝香水俾家華ge...佢之前話過想買枝香水...但因為爆廠o既關係...禮物都係後補la...但係家華又有送聖誕禮物俾我...當時部電話佢話係聖誕禮物o黎...雖然唔見佐haha...不過我都唔想兩手空空咁同佢過聖誕...良好o既習慣由一開始就培養好d ge...咁第時先會keep到過時過節大家會送下禮物咁la...最後我買佐兩條ck底褲俾佢...佢收到好surprise la...一來佢又知我冇錢冇諗過有禮物收...二來佢之前又話過要買新底褲...佢開心就好...

25號都冇做過d乜...好似係家華o黎佐東涌接我放工...然後我地食埋飯先番屋企...

之後就開始好支力好支力喇...

仲有咩le...唔記得喇...我淨係知我好想快d到30號可以訓下休息下...

有時呢個世界有d o野真係好難講...好似話我成日揀條錯o既路o黎行...不過世事無絕對...

好似a02文員份工咁...其實當冇做黃竹坑又搬佐入o黎呢個偏遠地區時...我有諗如果我仲o係長沙灣番工都幾好...又一程車...而且文職ge工作其實我都幾鍾意做...又有得msn...有得傾電話...自由自在咁對住部電腦打下字咁又過一日...

不過當聽到almen講而家間公司大地震之後...我就覺得如果我而家仲o係度做真係人都會顛...

又好似阿峰咁...當其時揀佐阿明...最後行佐一年就散佐喇...而阿峰後尾又讀大學又入佐核數師樓做...好似真係揀得好錯...

不過到佐今日...如果我仲同緊佢一齊...我無法想象o個種傷心會係點...雖然我相信件事係佢俾人屈...不過就算俾人屈...佢點都係對佢條女唔住...佢條女又咁靚又同佢一齊住...咁都唔珍惜...

但我仍然為佢深切哀悼...為佢覺得痛心...

又好似阿奇...當時放棄佐對我咁好o既男朋友同佐個咁o既人一齊...而最後搞到呢個田地...呢段日子可能係失去好多...不過都因為呢三四年o既苦日子而令我得到一大班好朋友同埋令我個人都成長佐好多...

唔見佐身份證...肯定係因為個天知道我好唔滿意張身份證同回鄉咭張相...想俾多次機會我整過張...

部電話...肯定係個天知我其實鍾意o既係粉紅色...所以等我條仔可以買過部俾我...

每次一聽到呢首歌都覺得好有感覺...令我諗起阿奇...

我知道這樣不好　也知道你的愛只能那麼少

我只有不停的要　要到你想逃

淚濕的枕頭曬乾就好　眼淚在你的心裡只是無理取鬧

以為在你身後　是我一輩子的驕傲　原來你　什麼都不想要

我不要你的呵護　你的玫瑰　只要你好好久久愛我一遍

就算虛榮也好　貪心也好　哪個女人對愛不自私　不奢望

我不要你的承諾　不要你的永遠    只要你真真切切愛我一遍

就算虛榮也好　貪心也好　最怕你把沈默　當做對我的回答

再一次重拾番工o既幹勁...係懶...唔係咁想番工...不過錢更重要...我都pea佐咁耐...係時候執番自己...加油~下個月開始可以有閒錢買o野架喇...而且就算我辭佐職冇做o野得幾個月可能又覺得悶...但我相信我應該搵唔番而家呢份工咁好...人工ok...同事ok...地區ok...假期ok...時間ok...又難得人地咁睇我俾機會我...好...我會乖乖地...

咪又一次好似以前o係ao2時咁...初時係咁射波激到rita死...但佢又知我o係朗豪坊時係好跑到數好乖...所以一直都唔想放棄我...結果又係搞到射波射到爭d俾人炒先識乖...

我人生就係不停咁重蹈覆轍...

話自己變佐好多...呢點又好似冇長大過lo...

終於諗通番d...冇再為o個件事執著去煩惱去唔開心...其實道理就一早聽得明...但係個心真係好唔kur lo...足足嬲佐我3日...後尾我又諗...就算佢真係有做錯d咩都好喇...駛唔駛嬲3日...而且而家呢單o野...都冇話邊個唔o岩邊個唔著o既...唉...唔識講...nicola一句"見好就收"...o岩o既...家華佢都不厭其煩對住個目無表情o既人繼續聊我講o野tum我...凡事唔好去到咁盡喇...

不過又因為呢件事令我再一次好深咁感受到身邊ge朋友真係好關心我好心疼我...尤其是阿欣同金英添...

去到呢刻...我都唔知自己應該點做...自己要d咩喇...迷失佐...

又或者一切都唔應該再去深究落去...只要足緊番自己一個信念...求開心...其實...都真係好開心...

其實近呢兩三個月真係愈o黎愈開心...尤其是呢個月我番佐工之後...好明顯見到家華真係勁錫我同愈o黎愈就我...我或者真係唔應該佢講佐一句說話就抹殺佐呢d佢好o既o野o既...

我真係戒蒲...講堅...

o個日番大陸...整指甲o個陣有個阿婆問我睇唔睇掌...$20...聽下佢有乜講都好o丫橫掂都係坐o係度haha...不過佢又真係up得幾準個wo....

佢話我阿爸阿媽都好錫我...聽落好似好流...但至小佢冇咁同我條仔講...

佢話我身邊o既人對我都好好...我對人更好...佢又話我條仔成日幫人...但佢好小要人幫...

佢話我呢世有兩三個對我好真心o既好朋友...而我條仔雖然朋友多但冇乜真心o既...

佢話我以前有好多男朋友...我好花心...但我d男朋友都係真心真意對我...而我條仔就好專一...

佢話我係好聰明...做o野好叻...不過就好懶...而我條仔會搵到好多錢...但都好大洗...而且注定係老闆命...家華問佢咁究竟佢幾歲做老闆r...阿婆呢d位梗係唔會答得好實在la...但佢都話就算而家唔係都一定已經係管人o個隻...

佢話我同我條仔個相都係老來無憂o個隻...唔駛做都有食有住...

佢又話我條仔冇乜防人之心...我就有...所以第時事業上錢銀上我都要為佢操心下決定...

佢話我地兩個呢個鼠年都好多事發生...諸事不順...但出年就會好過今年好多...後年開始...我地之後都會事事順利...我仲有會有好多貴人相助...

佢話我旺我條仔...其實一開始佢撩我睇相我唔睇ge...但佢臨走贈我兩句話我五官生得好...晚年會過得好好...又話我旺夫...一講到旺夫我即刻想聽下佢有幾流...因為我不嬲覺得自己剋夫架ma...

不過諗番...暫時咁多次我陪我條仔去賭錢...佢都羸o既...雖然今次番大陸我又唔見袋佢又唔見佐電話...但係o係大陸破財o黎講...或者咁都算係好彩....起碼個人冇事...又冇嚇親咁...破財擋災lo...大睇o黎講...佢舖頭o個度而家都叫做settle down佐...生意又愈o黎愈好...如果keep到咁樣生意...年零就可以搞掂哂d數...

之後又抽籤...我抽佐一枝大吉一枝上上籤...我條仔又抽佐好籤...家華話佢呃錢...指甲舖d人咪貪得意一齊抽下...又真係有兩個抽到下籤...total睇佐$100...阿婆話我地咁旺...添d la...俾多佐$40佢...$140...開心下...幾好o丫haha...