都唔知點解可以黑成咁...又再一次唔見袋...不過比上次更嚴重...因為我當時身處大陸...證件冇哂...新買o既電話都冇埋...

滯留佐o係大陸一日...臨走家華又跌佐電話o係的士...

錢財身外物...肉痛o既...不過個心唔痛...

令我心痛o既係另一件事...

係我太高估我自己...

其實可能係我諗多佐...可能係我小事化大...但身邊o既人都係向我同一番忠告...我諗我唔應該自欺欺人lo...

呢個情形真係似層相識r...我究竟...應該點做...

諗番...之前冇拍拖o個陣後期係想拍r...但呢段日子裡面...令我唔開心令我流眼淚o既亦都只係男朋友們...係咪一個人更開心...

又係呢個抉擇喇...究竟我再為愛去駁去傻...定係理性小小...

平時真係好開心...好幸福...就係慘在平時太好...令我放唔開...

點解我呢世人要咁...我記得從前有個朋友話我點解成日要揀d辛苦o既路o黎行...其實我由好細個開始已經發覺到...係咪我個人特別犯賤le?

呢幾年令我學識佐對身邊o既人好...亦唔再認為愛情係心理戰...我想真心對身邊所有人...我想人地開心...

呢個時候...有d質疑呢套...唔通我要行番轉頭...好心冇好報...

我自問我做足一百分...你話你唔知點解唔識點去對一個女仔好好令佢好開心...可能因為驚再一次重演事件...我都會走佐去...一句說話...可能只係無心之失...或者係佢表達得唔好...但足以令我心痛...心淡...

當初我體諒...因為我都未放低阿奇...我唔甘心一齊佐都4個月...點解我可以放低佐佢...你唔可以...

我唔知我係咪太小事化大...其實呢d都係陰影o黎o既...我由day1佢同我傾o既時候我已經預佐佢唔會咁快放低以前o既o野...

可能...我又o係度自欺欺人...

我發覺我個人真係變佐好多...好似尋晚bbq...其實原先約bbq係一來去睇下阿pet o既新屋...同埋o係佢屋企bbq...家華唔鍾意燒o野食...所以就話o黎個雀局等家華同金英阿欣阿pet佢地打下牌...又可以等佢同我d fd熟d...

不過最後我地去佐元朗bbq...因為阿pet又唔係太想o係自己屋企燒...咁家華就話不如去元朗b捧下佢個fd場...

全程我燒o野俾佢食lo~邊度有諗到以前不嬲俾人服侍開會咁樣服侍番人...不過真係我變佐佐la...女人服侍男人...自古以o黎都係天經地義架la...係而家d人變佐o者...不過我又好唔抵得而家d女有權利冇義務...條仔服侍自己聽哂自己話就老奉咁...但又要要求d男人有責任感照顧到自己養得起自己...嘩...咁你咪好著數...世界變...咁唔該權利o個part個價值觀都變一變la...當d男人係奴隸定超人r?

不過又相對o既...又或者個循環係始於而家d男人冇咁o既能力去養起個女人...而令d女人唔可能再好似古代女性咁樣三從四德乜都以個男人為先...當大家o既地位平等佐之後...亦即係搵o既錢多佐之後...講o野就自然大聲d la...不過呢個惡性循環有意思咩...女人因為自己搵得多錢而唔再尊重男人...男人亦都因為個女人唔係小鳥依人而冇佐一世要照顧佢保護佢o既擔帶...

所以...最緊要係知道自己想要d咩lo...我記得我同家華講過以前我係一個好野蠻o既女朋友...家華一句就得落o黎話如果我係咁佢應該好快就pat我埋一二邊...甚至乎...溝都唔會溝我...就係咁lo...好多o野係相對...如果想要一個大男人...亦都要甘心做呢個小女人...大家先會相處得o黎...而結果...亦會發覺自己自己對佢o既忍讓同埋無微不至o既照顧係值得...因為你乖o既話佢就會錫哂你...如果係接受唔到難聽d講句男尊女卑o既相處方式...係覺得男女平等o既話...亦都請d女士們接受男女平等呢樣o野...係指各方面lo...

另一樣我變佐o既o野就係...我接受到佢賭錢...當然我亦都係對佢有信心知道佢係賭得有分寸...或者呢樣o野係佢開始第一步先...因為佢真係完全冇想去改變我d咩...無論係我o既生活我o既性格同我o既生活習慣...令我覺得...或者d人講得o岩架...愛就係要愛佢成個人...我亦都唔應該去改變佢d咩lo...如果你咁多o野唔滿意佢...要佢改呢樣改o個樣...都已經唔係佢la...咁其實你當初又做乜要揀佢...咁樣大家一齊又會開心咩...愛o個陣...梗係改乜都得...可能仲1 d都唔覺得辛苦添...但愛...可以愛一世咩?兩個人一齊可以長久...要大家可以由感覺變做愛...再去建立屬於大家o既家庭同大家都舒服o既生活模式...

又改變佐o既係...受得氣...記得以前就算係自己無理發脾氣...條仔愈tum都只係愈發...根本唔識去搵個位俾自己落台...不過而家諗通佐o既係就算係家華發脾氣...都識得tune自己個情緒...忍一時風平浪靜呢樣o野冇錯架...我o個一下可以吞得落啖氣tum佢或者佢tum我我可以即刻笑番...咁咪仲好...其實一路忟落去仲辛苦...佢tum得一陣都冇耐性la...咪盞搞...

以前玩過個心理測驗話我個人處事方式係本住過程唔係最重要...最重要係個結果...當時唔太認同...慢慢愈o黎愈係...與其去執著一場交究竟係邊個認死狗去tum番對方...不如快快趣搞掂...大家又再攬埋一舊笑下講下笑仲開心...而我亦覺得自己對其他所有o野o既做法都愈o黎愈係咁樣...

或者咁樣做法未必係叫做o岩...至小我覺得咁做而得到o既係我最想要o既o野~

射波了...因為尋晚同金英1 pair阿pet 1 pair同阿欣1 pair去佐元朗bbq~其實主要係懶lo~其實都係燒到2點幾就閃佐...番到屋企4點幾訓...不過尋晚老早諗定佐今日射波...所以...魔鬼羸了!

mm28號同家華(其實應該係呢個"家"...但一直冇更正到...其後更知道原來fanny條仔都係家華...一直都打錯佐兩個家華做嘉華)一齊放假...本身諗住o係屋企hea下...因為佢都好耐冇放假喇...對上一日係11月3號...點知個衰公懶好咁話同我去360同埋迪士尼...因為早前我有次自己諗大佐o係度呷佢以前條女乾醋...覺得好似我就算做d 咩都只係重覆緊佢做o既o野...家華就想同我去呢兩個地方因為佢都未去過...等我地有番d只係屬於我地兩個o既地方同回憶...

不過一日去哂兩個地方好似太趕喇...雖然係近...所以都係諗住12月先去迪士尼...感受下聖誕氣氛...

結果...27號晚佢打麻雀打到4點幾先番...仲要好大膽咁唔聽我電話...第二日我地訓到1點起身...換下衫o個d又搞到3點...佢仲要番一番舖頭...之後又話架車個車軚好似有d唔妥又去佐換軚...都4點幾嚕...去條毛咩...我唔想上去o個程有太陽...回程就黑媽媽o係荒山野嶺搭住架都唔知穩唔穩陣o既吊車落o黎lo...

不過好在係...其實我自己對呢d地方真係興趣唔大...純綷係覺得呢d境點應該要去下...諗番之前o個10年...係拍過好多次拖...但講起去過d咩地方...真係得海洋公園...因為我好鍾意呢個地方...其餘山頂r...南丫島r...大嶼山r...全部都冇去過...其實唔去唔覺得可惜...但數出o黎硬係好似爭d lo~點都要去一次ge...

最終我地去佐沙田...食佐我覺得好好味o既freshness burger...原來家華都有食開呢間o野...同埋行宜家但係泊佐架車o係新城巿...佢又唔願抽咁遠喇...話下次先買o野wo...

行得o個一陣...佢又話要番舖頭收錢...其實我本身都呢日假期就毫無期望...但呢個故事不禁令我諗起以前上網睇到過o既一句說話...就係話唔該d男仔唔好主動提出一d提議而最後搞到一獲泡咁...其實我睇到呢句說話o既時候冇乜同感...呢刻我就覺得...大抵係講緊呢d情況...所以都話...d港女教壞人...

不過呢日出街就好開心...同家華一齊佐3個半月...我係愈o黎愈鍾意佢la...係o個種感覺愈o黎愈強烈...有時望住佢都覺得好幸福...

我知道佢都係一樣...平時佢無lala同我講...老婆我好愛你...或者係死la老婆我發覺我愈o黎愈愛你...我只係當一句甜言蜜語咁聽...近排我間唔中都會好有感而發咁同佢講同一番說話...

尋晚o係屋企睇電視o個陣...佢無lala攬住我話我愛你r老婆...你嫁俾我la...雖然之前已經有提過結婚...不過"嫁俾我"呢句說話...感覺好唔同...

不過結婚...都係遲下先la...我都只係想聽到佢有咁o既勇氣話同我結婚...如果真係結起上o黎...其實我都唔知自己ready未...

12月2號就可以攞番身份證...都唔記得講上次去蒲成個袋俾我跌佐...仲要等佐咁耐o既回鄉咭過兩日就有得攞...竟然咁樣唔見佐個身份證...有冇咁黑...好俾我再等佐半個月...有喇有喇...可以番大陸揼骨喇yeah~!

阿奇出番o黎la...佢都有keep住打俾我...雖然佢都知我有條仔架喇...感覺其實就冇乜...但係我就擔心發展落去唔知會點lo...擔心係因為...同呢個人真係糾纏得太耐...我對係咪真係可以走出呢個困局冇乜信心...其二就係我覺得同而家條仔都幾好...好驚自己會一手破壞佐而家呢一切...又踩番落去...

當然...最簡單就係同阿奇斷絕來往咪得...我冇搵佢架...但佢打到o黎我唔知點解下意識就會聽電話...可能我習慣佐錫佢...我唔忍心佢傷心...不過...唔見面就冇事la...

做過咩o黎le?

番工la~搵佐份工喇...sales...nicola o係呢間公司做緊...我又唔知揀邊間o黎見好...索性見下lo~請佐...咪番lo~地區係...東涌~haha~我番佐幾日先知原來東涌o係大嶼山...講出o黎o係大嶼山番工你都咪話唔嚇親人haha~不過都慣佐番邊區都要一個鐘車程所以其實番工搭起車上o黎唔難受...又有一程車...

賣男裝...阿叔阿伯衫叫做nautica...東涌係特賣場...全部都係大陸客或者鬼佬...d衫又平...幾好做...

同事又好nice...佢地真係好似一家人咁...

頭一個禮拜好支力...企唔慣la...不過雖然身體好支力...但係番sales真係令我個人開朗同埋有活力好多...

玩過d咩le...

蒲佐兩三晚咁la...其中有一晚係同埋嘉華d朋友一齊去ge...去番我地相識o既地方...you too~感覺好搞笑...我又叫佐d fd去...成晚各有各玩...間唔中有相遇一下講兩句又坐過o係隔離soso下就閃番開同埋跳佐大概3分鐘舞...佢跳舞o個陣個樣好古惑仔...舞姿唔係好睇到因為我淨係望住佢個樣...不過唔係夫衍搖下就算o個d...佢話以前去蒲o個陣好易識到女...我信r...因為如果我地唔係咁識...如果我第一眼見佢就係跳佐呢3分鐘舞...我都會愛上佢...因為真係好灑~可能我太愛佢喇hahahah~

仲有咩r?好似冇乜...

係la~仲有就係我老友生日~生日快樂!!!!

hehehhehe~

好似係乜都冇做過...

牛b出番o黎喇...本身都冇乜o野我不嬲都唔憎佢o既...但自從早幾日佢請客事件之後我就冇再同佢講過o野...咁多人死唔見你死...

因為呢個大食懶出番o黎終日o係屋企睇電視...所以嘉華叫我呢個小食懶快d搵番份工...等佢可以大大聲咁嘈佢阿哥...住慣佐兩個人...而家又多番佢o係度...最好可以趕佢扯la...不過我係唔會出聲o既...

今日一起身又見到牛b o係度睇電視已經好鬼忟...然後我就換衫出元朗整我話整佐好耐o既回鄉咭...好快就搞掂佐~10號有得攞~可以同嘉華番大陸喇~

整完唔想番屋企對住佢阿哥...所以搭輕鐵過良景搵嘉華...咁o岩佢阿媽落佐去睇下佢有咩幫手...自從嘉華入醫院開始...阿伯母就有佐我電話...然後佢日日都打俾我...好鬼熱情好鬼nice...令我好鬼驚...今日佢見到我問我食佐o野未...我話未食佢就的佐我去食o野喇...

去佐食大快活...原來佢唔食個wo...又同我爭俾錢...心寒~

食完佢仲陪我等輕鐵佢先走...

今晚諗住同嘉華出街食飯...搣甩牛b...屋企d面就快俾牛b食哂...我地係唔會再買架~睇你幾時冇o野食...

本身諗住食肯德基...但早幾日我話過想据扒所以最後嘉華就同我去佐元朗据扒喇~都幾好味...

食完就番屋企lu...一番到去nicola就打o黎yo我去蒲...其實我真係好想去r~上次去唔成...但係又冇乜錢wo...

跟住嘉華叫我去...佢話咁佢都番大陸搵埋家文去按摩~其實我唔想佢番大陸...但係當時又同nicola講緊電話...nicola話人地俾你去蒲有乜理由你唔俾人番大陸架...係o既...雖然我寧願唔去蒲...

結果搞到12點先出門口...冇尾班車喇!

nicola幫我問到o係天瑞有小巴搭出尖沙咀...所以我搭的士過天瑞...上佐小巴原來架小巴係會兜去屋企附近=.=

出到去都點幾喇...lor埋o野過you too...又要排隊...等查完牌就放人上去喇...都係兩點零...ok la...

一上去就湯...可能嘔埋半粒未溶o既糖出o黎...嘔完之後好鬼清醒喇已經...

嘉華話佢按摩按到5點到...我好掛住佢r...

you too d歌係好聽d...但呢排落佐幾次pp...再落番you too真係唔係咁得lo~又好清醒wo...所以都冇乜心機玩...

結果4點幾講佐個大話...話嘉華番佐o黎香港喇我要閃...因為預番我搭車番屋企都要成粒鐘...如果等佢過關先打o黎我就遲佢好多先番到屋企喇...

呢晚同nicola傾佐好多偈...fd佐~又多個老死~

番到屋企5點幾打俾嘉華...佢仲o係大陸...話就快按完...

最後...佢7點幾先番到o黎...我憎死佢!!

尋日嘉華晏晝番佐o黎屋企訓教...之後我地一齊搭車過良景我買送番o黎先...蒸魚...叫紅"柚"?...唔好食...下次唔會再買呢隻魚...同埋豆角炒雞扒la...仲有節瓜湯...

最搞笑係我買送時嘉華阿媽係咁聊我講o野...問我買咩送...又跟埋o黎一齊買...乜佢阿媽唔係應該好西架咩...好驚wo咁樣...

尋晚嘉華一食飽飯就訓著佐...好彩阿欣陪我傾電話解悶...

今朝7點嘉華已經自己彈佐起身...我見佢咁精神所以就冇起身服侍佢喇...點知佢8點入房叫我起身...話出街wo...原來佢今日放假...又唔早講wo...都好...今日係一齊佐2個月喇~可以去下街慶祝下~

結果我都訓到11點嘉華入房話佢想嗌外賣食問我食乜我先起身...

起身食下o野又化下妝換下衫...本身有諗過去行宜家...但係搭車去又好煩...都係等下次有車先la...仲煩緊究竟去邊好o既時候嘉華就話不如去澳門賭錢...雖然我唔鍾意賭錢...不過澳門我就想去好耐~橫掂都係喇...去下lo~

去到尖沙咀已經2點lu...o係starbucks買佐舊cheesecake就夠鐘上船...

過到去都3點零...首先去佐葡京...我未入過賭場架...比我想象中肉酸好多...又多大陸師奶同阿婆...

嘉華淨係賭大細...其實我知佢賭得大架喇所以都冇乜太大感覺o既...而且d錢係佢o既佢要點使都唔到我理...但當佢賭到一舖掉八千幾蚊去買大o既時候我真係啞佐...

最後o係葡京羸佐幾千蚊...本身話去金沙再去威尼斯人o既...但係又捷唔到的士...想搵o野食la~又唔知食咩好...咁m o個兩條街都冇o野食個wo...最後去佐m記=.=

食完去佐近近地o既英皇...又係好多阿婆同師奶...賭到八點幾嘉華話走...過去威尼斯人...

威尼斯人真係好靚...係靚到錯哂...最衰嘉華聽日要番工唔係一定訓番晚...

個賭廳好大...雖然都係大部份大陸人但係都賭得大好多o既...而且d荷官又nice好多...總之氣氛好好la~賭到10點就走lu~前後羸佐兩萬...其實一開始我都好大壓力架...不嬲覺得自己剋夫架ma...又唔知佢輸錢會唔會係好忟憎o個d wo...到時都唔知點算...

嘉華話俾一千蚊我做本不過我唔想賭la...後尾悶佐幾粒鐘都有小小手痕想賭兩手...不過都冇,..下次可能會~hehe~

本身都有諗住影小小相o既...但搭船o個陣影佐兩張...我個電話相機真係壞壞地...影到矇哂...都係等下次同阿欣去先慢慢影餐飽la~

雖然今次澳門之旅真係純綷陪佢去賭錢...不過都好開心~

番到o黎香港都已經12點...搭的士去元朗食大排檔之後就番屋企l~

下次再去過yeah!

朝早10點幾嘉華打o黎嗌醒我話佢就快照胃鏡...12點開始探病時間...

不過我去到嘉華都未照完...自己落佐樓下煲煙...過佐陣嘉華就打o黎喇...

我地一路o係樓下公園hea~轉頭番佐上去問d姑娘...佢地話嘉華食道有粒o野突起佐...要照多次超聲波...即係要留多晚院...

4點幾嘉華叫我番屋企先...

轉頭嘉華就打o黎話佢都係出院喇...因為個超聲波係要再排期...唔係聽日即刻幫佢照...今晚要佢再留多晚都係純綷觀察佢照完胃鏡會唔會有咩併發症...所以嘉華就堅持要出院...

醫院話要再check清楚粒o野係咩...唔排除係cancer...應該唔會o既...有cancer仲可以食到佢咁肥?

佢番到o黎我地就一齊去街巿買送...買佐兩隻蟹同鮑魚仔...仲有豆角牛肉...今晚嘉華煮啊...嘻嘻...

番到去佢就整o野喇...勁r!

8點就有得食...唔算特別好食...都ok ge~不過呢d咁麻煩o既送...識整我覺得都好叻喇...

食飽睇佐陣電視我地一齊落佐7-11買o野食...中途o係樓下d公園玩佐陣...好搞笑...

睇電視睇到3點幾我開始好眼訓喇...但係嘉華話佢唔知點解1 d都唔眼訓...鬼咩佢都唔駛訓o既但係呢兩日o係醫院訓佐咁多...唔精神就有鬼...

我亦都好乖咁嘗試去習慣自己一個入房訓教o既感覺...

最後7點半鬧鐘響嘉華都未訓...但佢話朝早唔番咯wo...訓幾粒鐘...晏d去埋醫院覆診先番舖頭...