踩完6日...呢6日唔係流個wo...忙完個星期六日...星期一番貨...星期二執倉...星期三又紅日...尋日stock take...個身散哂...好彩今日放假ja...

話說5月頭同家華吵佐獲勁o既...件事o既結局...ok la...我都信佢ge...記得之前仲同阿欣講過話我唔覺得嗌交可以增進感情...不過經過今次我地感情真係好佐...

佢阿嫂又勁灌輸d思想俾我話要點點點食住佢咁...我知...我唔可以再咁天真相信相親相愛...結果呢排我做佐d小動作...效果可以明顯見到...令我覺得...好好笑...男人...

佢而家連麻雀都唔點打喇...唔係我要求wo...晚晚都陪住我...又主動要同我出街...唔好話佢唔會發脾氣...而家我小小皺起條眉佢已經tum我...

記得嗌交o個排金英勁數家華...話佢對我根本唔係好...呢d係男朋友應份...只可以講話對我唔差...聽到o個下覺得係...但係呢下我真係搵唔到有咩可以挑剔家華...究竟係我善忘定家華真係有d缺點改佐...我真係分唔到...淨係覺得...o係我而家o既記憶入面...佢係我最好o既男朋友...各方面都係...

佢阿哥搬走佐喇...兩個人o既屋企...好舒服...

6月28號佢生日...我地進行佐一連串慶祝活動...

23號我晏晝去整佐個蛋糕俾佢...夜晚放工去佐銀座睇康州軀魔實錄...番到屋企就切蛋糕...睇得出佢真係好開心...梗係開心la...試下有人親手整個蛋糕俾我o丫...

26號我地一齊放假...訓醒去佐360...其實出門口個天都有舊黑雲...不過仲有d陽光架...家華話照去wo...去到都唔賣雙程飛lu...話晏d可能會停...好彩都搭到一程...其實架纜車個感覺都幾穩陣...唔係知道佢d新聞o既話...不過我搭呢架車1 d畏高o既感覺都冇...上到去就落雨喇...食完o野仲大雨...上唔到大佛喇...本身諗住同佢拜下神...保祐佢o黎緊一年順順利利...可惜~週圍行佐個圈...都冇o野行..之後搭番巴士落東涌...再搭地鐵...唔記得o係荔景落車...所以去佐九龍站行下elements...行佐陣就搭的士去尖沙咀喇...再行佐陣海港城就去半島食飯...間酒店真係好靚...但間餐廳就唔夠餐酒店靚...d o野食冇預期中咁好食...不過唔重要...都係為佐佢疏乎厘o個part o黎...因為我book o個陣講左話我朋友生日...佢會準備枝蠟燭同個牌講生日快樂...家華好開心r...食飽佢懶好咁話陪我行陣街...不過半島附近冇咩行...冇心機行去咁遠...所以搭車走lu~

28號正日家華o黎佐接我放工...我地o係東涌睇變型金剛...本身我對呢套戲冇乜興趣...不過都ok wo...幾好笑...

對咁多個男朋友...呢次真係最嘔心瀝血去舖排喇...當然有私心la...我仲好記得我生日佢點對我...o個團火仲未熄...佢話佢由細到大都唔點慶祝生日...好我體諒你...就由我o黎示範點樣先為之慶祝生日...如果下年佢唔識做肯定飽飽...

好耐冇打blog...呢排都係咁la...

24號放假...日頭同金英去佐旺角唱k...好耐冇唱過k喇~唔識d新歌冇o野好唱haha~唱完行街...阿輝出o黎就一齊食飯...又据扒...我地呢個組合已經連續3次食飯係据扒haha~呢件事令我有小小感受...我真係好鍾意据扒同埋我係o個d不停食同一樣o野都唔會厭o個d人...其實諗食咩o個陣我已經想講去据扒不過廢事講...點知金英話不如去据扒...heheh~點解咁鬼夾架je?

食飽飽阿輝就閃...金英陪我等nicola放工...我地去佐創興間機舖...經過見到跳舞機我地坐低佐睇個肥仔玩...笑爆咀...又陪佢打下機咁...之後nicola放工就過o黎湊我...金英就走lu~

我同nicola去佐pp...原來我已經3個月冇去蒲...其實我都係冇以前o個種興奮...不過我決定要掉低下我條仔...一入到去...冇人架...痴線架...

跟住家華又發脾氣wo...個場又冇人wo...所以點幾就走佐喇...

而o係呢件事上面又俾我察覺到家華其實係唔想我去玩...但佢又唔想管住我...所以叫我去玩...但佢其實好期待我答佢話"我都唔想去"...傻瓜o黎架~

家華架公司車撞佐要拎去整...所以呢排我地都o係屋企食飯...佢煮...我放工番到o黎就食咁...忍唔住又要講一句佢真係愈o黎愈好...不過我d脾氣...好似有d蒲頭...

今日濕仔打俾我傾電話...之前o係facebook睇到話佢去美國我都有心諗個仆街仔唔單聲r...不過佢話原來打過俾我幾次都搵我唔到.....作為佢個朋友幾年前ge ex...今時今日都間唔中會搵大家傾下電話食下飯我覺得已經好好...雖然唔係話成日聯絡同話好好朋友...不過我感覺到大家都真心當對方係朋友...唔再同戰龍有任何關係...呢點我覺得好難得架喇...今日我話第時我地邊個結婚都一定要請對方去飲...

不過呢排我自己個人覺得好迷惘...有小小迷失佐ge感覺...

唔識講...再諗諗先...

嘩...真係唔記得佐自己做過d乜...

淨係記得有一晚話同nicola去蒲...最後nicola突然要收夜...我等唔到佢咁耐所以番佐屋企...其實係我自己真係冇乜衝動想去蒲la...變佐喇...俾著以前...等到幾點都等la...冇o野可以阻到我r!

又記得有日放假入佐大埔同阿媽食飯...佢知道佐我破產o既事...其實佢一開初問我o既時候...我真係好唔開心...講完o個個電話即刻喊佐好耐...覺得自己都唔知點做人o既...咩衰o野都俾我做暈哂...食飯o個晚同佢講哂阿奇d o野...佢冇話我...可能佢都曾經遇上過我老豆都好明白女人有時會做傻事...同埋最後我都好心痛...

有日o係公司買佐條褲同件褲俾家華...仆街佢條友仔著36腰lo...嘩...太誇張喇...太恐怖喇...

5號晚家華捱完兩個通頂話好支力...lur佐我番大陸dup骨...成12點先上去...dup到5點先走...最衰我又dup骨訓唔著o既...家華幾鬼好訓r...番到屋企6點鬆d...即訓...家華就去番工lu~第二日番工又唔係好眼訓ja wo...

同埋7號o個日難得同家華一齊放假...本身佢話想同我去360然後行街睇戲...不過竟然落雨...冇得去lu~結果o係屋企一齊訓到11點幾起身...個feel好正lo...好耐都冇試過同佢訓咁耐...而訓到大家都夠訓矇矇矓矓咁o係張床度玩下打下交...講兩句又恰多陣...所以人真係一樣幾奇妙o既o野...有d人可能覺得咁樣係好平常...日日如是架la...不過我就講到咁開心...o個日最後去佐山頂...第一次去蠟象館...點知相機冇電~勁r~睇完蠟象館行佐陣就食burger king...好唔得lo...食飽就搭纜車落中環再搭車去中環碼頭...再搭船...家華竟然未搭過天星小輪...好o野又拎佐佢一樣第一次...去到尖沙咀有諗過食buffet...不過家華話兩個人咁樣食八舊水好唔抵...下次約埋d朋友先一齊食有得吹下水咁...所以就再落佐旺角...去佐新世紀探nicola...送佐條牛仔褲俾家華...食完味千再睇妖夜尋狼...唔知點解而家覺得味千唔好食lu~睇完衝去行花園街又食許留山...等埋nicola放工一齊食宵夜...今日食佐好多o野r=.=good day^v^

尋晚同johnny&阿yen放工出佐旺角食宵夜...因為阿yen擺酒我地去唔到...就食番餐飯慶祝下...食飽搭車去元朗...家華同阿俊食飯我叫佢等埋我一齊番天水圍...搭完程巴士我成個膊頭同背x至條腰勁痛...直頭係企唔直o個隻...

今朝一起身個頭勁痛...成身沉哂...

搭車番公司o個陣家華一路同我傾電話...我知佢係見我咁辛苦所以想聊我傾其他o野等我舒服d la...

番到公司都有諗過請假...不過阿蚊放大假...阿yen都好難做...

朝早一路坐o係倉...勁發冷...坐佐成大半個鐘突然成身發興...

之後call白車...入佐e院...本身個e生想我留院添r...不過我唔想...

等佐好耐...又驗尿又照x光...跟住拎佐好多藥搭的士番屋企...

之後訓佐陣...出佐身汗舒服佐好多...

不過家華放工番o黎都係話我仲有燒...

食佐d粥同d藥就訓lu~

做完手術尋日都有番工...行緊去巴士站o個陣覺得好耐都冇咁精神過喇...之前吽仔又冇胃口又想嘔又支力又冇精神...

本身諗住今日去crabtree買枝handcream送俾家華個細妹做生日禮物因為佢生日今晚去細家姐屋企bbq...佢個妹咁是繪...呢枝handcream真係perfect之選la...成兩舊水枝handcream...見得人la下話...大家又唔係咁熟...差唔多架喇...

點知間crabtree執佐r...即刻o哂咀lo...東薈城冇o野好買個wo...就算係點...都覺得係outlet cheap o野...一陣送禮物俾佢仲變佐反效果...

最後lunch去佐食嚐越...食飽即刻衝去sasa...問個SALES...介紹佐一個純天然牌子俾我...佢個妹大肚ma...一枝handcream百幾蚊...份禮物百零蚊又好似平佐d...最後買多枝body lotion俾佢...夾埋3舊水喇...嗚嗚...3舊水送生日禮物唔係貴r...最慘係我同佢唔熟同埋真係唔係十分鍾意佢lo...今次真係純綷為佐等佢個妹同我印象好d...同佢熟d第時家華舒服d ja...我發覺我真係對佢太好...

放工家華去元朗接我去佢家姐屋企...去到就送佐禮物先...之後佢地又打牌...打到點幾我地先落元朗買粥食...再番屋企

朝早8點較佐鬧鐘要食早餐...打俾家華...佢買m記番o黎俾我食...

再訓番...11點幾起佐身換衫...臨出門口發覺入院信係寫12點半入院...遲大到...

去到中環落車...完全搵唔到的士...個人好矛...當時已經2點喇...手術室係book佐2點9架...

對上我個人好忟好亂ge時候都係nicola o係我身邊...佢真係好鬼有耐性架hehe~

nicola陪我去...一搞完入院手續已經要換衫入手術室喇...都冇時間同家華講兩句...

o係手術室o既時候...等佐麻醉師成兩三個字...突然好傷心好傷心...o個下我真係有衝動想講我都係唔做手術喇...不過都o黎到呢度...算la...

3點半已經出番o黎...一開始好暈...後尾都好精神la...一路都冇訓同nicola傾偈...我諗隔離床d人多得我地唔小...

5點家華打俾我話過o黎車我...開心...

其實我做呢件事...我冇期望過家華d咩...因為佢一直都想要...係我一意孤行...其實佢應該仲傷心過我...所以我都唔期望佢會對我好好好好...好心痛我受呢d皮肉之苦...結果...佢都對我好體貼...

有時或者呢d係hiu門...去學識睇開1 d...得到ge所有都當bonus咁睇自己仲會開心...如果我一味想佢好肉痛我...就會怪佢點解今日o黎唔到陪我...點解唔好肉緊咁安慰我...

出院之後佢要趕番良景...我o係車等佢...之後佢問我想食咩...就陪我去荃灣食漢堡包...點知執佐笠lu...最後食佐沙嗲王...

食緊飯o個陣...可能我心情唔好...亦可能我未夠睇得開...然後串佐家華幾句...佢就同我講我今日講d o野好難聽...之後我突然覺得...點解我做完手術...都仲要嘈...就去佐廁所喊到收唔到聲...

番番去之後家華聊番我講o野...我先再諗起...其實佢已經好耐好耐冇發過脾氣...頭先o個句都只不過係認真小小咁同我講我今日把口好串...其實佢今日心情都一定好差...我企o係佢個位度睇...佢想同我結婚生仔...但我唔肯...佢咩都控制唔到...到今日...bb冇佐...佢都仲要去照顧呢個唔肯要佢個仔ge女人...大家今日都唔好受...

跟住就冇事喇...

大家今日都冇再提有關bb ge事...件事就咁完結la~

尋日係16號...本身叫家華不如夜晚一齊去米奇度食飯...其實呢個提議都幾苛刻...冇乜可能做到...

點知我夜晚放工打俾佢佢話應承佐同細妹打牌...嬲嬲地番佐屋企...

不過佢打完番o黎送佐份小禮物俾我...係個相架...幾靚ga~我拎我份禮物出o黎...佢好開心...haha~傻瓜~

今日o係屋企hea...訓晏教...

夜晚家華番o黎我地去佐金鳳鋸扒...不過家華覺得麻麻地wo...都預佐喇haha...

食埋再過佐松記食糖水...之後就番屋企...

聽日入e院...家華佢放唔到假...亦都未必o黎到接我出院...今日大家都冇乜傾呢d問題...我都唔想大家唔開心...

番工...放工就過屯門join埋家華and文展...陪佢地去釣魚r...其實本身我諗住唔去架...但係家華都想我去...so...

一開始玩nds la...但係佢地釣唔到魚...轉佐地方去小欖...家華話教我釣魚...不過我真係好支力r../所以o係車訓教...

2點幾家華無lala打o黎話自己sin腳成個跌佐落水...所以走喇...

家華而家愈o黎愈好...同埋佢唔知幾時開始同佢d fd稱呼我都係我老婆...

我愛你...