地球先生真係好病吓!

過左中秋都熱成咁?!

咁今年係咪唔駛換季啦?

咁我仲買唔買定長袖bb底衫好?

唔出街o係屋企都可以成身汗,

喪熱天氣幾時完呀?

早幾日同埋灝泓去剪頭髮,

佢d頭髮長得好快,所以叫師傅今次可以就盡剪!

起初都驚佢唔肯俾人摌短,

點知竟然冇嘈好合作wor!

而黎緊我都冇咩時間打扮,

所以我自己都剪短左好多呀!

呢排成日腰酸背痛,坐又痛,訓又痛,

睇左私家醫生話第二胎係會再辛苦d,

早兩日睇埋中醫,執左d茶希望可以好d啦!

之前o係電腦展買左部32"高清TV+機頂盒,

6千蚊有找,出面鋪都搵唔到咁平!

今日終於送黎啦!

不過因為要揍仔,

未得閒研究高清台有咩睇呀!!

個廚房雖然未執好,不過都照煮飯啦!

一來晚晚出街食好貴,二黎出面d野太油太濃味,

如果同其他人一齊食,叫餸都多肉少菜,

灝泓仲細對佢腸胃始終唔係咁好,

自己煮點都健康好多!

之但係.........

珍姐俾我d廚房用品唔係咁好用wor!

個鑊(似pan多d)太細啦!一斤菜都炒唔到,

個飯煲好似曾經煲燶野咁,幾日煲飯都[痴]底!

家陣唯有頂住先,等虫得閒先再去買新啦!

可能因為個肚越黎越大,天氣又差,

冇得好似之前咁悶就去行街,

屈住d悶氣攪到個人好燥,

連續幾晚都覺得唔開心o係樹喊

今日擺低灝泓俾老豆,同條虫行o左陣街,

夜晚再同埋亞婆食飯,之後再行多陣街,

心情真係好好多!

廚房d野未執好,未煮得飯,

灝泓d玩具要o係珍姐度搬個架先有位擺!

其他野大致上都攪掂晒!

今次有bb比上次辛苦左,

可能因為bb個位唔好(醫生話胎盤前置),

又咁岩屋企有事,試過太操勞要入院留醫!

宜家條腰以下都好易攰同痛,

好在條虫前排轉左工,可以多d時間幫手揍仔,

我先可以多返d時間休息咋!

咁耐冇update,返o黎緊有好消息啦!!!

我又有o左啦!

仲有另一件喜事,

終於可以搬啦!

新屋雖然係細d,但暫時都夠我地住既,

最開心係唔駛再怕唔知幾時得罪99嘛?!

預產期係11月,呢排天氣咁熱,

大部份時間都係乖乖地o係屋企揍仔安胎,

d粗重野都留返俾條虫做啦!

今年新年都冇乜地方要去拜年,

所以都冇派晒d利是,

但係亞仔d利是又冇少到wor?!

灝泓終於真係識叫我[媽媽]啦!

萬眾(特別係4老)期待佢快d講o野!

我同虫就唔係咁緊張wor!

反而想佢瞓多d,肥返d,身體健康咪得囉!