咁耐冇update,返o黎緊有好消息啦!!!

我又有o左啦!

仲有另一件喜事,

終於可以搬啦!

新屋雖然係細d,但暫時都夠我地住既,

最開心係唔駛再怕唔知幾時得罪99嘛?!

預產期係11月,呢排天氣咁熱,

大部份時間都係乖乖地o係屋企揍仔安胎,

d粗重野都留返俾條虫做啦!

今年新年都冇乜地方要去拜年,

所以都冇派晒d利是,

但係亞仔d利是又冇少到wor?!

灝泓終於真係識叫我[媽媽]啦!

萬眾(特別係4老)期待佢快d講o野!

我同虫就唔係咁緊張wor!

反而想佢瞓多d,肥返d,身體健康咪得囉!

灝泓越大越野蠻,加上宜家學行中,

24小時都要睇實佢咁濟!

每日總有d時候好似上身咁,

發晒癲係咁扭係咁典!

真係開始支持唔住想死!

又打又鬧先乖d,但係隔陣又黎過!

我諗終有一日會俾佢激到我噴九廿幾両血而亡!

呢排灝泓成日扭計,

我無晒自己既私人時間,

唔好話娛樂,就連訓都冇得訓呀!

仲話上黎寫野,好難啦!

經過再一次既考驗,

更加珍惜身邊現在所擁有,

幸福其實就近在咫尺,

名利物慾都只係過眼雲煙,

[愛]先至係人生最重要既一科!

亦係最難學最難掌握既一科!

又再一次受到考驗啦!

今次完全預計唔到個結果,

雖然上天安排得都總有原因,

但都希望呢次都可以大步檻過啦!

呢排比較懶,得閒o個陣6299又o係樹唔方便打野,

所以好耐無上o黎!

灝泓依然咁百厭,仲越o黎越古惑,

99就繼續好心做壞事,講到出口叫佢唔駛幫都係咁!

就當我格衰唔識感謝佢啦!

佢做o左又唔o岩我心意,做o黎仲咩o者?!

話咁快灝泓已經9個幾月啦!

天天長大天天高,扭起上o黎真係同佢打交咁!

部腦又未整，upload唔到d相上o黎!

搵日得閒捉條虫攪先得!