好耐都無打野啦...
我尋晚先嘔到死死下...
搞到天光又瞓喎~
又要送佢地返學放學~
好攰呀!! 散晒...

我妹妹佢寄野返黎送比我地呀!!

你有試過玩到~R同L鍵有啲黃黃地嗎~
係白色同粉紅色先會遇到呢個問題~
我有解決方法啦~就係用沙膠~
你只要係有R同L鍵到擦就會甩架啦~
不過我都係建議你用~你自己諗清楚會唔會出問題啦~
有問題我係唔會負責架~當然我就真係用過無問題啦~
而家乾淨晒...

我上個星期玩應援團...
玩到手都抽根咁濟~呵呵~
好好玩呀!! 我啲節拍感好左...
不過我啲TEMPO一向都好好既~哈哈…

動物之森我起到2樓就停左無還到錢~
搞到成個月都起唔到多一間房...
有傢私都無用...無位放...
不過我同KAKA互訂傢私,同畫
而家好有好多REGAL同LOVELY既傢私啦…

下2個星期晴晴要考試啦~我又要做魔鬼阿媽...

尋晚姐姐係我度瞓~成晚我地3姊妹係度打nds...
成晚都係歡笑聲~我真係比kaka笑死~兼激死啦...
搞到成差不多天光先瞓~7點幾又起一起身送晴晴返學...
之後又瞓到朗朗要返學先無再瞓過啦~因為同姐姐行市中心
姐姐舊同事要結婚~同佢行下睇下去飲衫囉~之後再行去睇袋~
我買左個LESPORTSAC,姐姐又因為買左個袋夠3千可以半年分期~
我都可以供~我咪又買一個囉~嘻嘻~不過當然有個惡魔啦~
之後就同SA姐行左一陣同食晚飯~

wi-fi令到我無覺好瞓喇...
事關我又同我妹妹wi-fi~
又同我姐姐wi-fi~
有時間就睇下有咩係wi-fi game~
滿腦子都是wi-fi

我呢個月都唔係成日打機既...
去睇過蜘蛛俠~都有行街~
都有無喇喇坐係度冥想~
真係好想快d過呢一年~
我過埋呢一年我就自由啦~
我唔洗再過癈人生活啦~

最近晴晴係校巴上比人蝦...
佢係比一個3年級既女仔話佢~「望咩望」又見d姨姨唔睇到情況下
打晴晴個肚一下~雖然無話好痛~(可能唔大力)但我覺得~唔好動手
動腳嘛~之後連續3日都係咁~我就係星期4同果姨姨講~佢回應係
「佢地玩下者~無話邊個蝦邊個」心諗我地就玩唔起囉!! 「 總之就唔想再有呢d事發生囉~」

我真係好憎你~
點解你可以無憂無慮過你自己一個人既生活~
而我要獨力擔負起教晴朗既責任~
我真係開始唔識教好晴晴啦~
佢一次又一次既大話~
係學校老師既投訴~
我開始有壓力啦~
我真係開始後悔7年前既選擇~
晴晴比我既挑戰我已經無力應戰~
如果可以既話我寧願戰死…

今日...好早起身~
送晴返學~一直都無再瞓返...
而家好攰啦~所以早早打定HOMPY

今日有啲熱...出一出街就一身汗...
真係無咩事都唔好出街...

聽日一連3日晴晴要測驗啦~
係之前既假期都係溫習溫習