尋晚姐姐係我度瞓~成晚我地3姊妹係度打nds...
成晚都係歡笑聲~我真係比kaka笑死~兼激死啦...
搞到成差不多天光先瞓~7點幾又起一起身送晴晴返學...
之後又瞓到朗朗要返學先無再瞓過啦~因為同姐姐行市中心
姐姐舊同事要結婚~同佢行下睇下去飲衫囉~之後再行去睇袋~
我買左個LESPORTSAC,姐姐又因為買左個袋夠3千可以半年分期~
我都可以供~我咪又買一個囉~嘻嘻~不過當然有個惡魔啦~
之後就同SA姐行左一陣同食晚飯~

wi-fi令到我無覺好瞓喇...
事關我又同我妹妹wi-fi~
又同我姐姐wi-fi~
有時間就睇下有咩係wi-fi game~
滿腦子都是wi-fi

我呢個月都唔係成日打機既...
去睇過蜘蛛俠~都有行街~
都有無喇喇坐係度冥想~
真係好想快d過呢一年~
我過埋呢一年我就自由啦~
我唔洗再過癈人生活啦~

最近晴晴係校巴上比人蝦...
佢係比一個3年級既女仔話佢~「望咩望」又見d姨姨唔睇到情況下
打晴晴個肚一下~雖然無話好痛~(可能唔大力)但我覺得~唔好動手
動腳嘛~之後連續3日都係咁~我就係星期4同果姨姨講~佢回應係
「佢地玩下者~無話邊個蝦邊個」心諗我地就玩唔起囉!! 「 總之就唔想再有呢d事發生囉~」

我真係好憎你~
點解你可以無憂無慮過你自己一個人既生活~
而我要獨力擔負起教晴朗既責任~
我真係開始唔識教好晴晴啦~
佢一次又一次既大話~
係學校老師既投訴~
我開始有壓力啦~
我真係開始後悔7年前既選擇~
晴晴比我既挑戰我已經無力應戰~
如果可以既話我寧願戰死…

今日...好早起身~
送晴返學~一直都無再瞓返...
而家好攰啦~所以早早打定HOMPY

今日有啲熱...出一出街就一身汗...
真係無咩事都唔好出街...

聽日一連3日晴晴要測驗啦~
係之前既假期都係溫習溫習

上月尾我收到律師電話~內容係我同g先生既離婚就到囉~
只是g先生佢填埋最後一份form就ok啦...呢3年間我都無咩...
我覺得已經放低左但突然間個心...唔係心痛只係好重好重既感覺
又唔知點解好想大喊...喊既重點唔係g先生...我知一定唔係佢...
真係好想攞個心出嚟...問吓到底我係為咗啲咩...真係好想安撫一吓
又或者比我好好咁喊一場都好...但可惜我發覺...我喊唔出呀!!

放假既心情要收好囉...
聽日就係最後一日囉...

晴朗2隻小魔怪星期一就要返學啦~
聽日就盡情地瞓~盡情放肆吧!!

今日買左好多野呀!!
有nds筆,又同晴買他媽哥池
怡既同事賣左4支筆比佢...
點知4支都係假筆...
好在我今日係屋企留下扭左5支...
哈哈~我終於都有星星既NDS筆
其餘既就比KAKA啦...
好耐都無玩過他媽哥池~
我細個果陣老豆都買過比我地
我地玩過陣都無咁貴架...嘩~而家成150先有
不過而家真係多左好多野玩就真既