2008 年......充滿傳奇既一年. 不論大事小事, 都係新鮮既事, 之前係從未遇過...

一月 ~ 四月, 沒咩特別, 都係每日番工, 放工番屋企, 第二日又番工, 放工又係番屋企......悶夾厭... 其間國內遇上百年雪災, 國內同胞要好好保重... Olympic 聖火係三月開始傳遞, 遇上好多激烈行為, 為Beijing Olympic 2008 添加一份缺憾美...

五月二日, 聖火到香港傳遞, 雖然我一樣要番工, 不過公司有電視, 可以全程追蹤傳遞過程...身為港人, 不論有無份參與傳遞或者有關工作, 一樣倍感自豪

五月十二日, 四川大地震, 地震當時我身處國內由汕頭市開往深圳市既長途巴士內, 車正在高速公路上面...當時在車上時候發覺有點異常, 不過諗唔到咁大件事... 今次傷亡同唐山大地震不遑多樣, 更甚既係大多數都係國家未來既棟樑之才...家長們痛失兒女...哀哉!

六月, 每日番工, 放工番屋企, 第二日又番工, 放工又係番屋企......

七月, 期待Beijing Olympic 2008 舉行, 而且都係公司peak season...OT, OT and OT...

八月, 奧運開幕, 雖然有指造假, 但係我覺得係我睇過既開幕禮入面係最正, 最精彩既~! 奧運期間, 左眼就電腦Mon, 右眼就電視機睇奧運, 每當中國國旗係賽場上飄揚, 心中都興奮起來. 更感雀躍既係祖國雄霸51 金, 成為Olympic 2008奪金之冠~~

九月, 係2008 年, 呢個月係一個好神奇既月份, 我結識左一個新朋友, 佢係一個好active 既人, 思想都好正面. 而佢令我有好大轉變... 我立心要修身(即係減肥...~.~), 戒食唔健康食物; 而且暫時佢係唯一一個成功請得我郁去同佢整電腦; 佢又帶我去認識一D 新事物, 新理論... 亦都同佢去品嘗唔同餐廳既食物(唔計菜色, 的確係每次都唔同餐廳)~ 好愉快~~!

十月, 雷曼爆煲, 玩一舖全球經濟大衰退, HSI 由三萬點插水插到萬三點都無....一早話過...玩呢D數字遊戲, 真係要諗過先... 我都覺得幾hea... 本來係peak season 好多野做, 結果返去打機都打唔晒時間...都唔知係好定唔好...

十一月, 全球經濟大衰退一浪接一浪, 公司訂單都少左好多, 幸好客戶多多支持~~! 議定十二月去台灣一趟, 見識一下台灣係點既一回事~~

十二月, 久經辛苦, 又無酒店, 機位又緊張, 好彩終於可以出發, 期待左5 年有多既台灣之旅終於成行, 之前估唔到出發之前又有颱風要吹台灣, 好彩臨尾佢扯左去第二度, 唔係既話...之前成日都去唔成就係因為台灣唔係打風就地震, 再唔係就水浸...死未... 去台灣主要有幾個mission : 1. 廠家新居入伙, 2. 拜訪客戶, 3. 遊覽觀光. 台灣其間我去過唔少地方, 有故宮博物院, 中正紀念堂, 淡水, 新店, 西門町, 士林夜市... 大開眼界~~ 仲食左一餐超超超超正既台式懷石料理, 12 道菜, 足足食左3個鐘頭, 一個超正享受~~ 仲有食左雞排, 蚵仔煎 (即係蠔餅), 胡椒包(都幾辣架), 豆腐花, 粉圓...仲飲左青蛙下蛋, 珍珠奶茶...有D 唔記得 :P. 我仲買左D 手信番黎送比朋友仔~~ 番黎之後就去到冬至個日去左工展會, 我地大掃貨, 買左好多野~~ 我買左件唐裝衫~~ 夢寐以求既衫終於可以試下~~ 其他人買左各式各樣既野, 我地入場時候見到有新鮮整好雞仔餅, 熱辣辣架, 好好食~~ 我地係工展會就咁駛左千幾蚊... 今年聖誕節又估唔到過得幾求其...就係25-26 去酒樓dinner 就咁... 26 號我地去左會展睇美食節同電子消費品展, 超多人...... 不過都好開心, 入面買左部 Samsung NV100HD, 超正, 1470 萬pixel, touch screen, double 防手震(OIS+DIS)功能~~仲有其他既, 不過唔賣廣告喇~~ 美食節飲左好多唔同種紅酒~~ 同埋食左好多野~~ 其他又好似無咩特別咁...同工展會差唔多... 就咁就過左個holidays~

另外, 我終於見成工, 準備番新工喇~~ :D:D:D 公司place at 牛頭角, MTR坐多個站... 返5 日工, ok 啦~~ 而家時勢有工做好好喇, 唔好計較咁多...

又到年尾喇, 不過來年目標仲未諗到... 我考慮緊係咪study MSc(IT)...如果確定, 來年目標MSc(IT) grad cert~ 我亦考慮緊係咪讀下其他Subject~~ 而家我想study nutrition, 學下關於身體既野都唔錯丫~~

Happy New Year~~!

諗起07年會考中文作文其中一條題目係"檸檬茶". 忽然心血來潮, 就試下用呢個題目寫番篇文章~~^^

我相信很多人都有喝過檸檬茶. 我認為一杯上佳的檸檬茶, 應該具備一些條件: 以三至四片而每片大概有二至三毫米厚的檸檬, 這樣應該不會因為檸檬太多而令到沖泡出來的檸檬茶會太酸. 茶則選用錫蘭紅茶, 以九十五至九十八度熱水, 沖泡時間大約為一分鐘至一分十五秒, 我相信這樣沖泡出來的茶不會因為太濃而產生苦澀的感覺. 大概一至一茶匙半的糖來營造回甘的感覺... ... 現在想起, 回味無窮... ...

不過到了現在, 很多人都已經忘記或者不懂得如何沖泡一杯自己認為是上佳的檸檬茶... ... 事實上, 紙包裝的, 罐裝的, 甚至樽裝的檸檬茶都很普遍, 我們在超級市場, 便利商店, 雜貨店都可以買得到... ... 但這些現成品, 良莠不齊, 有些太甜, 有些則苦澀, 而且大多都添加很多的防腐劑, 但這些東西對我們身體有不同程度的影響. 實在要不得... ...

在我們的人生中, "人生不如意事十常八九", 小時候因為父母親不肯買玩具而大吵大嚷; 讀書時候因成績未如理想而被苛責; 工作時候又遇到種種問題和挫折而感到失落; 戀愛時候又擔憂伴侶的不是... ...這些人生試驗, 我相信每個人都會遇上, 但應該如何面對, 才是考驗的重點... ...

每天在電視新聞或報章上知道有很多人因發生各樣問題不懂解決而草率地選擇輕生, 認為只要死去, 所有事情即可化解, 但其實這種愚昧行為, 只是把問題轉至其他人身上而已... ...

一杯本來芳香回味的檸檬茶, 如果檸檬浸泡得太久, 檸檬皮會令整杯茶非常苦澀, 難以入口. 其實我們在處事上亦道理相同, 事情不及時解決, 會令事情變得更加複雜, 含糊, 難以解決. 如果把他擱置, 好像檸檬茶放得過於長久, 會滋生細菌, 人們喝下, 會導致生病一樣, 問題可能會一發不可收拾... ...

我們的人生, 其實不用過於執著某方面. 上蒼對每一個人都是公平的, 當得到一些渴望已久的東西時候, 定必會取走一些相等的東西作為補償. 正如人出生時候, 其實就已經手執沖泡檸檬茶的各種材料, 只是應該如何沖泡而已... ...

自從我畢業之後, 係生活上, 感覺上好似起左好大轉變... 但事實上又好似無咩轉變... 思緒好亂, 唔知應該點樣好...

感覺上好似起左好大轉變, 最大轉變就係好似感覺到自己要擔起頭家, 成為家庭支柱...但事實上又唔似係咁... 家庭唔係靠我份糧, 可以話賺錢比自己玩咁...

而家返工做既野, 同以前差不多, 但又奇怪在我好似做左掌舵人咁... 下面所有人都聽我指示多過聽Supervisor 指示... 反而Supervisor 好似聽番我講佢知佢要做D咩咁...... 其實我一直都想去其他公司做工... 雖然我讀電腦, 但係又覺得自己對呢樣野提唔起勁...study 果陣我對電腦充滿信心, 幹勁十足不斷拼搏....但grad 之後就替左年幾工, 估唔到會令自己放低左大學時候所學得既野... 而且仲認為自己唔適合呢方面發展...... 其實而家都好掙扎, 究竟我回歸自己老本行寫programme 還是應該由一個平凡trainee 做起; 定係應該點?...

有人叫我唔好白讀大學, 做電腦好; 又有人叫我上Master; 亦有人叫我由低做起... 你一言, 我一語咁... 好煩...

我知道有好幾道門係我面前, 但我竟然唔知開邊度門好... 好擔心開錯門就大大鑊...

點解07 年回顧要咁耐先出? 因為呢個07年真係發生左好多好多事. 霎時間又不知從何說起...

1. 家裡增添一員, 有如廣告所講 "屋企熱鬧D"

2. 正式投身工作, 但有點出師未捷感覺...唔可以將交付工作順利完成

學習方面, 有如坐過山車咁大起大落... Yr.4 成績比Yr.3 差好多....可以係我比較著重 BB 事情分左心... 可幸既係我可以達成自己學習目標 "大學1st Hons" 畢業證書. 非常珍貴, 亦係努力成果

2007年3月22日, 記錄瀏覽人數 : 99xx

2007年3月23日, 記錄瀏覽人數 : 100xx..

未來, 記錄瀏覽人數亦會不斷上升 , 感謝各方友好支持~~

小弟幾個月功課十分繁忙, 未能及時出一些個人message, 因此向各方友好致歉, 小弟將於畢業考試後再出message 請各方友好暫請忍耐~~

我上newgroup 時候見到有個有趣既topic, title 叫 "無知港女 (電話費一萬蚊)", 有一條電台錄音link "http://www.esnips.com/doc/f7fdf364-aa7b-43eb-85c8-171b90b9c2a1/hkphonegirl" 內容大致主持人同一個尚在求學中既16歲少女聊天對話... 小女孩竟用兩個月時間講手提電話同send SMS/MMS 等因為超時一共多花左一萬大元電話費... 於是致電到節目求助... 不過對話期間老實講佢係毫無悔意, 言語間並嬉皮笑臉咁樣... 主持人怒火中燒, 萬般苛責其行為; 同時亦令少女道出佢原來係"大花筒"一名...

老實講, 現今一個有用手機就算用黎煲粥既人, 無論如何都無辦法可以一個月用五千蚊手機本地通話及傳訊費... 除非係用漫遊一分鐘十幾廿蚊重要一個月最少十個八個鐘先有可能... 想起幾年前自己都發生過類似既事... 當時分鐘少同費用又高... 不過眼見自己經常用唔晒時間, 有一個月發晒癲咁用手機傾電話, 結果埋單基本連超時一共要800大元... 當然比人鬧到飛起啦... 錢事小,係背後教訓先重要, 當時一直都覺得要爆鐘先好, 不過當時諗住爆過少少就ok, 大約係10 分8分鐘左右, 超時費先唔會太過份... 雖不知一係唔爆, 一爆就大件事... 自果次之後以後傾電話都會就住就住, 唔會傾得太耐 而家通話時間通常都維持1000分鐘以內(雖然而家有成兩千分鐘通話時間左右)... 雖然而家用手機的確十分方便, 但係始終佢要用frequency 去做收發, 身體往往或多或少會吸收到呢D frequency, 呢D野始終對身體唔好... 容易會有細胞異變, 老實講, 都係少用手機為妙~~

2006年, 對我黎講可以話係多采多姿既一年, 不過大多都係8月發生既, 總括黎講, 令我獲益不少...

相對2005年, 今年真係少左好多家族風波, 我地一家人少左好多壓力. 我亦能夠實踐就讀大學三年級既最終承諾, 雖然有點兒戰戰兢兢, 但係都可以過關~~ 天大既喜事... 同時, 一家人就因為我既成績, 而將所有勢利既親戚打倒, 一場漂亮既勝仗...

2006年, 發生左D有趣, 難忘或者第一次嘗試既事, 好似...

一月, 所有Blog 大整合, 以Hompy 為主要部落格, 正式開張, 至今已經有超過6500人次瀏覽,

五月, 一家人就為我既前途召開家庭會議, 最後決定比我繼續升學

七月, 收到成績通知, 全家人都雀躍
第一次見工, 戰戰兢兢既心情, 亦知道左見工技巧同準備工夫
書展之旅, 大豐收, 買左好多喜愛既書籍

八月, 外甥女黎香港玩, 由我做嚮導, 亦係我第一次帶人遊香港, 去左好多地方, 其中包括:DisneytLand, 科學館, 歷史博物館, 維港兩岸海旁, 會展, 星光大道等等. 重帶左佢坐電車, 渡輪呢佢好鍾意既交通工具.重同佢影左好相~
第一次做暑期工, 雖然只係做四個鐘, 但係令我獲益良多, 增廣見聞, 亦都明白待人接物技巧
動漫節之行, 入手PSP... 同時做左PSP同NDS機主

九月, 開學. 正式踏入大學學士最後一年, 被選為班長, 亦係我讀大學時候第一次做班長.

十一月, 舉家去澳門玩兩日一夜, 上旅遊塔, 玩Kart 仔, 入賭場, 大吃大喝, 重買左D手信比同學仔~~

十二月, 台灣地震, 震斷大多光纖電纜, 網路資料傳遞大擠塞, 至今仍未全面修復好...

12月31日, 就咁就一年... 有點兒唔捨得, 太多采多姿... 不過, 人總要向前看, 無過去, 又點會有將來~~ 到左2007年, 我好有可能投身社會工作, 都有點兒期待... 不過而家都係要努力發奮學習, 將自己優勢保持落去, 話比全世界知我係唔少惹...今年學習目標只有一個, 1st Honour Degree 畢業證書!! 我亦希望2007年比2006年更豐盛, 更多采多姿~~~

自從我大學最後一年開學之後, 就已經有一股好奇妙既感覺, 到左而家, 呢種感覺越來越強烈 但係唔識形容呢種感覺... 好想搵個人講比佢知, 但我又未搵到合適人選 好亂 有無人知究竟發生咩事 知既話可以話我知嗎