http://lisakoesno.blogspot.com/

好開心呢個屋企過咗7萬人睇過!

Bookmark my new Blog laaa

此單位關閉。

望早日覓得新單位。

Update得愈嚟愈疏了。

一嚟攰二嚟己經無心机喺HompY打日記了。

正在尋找新居　有緣再Blog

五十嵐之戀這個故事己經喺之前看過，但昨晚又从電腦裡蒲出來。再看都是再哭。

可能大家會看到不明不白，讓我喺度加個註脚啦。

那我在後面加個備註好了

【黃彥傑、林金聖╱台北報導】北市一名女子昨天凌晨和友人吵架，因心情不好與室友搭計程車到河堤散心，未料她突然跳河，室友見狀連忙報警並大聲呼救，警消趕抵並出動橡皮艇搜索，直到下午才在大直橋下發現她的遺體，友人見狀痛哭：「怎麼會這樣？」 警消調查表示，綽號小寶的跳河女子黃嘉琪年約二十歲，昨天凌晨二時許她與友人吵架，回到租屋處後跟室友說要出門散心，室友擔心她發生意外緊跟在後，兩人攔下計程車，前往北市基湖路美堤河濱公園坐在河堤聊天。 黃女友人難過得蹲在河邊等待，未料黃女尋獲時無生命跡象。黃彥傑攝 出動2橡皮艇搜救 室友指出，當時她的手機響起
她便先接電話，沒想到講手機時黃竟「撲通」跳下水，她嚇得大喊：「不要鬧了，快點上來！」黃女卻回她說：「水好冷啊，快來救我！」隨即沉入水中，她趕緊打電話報警。 警消獲報出動兩艘橡皮艇搜救，黃的姑丈聞訊趕往關切，心急得痛罵黃的友人說：「好好的女生，被你們弄成這樣！」 黃女的友人陸續趕到，站在河岸雙手合十祈禱，不斷大喊：「小寶，妳在哪裡！」直到下午二時許警消才將黃的遺體打撈上岸。 

明白了嗎？

她們是羡煞旁人的一對！

她們由相識到分開，１７９天，分別的原因是因為日記裡面，女生的男朋友自殺，留低了女生。
女生自殺了很多次但都被救回，她实在太掛念她。
從０７年的５月到０８年的９月　她都沒有忘卻過她。

如果你係一個覺得同性嘅愛係不被接納亦都係不知所謂嘅人，咁你就錯晒。Les嘅又好，Gay嘅都好，他們都有權去大大方方咁愛上任何一個人，光明正大咁同任何一個人逛街拍拖，就好似我一年前喺海運撞到嘅嗰對couple咁，我佩服佢哋嘅坦白同大方，勇敢地向全世界分享他們的愛情，臨走嗰陣我比咗個大拇指佢哋，我知道佢哋一直都喺度望住我。

同性嘅愛比異性戀嘅愛情有時來得更動容。

從她日記入面可以深深感覺到愛。
一邊睇一邊喊。
我成日都會覺得身邊嘅朋友的愛情比自己嘅嚟得轟烈，嚟得wow得多，自己的那一份總係平平淡淡簡簡單單。第一次覺得簡單被愛比一切事情都更幸福，有一個承諾要一世照顧自己嘅人愛住自己，而呢個人又係自己愛嘅就更加幸福。

愛有時都包含咗放開，堅強啲呀！

五十嵐之戀 http://www.wretch.cc/blog/tobe1127/8513347

以前經過花園街都會見到一檔係賣「極速乾髮帽」的檔口，老闆還有其他「極速抺身巾」＆「美容巾」等發售。
日日返工經過都會心郁郁想買佢嗰乾髮巾，雖然唔算太貴，但係用廿雞買個咁的東西，真係會比人話我無聊。本住你敢賣我敢買的精神，我買了。
今晚第一次試用，好感動，今次無比人呃到。

Mr.TR的朋友，因為中秋節無陪到女朋友而比個女仔嬲咗。
由呢件事，mr.tr就應該明白到一個道理。
你隻豬真係好乖，從來都唔會扭呢啲節日要一齊過。
呢啲豬認真抵鍚。
多謝晒。

其實，有一個咁樣嘅女朋友係一件好事還是壞事？過時過節你陪唔陪佢都好似無所謂咁，做男朋友嘅會唔會唔開心？跟住又覺得個女仔唔緊張佢唔在乎佢嗰啲，成個妄想症患者咁。
我知道有人係會嬲同唔鍾意，就好似某位mr.ex咁。
還要都係要找到一個平衡點？

我個人真係好簡單，唔需要日日見，但有某種connection就可以了。嗰種connection我唔識得用筆墨形容，但係佢會令到你覺得好實在同好有安全感。一旦呢個connection消失，人就會變得好無信心同好危机感跟住就會run呢個自我保護程式。
呢個過程真係死得人多了啊 ...
曾經有過咁嘅時候，嗰陣係日日都好唔開心，唔係話女人下下都掛住愛情，只係女人比較感性，佢不能夠喺情感有問題情況之下去handle到其他嘢，即使handle咗都一定係handle得比平日差。（又唔諗下呢啲情況咪又係啲雄性搞出嚟嘅！）
自我保護程式一開，佢會自行將自己down機，平時５６Ｋ又好，２００Ｍ都好，一切工作停頓。眼神空空洞洞咁望住某一點，係無focus嘅，眼濕濕咁，問佢發生咩事，佢只會話你聽佢琴晩唔夠瞓，跟住繼續空洞落去，繼續放空。放到咁上下，就會扁埋咀，索鼻，最后自己企埋一邊發忟抓狂一番。自我保護程式經已啟動完成，百毒不侵，嗰個人想點就點啦，最后佢又會回復平時咁同身邊嘅人heehee haha ...

以上只係我個人嘅狀況，並不是人人係咁，請放心。
所以喺我放空中，別理我，一陣間會無事。

no pay no gain 做人要記得呢一句
人哋搵萬萬聲什至幾皮嘢一個月都好，係有付出嘅。
可能係細個嘅讀書時間，都可能係多自己幾個鈡嘅工作時間。
你返８個鈡重要有一鐘頭食飯時間，即係先做得嗰７個鈡；人哋返十二三個鈡，又無定時間食飯，搵多過自己係有原因嘅，咁唔ＬＩＫＥ咪ＱＵＩＴ咗份工去返嗰啲工囉，奈何閣下又唔捱得，可悲可悲。

有時我真係覺得啲人好得意，比一百蚊嘅錢要扲一千蚊嘅嘢，又budget又呢樣嗰樣，不如閣下索性同我講大槪心目中嘅價位會更方便。最憎嗰副乜尻都唔知但又要充 ...

今日Mr.TR去睇耳鼻喉科，跟住湊我返工。
重陪我去bank呀！
好慘呀佢，又腸胃炎又感冒又聾咗隻耳 .... 呠　。。

中秋節快樂呀！今年中秋節同嫦娥一齊過，有小月餅都有兔仔燈籠，mr.tr就慘啲要返工呀 ... 呠

呢家中秋節比以前靜咗好多。
再無人喺屋下玩燈籠點蠟燭或者玩火，係公民教育強咗導致啲小朋友唔會再喺公園同籃球場玩埋啲咁嘅遊戲，還是傳統節日嘅氣氛同意義經己唔同咗？

我細個會覺得呢個係一年一度玩火嘅日子，而爸爸媽媽都會買定啲蠟燭同埋沙砲比我玩嘅，我呢啲細細膽嘅又點敢煲蠟吖，都係靜雞雞坐埋一邊睇啲哥哥玩，我就點下蠟燭砌下心形咁。不過唔知邊一年立例之前就無得再玩了。

往年走廊啲細路仔一定會扲住一個二個燈籠喺度又叫又跳咁，啲音樂燈籠嗰啲音樂真係難聽到呢，但係今年靜晒。蚊都無隻。淨係對面屋個大哥哥係咁又開又熄妹妹個燈籠囉 ...

而我就一年靜態過一年，上年都重有同Mr.TR去行維園，今年只係喱埋喺屋企穩打穩陣咁食晒個飯仔，開開心心咁睇掌門人就完結了。扲埋個兔仔燈籠出廳掛咗陣又佢又電唔著了。

老人家成日都會話我哋成班后生嘅做乜都無所謂又求其是但咁，連最貼身同最現實的錢銀問題都唔多在意咁，日日就係咁扲張卡出嚟碌碌＆碌 ... 先洗未來錢呀 ...　次次都係咁噏 ... 細個梗係當佢發噏風 .. 到咗今日，終於明晒呢個道理，呢個道理係一班人悟咗出嚟，應該話大家終於願意正式面對呢堆困擾咗好幾個年頭嘅事情。

一直都以為自己情況會係最壞嗰個，又卡數又loan咁。
大家嘅情況都比我想像中惡劣，都比我更惡劣。
就係因為佢哋搵得多，就更加無將自己債務計得清清楚楚，覺得自己能力卓卓有餘，結果 ..

不過呢啲嘢講就易，做就難。
要認認真真咁扲將bill出嚟計唔係一件容易嘅事，但新鮮滾熱辣地statement就好好咁瞓咗喺我信箱入面嘞。避都避唔到，今晚認真咁計過條數。
不聽老人言吃虧在眼前。
我至少重有將來兩年至四年嘅錢比自己喺過去一年洗咗。
會唔會有叮噹時光機呀？

呢個時候，昨晚一齊悟理嘅朋友甲打嚟，真係一殼眼淚。
原來琴晚係唱Ｋ聚舊，結果變咗反省大會。
喺未來嘅日子，我哋賺到嘅錢都唔係自己，我哋會喺未來幾年同各銀行打工。
狠ｄ ... cut咗張卡佢 .. ...

知錯，真係知錯。
各張卡加埋十幾萬嗰個真係錯晒，因為朋友甲乜都走去做分期，結果嚇死你 ... 買袋買化妝品買啲懶高科技嘅嘢重有啲乜嘢健康床裖等等 ...

而我 ... 重有好多年捱呀。
除非有奇蹟 ....