因為好忙，所以好忙。

前面那個"好"字，讀作"耗"音，意即"愛好"，"嗜好";  即係話:

"因為我自己鍾意忙，所以搞到周身唔得閒好鬼忙"。

結論就係無乜時間Blogging 0勒。

時間花晌返工同睡吃拉外，仲要:

No. 1，弄犬為樂 (Mr Sergeant)

No.2，弄音為樂 (My saxophone)

No.3，尋歡作樂 (misc items: BroadbandTVing , DVDing, Reading, Webbrowsing, Socialicing, 桌球ing, coffee-ing...)

所以，大家久不久過來巡下啦，我會update的但比較疏一點。

總之, 犬在人在blog在，don't worry.

今日帶沙展落西貢食晏，回程時展爺在一支燈柱撒了泡尿。因為週末很多人放狗四圍尿味，沙展會mark。

身後傳來人聲: "嘩，隻狗隨街屙尿"

我轉身，見一個男人年約四十，拖住個七歲兒子。

Boss: 咩事?

佬一臉愕然:  你教隻狗周圍屙

Boss: 狗晌街屙尿有咩出奇? (香港法例，狗大便要執，小便其實冇講，唔係犯法)

佬: 總之就係你唔0岩啦! 周圍屙 (講左等於冇講，重覆自己)

Boss: 有尿咪屙囉，唔通你教個仔唔好屙尿?

佬: 我無教個仔周街除褲屙尿喎, 嘩你d咩人，自己唔0岩仲話人，無家教!

Boss: 係呀，你老豆好有呀，快d學你老豆啦，學你老豆啦

個細路，應該由頭到尾都唔知咩事。咁0既老豆，晌街見到咩就講，都冇用腦，灌輸唔少俾個仔，小朋友以師奶思維長大，成大器機會甚微，悲哀。

同狗友janny講開，佢都遇過，仲要係差館門口，差人叫janny教狗去第二度屙。

Janny話你唔鍾意可以行開，冇犯法，叫差人返去check下law先同佢講。

用水沖下，係公德。但你晌街打瀉汽水，會唔會一早準備定支水去沖地? 豈碼那個佬唔會。

朋友來西貢(簡稱SK) 探我。決定帶買小展落去食個靚晏。

靚哩? 拿，我冇飲酒，飲ice tea。拖住狗就咪飲，要steer隻狗，同drink dont drive一樣架!

後面坐了兩位鬼頭，一老一少操歐語。阿橙衫不停摸阿小展，佢不知幾high.

同朋友傾傾下，忽然沙展好緊張，我以為後面有狗。原來係有人，係爸爸落黎飲下午茶。沙展認得佢，兼識聽"BaBa"。咪晌佢面前講，聽到"BaBa"仲alert過"食飯"同"去街"。點解所有貓狗都黐爸爸? 冇天理。

有位帥哥出現...

好帥...

阿積來自畢架山。帶阿積出來SK的，係牠主人的朋友。傾傾下，佢地話見過我同沙展，晌馬騮山行山遇過。

1. 展闆 2. 展pat 3. 阿積 4. 阿積主人個friend 5. 鬼祟男童一名 6.更鬼祟街坊狗過來趁熱鬧

兩點坐到四點幾，算係訓練沙展的Social Skills. 吠左幾次，有進步喇，我地旁邊就係SPCA!!

沙展份保險包左支一年一度混合針，要去網絡診所打，遂搵老豆車我地去將軍澳。

獸醫比我個妹還後生，嘿...... 我地黎打針無所謂啦。d姐姐仔又冇sell糧sell藥，算唔錯喇。

我屋企好文明，好多野都係AA，食飯係AA，以前一齊住，買汽水都係。

飲錯人地0既最緊要買返罐返黎。我又好適應，所以叫爸爸車完我，我就想請返佢篤波。所謂family gathering，晌我屋企就係咁經營出來。Fair!

老豆呢d四五十年代出生0既佬，乜Q都係專家。無線電，Hifi，攝影，天文望遠鏡，音樂，U name it, he knows it and knows it WELL. 

乜Q都識，楂Q當然識。最近又玩返篤波仲買埋私家Q，細時見佢成日篤，而家都好想學下。老豆當然鍾意我學，一來佢鍾意教人，二來佢鍾意個女識佢識o既野。

10分鐘，佢教曉我點樣楂Q，身位，枕手。跟住1個鐘，總之瞄準同打中個波就得o勒。跟住2個鐘，要練下手vsQ tip的距離如何放，同買糾正身體重心，手臂角度。3個半鐘好快過~~ 學得唔係好多，要練下先! 老豆教左郎媽幾堂，已經打得好掂喇! 我總共入左4-5個波，beginner算係咁啦! 不過係付碌入波，係付碌架。

最近公司有變，唔知幾時先可以再放假打波喇!

後記: 今晚老豆請食茶記，下次要記住請返佢先得

自從上次玩完隻10分鐘K.O.馬騮，都唔係好想比公仔沙展玩，好折墮!

不過成日玩KONG無乜癮，終於將隻買左好耐0既$10狗仔奉獻比展爺。

算佢比面，3分鐘咬晒d硬件(鼻，眼)，5分鐘咬去1/5綿花就收手。

間唔中我聊佢先玩一陣，睇黎呢隻$10比高可以玩一陣。

公司附近有夜冷舖，同事經過二話不說檢起門口$15/2隻的公仔去俾錢，又係拿回家給狗玩。

0拿，書話，要有不同類型遊戲來宣洩狗的本能精力，模擬追捕用波，模擬殺戮用公仔......所以呢d幾蚊隻，就當斬料，返去等小展開心一下唔慳得。

呀，好鬼忙呀，一個禮拜先update一次，平時都好少上來 long time no see...

第一單猛料，就係好特別0既 "條尾冷親症"。

話說沙展重出江湖，去左水清沙幼大蛇灣楂艇出海。回來後，頭唔dup dup，但係尾dup dup!

我以為屈親條尾，上網check下原來有個"Cold water tail" 或稱 "Dead Tail Syndrome" or "Limber tail Syndrome"。

通常係游泳後，或冷水浴後，或狩獵後(沙展應該係三樣齊晒)，尾巴肌肉過勞導致尾巴不舉 

唔駛睇醫生架! 過幾日會好返，摸條尾隻狗都會覺得唔舒服，所以由得佢啦。最緊要休息，慢慢會逐吋復原。某些品種容易發生這情況: English Pointer, the English Setter, the Foxhound, the Beagle and the Labrador Retriever.

上網睇，直頭係Dr House d case，正統獸醫都冇教架! 好過癮，又學左野!

http://thelabradorclub.com/library/coldwatertail.html

http://www.woodhavenlabs.com/coldtail.html

一個星期後，沙展條尾又雄糾糾豎起0勒

好番d, 沙展可以參與簡單活動0勒。西貢上船落船，我地作為街坊當然要去。

包艇搭大概30分鐘去到大蛇灣，算幾細的一個灘，但水超清沙超幼，正!

沙展救生衣終於出動。都有d用架，我捉佢都易d啦，又真係浮左d! 沙展肯游多少少，唔會成日搵後腳撐住海底~

朋友拿來橡皮艇，大家人狗輪流玩。沙展上去騰來騰去，隔離有艇就想過艇

見我晌旁邊攬住個水泡，佢就擒過黎! 我當然彈開啦! 踩鬼死我! 引幾引佢又夠膽棄艇跳水，我捉住佢條繩，非常歎地等佢扯我返岸。就係咁逼佢游囉，唔係隻隻狗都鍾意游水。

下次要玩耐d

一來懶，二來忙，三來屋企keyboard冇電，想update下blog也不行。

keyboard係紅外線，要AAA電池二枚。每次去超市，只會記得買蒙牛，最叻那次買了AA電，AAA還是沒有買。無心裝載，我認的! 不過記憶力嚴重衰退都有關，大鑊。

三扒兩撥，一次過update兩週的沙展diary。

首先多謝各位大家投票，得左個blog照優異獎。志在參與，所以所有獎品總之食得落肚，無論貓糧狗糧，全部送比唐狗阿寶寶。寶寶係我老豆樓下的村狗。

沙展隻腳好番好多，所以曳了! 例行偷廁紙，自我conditioning，入親洗手間就企晌個架前，頸伸長，o趙!

我的潔柔三層廁紙，給牠蹂躪了幾卷!

由於少了周末活動，只好平日玩點遊戲。

Hide and Seek，即係收埋個Kong或者骨，叫沙展去搵。佢玩得好開心，我又要提佢水，一身汗。玩完佢嫌唔夠喉，走上去擔個波落黎。我梗係唔理佢啦，睇陣National Geographic先。

Cicker買左好耐，無認真試過。呢排試下，都ok，要再集中d試。都係click-pause-treat，我用來教沙展分辨玩具, 哪是KONG，哪是BONE。

熱辣辣，沙展發明左個新伏式，就係豎起一邊耳。無論係牆壁，或者係籠，總之挨埋去貼個頭埋去，伏低。咁就可以撐起一邊耳，涼快好鬼多架!