沙展份保險包左支一年一度混合針，要去網絡診所打，遂搵老豆車我地去將軍澳。

獸醫比我個妹還後生，嘿...... 我地黎打針無所謂啦。d姐姐仔又冇sell糧sell藥，算唔錯喇。

我屋企好文明，好多野都係AA，食飯係AA，以前一齊住，買汽水都係。

飲錯人地0既最緊要買返罐返黎。我又好適應，所以叫爸爸車完我，我就想請返佢篤波。所謂family gathering，晌我屋企就係咁經營出來。Fair!

老豆呢d四五十年代出生0既佬，乜Q都係專家。無線電，Hifi，攝影，天文望遠鏡，音樂，U name it, he knows it and knows it WELL. 

乜Q都識，楂Q當然識。最近又玩返篤波仲買埋私家Q，細時見佢成日篤，而家都好想學下。老豆當然鍾意我學，一來佢鍾意教人，二來佢鍾意個女識佢識o既野。

10分鐘，佢教曉我點樣楂Q，身位，枕手。跟住1個鐘，總之瞄準同打中個波就得o勒。跟住2個鐘，要練下手vsQ tip的距離如何放，同買糾正身體重心，手臂角度。3個半鐘好快過~~ 學得唔係好多，要練下先! 老豆教左郎媽幾堂，已經打得好掂喇! 我總共入左4-5個波，beginner算係咁啦! 不過係付碌入波，係付碌架。

最近公司有變，唔知幾時先可以再放假打波喇!

後記: 今晚老豆請食茶記，下次要記住請返佢先得

自從上次玩完隻10分鐘K.O.馬騮，都唔係好想比公仔沙展玩，好折墮!

不過成日玩KONG無乜癮，終於將隻買左好耐0既$10狗仔奉獻比展爺。

算佢比面，3分鐘咬晒d硬件(鼻，眼)，5分鐘咬去1/5綿花就收手。

間唔中我聊佢先玩一陣，睇黎呢隻$10比高可以玩一陣。

公司附近有夜冷舖，同事經過二話不說檢起門口$15/2隻的公仔去俾錢，又係拿回家給狗玩。

0拿，書話，要有不同類型遊戲來宣洩狗的本能精力，模擬追捕用波，模擬殺戮用公仔......所以呢d幾蚊隻，就當斬料，返去等小展開心一下唔慳得。

呀，好鬼忙呀，一個禮拜先update一次，平時都好少上來 long time no see...

第一單猛料，就係好特別0既 "條尾冷親症"。

話說沙展重出江湖，去左水清沙幼大蛇灣楂艇出海。回來後，頭唔dup dup，但係尾dup dup!

我以為屈親條尾，上網check下原來有個"Cold water tail" 或稱 "Dead Tail Syndrome" or "Limber tail Syndrome"。

通常係游泳後，或冷水浴後，或狩獵後(沙展應該係三樣齊晒)，尾巴肌肉過勞導致尾巴不舉 

唔駛睇醫生架! 過幾日會好返，摸條尾隻狗都會覺得唔舒服，所以由得佢啦。最緊要休息，慢慢會逐吋復原。某些品種容易發生這情況: English Pointer, the English Setter, the Foxhound, the Beagle and the Labrador Retriever.

上網睇，直頭係Dr House d case，正統獸醫都冇教架! 好過癮，又學左野!

http://thelabradorclub.com/library/coldwatertail.html

http://www.woodhavenlabs.com/coldtail.html

一個星期後，沙展條尾又雄糾糾豎起0勒

好番d, 沙展可以參與簡單活動0勒。西貢上船落船，我地作為街坊當然要去。

包艇搭大概30分鐘去到大蛇灣，算幾細的一個灘，但水超清沙超幼，正!

沙展救生衣終於出動。都有d用架，我捉佢都易d啦，又真係浮左d! 沙展肯游多少少，唔會成日搵後腳撐住海底~

朋友拿來橡皮艇，大家人狗輪流玩。沙展上去騰來騰去，隔離有艇就想過艇

見我晌旁邊攬住個水泡，佢就擒過黎! 我當然彈開啦! 踩鬼死我! 引幾引佢又夠膽棄艇跳水，我捉住佢條繩，非常歎地等佢扯我返岸。就係咁逼佢游囉，唔係隻隻狗都鍾意游水。

下次要玩耐d

一來懶，二來忙，三來屋企keyboard冇電，想update下blog也不行。

keyboard係紅外線，要AAA電池二枚。每次去超市，只會記得買蒙牛，最叻那次買了AA電，AAA還是沒有買。無心裝載，我認的! 不過記憶力嚴重衰退都有關，大鑊。

三扒兩撥，一次過update兩週的沙展diary。

首先多謝各位大家投票，得左個blog照優異獎。志在參與，所以所有獎品總之食得落肚，無論貓糧狗糧，全部送比唐狗阿寶寶。寶寶係我老豆樓下的村狗。

沙展隻腳好番好多，所以曳了! 例行偷廁紙，自我conditioning，入親洗手間就企晌個架前，頸伸長，o趙!

我的潔柔三層廁紙，給牠蹂躪了幾卷!

由於少了周末活動，只好平日玩點遊戲。

Hide and Seek，即係收埋個Kong或者骨，叫沙展去搵。佢玩得好開心，我又要提佢水，一身汗。玩完佢嫌唔夠喉，走上去擔個波落黎。我梗係唔理佢啦，睇陣National Geographic先。

Cicker買左好耐，無認真試過。呢排試下，都ok，要再集中d試。都係click-pause-treat，我用來教沙展分辨玩具, 哪是KONG，哪是BONE。

熱辣辣，沙展發明左個新伏式，就係豎起一邊耳。無論係牆壁，或者係籠，總之挨埋去貼個頭埋去，伏低。咁就可以撐起一邊耳，涼快好鬼多架!

一連4支，為期一個月的份量，除了第一支在診所搞掂，其他3支就要自己來。

有點驚驚，還是先上網查一輪HOW TO VACCINATE A DOG，再打電話問一問老豆。

全能0既老豆話: "拿，好簡單，3隻手指捻起頸皮，拇指向著自己，拇指對落1cm刺入，注射，搞掂!"

沙展帶好口罩，已伏在浴室；膽粗粗，執起頸皮，篤~~~得o左!!

皮下注射，果然easy!!

即刻除下沙展的口罩，獎勵一粒芝士。

打電話給老豆話搞掂，哈哈。老豆也哈哈

其實以前看過N次老豆幫狗打針，我們狗多，有好多野都係一樽樽晌雪櫃自己注射。

皮下注射，狗幾乎感覺不到，所以很方便。上星期五醫生打得太快我睇唔到，我話唔緊要，my dad knows how to do it。醫生都認識阿Richard，所以笑住話sure 0勒。

我估我地屋企真係幾奇怪...

話時話，停職中的沙展，證明自己好番好多:

多謝大家關心先

沙展昨晚和今朝，回復幾個月前的活潑，醒神好多，我舒了半口氣。

另外那半口，有待時間過去，再復完些才舒夠一口。

醫生說過，有所謂"壞日子"。例如這些陰霾密佈，閃電黃雨雷暴，對關節有問題的人和狗，都是bad days。

壞日子就要吃點消炎止痛藥。吃了藥，可能加上關節針藥有點效，沙展重拾惜日雄風，非常生猛。

做兩個月開始進入盛夏，還以為狗怕熱變懶了，以為他的青春期過了，不再跳跳紮。

那些都是理由，但忽略了牠原來在痛，只好說不知者不罪。當然還是有點內疚。

"改變生活習慣"是醫生的忠告。由軍裝沙展，變身成為文職沙展，難不在狗，在人。

甚麼樣的人就有甚麼樣的狗。老闆是急進型，狗當然也是急先鋒。

慢慢調節。

見沙展有喜色，老闆也少點心神恍惚，人過馬路也安全點。

有朋友問為甚麼又養狗，我說那是很哲學的問題。

去年去旅行，在車上望著日落，車子在戈壁灘走了一天。那是個很漫長的日落。

想起數年前，在另一架車子上，車子在船上，船在海上，日出。那是一個遙遠的日出。

很老土。還是不說了。

祝大家的貓貓狗狗鼠蛇龜兔都健康吧。

星期五上晝和沙展覆診了，給診斷為膝蓋骨磨大腿骨的問題。我最初以為是膝關節移位。

當日在醫務所，一聽到是嚴重的問題，腦便空白了一半。醫生說的只聽進一半，隱約記住了他那幅關節解剖圖。下次看醫生最好帶筆記簿。

拿了幾支針(一周自行打一次)，一些消炎鎮痛藥，再加一瓶關節補劑。回程時喋喋不休告訴老豆，雖然大鑊但事在人為，限制運動與部養關節。過幾年可能需要手術。好的方面是，不是絕症，不會聽天尤命。

回去不停上網，心情其實很差。差，是因為可能去年過度運動，把病引了出來。天生的因素也存在。

當日未領養沙展時，一心想著希望找一隻好動健康的狗。以為一切完美，怎料出了這岔子。

其實和沙展第一次見面時，已察覺牠的腿有點其怪，但是大家都不以為然，也沒想到會這個樣子。

只可說不幸。

所以具體來說，照顧牠不是問題，豈碼那是可嘗試的，能慢慢克服的...把一隻壯年的獵犬安定下來，免得牠把自己的關節弄至不能修服。

剩下的，是主人的心理問題。例如，新聞說"死因庭裁定死者死於不幸"(或意外)，對受害人來說是沒意義的。

當然，要追究也只能追究無良繁殖者，明知有問題性格/生理缺憾還拿去打種賺錢。這個只能想，但是沒有實際追究的途徑。

於是，主人的心結仍在，仍處於非常愕然，愕然隨著網上搜括的知識慢慢淡化。

回家看見狗有時腳痛的樣子，都不知該怎樣想。茫然不減。

人和狗都需要時間適應。