睇奧運, 覺得自己身為一個中國人而興奮、感動，而且有一種驕傲嘅感覺。百年夢想，昨晚終於實現，而且還是那麼震撼人心，我為我嘅中國人身分而自豪。

但係身為一個香港人，我好失望。見到新一代事事唔上心，毫無責任感，基本嘅互相體諒包融都完全唔識。唔止新一代，呢D新一代嘅父母都非常令人失望。有咩仔女就見到有咩父母，貪小便宜推卸責任，唔識檢討自己，我諗呢一切一切做父母嘅都責無旁貸。

自去年結婚之後就一直係咁肥, 真係丫, 已經肥左成10幾鎊喇, 真係唔可以再咁落去喇!

今年旅行都係去左半月灣, 無舊年咁靚喇, 不過大家都玩得好開心喎, 都係一件好開心嘅事呀。

我要開始減肥先得喇!

7月1日係我完成一個階段的日子, 終於完成咗喺呢間公司嘅一個目標。

第一次去首爾, 今次係跟團, 好耐無試過跟團, 希望過程順利。

5月12日對我來就是一個十分特別的日子, 因為這天是我的結婚週年紀念。但, 由2008年開始, 這個日子不再是我們2個人的, 亦都不再是一個開心的日子, 是所有中國人不能磨滅的一天 。

祝福四川汶川的所有人, 天主一定會保守你們的。

差不多2個月未有更新，真係非常懶惰! 2個月期間發生好多事, 報紙日日都講淫照, 覺得d人價值觀好奇怪, 人人都將責任去晒d相片主角度, 乜有人講過法律上唔可以影相咩? 人人都有影相自由, 佢地都無諗過會比人睇到架, 點解去偷人相0個個人又無人覺得佢唔0岩架呢?

之後肥肥離開左, 一個咁正面咁開心0既人離開左, 睇佢0既特備節目我都睇到喊晒, 由細到大都係睇住佢0既節目成長。佢真係一個好值得人學習0既人, 單係睇佢係一個咁偉大0既媽媽, 而且擁有咁多會為佢喊0既人就知道喇!

而自己呢? 工作ok啦, 剛剛完成B Plan, 由零開始, 都算合格啦! 而家適應左個環境, 都幾開心, 希望可以持續落去啦!

好難想像一個人的心胸竟然如此狹窄, 一有機會就想置你之死地。別人說人與人需要互相幫忙, 但是在那些人心目中應該只會顧自己, 所有對其有所不利的東西都會置身事外, 或嫁禍其他人。這種人真的令人非常厭惡, 愈來愈覺得自己過於心軟只是好人無好報!

新工作唔習慣, 好彩有人幫忙提點, 如果唔係唔知點算! 總好過上述那種人有種睇你點死0既態度, 你有事想求時唔好怪我狠心, 你做初一我只有做十五啦!

新環境, 果然真係有一番新氣象, 新一年明顯係一個新開始!

雖然現在未係十分習慣新的工作, 但係我相信一定攪得掂!

好奇怪, 我好掛住同關心以前的伙伴們, 但係又想避開0個個地方0既所有事! 點解? 你知0既! 唔想同0個d唔會反省自己0既人有關聯, 唔想再同針對人唔針對事0既人有交集, 唔想再同陰險下流的人有對話, 總之一句到尾, 唔想啦!