5月12日對我來就是一個十分特別的日子, 因為這天是我的結婚週年紀念。但, 由2008年開始, 這個日子不再是我們2個人的, 亦都不再是一個開心的日子, 是所有中國人不能磨滅的一天 。

祝福四川汶川的所有人, 天主一定會保守你們的。

差不多2個月未有更新，真係非常懶惰! 2個月期間發生好多事, 報紙日日都講淫照, 覺得d人價值觀好奇怪, 人人都將責任去晒d相片主角度, 乜有人講過法律上唔可以影相咩? 人人都有影相自由, 佢地都無諗過會比人睇到架, 點解去偷人相0個個人又無人覺得佢唔0岩架呢?

之後肥肥離開左, 一個咁正面咁開心0既人離開左, 睇佢0既特備節目我都睇到喊晒, 由細到大都係睇住佢0既節目成長。佢真係一個好值得人學習0既人, 單係睇佢係一個咁偉大0既媽媽, 而且擁有咁多會為佢喊0既人就知道喇!

而自己呢? 工作ok啦, 剛剛完成B Plan, 由零開始, 都算合格啦! 而家適應左個環境, 都幾開心, 希望可以持續落去啦!

好難想像一個人的心胸竟然如此狹窄, 一有機會就想置你之死地。別人說人與人需要互相幫忙, 但是在那些人心目中應該只會顧自己, 所有對其有所不利的東西都會置身事外, 或嫁禍其他人。這種人真的令人非常厭惡, 愈來愈覺得自己過於心軟只是好人無好報!

新工作唔習慣, 好彩有人幫忙提點, 如果唔係唔知點算! 總好過上述那種人有種睇你點死0既態度, 你有事想求時唔好怪我狠心, 你做初一我只有做十五啦!

新環境, 果然真係有一番新氣象, 新一年明顯係一個新開始!

雖然現在未係十分習慣新的工作, 但係我相信一定攪得掂!

好奇怪, 我好掛住同關心以前的伙伴們, 但係又想避開0個個地方0既所有事! 點解? 你知0既! 唔想同0個d唔會反省自己0既人有關聯, 唔想再同針對人唔針對事0既人有交集, 唔想再同陰險下流的人有對話, 總之一句到尾, 唔想啦!

終於離開左地獄喇, 而家好似身處一個好似天堂一般0既地方咁, 我知每個地方都唔會係完美, 我會用我0既努力去令呢個天堂變得更美好!

但係其實我都仲係好掛住地獄中0既伙伴, 我希望有一日會大家都會過得開開心心!

新工作我而家都未係好掌握得到, 俾少少時間我丫, 我會做得好架!

距離我離開嘅日子愈來愈近, 雖然我仲未知道確實離開嘅時間, 但係我都好努力咁將所有嘢教同交代俾下一手, 畢竟我對呢個地方都係好有感情, 希望可以喺餘下嘅日子盡我能力使佢可以繼續順利地好好運作落去。

小朋友們, 真係好希望你哋真係要大個仔, 認真啲去面對自己嘅工作喇, 唔係樣樣事都係有人幫你哋去諗同俾機會你哋。加油啦!

雖然唔知道自己留0係呢度0既時間仲有幾耐, 不過都想再盡多一份力。我最強就係做社工, 仲有呢一段日子我會將對你0地0既建議完完全全咁同晒你地講, 希望幫到你0地, 幫到呢個我曾經好喜歡0既地方。

究竟我幾時可以走呢?

終於都同大老闆表達咗我想離開嘅意願, 希望真係可以順順利利成事啦!

其實真係唔係好捨得呢度, 仲有少少覺得咁樣丟低佢哋好於心不忍, 但係真係無辦法再咁落去喇!

我會喺餘下嘅日子盡全力去協助你, 唔好咁唔開心啦!