忍無可忍喇, 真係唔想再0係呢度喇, 不如比我走啦!

我忍夠喇, 算吧啦, 一係比我調走, 一係比我唔做啦! 完完全全係一個唔會受到尊重0既地方呀!

其實見到你地做得咁辛苦, 但係得番黎0既只係一d指責, 真係有d人痛, 已經唔係第一次. ,但係又可以點呢? 捱到今時今日, 見到好多人心態上已經唔同晒, 有人選擇離開, 咁我呢? 到今日先走定係可以點呢?

而家真係幾辛苦, "做死你"果然真係名不虛傳, 攪到有逃亡潮出現, 留低0既你地會有好日子0既...

呢期真係好累呀, 晚晚都唔夠人做0野, 點解要咁呢?

好耐無同老公一齊放假喇, 唉, 都無辦法啦!

愈來愈失望, 大又係咁, 細又係咁, 根本就係蛇鼠一窩, 不難怪佢地可以咁犯眾憎。

對於一d無溝通過0既期望, sorry我做唔到, 但唔該唔好拎我地出氣囉!

今個月好忙, 月頭放左大假去左台灣, 去到剛剛遇上超級颱風, 大開眼界但係好多地方都去唔到。但行程總算開心, 因為放假嘛!

上個星期去左上堂, 呢個堂我上得最開心, 因為真係好好玩, 而且識左好多內地0既朋友仔, 普通話進步不少呀!

黎緊呢個月就真係好忙喇, 因為有大轉變呀!

最近喜歡睇0既電視節目係捧捧堂, 不過係佢地0黎香港前已經開始睇架喇, 真係好攪笑, 同埋唔造作囉! 仲有2日就放大假, 好期待呀, 真係開始有d煩厭某某人0既無理喇!

去台灣, 要玩得開心d喇!

媽媽幫表弟妹補習係好辛苦架, 因為佢2個真係又懶又唔聰明又貪玩, 最慘係佢地自己爸爸媽媽又唔理佢地, 所以幫佢地溫習睇功課就係媽媽負責。

而家讀書同我地以前讀真係好唔同架, 以前讀書係我地自己0既事, 而家呢, 就係家長一半學生一半。佢地而家又要做專題報告, 又要上網搵資料, 又要上網讀書，講真丫, 咁細個小朋友又點識做呢d野丫, 咪即係又係要家長做囉! 其實家長做都唔係一個問題, 我覺得最大問題都係佢地家長唔理佢地, 等佢地養成左懶呢個壞習慣!

就以我表弟妹為例, 我媽媽每日都管接管送佢地去我屋企溫習, 好比心機咁去教佢地, 但係奈何佢地資質有限, 好多野都好難先明白。其實咁都唔係一個問題, 最多咪比多2錢心機去教囉。但係需知道父母身教對小朋友係更加重要, 父母對佢地都唔緊, 佢地自己又點會緊呢? 每逢放假唔使去我屋企溫習0既日子, 佢地都奉旨唔做功課唔溫習, 佢父母又唔理佢地。有次夠膽死連要計考試分數0既功課都話唔記得左要做, 到最後得零分! 日子一耐小朋友自己都唔緊張自己0既功課, 樣樣得過且過，連學校教過0既野都完全忘記晒!

其實面對佢地, 媽媽已經盡左全力喇, 可惜每次媽媽0既回報都係失望同勞氣, 今日仲失魂落魄, 成日都鬼咁燥添! 其實我都有過d咁0既經驗, 明白我地盡力未必可以得到我地想要0既結果架, 但求無愧於心自己都會輕鬆d架!

睇開d啦, 媽媽!

10月將會到台灣一遊, 緊張又興奮, 因為未去過嘛! 有咩推介地點先?

其實有好多野想寫, 不過實在太多, 唔知點寫, 下次啦...