最近喜歡睇0既電視節目係捧捧堂, 不過係佢地0黎香港前已經開始睇架喇, 真係好攪笑, 同埋唔造作囉! 仲有2日就放大假, 好期待呀, 真係開始有d煩厭某某人0既無理喇!

去台灣, 要玩得開心d喇!

媽媽幫表弟妹補習係好辛苦架, 因為佢2個真係又懶又唔聰明又貪玩, 最慘係佢地自己爸爸媽媽又唔理佢地, 所以幫佢地溫習睇功課就係媽媽負責。

而家讀書同我地以前讀真係好唔同架, 以前讀書係我地自己0既事, 而家呢, 就係家長一半學生一半。佢地而家又要做專題報告, 又要上網搵資料, 又要上網讀書，講真丫, 咁細個小朋友又點識做呢d野丫, 咪即係又係要家長做囉! 其實家長做都唔係一個問題, 我覺得最大問題都係佢地家長唔理佢地, 等佢地養成左懶呢個壞習慣!

就以我表弟妹為例, 我媽媽每日都管接管送佢地去我屋企溫習, 好比心機咁去教佢地, 但係奈何佢地資質有限, 好多野都好難先明白。其實咁都唔係一個問題, 最多咪比多2錢心機去教囉。但係需知道父母身教對小朋友係更加重要, 父母對佢地都唔緊, 佢地自己又點會緊呢? 每逢放假唔使去我屋企溫習0既日子, 佢地都奉旨唔做功課唔溫習, 佢父母又唔理佢地。有次夠膽死連要計考試分數0既功課都話唔記得左要做, 到最後得零分! 日子一耐小朋友自己都唔緊張自己0既功課, 樣樣得過且過，連學校教過0既野都完全忘記晒!

其實面對佢地, 媽媽已經盡左全力喇, 可惜每次媽媽0既回報都係失望同勞氣, 今日仲失魂落魄, 成日都鬼咁燥添! 其實我都有過d咁0既經驗, 明白我地盡力未必可以得到我地想要0既結果架, 但求無愧於心自己都會輕鬆d架!

睇開d啦, 媽媽!

10月將會到台灣一遊, 緊張又興奮, 因為未去過嘛! 有咩推介地點先?

其實有好多野想寫, 不過實在太多, 唔知點寫, 下次啦...

究竟有幾多人能夠真真正正做到自我反思，去多謝對你自己唔好0既人呢?

最近公司0既人變得好團結, 團結0既原因係一個人。呢個人真係好犀利, 可以令到公司上上下下都咁--討厭佢! 我自己覺得好悲哀, 呢個人我曾經用左最大努力去令佢改善, 無疑佢曾經有過不少0既進步, 但係始終都係令人一次又一次失望。今次更加令到半數以上的員工對佢不滿, 甚至無所不用其極地去整古佢。所謂事出必有因, 如果佢呢次可以真正反省自己0既問題, 我相信仲會有機會, 反之佢未必再有機會留低。

好失望, 又一個攻於心計0既人又出現喇, 呢個功力比前者更甚, 簡直係令所有人都大失所望, 甚至由好朋友變成討厭。其實點解要咁樣呢? 乜傷害人地對你黎講係好d 0既咩? 可能你同佢都係同一類人, 都係註定要令人失望!

呢2日都好慘, 都唔知係牙痛定係牙肉痛, 總之就係好痛啦! 約左聽日去睇醫生呀, 希望快d唔好痛啦, 如果係生智慧齒0既話, 希望唔使脫啦....

一連2日0既假期, 可以好好休息一下。昨日就經新0既福田口岸番左深圳, 去左少年宮書城, 食左好多好正0既小籠飽。之後去左福民站附近逛街, 去左一間好大0既超市買左好多平野, 抵到丫! 其實好想去按摩, 奈何老公唔肯去, 媽媽又去左理髮, 攪到好鬼失望! 有無人可以陪我去呀?

而家番深圳好鬼平, 元朗去到福田都係$6, 再轉地鐵去其他地方好似東門羅湖都係最貴4蚊人仔, 比起0係元朗去上水去要成$30或者去落馬洲搭黃巴士$14平成一大節, 真係仲平過去旺角呀! 以後都可以考慮多d番去玩同食喇!

唔高興, 為你地出頭到頭來反而成為你口中0既壞人, 不得了喇, 今次真係對你非常失望, 失望非常! 而你, 犀利喇, 既然你堅持自己無問題, 咁你咪無問題囉, 所有人都有問題, 除左你...

呢期係蜜月期, 日日休息無停手! 準時收工準時收工!