好耐都無打日記,唔係因為勁忙,都係因為懶惰囉~

日日番工,日日如是,都無咩特別囉~

前2日同左個auntie去食飯,仲同佢0既家人見到,真係好耐無見過佢地喇 ! 雖然只係過左4年,但係好多野都唔同左喇。有d識0既人已經離開左,人生就係咁無常架喇!!

0係呢間餐廳做左1年多d,得到好多寶貴0既經驗,見到好多深謀遠慮的人,令我眼界大開。我亦學左唔少0既事,都可謂獲益良多!

另一方面,我都失去左好多,我0係呢一年唔開心0既時間比以前多左好多好多,而且我失去左我把美妙0既聲音。以前我的聲音清脆,現在就只有沙啞。人人聽到我0既聲音都問我點解把聲攪成咁。我想搵番我呢一把失去0既聲音...

見番一個4年無見0既人,感覺一d都唔陌生,其實都好怕有生疏0既感覺,但係好彩無啦~因為佢就好似我另一個媽媽咁,我唔想因為0個時0既事而失去左呢d感情。

開始要習慣以自己為中心0既世界。我要為自己而活,我0既世界要為自己而轉。以前我會以你地為中心,圍繞你地而轉。但係要試    0下為自己而轉0既世界喇, 你將會成為我0既衛星, 唔知呢個試驗你通唔通到? 呢次係一個機會, 比你同埋比我自己...

今日陰天,我0既心情一樣都係咁陰天!

開始覺得你0既存在對我0既意義愈來愈細,亦都開始諗番以前好多好多事。我知道,我要展望將來而唔係默然回首。係架,我一路都係向前行緊,因為都已經無路可退,因為回頭已經消失左...

有好多野,得到難,但係要決定放棄0既話就更加難,可能係自私啦,因為我唔知道將來所得0既會唔會比而家更好。我期望轉變來臨,一直都等緊...

何解我講每一句說話都有意無意咁令人生氣的呢?我想我真的要自我反省一下了

近來好懶,都無打日記。好耐無真正咁放過假喇,呢2日就係算relax,齋休息。

我發覺自己都真係無左自我一段日子喇,由18歲開始就好似樣樣野都係為左男朋友而做,自己真正0既心想點,就連我自己都有d迷茫。呢個問題其實出現左好耐,只係自己一路都無正視過0者。不過呢2年已經進步左好多架喇,因為已經會為自己心意而去做一d野,我相信自己智繼續進步0既。

你終於有女朋友喇,我都替你開心。不過有少少怪怪0既感覺啦,又唔係妒忌0既,只係有d唏噓咁囉~anyway,你要開心呀!

好久都未有試過closing後一大班人夜宵喇,感覺令人真的懷念在朗屏時的日子,其實以往真的比現在開心多了。

今日訓到成2點幾先起身.,真係覺得自己係懶得出奇。煮左一餐豐富0既晚餐比屋企人食,都幾滿足呀