今日陰天,我0既心情一樣都係咁陰天!

開始覺得你0既存在對我0既意義愈來愈細,亦都開始諗番以前好多好多事。我知道,我要展望將來而唔係默然回首。係架,我一路都係向前行緊,因為都已經無路可退,因為回頭已經消失左...

有好多野,得到難,但係要決定放棄0既話就更加難,可能係自私啦,因為我唔知道將來所得0既會唔會比而家更好。我期望轉變來臨,一直都等緊...

何解我講每一句說話都有意無意咁令人生氣的呢?我想我真的要自我反省一下了

近來好懶,都無打日記。好耐無真正咁放過假喇,呢2日就係算relax,齋休息。

我發覺自己都真係無左自我一段日子喇,由18歲開始就好似樣樣野都係為左男朋友而做,自己真正0既心想點,就連我自己都有d迷茫。呢個問題其實出現左好耐,只係自己一路都無正視過0者。不過呢2年已經進步左好多架喇,因為已經會為自己心意而去做一d野,我相信自己智繼續進步0既。

你終於有女朋友喇,我都替你開心。不過有少少怪怪0既感覺啦,又唔係妒忌0既,只係有d唏噓咁囉~anyway,你要開心呀!

好久都未有試過closing後一大班人夜宵喇,感覺令人真的懷念在朗屏時的日子,其實以往真的比現在開心多了。

今日訓到成2點幾先起身.,真係覺得自己係懶得出奇。煮左一餐豐富0既晚餐比屋企人食,都幾滿足呀

今日約左班中學friend出黎食早餐,因為蔥頭要去美國跳舞一年先番黎。好耐無見佢地喇,計一計原來已經識左佢地成10年喇,時間過得真係好快!

見到佢地搵到自己鐘意0既野而且不斷進步,真係有d自愧不如,因為到而家為止,我都仲未搵到自己真真正正喜歡0既野。蔥頭讀到3年BBA之後,決定左去跳舞而唔係入番呢行,佢呢種決心真係令我佩服。阿君呢就繼續彈琴,而且仲考左演奏一級添。大眼就犀利,佢就係樂隊My little airport之主音,仲剛剛出左隻新CD添,叫做『只因當時太緊張』,仲成日出SHOW添。而自己呢,就好似仲未搵到自己0既真正興趣囉~~可能真係因為性格如此啦~

唔知幾時會再見到佢地呢??ANYWAY,GOOD LUCK!!

多謝你送比我地0既CD!

昨日係一個好特別0既日子,特別地同d好耐無見0既朋友聯絡。

睇左joey0既concert,開頭好似好悶咁,點知又唔係喎,愈來愈好睇喎雖然當時無同佢打招呼,因為我唔肯定係唔係佢,但係之後打電話比佢確認左真係佢啵!好懷念舊時0既日子呀~~

今日揸車去左旺角幫阿媽拎信用卡禮品,行到亂晒龍,好彩最終都去到!

又一個失去左先識珍惜0既例子,放心啦,我會比機會你0既,得唔得就睇你自己喇!

行程0既最後一站係上野,因為呢度係買手信0既集中地。

我地一早就拎埋行理去到京成上野站,買定SKYLINER票去機場,然後將我地0既行理放左0係LOCKER,然後就行上野喇!上野有間大大0既玩具店0係正上野站0既對面,鍾意玩具0既你又或者未買手信就最0岩喇。

之後我地去左一間叫"二木之菓子"0既店舖買手信,呢度出晒名架喇,多款又比其他地方平,我地當然買左帶子糖呀,魷魚絲做手信啦,仲買左D日本咖哩添,滿載而歸啦!

今次日本之旅就以此為結束喇!

上午一早搭JR去左有樂町MUJI 0既旗艦店,之後就行番去銀座一間SANRIO0既專門店。銀座最值得推介0既有新開0既UNIQLO旗艦店, 因為呢度0既款式大部分都係其他分店無架,而且主力都係一D比較OL0既款式。呢度當然都有出晒名0既BURBERRY同埋玩具博品館,但係個人認為如果你已經去過KIDDY LAND,博品館不去也罷啦。

之後行去左新橋站搭無人駕駛列車去台場,途經左東京鐵塔同彩虹橋,風景唔錯架!台場有一連串0既大商場,其中COCA COLA專門店最值得推薦,當然你都可以去世嘉電子世界啦,但係我唔好所以無去到囉。之後你可以行一條長長0既天橋去到另一面0既PALETTE TOWN,0個度有豐田汽車展覽館,大摩天輪等等。原來呢度有車直接番到新宿架,JR琦京線同私鐵合作左喎,真係令人驚喜呀~

夜間當然又係新宿遊啦!