話說有一日我返到公司打電話叫左個早餐諗住食啦，咁我平時

通常都係飲咖啡既，咁唔知點解我果日無啦啦好想飲凍檸茶喎

，咁咪叫囉，咁飲得檸茶既就緊係要篤檸檬啦，係咪先？！於

是乎我咪起勢地篤落去囉，連羹連飲筒左右手交替狠狠地篤落

去咁樣啦，唔知係咪耐冇飲，覺得果杯檸茶特別正．

咁好快就比我飲完杯野啦，又唔知做嘜屎忽痕無啦啦走去打開

個杯蓋，我一望～～～～～～～～～～嘩！！！小強你做嘜係

果三四塊檸檬上面攤屍，仲要敷緊冰！！到底係我錯手篤死左

你定係．．．ｓｏｒｒｙ呀強強，早知我就唔咁出力啦頭先，

其實當時我已經想嘔，嚇到冇左反應，唔敢想像自己飲左ｄ咩

落肚（起鷄皮中＾＾）都係唔好再講喇．．．實在太可怕喇，

我以後都唔飲凍檸茶，由其是外賣果ｄ！！！！

靜靜地陪你走了好遠好遠
連眼睛紅了都沒有發現
聽著你說你現在的改變
看著我依然最愛你的笑臉
連這條舊路依然沒有改變
以往的每次路過都是晴天
想起我們有過的從前
淚水就一點一點開始蔓延

我轉過我的臉　不讓你看見
深藏的暗湧已經越來越明顯
過完了今天　就不要再見面
我害怕每天醒來想你好幾遍

我吻過你的臉　你雙手曾在我的雙肩
感覺有那麼甜　我那麼依戀
每當我閉上眼　我總是可以看見
失信的諾言全部都會實現
我吻過你的臉　你已經不在我的身邊
雖然你不在我的身邊
我還是祝福你過得好一點
短開的感情線　我不要做斷點
只想在睡前　再聽見你的　蜜語甜言

原來佢識左條女,已經拍緊拖tim喇,咁我...仲係度諗嘜...係度等嘜...

係度妄想d嘜...我今日成日都冇出過街,係屋企自閉,唔開心,想

喊...喊唔出,原來最唔開心既時候係真係喊唔出既,我唔知依家應

該點樣形容自己既心情,ａｎｙｗａｙ,希望佢會開開心心!!!

我絕對唔係扮好人懶偉大咁要祝福佢地,只係唔知除左咁樣仲可

以點樣......

算啦...至少我有曾經係你生命中出現過,

應該覺得心滿意足......

離開　不應再打攪愛人　對不對?!

唔知點解呢幾日心情都唔係幾好,好似好多野諗咁,執房既

時候見到d佢送既野,先發覺原來自己仲未放低,都唔知應該

話自己長情定係ｏｎ９，朋友Ｋ問我點解仲放我同佢張相

係銀包，我都唔知點答，淨係講左句..我鐘意呀...其實...

我係希望日日都可以見到佢......

但係,某程度上我係覺得佢好衰格,唉...我都唔知,傻左

都係訓返一教先...

無賴～～～

　　　我愛你呀～～～

過 去 當 做 看 戲 ...

世 界 當 沒 有 你 ...

嘩～～ｍｅｒｒｙ　Ｘ’ｍａｓ呀（遲左ｄ喎小姐）

今年聖誕，唉，確係好難忘，１２月２４日平安夜我地一ｄ都

唔平安，玩大晒ｔｉｍ啦直頭．．．連續３晚，終於２６號晚

就出事，奶晒野．．．希望權權快ｄ冇事～～～我咁大個女都

係第一次咁樣過聖誕．．．仲有就係睇到咩叫做朋友．．．

有ｄ野唔洗講出口，ｆｒｉｅｎｄ呢ｄ野，在心中啦～～～

今日唔知點解好掛住你，仲有幾日就到聖誕，唔知你有冇

諗起我呢......我成日都同自己講我唔可以再咁樣，不斷同自

己講我好憎你我好憎你，原來冇嘜用，我發覺自己真係唔識

點去憎你，你之前話過我對你又愛又恨，真係！中晒啦！

愈叫自己唔好諗就愈係要諗起，完全控制唔到......

你幾時先可以消失係我腦海裡面...唔洗我咁辛苦...