我的留言板and日記
|
| |
|
|
|
|
|
|
July 23,2008
大學生開放日
大學生開放日
今日原本我約左珊的,可惜今日公司有活動搞,就係大學生開放日la.今晚8點就開始,Angel,Thomas同Decem傾完之後,要搵人幫Decem手,Angel即刻第一時間就選我,Thomas本來想第二個架.不過Angel係咁講話叫我幫,我知佢覺得我做得野先咁講啫.我聽到之後,同Angel講可唔可以搵第二個幫佢手,因為我今晚約左人,佢即刻話唔得,今晚要放11,Decem要兩個人幫,第二個佢就選左Bubi,開頭我地盡以為會冇乜人黎,不過好采都唔少人既,做到我就快死la.係咁同D大學生講野同派野比佢地,D音樂又嘈喎.我要好大聲咁講野,講都講到我口乾呀.又要同佢地玩遊戲,差D我都要玩埋一份呀.盡要係係outside玩喎.熱都熱死我la.水又冇得飲(因為我杯野唔見左),厠所都冇得去呀.要放工先去到,今晚辛苦係辛苦,不過我做得好開心呀!
俾意見 [2]
文章URL
引用 [0]
July 20,2008
血光之災
血光之災
今日同喵喵去長沙灣搬梳化,之後叫左貨van返去,佢呀爸呀媽坐車頭,我同喵喵坐後面,喵喵突然想把手放在我身後的時候,他的手肘撞到我個鼻,當時我痛到想喊,突然感覺到塊面有D濕,我盡以為係D眼淚,點知一睇,原來比佢撞到流鼻血,好痛呀.我諗下諗下都好耐冇流過鼻血la.我上一次流鼻血我記得都係7,8年前既事la!
June 13,2008
再計劃買車
再計劃買車
我要再計劃買車,我諗住儲半年到,每個月儲6千蚊,如果咁樣儲,我生日前應該會有車的,有D fd話我,我要做到既野,一定要做到,有D我自己都覺得係架!我真係好想有番架車呀.由其是係夏天,可以揸住架去海灘,陽光與海灘係我既最愛,我覺得最舒服最似放假,最好既享受,我要努力加油,要慳D la!我諗你會支持我架呵?
June 06,2008
舊朋友
舊朋友
前兩日睇一本雜誌,係雜誌入面見到一個舊朋友,個位舊朋友係我以前係西九龍學溜冰識既,以前時時一齊玩,我又上佢屋企呀咁,都幾fd架.係雜誌入面,講佢幾時開始學溜冰,到到e+做左溜冰教練,我見到都戥佢開心,可以做番一份自己既興趣既工,都唔知呢個世界有幾多人可以咁呀!
June 02,2008
公公去了!
公公去了!
今日媽咪突然打比我,問我係邊,同我講公公情況好危險,叫我最好e+去睇佢,原本我同喵喵諗住落九龍灣的,不過我聽到呢個消息,就係觀塘轉車去沙田醫院,我係好想喵喵同我一齊去的,不過喵喵今日去考番個牌,so去唔到,我係巴士上面,媽咪再打比我,問我去到邊,之後就話比我聽,公公走了.叫我盡快去到睇佢最後一面,我去到的時候,媽咪,大舅父,肥舅父同婆婆已經係到,其他的之後就一一黎到,個個見到公公都好傷心,好多到喊了出來.去完醫院我地去左飲茶,飲完茶,大人就去大埔睇個靈位,我就返番九龍灣等喵喵.係醫院既時候,見到家姐,覺得家姐瘦左,黎緊23,24號就要守夜同出殯la.今次其實係我第一次有比較親既人離開呢!
June 01,2008
信人
信人
點解我咁易去相信一個人,我覺得真係有D好傻,未睇清楚一個人就去信,係唔係有D太快呢?有D唔開心.So我時時都唔信人就係咁解,男人信唔過架.真係要令我完全相信一個人我諗好難.要好多時間去睇,我有冇呢D時間呢?我諗冇人知.
May 19,2008
又比人偷錢
又比人偷錢
