昨日諗住帶呀貓去沖涼,行緊樓梯落去既時候,個箱到門突然甩左,呀貓就好快咁跑走左,我追都追唔到佢,我驚緊呀貓唔識返屋企,因為每次佢走都係係屋企走,今次我行左落去一段路佢先走,佢識唔識認路返屋企呢.之後我返左屋企,一直打開個房門等佢返黎,but佢都冇返,夜晚,我出左街,返到黎個時見到貓咪,but佢唔肯入番房,我心諗,好采佢識返黎,因為佢返得黎,一陣就會入房的了,我沖完涼的時候,見到Vodka係狗屋門口伸左個頭入去,我已知道佢到貓玩緊,我即刻拍開Vodka,見到貓想走,我即係捉番佢入房.最後我真係估唔到,貓去到咁遠都識返黎.
我星期六同珊去食野個時,咬親個口入面D肉,點知我昨晚食飯個時,同一個位置咬到3次,咬到越黎越大,好痛呀!

唉.呢兩晚都係發個個夢,點算.唔通真係要學番溜冰先唔會再發?
昨晚返到屋企,見到Vodka係到係咁lam佢既啫啫,前晚已經成晚係到lam了,佢冇瞓過,見到佢係咁lam就睇下佢咩事la.點知原來佢條啫啫唔識伸番入去,佢頭盡腫左咁,個時已夜晚12點幾,我即係打比何小姐問佢點算,點解會咁,佢同我講,佢唔可以咁樣架.一定要伸番入去,如果伸出黎太耐會壞死,我聽到之後就係同Vodka搭的士出旺角睇醫生,唉.出一出去就唔見左千1蚊la.搭的士100,睇醫生900,再搭番的士又100,唉.But佢好采冇事咋.如果壞死就要切架la!

昨晚我夢左好多個夢,but有兩個又係關於溜冰既,點算好呢.時時都係咁.
昨日Nana終於第二次period la.唔知幾時先有BB呢!

e+D天氣變幻莫測,搞到我大傷風,好辛苦呢.我驚整整下,變左發燒就死la!

昨日見到張學潤 ,我見到佢有D出奇,呢個人都會黎我地到飲野既,之後佢走了,冇耐我地黎左個新同事,佢叫阿池,又係我帶佢,當我諗緊幾點收工既時候,點知昨晚好似星期5咁,勁多野做呀.最後我都係收11呀!

昨晚又發同一個夢了,在夢中,我係黃埔溜冰,之後見到Edward,佢係我以前學溜冰既Miss黎既,係夢中我見到佢教我溜冰,之後我盡同佢講想學番溜冰,佢話好,叫我打比佢,我留低左自己我電話no.比佢,之後因為清場,so我就走了,係夢中諗如果我星期六學溜冰,未可以學完先返工囉.之後就醒左la!
係現實,溜冰係我一個人生既遺憾黎架.我熱愛溜冰,以前我可以一個人去溜冰,一個人逗留係冰場8個鐘的,我盡好鐘意参加溜冰比賽,曾經攞過一金一銀,我覺得比賽的時候,個種感覺就=一個歌手係紅館開演唱會咁,全部人既眼光都集中係你身上,個種感覺真係好正,前個幾年,我真係好想學番架,我打過去冰場搵Edward,D人話佢已經移左民冇做la.唉.究竟點樣我先唔會再發呢個夢呢?

昨日我第一次揸出路面,有D緊張呀.昨日係斜路打8字,我覺得好難,我可能太過緊張la.我好用力去握個殺制,握到我隻手好痛呀.好采昨日學車既時候冇落雨咋.我諗我要練多D先得了.

今日起身超凍呀.得9度咋!我盡要住新界呢.就快凍死人la.有好多衫都著唔到,快D暖番就好la.凍到手都硬晒.  

今日係阿Long生日,同佢講聲生日快樂先!