尋晚我好快手沖完涼..1點幾就瞓覺覺啦..hehe..死啦..呢排靜到無人有呀..間舖仲要捱到3月先到期呀..點算?我男朋友話買完晒而家舖入面d貨就走啦喎..唔理仲有幾多個月..唉..而家貼左張全店85折都得好少生意..希望夜d會好d啦..唔係既話..可能到3月d貨都未清晒..

尋晚瞓覺果時無端端肚痛..但又唔知咩痛喎..痛痛下就瞓著左了..到起身果時仲有d痛..所以今日無開舖..算啦..呢排都咁靜..同埋今日有馬跑..當休息一日..我男朋友叫我睇醫生..我唔想睇..如果聽日仲痛先算啦~"~

好耐無見啦~hehe

星期日我無開舖呀..因為我同男朋友要去婚紗展..去訂酒席..酒樓仲送影緍妙相..但羅浮宮黎..不過唔駛錢..試下先~所以就book左二月去影~hehe..跟住仲訂埋新天地影相..原來新天地有獎抽喎..咪抽埋囉..點知咁都抽中左喎..有2000蚊禮券..加多千四蚊可以影多輯..仲可以去黃金海岸影添~哈哈..2,3,4月都要影相..所以而家一定要keep fit同減肥~努力呀~

新年快樂呀~希望大家06年順順利利啦..

尋晚屋企上唔到網呀..好慘..而家返到舖先有得上網..頭先突然有個記者入左黎..話同我做d簡單既訪問..問關於舖頭既野..又問我呢度有咩特別既貨..佢突然間咁問我..我又唔知點答..又要我影相..唉..知道今日著靚d啦..

今日紅色日子+星期日都咁靜架..d人緊係出晒去玩..所以無乜人行果度..攪到d生意都..唉..聽日雖然紅色..但有馬跑..我諗更加靜啦..我男朋友叫我聽日休息..但聽日紅色日子可能有驚喜呢(生意)..~"~我尋晚出左銅鑼灣行街食飯..hehe..買左件衫衫同帽..件帽好得意架..好似d bb仔果d咁..

咁快又聖誕節啦~祝大家聖誕快樂~~今晚平安夜喎...你地會去邊度玩呀??我就諗唔到去邊玩好~"~

今晚收早出左去食飯..食完飯睇左陣燈飾..就返左將軍澳睇戲..haha..睇左情癲大聖啦..有謝霆鋒呀~正呀..好睇..我要下次睇埋無極呀>"<佢話下次放假先再睇..到時唔知落左畫未呢..但佢又想睇雞丁先喎..更加唔駛睇無極啦..我諗到時可能要買vcd睇lu..