星期六早上７點鐘起身，跟住就刷牙洗面換衫，攪惦哂Ｄ野之後，就行落樓下搭５９Ｍ返工，上到車就繼續長眠出到荃灣就食個早餐先，食飽飽就死返公司打卡開工，星期六0既關係，所有野迫哂係上午，上午忙到ＰＫ，做到２點鐘先有得停下，跟住就死去食飯，食到３點鐘就繼續開波，下午就清閒好多，之後就踩線過去幫下Ｄ師兄拖，直落到５點鐘收工，跟住就坐公司ＳＨＵＴＴＬＥ車返荃灣，轉搭５９Ｍ返屯門，返到屋企都６點鐘啦，跟住就去買定花同禮物，準備今晚送比女女0既生日禮物，好彩臨時臨急都買得切禮物同花，如果唔係都唔知點死呢個月破完產之後又再破，買完禮物就死返上屋企度長眠訓到７點幾就行過去家姐屋企度食飯，食飽飽就同姨甥女玩左陣，玩到９點鐘就死返屋企沖涼換衫，９點幾沖完涼就拎埋Ｄ禮物同花出門口，好彩頭先買花叫個老板娘比定個膠袋我裝住Ｄ花，岩岩好袋得哂Ｄ花，唔洗拎住紮花出去＋比人睇到紮花～記得好耐之前自己話過拎住紮花通街走0既男仔好戇鳩，成個傻仔咁，呢個世界真係要還架，今晚到我要戇鳩一下啦，嘩哈哈哈之後就搭輕鐵過去市中心轉２６０Ｘ出尖沙咀，上到車就訓一陣先，出到棉登徑都１１點鐘啦，去到門口先係袋度拎紮花出黎，親手渣住紮花上去送比女女，成間酒吧Ｄ人都望住我，自己都係戇鳩一陣架者，最緊要係女女開心民仔同阿珊都係度，今晚４條友飲下酒＋吹波＋食我最鍾意0既生蠔，慢慢咁飲個感覺真係好好唔洗下下出親黎飲酒都猜枚喪飲，飲住芝華士黎吹水係唔錯，如果＋多枝雪茄就真係一流，下次要買定枝雪茄去飲酒先得今晚傾開計，阿珊話ＭＡＮＤＹ以前做旅行社個陣，係油麻地分行之花，有好多人追佢～我聽到之後就話：咁真係失覺哂啦，佢有咁多人追我真係要小心Ｄ啦，嘩哈哈哈實不相暪，我都係屯門某大屋村，某座，某層，某單位之草今晚ＭＡＮＤＹ都飲左好多酒，要我扶住先行到，佢咁醉真係唔適合返屋企架啦，咁就緊係要黎我屋企度等我照顧下佢先得啦之後就係尖沙咀搭的士返我屋企，到今朝１２點幾先起身，之後就煮麵比女女食，真係第一次煮公仔麵比女女食呢，我0既第一次咁就無左啦食食下麵個陣，伍生無啦啦返左黎屋企，真係無奶油囉，平時星期日下午屋企都唔會有人，有女係度個日就無啦啦死返黎屋企，計撚錯哂條數伍生返到黎之後就話：你地唔洗理我，當我透明得架啦，你地繼續啦～伍生呢Ｄ咪真係出黎撈世界囉，咁識做人同咁識講野～之後我都介紹ＭＡＮＤＹ比伍生識，都預左伍生同伍太今晚問我野架啦～ＭＡＮＤＹ見有人返左黎之後，都怕羞話要即刻走～之後就送佢返屋企先，送佢返屋企個陣，我就問下ＭＡＮＤＹ：阿珊尋晚話你之前係油麻地之花，好多仔溝你架喎，佢咁樣講攪到我好驚，一陣有人追左你去，我會好心痛架，我真係要好好咁捉住你先得啦～ＭＡＮＤＹ聽到之後就好開心，跟住就同我講：邊度係喎，阿珊個陣仲多人追啦，佢先係油麻地旅行社之花～之後我就話：你兩姊妹真係識扯貓尾，係度大家讚大家，咁樣真係攪到我好驚同好亂架喎～自己返到屋企都４點鐘啦，之後就換件衫死返上床度長眠尋晚無乜點訓過，超攰，直落訓到夜晚７點幾就比伍生剷我起身，跟住就一齊過去海翠度ＪＯＩＮ埋伍太係滾滾紅茶度食飯，今晚整左個牛肉雞湯大碗麵黎食，超好食，食食下野個陣，佢兩公婆就開始審下我，佢地話我好少帶女仔返屋企，伍生同伍太就好開心咁問我個女仔係邊度識，又問下佢做Ｄ乜，今年幾多歲～之後我都一一咁解答下佢地，其實佢地都唔會有Ｄ咩，事實上亦都唔理得我咁多，咁大個人做野有分數架啦～伍生就話個女仔斯文靚女，呢Ｄ咪真係識出黎做人囉，幾撚識講野呀～係唔係好女仔我自己心中有數食飽飽之後就死返屋企沖涼，沖完涼就睇電視，睇到１２點鐘就死返入房度聽歌＋打日記，打完日記就同女女傾左陣電話，傾完電話就死返上床度長眠聽日更表返７點半，６點鐘就要起身，繼續努力搵錢

比著係我，我唔打到呢個老闆爆缸？夠膽兜野打落黎塊面度，對任何人都係極度侮辱～個個男人又戇鳩，比人打都唔還拖，我覺得出黎做野比老細屌一兩句係要忍，人工係要包埋比人屌兩句架啦，但如果出手比老闆打的話，乜都係假，我老西都唔會忍佢，即場打撚到佢爆缸之後再唔撚７做，個老闆唔見血我都唔會收手，瘋狂老闆？聊興我的話就睇下邊個會瘋狂Ｄ？工作呢Ｄ野，最多東家唔打就打西家～

１２枝粉紅玫瑰～

好彩收左工都趕得切去買花，唔係都唔知點算好～今個月真係好窮，破完產之後又再破，溝女同買野哄女仔始終都係高消費活動黎，雖然靠把口哄都得，但耐唔耐都要破費架啦，溝女都要落返少少本呀，呢個世界做任何野都無免費，做男人個銀包真係苦～快Ｄ到月尾出糧啦，出左糧之後就唔會再有呢Ｄ問題，亦都唔會再出現呢個轉工後遺症

今日６點幾就起左身，跟住就刷牙洗面換衫，執埋Ｄ波衫同波襪之後，就行落樓下搭５９Ｍ返工，上到車就繼續長眠出到荃灣都無咩時間食早餐啦，返到公司就打卡開工，朝早勁多野做，好彩同阿業夠合拍，１２點前就攪惦哂Ｄ野，之後就同阿業踩線過去幫小虎拖，佢Ｄ野做唔切，瀨撚哂屎～幫完拖都１點鐘啦，跟住就去食飯，食飽飽就死返上車度開冷氣長眠訓到２點半又再開波做野，下午就空閒好多，磨到７點鐘收工，之後就坐ＳＨＵＴＴＬＥ車返荃灣，等齊哂Ｄ人之後，就一齊過去新都會廣場對面個人造草場踢波，今晚坐我條線個主管部車，白色ＬＡＮＣＥＲ　ＭＲ，１６００ＣＣ改哂野，部野都算幾靚仔，主管都係愛車同埋玩車個Ｄ人，不過佢部車最美中不足0既地方係無啦啦改左條死氣喉，攪到部車勁嘈，其實我覺得改到條喉鬼死咁嘈真係好撚柒，而家都唔興改到條死氣喉咁嘈，夜晚仲會嘈住人訓覺，我始終都係鍾意部車靜Ｄ，坐都坐得舒服Ｄ，同埋我覺得係快的話，響唔響喉跟本就唔關事，Ｄ人渣細ＣＣ同無馬力0既車都改到條死氣喉咁嘈，無非都係想引人地注意佢地部無馬力車，所以我覺得真係有Ｄ多舊魚，部車係家庭車就隔硬改到好似跑車咁，一係就唔玩，係玩車就買部堅Ｄ0既返黎玩～本身主管部車就唔係跑車，亦都唔係快，改條響喉跟本就唔襯，你話法拉利同波子改響喉就話無得講者，個Ｄ靚車唔改響條死氣喉的話，就聽唔出引擎0既靚聲同馬力去到葵芳個１１人場就換衫開波，今日踢左好多位，左前鋒，右中場同右後衛，踢左個半鐘都無停過，踢到成身濕哂，出身汗真係好舒服今晚同班同事踢完波之後，好老實講句：拉埋民仔佢地成班落黎同我Ｄ同事踢波的話，一定可以大炒我班同事踢完波之後，成班同事食埋飯先走，食到１１點幾就係葵芳搭港鐵落返荃灣，轉搭５９Ｍ返屯門，係車度攰到訓著左返到屋企都１２點幾啦，即刻死去沖涼，沖完涼就死返入房度聽歌＋打日記，打完日記就死返上床度長眠今日返完工再踢波，成個人已經散哂，今晚一定會好好訓聽日更表返８點半，繼續努力搵錢

ＰＳ：聽日ＭＡＮＤＹ提早攪生日，自己到而家都未有時間去買禮物呢，真係大很獲，民仔就建議我送花，呢個月已經夠哂窮架啦，又撞正ＭＡＮＤＹ今個月生日，本身自己呢個月都諗住潛水架啦，無咩事都少Ｄ同佢去街，但第２個都可以咁樣做，ＭＡＮＤＹ就無得傾，一定要送禮物＋出席生日ＰＡＲＴＹ～自己真係黑仔架啦，真係越窮越見鬼～

今日６點幾就起左身，跟住就刷牙洗面換衫，攪惦哂Ｄ野之後，就行落樓下搭５９Ｍ返工，上到車就睇報紙，出到荃灣就食個早餐先，食飽飽就死返公司打卡開工，今日又係拍小虎，上午都唔算多野做，不過小虎成朝就睇我表演，成朝我派左４棟大廈，佢先做得層半，呢條友真係古惑西黎架，佢就話比我聽之前係尖沙咀條線因為成日做野慢，差Ｄ比人炒，後來人地比機會先調落黎而家呢條線試下，但我就真係唔撚信啦，做左兩年都咁撚樣？佢真係當我傻豬仔黎架啦，當我係好天真同好傻囉～係度扮撚哂野食鳩我，不過我自己都無出聲，扮無野，由佢當我傻，我自己心知咩事就得啦，呢條友將來要小心Ｄ應付佢，成日係度扮可憐又扮弱者，係度扮豬食老虎，扮撚哂傻，呢招我都識出賣，呢個世界有借有還架者，我都唔出聲屌佢，費事教撚精左佢做人，比佢知道我係Ｄ咩人我咪無得玩？將來好難食鳩返佢轉頭，我將來實要佢還做到１２點幾先有得停下，跟住就去食飯，食飽飽就死返上車度開冷氣訓覺訓到２點半又再起身開波做野，下午都好顛，超級多野做，做到６點幾先清哂Ｄ工作，７點鐘收工，坐公司ＳＨＵＴＴＬＥ車返荃灣，轉搭５９Ｍ返屯門，係車度攰到訓著左８點幾返到屋企食飯，食飽飽之後就同姨甥女玩左陣，勁耐無同佢玩過囉今晚都費事去跑步，休息返一晚，同姨甥女玩完之後，就訓係梳化度睇電視，睇睇下就不知不覺咁訓著左訓到１１點幾先安樂醒，呢覺真係訓得好舒服起左身之後就死去沖涼，沖完涼就死返入房度聽歌＋打日記，打完日記就過美樂搵民仔食宵夜，都好耐無同佢兩條友落去吹下波啦，今晚順便問佢借件葡萄牙波衫用黎聽晚踢波用，帶定一件白色同紅色波衫去換，聽晚第一次同呢份工Ｄ同事踢波，都好想睇下佢地咩料呢聽日更表返８點０５分，繼續努力搵錢

除左放假可以著自己Ｄ衫之外，基本上呢套衫係每日指定裝束，著佢0既日子仲多過著自己Ｄ衫，而家我可以唔洗買咁多新衫架啦，跟本就著唔哂～

今日訓到６點幾就起左身，尋晚訓左覺好，今日精神哂，跟住就刷牙洗面換衫，攪惦哂Ｄ野之後，就行落樓下搭５９Ｍ返工，上到車就睇報紙，睇到四川地震真係好心酸，慘不忍睹，天災真係無得避免，老土Ｄ咁講句：真係要好好珍惜眼前人～出到荃灣就食個早餐先，食飽飽就死返公司打卡開工，上午都無咩野做，到１２點幾就食飯，睇下午新聞話死亡數字去到２萬人，仲有好多人未搵到出黎，個數仲有得升～食飽飽飯之後，自己都去銀行櫃員機度過少少錢落地震救災戶口度，希望出返少少力～去完銀行之後，就死返上車度開冷氣訓覺，直落訓到２點半開工，今日個下半場就多野做啦，忙到無停手，４點鐘返公司個架５點５噸車都裝爆哂我地收返黎個Ｄ貨直落做到７點鐘收工，坐公司ＳＨＵＴＴＬＥ車返荃灣，轉搭５９Ｍ返屯門，８點幾返到屋企食飯，食飽飽就睇陣電視，到９點幾就換衫落去海皮度跑步，都好耐無跑過啦，照舊聽住歌黎跑，沿住海皮來回美樂同慧豐３次，跑完成身都濕哂，跑完步個感覺真係好正１０點幾返到屋企沖涼，沖完涼就死返入房度聽歌＋上網睇新聞，睇完新聞就死返上床度長眠聽日更表返８點０５分，又要６點幾起身，繼續努力搵錢

ＰＳ：今日係新聞睇到（醬油男），係佢身上學到野：（關我Ｘ事，我出黎買醬油架．．．．．），另外仲知道而家急要ＡＢ型血幫地震個Ｄ人，咁岩自己又係ＡＢ型血＋又到期要去捐血啦，唔知係香港捐血，幫唔幫到四川呢？始終遠水難救近火，不過幫唔幫到都好，自己都會照樣繼續捐血

將心比己，假如香港都有地震，發生係我地身上的話，又會有咩感覺？

我睇咁多次新聞，今單新聞對我黎講真係好震撼，越睇我就越唔想去睇，睇到我好心酸：有大肚婆比Ｄ石屎壓住，情況好危急～下午食飯睇電視新聞個陣，見到溫家寶同個小朋友傾計，個小朋友喊到收唔到聲，個小朋友一夜之間成家人都死哂，真係好慘好陰公，睇到我都差Ｄ忍唔住喊，自己食完飯之後，都去銀行櫃員機度過左少少錢比地震救災基金，雖然呢個月自己都好手緊，自己捐個個數亦都唔係咩大數目，但我心入面只係想幫到就幫，自己今個月食少餐，出少次街玩，Ｄ錢都係返度，叫做盡返少少力救災，我永遠都覺得：做任何事最緊要係過得自己同過得人，假如第日我上到岸，屋企可以穩定Ｄ的話，我一定會去做義工，自從呢幾年過左窮0既生活之後，我覺得香港人實在係太幸福啦，有好多人生活得比我甚至係其他人都慘，同埋我覺得做人問心無愧就已經好夠，捐錢同做善事亦都唔洗周圍同人講同做哂出面，自己個心知，同埋覺得舒服，認為係岩就已經夠架啦