將心比己，假如香港都有地震，發生係我地身上的話，又會有咩感覺？

我睇咁多次新聞，今單新聞對我黎講真係好震撼，越睇我就越唔想去睇，睇到我好心酸：有大肚婆比Ｄ石屎壓住，情況好危急～下午食飯睇電視新聞個陣，見到溫家寶同個小朋友傾計，個小朋友喊到收唔到聲，個小朋友一夜之間成家人都死哂，真係好慘好陰公，睇到我都差Ｄ忍唔住喊，自己食完飯之後，都去銀行櫃員機度過左少少錢比地震救災基金，雖然呢個月自己都好手緊，自己捐個個數亦都唔係咩大數目，但我心入面只係想幫到就幫，自己今個月食少餐，出少次街玩，Ｄ錢都係返度，叫做盡返少少力救災，我永遠都覺得：做任何事最緊要係過得自己同過得人，假如第日我上到岸，屋企可以穩定Ｄ的話，我一定會去做義工，自從呢幾年過左窮0既生活之後，我覺得香港人實在係太幸福啦，有好多人生活得比我甚至係其他人都慘，同埋我覺得做人問心無愧就已經好夠，捐錢同做善事亦都唔洗周圍同人講同做哂出面，自己個心知，同埋覺得舒服，認為係岩就已經夠架啦

今朝６點鐘起身，兩日假期過後，今日超撚多野做，上午同下午都無停過手，食飯時間又要返公司開會，訓都無得訓，屌佢老味西開完會又直踩下午，直落做到７點幾先收工，８點幾返到屋企食飯，食飽飽就即刻換好波衫同波襪，落去湖景７人場度搵民仔佢地踢波，今晚係咁贏，贏完又即刻對下一隊，踢左個幾鐘都無停過，踢到１１點鐘就去買Ｄ野飲，買完野飲就係公園度坐低吹一陣波，傾傾下計我都差Ｄ訓得著已經成身無咩力啦，好辛苦先捱到返屋企，１２點鐘返到屋企沖涼，沖完涼就死返入房度打少少日記，打完日記就即刻死返上床度長眠聽日更表返８點１５分，聽日可以好少少，晏ＤＤ起身，而家已經好攰啦，對眼都撐唔大，今晚一定會好好訓訓醒之後，聽日又繼續努力錢

可惜係自動波車唔係棍波車，有Ｄ美中不足～

今日訓到１點鐘先安樂醒，訓醒個陣見屋企無人，跟住就刷牙洗面，攪惦哂Ｄ野之後就睇左陣龍鳳鬥，睇完就自己整個出前一丁黎做早餐，食飽飽就上網睇新聞，睇哂兩份報紙之後都３點鐘啦，跟住就係房度睇新戲，直落睇到６點鐘就比伍太叫我換衫，佢話伍生今日借左部７人車返黎，方便一陣成家入流浮山度食海鮮，今晚細姑姐請客，當係同大姑姐返澳洲前0既豐富晚餐，今晚有鮑魚，又紅酒＋海鮮，我地呢Ｄ有免費餐食就一定會出現架啦，有約人都推鬼左佢呀加上今晚有姨甥女係度，又要過去大興村度接阿（女麻），無部７人車真係好唔方便，伍生借車返黎個陣，都預左我今晚拎去玩架啦，佢就叫我自己一個渣個陣唔好開得咁快，費事有咩意外～我就同伍生講：呢部又唔係咩跑車，要快都快唔起啦，加上又唔係自己車，費事去到咁盡啦，我鍚住佢架啦～６點幾就係屋企樓下開車過大興村，接埋大姑姐，姑丈同阿（女麻）一齊入流浮山，７點鐘入到流浮山間小桃園海鮮酒家食飯，今晚有蝦，瀨尿蝦，扇貝，鮑魚，加埋大姑丈個４枝紅酒，紅酒＋鮑魚真係好正，可惜今晚欠一枝靚雪茄，有Ｄ美中不足，如果加埋枝雪茄就真係一流，細姑姐同細姑丈成日都紅酒＋鮑魚＋雪茄，搵到錢就真係唔同Ｄ，呢Ｄ咪叫做享受囉，佢兩公婆幾很識嘆先得架，搵到錢就一定要咁做啦，唔係咁辛苦搵Ｄ錢返黎做咩？搵得黎就一定要識享受，我覺得剩係識搵錢但唔識享受個Ｄ人就最撚戇鳩，我將來搵到錢一定會紅酒＋鮑魚＋雪茄，仲要周圍去旅行食完呢餐飯真係好很滿足，食飽飽都９點鐘啦，跟住就直返屋企，９點４０分係屋企樓下放低哂我Ｄ屋企人，之後就打比民仔，阿龍同ＭＡＮＤＹ，約哂佢地今晚出黎食糖水，今晚難得有車，唔洗講野架啦，今晚可以暫時變返以前咁，可以成日夜晚出黎食糖水0既日子，伍生今次都借足一日，預左我今晚拎去玩架啦民仔聽到我今晚借到車返黎就真係勁開心，佢仲煩緊同條女係尖沙咀行完街要搭２６０Ｘ返黎，最緊要係紅日要同人迫巴士先慘呀嘛，所以係好兄弟就唔洗講野啦，即刻出去接佢同民嫂返黎啦～加上今晚點都要出九龍度走返轉架啦，Ｄ油錢又唔洗我出，我老西都玩盡佢啦，我唔過埋香港區都算係咁啦，難得放低哂Ｄ屋企人，就係我遊戲0既時間啦雖然呢部大霸王同我屋企以前個部一樣，都係有２５００ＣＣ，係幾好力，但始終都係家庭車，無咩速度感～１０點鐘出到漢口道，無很哂位泊車，焗住要泊樂道，紅日真係麻煩，要麻煩民哥行多一條街過黎搵小弟接左民仔之後就打比ＭＡＮＤＹ，叫佢準備落樓，跟住就行大欖隧道直飛去ＭＡＮＤＹ屋企，１０點幾去到佢屋企樓下，跟住就係天水圍接埋阿龍，一齊落元朗Ｂ仔涼粉度食糖水，都好耐無試過咁樣同Ｄ　ＦＤ食下糖水啦，得閒夜晚同Ｄ　ＦＤ出黎食下糖水＋吹下波真係好開心架，有部車真係好好多，一黎自己鍾意玩車，同埋夜晚去邊度玩都方便，住得遠0既朋友我都可以叫埋佢一齊出黎玩，正呢Ｄ日子唔會太耐，好快又會再來臨架啦～最開心都係同Ｄ　ＦＤ出黎相聚個一刻，有部車可以拉近大家0既距離，我地呢Ｄ懶西，你叫我平時放假搭車去遠Ｄ我就采你都傻啦，平時返工搭車仲搭唔夠呀？部車返黎的話就真係會去多Ｄ地方啦，幾遠都無咩問題１１點幾落到Ｂ仔食糖水，今晚都食得好ＨＡＰＰＹ，大家傾Ｄ野都笑爆咀食到１２點幾就車哂佢地返屋企，自己將部車泊返係我以前月租泊老婆仔個個爛地停車場度，因為夜返，近門口個Ｄ位已經比人泊哂，所以要泊到好很入，行返出黎都要３分鐘，佢老味返到屋企都１點鐘啦，仲趕得切睇賭場風雲大結局，睇完就死去沖涼，沖完涼就死返入房度聽歌＋打日記，打完日記就死返上床度長眠聽日更表返７點４０分，放左４日假真係有Ｄ唔慣，聽日仲要６點鐘起身，ＳＨＩＴ繼續努力搵錢

今日生哥請我去新星自助打邊爐～生哥仔就話呢間野雖然係好食，不過叫親Ｄ野食要好耐先黎，為左多謝佢請我食呢餐飯，我就教生哥仔一個方法，我教識左佢之後，生哥仔話請我食呢餐飯係物超所值，下次都會用我呢個方法去食自助打邊爐～

係叫湯底0既同時，再叫定一大碟野食先～

等Ｄ湯底滾起左之後，就倒哂第一碟Ｄ野食落去個爐入面，跟住就再ＣＬＯＳＥ埋個蓋，即刻叫定第２大碟野食，岩岩開始食緊第一碟0既同時，第２碟就等佢慢慢整，到第２碟上埋黎個陣，岩岩就食哂第一碟Ｄ野食，即刻倒哂第２碟Ｄ野食落個爐入面，再ＣＬＯＳＥ埋個蓋，跟住就即刻落第３碟ＯＲＤＥＲ，再同個ＷＡＩＴＥＲ講：（木台）面無哂野食啦喎，Ｄ野食咁耐架？有無攪錯，呢間酒樓無野比人食架？個ＷＡＩＴＥＲ無理由打開我個爐蓋黎睇我入面有無野食架嘛，總之而家（木台）面就係無野食，叫佢拿拿臨上埋Ｄ野食黎～

之後個侍應就即刻快快手上埋第３大碟，個陣時離ＣＬＯＳＩＮＧ　ＴＩＭＥ仲剩半粒鐘，食緊第２碟野食0既同時，第３碟就放埋係（木台）頭

今晚個爐３轉都比我地放到爆哂，嘩哈哈哈

隔離（木台）個家人見到我同生哥食到咁多野都（Ｏ咀），生哥就話我呢招好撚（屈機），我就同生哥講：你做任何野都要知道對方出咩招，知道佢係邊度地方賺到錢，做得自助打邊爐呢Ｄ就一定會屈你時間，你叫每一轉佢都會特登拖長Ｄ時間，等你過左ＣＬＯＳＥ　ＴＩＭＥ無得再落ＯＲＤＥＲ，所以就要用第２　Ｄ方法黎破佢～生哥話我呢招好洗好用，係邊度食自助打邊爐都用得著，可以（屈機）屈返間酒樓轉頭～

生哥就問下我點解呢輪咁窮？我就話：我岩岩轉新工，呢Ｄ係新工後遺症黎架者，過埋今個月會好Ｄ，我同生哥講：自己捱窮都捱左好多年，之前自己Ｄ錢唔係拎哂去玩先攪到咁窮，係用哂係投資同自己學野身上，所以今時今日窮真係唔緊要，做人目光就放遠Ｄ，將來Ｄ錢我係幾倍咁搵返返黎，而家辛苦幾年，我將來可以生活得輕輕鬆鬆，想點樣玩都得，我就同生哥講：唔洗咁急搵女啦，遇到真愛就話無得講者，你唔係求真愛的話，到你有錢個陣就自然有大把女走埋黎身邊架啦，你有錢去環遊世界都得，每個國家帶唔同0既女去都仲得，後生仔洗咩咁心急搵女呢？總之今晚生哥話我教左佢好多野，令到佢受用一生，呢餐佢話請得我好抵

今日訓到１點鐘先安樂醒，起身已經唔見左伍太，母親節仲諗住陪下佢飲茶，自己走左去，仲好，我可以慳返Ｄ錢同時間，又可以繼續訓晏Ｄ，我覺得Ｄ人平時對阿媽唔好，係母親節點樣對佢好都係做大戲同做比人睇架者，等如Ｄ人生前都對老母唔好，死後攪咁多野都係多撚餘～再加上我自問自己就唔係咩考順仔，唔需要做咁多野，算吧啦母親大人賭少兩日錢，唔洗再問我借（有借無還應該係話拎），我都多撚謝佢啦，好話唔好聽，佢係我老母我無得簡，同佢無關係的話，我一早就一腳踢撚開佢～直落又再訓到３點鐘起身，跟住就刷牙洗面換衫，自己煮個公仔麵黎食，食飽飽就上網睇新聞，睇哂兩份報紙都５點幾啦，跟住就上網睇下車，睇定Ｄ車價睇到６點鐘就約定生哥游水，７點鐘係我屋企樓下等，生哥而家搬左黎我條村度住，住得近左就方便好多７點鐘ＪＯＩＮ埋生哥就起行，慢慢行過去屯門泳池，７點半就攪惦跳落水，今晚係今年夏天第一次下水禮，所以今晚游４００米熱下身算數，等個身體慢慢適應返，遲Ｄ先游過千今晚落到水游個陣，ＦＥＥＬ到左腳膝頭哥好痛，生哥就話我平時成日去跑步又跑得勁，所以有Ｄ後遺症，佢建議我唔好跑得咁密，一係就每次唔好來回美樂同慧豐咁多次，傷左隻腳就好難復原返１００％狀態好嚇人，但都唔會阻到我繼續跑步，我好想參加黎緊0既渣打馬拉松，上年做兩份工無時間去練習，我已經ＭＩＳＳ左一年，就算我隻腳傷左又好，我都唔會後悔，起碼有去跑過馬拉松，做左先後悔比唔做而後悔更加好，我唔想係我人生入面再有任何遺憾今晚如我所料，Ｄ人個個都慶祝母親節，個池真係少人到爆，簡呢Ｄ時間黎游水就岩撚哂數，＄２０包個池黎玩，真係抵游到８點半就閃人，生哥今晚請我打邊爐，佢話我之前好境成日請佢食飯，今時今日我唔好境就請返我食飯，呢Ｄ真係朋友啦，唔好境個陣都睇下細佬，我就同生哥講：將來我好境一定唔會忘記佢～生哥話遲Ｄ想買車，到時要搵我幫下手睇睇＋驗驗貨，絕對無問題，以生哥今時今日0既搵錢能力，我等佢部掃把佬呢，不過買車的話，點都會係我快過佢之後就一齊行返過海翠間新星打邊爐，今晚生哥係我身上學到野，所以呢餐佢都話請得我抵，物超所值，咁就緊係啦，生哥仔請我食餐咁好0既飯，我一定會有返Ｄ野入佢袋入面0既，唔會白食佢呢餐食到我同生哥抱住個肚走，飽到要同生哥兜遠條路黎行，散下步，一路行就一路煲煙＋吹水，生哥講開佢個ＦＤ岩岩考完牌，又岩岩買左部車返黎渣，但佢個ＦＤ就渣到成日撞車～生哥仔就話佢呢個２２歲0既ＦＤ岩岩係香港駕駛學院考到車牌，所以生哥仔對香港駕駛學院無咩信心～我就話：雖然我都唔係咁鍾意呢間野，因為佢Ｄ收費有保証～貴，但唔一定香港駕駛學院出黎0既所有人都技術唔好，唔好一枝竹打哂成船人，你個ＦＤ係特別Ｄ咁者～之後生哥就話佢個ＦＤ個晚車住佢同另一個女仔係屯門市中心返黎碼頭，到係停車場泊個Ｌ位都用左成５－６手（車太）黎泊，都仲未泊得入個位，佢個ＦＤ仲懶係醒傾住電話單手泊位，到部車隊前個陣，就撞到泊係對面個部貨ＶＡＮ～生哥話當時忍住笑，心入面笑佢個ＦＤ，真係好撚肉酸～我一聽到呢度就笑左出黎，笑鬼死我啦，真係唔好比我當面見到生哥仔個ＦＤ，我一定指住佢黎笑～我就同生哥仔講：咁你個ＦＤ而家仲有無渣車？跟住生哥仔就話：無啦，上個月佢撞左落個安全島度，成部車ＴＯＴＡＬ　ＬＯＳＴ，而家無渣車啦～我聽到之後就笑住咁同生哥講：咁都係好事黎0既，你個ＦＤ幫左好多人架啦，無謂渣部車出黎撞鳩死人呀嘛，我自問自己Ｄ渣車技術都屎架啦，原來仲有人Ｄ技術屎過我，你個ＦＤ真係好撚肉酸，嘩哈哈哈同生哥係屋企樓下吹波吹到１１點半就各自返屋企，返到屋企就即刻死去沖涼，沖完涼就死返入房度聽歌＋打日記，打完日記就繼續上網睇車，隔定Ｄ車價聽日係最後一日假期，要好好咁休息＋玩埋佢啦，嘩哈哈哈

我好想睇呢套戲～

今日８點鐘就比伍太剷我起身，跟住就刷牙洗面換衫，攪惦哂Ｄ野之後，就行落樓下餐廳食早餐，食飽飽就搭的士過去大興村上巴士，１０點鐘去到大圍寶福紀念館～去到就繼續摺金銀元寶，到１２點鐘就開始儀式，本身自己都無喊過，到個棺材推左出黎個陣，自己都差Ｄ忍唔住流眼淚，最後都無喊到出黎，我0既眼淚早就已經流乾左，我同自己講過，我唔會再咁易流眼淚～見到堂細佬細妹佢地個個都喊，自己就攬住３叔個仔，安慰下佢，既然阿爺死左係事實，點解我地在生0既人唔可以開心Ｄ，等死左0既人安心Ｄ咁上路呢？比阿爺見到我地個個都唔捨得，佢又點會走得安樂？我地越喊，越唔開心，阿爺都唔會走得安樂～睇埋阿爺個遺容之後，伍生就買水，我係長子個仔，所以要提燈，希望阿爺可以安心上路～之後靈車開出，我地部旅遊巴跟後，直去粉嶺和合石火葬場，係車上面個陣，阿（女麻）就話我地開頭都無喊，到阿爺個棺材推出黎個陣先喊，話我地班人正一係（唔見棺材唔流眼淚），一聽到之後就笑死我同大姑姐，阿（女麻）都幾ＯＫ架喎，一係唔出聲，一出聲就笑鬼死人，嘩哈哈哈到阿爺火化左之後，就要除哂所有白衫白褲，全部丟哂佢，之後就坐旅遊巴返元朗食英雄飯，食過英雄飯之後，阿爺Ｄ身後事全部攪惦哂，食到４點鐘就閃人，收到民仔打黎約今晚打牌，應成左佢之後，就搭輕鐵返屋企，５點鐘返到屋企換衫，之後就死返上床度長眠呢兩日攪阿爺Ｄ野都無好好咁訓過，直落訓到夜晚９點鐘先安樂醒，伍太都係大快活買左飯返黎比我同伍生食，食飽飽就沖涼，沖完涼就死返入房度上網睇新聞，睇到１０點幾個陣，民仔，ＤＡＩＳＹ同生哥都殺到黎我屋企，即刻開波打牌，今晚都係打８番＄６４，ＤＡＩＳＹ係度費事打咁大，志在同Ｄ朋友聚下同玩下，磨下時間，ＤＡＩＳＹ就話係我做野個邊，一次都未見過我，剩係見到我公司Ｄ車同我Ｄ同事，雖然大家返工都係同一區，但佢１點鐘先過到黎，一早落左去食飯啦，仲點會係車度呢？不過自己都話左我成日訓覺個部車0既車牌比ＤＡＩＳＹ聽，１點半打後我先會係個架車上面度訓覺，嘩哈哈哈今晚打左８圈牌，自己好好彩咁贏左＄３００，１點幾散場，送哂客之後，就死返入房度聽歌＋睇新聞，睇完新聞就打日記，打完日記都３點鐘啦，即刻死返上床度長眠聽日母親節，一早就同老母食左海鮮啦，費事聽晚出街食飯度度都多人＋貴，聽日同老母朝早飲茶就夠哂數，都係訓醒先講啦，呢兩日放假都比老母勁早剷我起身，聽日點都要訓到自己安樂醒先得