今日生哥請我去新星自助打邊爐～生哥仔就話呢間野雖然係好食，不過叫親Ｄ野食要好耐先黎，為左多謝佢請我食呢餐飯，我就教生哥仔一個方法，我教識左佢之後，生哥仔話請我食呢餐飯係物超所值，下次都會用我呢個方法去食自助打邊爐～

係叫湯底0既同時，再叫定一大碟野食先～

等Ｄ湯底滾起左之後，就倒哂第一碟Ｄ野食落去個爐入面，跟住就再ＣＬＯＳＥ埋個蓋，即刻叫定第２大碟野食，岩岩開始食緊第一碟0既同時，第２碟就等佢慢慢整，到第２碟上埋黎個陣，岩岩就食哂第一碟Ｄ野食，即刻倒哂第２碟Ｄ野食落個爐入面，再ＣＬＯＳＥ埋個蓋，跟住就即刻落第３碟ＯＲＤＥＲ，再同個ＷＡＩＴＥＲ講：（木台）面無哂野食啦喎，Ｄ野食咁耐架？有無攪錯，呢間酒樓無野比人食架？個ＷＡＩＴＥＲ無理由打開我個爐蓋黎睇我入面有無野食架嘛，總之而家（木台）面就係無野食，叫佢拿拿臨上埋Ｄ野食黎～

之後個侍應就即刻快快手上埋第３大碟，個陣時離ＣＬＯＳＩＮＧ　ＴＩＭＥ仲剩半粒鐘，食緊第２碟野食0既同時，第３碟就放埋係（木台）頭

今晚個爐３轉都比我地放到爆哂，嘩哈哈哈

隔離（木台）個家人見到我同生哥食到咁多野都（Ｏ咀），生哥就話我呢招好撚（屈機），我就同生哥講：你做任何野都要知道對方出咩招，知道佢係邊度地方賺到錢，做得自助打邊爐呢Ｄ就一定會屈你時間，你叫每一轉佢都會特登拖長Ｄ時間，等你過左ＣＬＯＳＥ　ＴＩＭＥ無得再落ＯＲＤＥＲ，所以就要用第２　Ｄ方法黎破佢～生哥話我呢招好洗好用，係邊度食自助打邊爐都用得著，可以（屈機）屈返間酒樓轉頭～

生哥就問下我點解呢輪咁窮？我就話：我岩岩轉新工，呢Ｄ係新工後遺症黎架者，過埋今個月會好Ｄ，我同生哥講：自己捱窮都捱左好多年，之前自己Ｄ錢唔係拎哂去玩先攪到咁窮，係用哂係投資同自己學野身上，所以今時今日窮真係唔緊要，做人目光就放遠Ｄ，將來Ｄ錢我係幾倍咁搵返返黎，而家辛苦幾年，我將來可以生活得輕輕鬆鬆，想點樣玩都得，我就同生哥講：唔洗咁急搵女啦，遇到真愛就話無得講者，你唔係求真愛的話，到你有錢個陣就自然有大把女走埋黎身邊架啦，你有錢去環遊世界都得，每個國家帶唔同0既女去都仲得，後生仔洗咩咁心急搵女呢？總之今晚生哥話我教左佢好多野，令到佢受用一生，呢餐佢話請得我好抵

今日訓到１點鐘先安樂醒，起身已經唔見左伍太，母親節仲諗住陪下佢飲茶，自己走左去，仲好，我可以慳返Ｄ錢同時間，又可以繼續訓晏Ｄ，我覺得Ｄ人平時對阿媽唔好，係母親節點樣對佢好都係做大戲同做比人睇架者，等如Ｄ人生前都對老母唔好，死後攪咁多野都係多撚餘～再加上我自問自己就唔係咩考順仔，唔需要做咁多野，算吧啦母親大人賭少兩日錢，唔洗再問我借（有借無還應該係話拎），我都多撚謝佢啦，好話唔好聽，佢係我老母我無得簡，同佢無關係的話，我一早就一腳踢撚開佢～直落又再訓到３點鐘起身，跟住就刷牙洗面換衫，自己煮個公仔麵黎食，食飽飽就上網睇新聞，睇哂兩份報紙都５點幾啦，跟住就上網睇下車，睇定Ｄ車價睇到６點鐘就約定生哥游水，７點鐘係我屋企樓下等，生哥而家搬左黎我條村度住，住得近左就方便好多７點鐘ＪＯＩＮ埋生哥就起行，慢慢行過去屯門泳池，７點半就攪惦跳落水，今晚係今年夏天第一次下水禮，所以今晚游４００米熱下身算數，等個身體慢慢適應返，遲Ｄ先游過千今晚落到水游個陣，ＦＥＥＬ到左腳膝頭哥好痛，生哥就話我平時成日去跑步又跑得勁，所以有Ｄ後遺症，佢建議我唔好跑得咁密，一係就每次唔好來回美樂同慧豐咁多次，傷左隻腳就好難復原返１００％狀態好嚇人，但都唔會阻到我繼續跑步，我好想參加黎緊0既渣打馬拉松，上年做兩份工無時間去練習，我已經ＭＩＳＳ左一年，就算我隻腳傷左又好，我都唔會後悔，起碼有去跑過馬拉松，做左先後悔比唔做而後悔更加好，我唔想係我人生入面再有任何遺憾今晚如我所料，Ｄ人個個都慶祝母親節，個池真係少人到爆，簡呢Ｄ時間黎游水就岩撚哂數，＄２０包個池黎玩，真係抵游到８點半就閃人，生哥今晚請我打邊爐，佢話我之前好境成日請佢食飯，今時今日我唔好境就請返我食飯，呢Ｄ真係朋友啦，唔好境個陣都睇下細佬，我就同生哥講：將來我好境一定唔會忘記佢～生哥話遲Ｄ想買車，到時要搵我幫下手睇睇＋驗驗貨，絕對無問題，以生哥今時今日0既搵錢能力，我等佢部掃把佬呢，不過買車的話，點都會係我快過佢之後就一齊行返過海翠間新星打邊爐，今晚生哥係我身上學到野，所以呢餐佢都話請得我抵，物超所值，咁就緊係啦，生哥仔請我食餐咁好0既飯，我一定會有返Ｄ野入佢袋入面0既，唔會白食佢呢餐食到我同生哥抱住個肚走，飽到要同生哥兜遠條路黎行，散下步，一路行就一路煲煙＋吹水，生哥講開佢個ＦＤ岩岩考完牌，又岩岩買左部車返黎渣，但佢個ＦＤ就渣到成日撞車～生哥仔就話佢呢個２２歲0既ＦＤ岩岩係香港駕駛學院考到車牌，所以生哥仔對香港駕駛學院無咩信心～我就話：雖然我都唔係咁鍾意呢間野，因為佢Ｄ收費有保証～貴，但唔一定香港駕駛學院出黎0既所有人都技術唔好，唔好一枝竹打哂成船人，你個ＦＤ係特別Ｄ咁者～之後生哥就話佢個ＦＤ個晚車住佢同另一個女仔係屯門市中心返黎碼頭，到係停車場泊個Ｌ位都用左成５－６手（車太）黎泊，都仲未泊得入個位，佢個ＦＤ仲懶係醒傾住電話單手泊位，到部車隊前個陣，就撞到泊係對面個部貨ＶＡＮ～生哥話當時忍住笑，心入面笑佢個ＦＤ，真係好撚肉酸～我一聽到呢度就笑左出黎，笑鬼死我啦，真係唔好比我當面見到生哥仔個ＦＤ，我一定指住佢黎笑～我就同生哥仔講：咁你個ＦＤ而家仲有無渣車？跟住生哥仔就話：無啦，上個月佢撞左落個安全島度，成部車ＴＯＴＡＬ　ＬＯＳＴ，而家無渣車啦～我聽到之後就笑住咁同生哥講：咁都係好事黎0既，你個ＦＤ幫左好多人架啦，無謂渣部車出黎撞鳩死人呀嘛，我自問自己Ｄ渣車技術都屎架啦，原來仲有人Ｄ技術屎過我，你個ＦＤ真係好撚肉酸，嘩哈哈哈同生哥係屋企樓下吹波吹到１１點半就各自返屋企，返到屋企就即刻死去沖涼，沖完涼就死返入房度聽歌＋打日記，打完日記就繼續上網睇車，隔定Ｄ車價聽日係最後一日假期，要好好咁休息＋玩埋佢啦，嘩哈哈哈

我好想睇呢套戲～

今日８點鐘就比伍太剷我起身，跟住就刷牙洗面換衫，攪惦哂Ｄ野之後，就行落樓下餐廳食早餐，食飽飽就搭的士過去大興村上巴士，１０點鐘去到大圍寶福紀念館～去到就繼續摺金銀元寶，到１２點鐘就開始儀式，本身自己都無喊過，到個棺材推左出黎個陣，自己都差Ｄ忍唔住流眼淚，最後都無喊到出黎，我0既眼淚早就已經流乾左，我同自己講過，我唔會再咁易流眼淚～見到堂細佬細妹佢地個個都喊，自己就攬住３叔個仔，安慰下佢，既然阿爺死左係事實，點解我地在生0既人唔可以開心Ｄ，等死左0既人安心Ｄ咁上路呢？比阿爺見到我地個個都唔捨得，佢又點會走得安樂？我地越喊，越唔開心，阿爺都唔會走得安樂～睇埋阿爺個遺容之後，伍生就買水，我係長子個仔，所以要提燈，希望阿爺可以安心上路～之後靈車開出，我地部旅遊巴跟後，直去粉嶺和合石火葬場，係車上面個陣，阿（女麻）就話我地開頭都無喊，到阿爺個棺材推出黎個陣先喊，話我地班人正一係（唔見棺材唔流眼淚），一聽到之後就笑死我同大姑姐，阿（女麻）都幾ＯＫ架喎，一係唔出聲，一出聲就笑鬼死人，嘩哈哈哈到阿爺火化左之後，就要除哂所有白衫白褲，全部丟哂佢，之後就坐旅遊巴返元朗食英雄飯，食過英雄飯之後，阿爺Ｄ身後事全部攪惦哂，食到４點鐘就閃人，收到民仔打黎約今晚打牌，應成左佢之後，就搭輕鐵返屋企，５點鐘返到屋企換衫，之後就死返上床度長眠呢兩日攪阿爺Ｄ野都無好好咁訓過，直落訓到夜晚９點鐘先安樂醒，伍太都係大快活買左飯返黎比我同伍生食，食飽飽就沖涼，沖完涼就死返入房度上網睇新聞，睇到１０點幾個陣，民仔，ＤＡＩＳＹ同生哥都殺到黎我屋企，即刻開波打牌，今晚都係打８番＄６４，ＤＡＩＳＹ係度費事打咁大，志在同Ｄ朋友聚下同玩下，磨下時間，ＤＡＩＳＹ就話係我做野個邊，一次都未見過我，剩係見到我公司Ｄ車同我Ｄ同事，雖然大家返工都係同一區，但佢１點鐘先過到黎，一早落左去食飯啦，仲點會係車度呢？不過自己都話左我成日訓覺個部車0既車牌比ＤＡＩＳＹ聽，１點半打後我先會係個架車上面度訓覺，嘩哈哈哈今晚打左８圈牌，自己好好彩咁贏左＄３００，１點幾散場，送哂客之後，就死返入房度聽歌＋睇新聞，睇完新聞就打日記，打完日記都３點鐘啦，即刻死返上床度長眠聽日母親節，一早就同老母食左海鮮啦，費事聽晚出街食飯度度都多人＋貴，聽日同老母朝早飲茶就夠哂數，都係訓醒先講啦，呢兩日放假都比老母勁早剷我起身，聽日點都要訓到自己安樂醒先得

今日訓到１１點鐘就比伍太剷我起身，買左早餐返黎比我食，刷牙洗面之後就食早餐，食飽飽就死返上床度訓多陣，到１點鐘就係屋企樓下ＪＯＩＮ埋姐夫同家姐，一齊搭的士過去大興村會合班（好）親威，包左架巴士入大圍寶福紀念堂，上到車就繼續長眠去到靈堂就換好白衫白褲，之後就係度摺金銀元寶比阿爺，今日連鄧英敏都有黎，細姑丈真係人面廣，原來呢條友都係跟細姑丈搵食，呢個擺明係古惑仔黎架啦～成日都係靈堂度，睇住Ｄ啦嚤佬念經，聽唔明佢地係度念乜，全日我剩係聽到佢其中一句經文：咩西楚霸王項羽，又劉邦咁楚漢之爭都拎埋出黎講睇完Ｄ啦嚤佬做完大戲之後，成班落去飯堂度食飯，個度Ｄ素又幾好食食飽飽都７點鐘啦，跟住又上去做Ｄ儀式，又過金橋，銀橋，又係度聽佢地念經，７點幾鐘就破地獄，係度又玩火又舞劍，好似睇馬戲咁，真係想用電話拍底佢，但費事唔尊重阿爺，所以算數，Ｄ火比佢噴到天花板咁高～睇完破地獄之後，就同表弟傾下計，呢個表弟我都係第一次見面，總之就好疏好疏個隻表弟，細我一年，傾開計先知佢做緊ＰＣＣＷ拉線個Ｄ，仲要合約制，搵得５千幾６千一個月～雖然我同呢個表弟係第一次見面，但我同佢媽媽，者係表姑姐都好熟，呢個表姑姐身世真係好慘，老公好早就離開左，寡母獨力帶大個仔，今日我都睇到佢個仔好乖，好考順，好聽話，成日都係表姑姐身邊，佢知道表姑姐好辛苦咁養大佢～呢Ｄ野係無得扮，我留意左呢個表弟成日，佢人品都幾好，比起佢之下，我自問自己就唔係一個考順仔啦，我將來就無能力養得起一個爛賭又大洗0既老母啦，我已經盡過能力，幫又幫過，話又話過，而家都費事哂自己咁多口水，既然都改變唔到的話就算數，將來有女朋友或者老婆的話，我都會自己搬出去住，連我都頂唔住我老母Ｄ性格，何況係我女朋友或者老婆呢？搬出去有二人世界仲好既然表弟屋企窮，人品又唔錯，值得我去介紹入黎我做緊個度見工，我就打去人事部，之後就比表弟自己約時間見工～表弟好感激我介紹份好工佢去見～之後我就話：傻啦，街外錢搵唔哂0既，有好路數咪幫下人囉，路就幫你鋪左啦，我唔敢保証你一定見得成，跟住就睇你自己把唔把握到啦，見唔見得成呢份工就要睇你自己，要過６關咁多，好好比心機啦，第時搵多左錢就比多Ｄ你媽媽做家用，我呢個表姑姐真係好辛苦架，你要好好考順佢，我而家寫我個ＮＵＭＢＥＲ比你，你見工個陣就寫我個名同ＮＵＭＢＥＲ，加埋我做個個站比佢，咁樣可以增加你見得成呢份工0既機會，同埋你做夠一年的話，公司會有錢比返我，你又搵到份好工，我又有介紹費收返，大家都有著數～表弟聽到之後就話：表哥你真係幾叻架喎，好識計數，好多謝你咁幫我，我見得成呢份工的話，咁樣我屋企生活就可以穩定好多，唔洗再做合約工咁擔驚受怕～之後我就話：你見得成份工你好我又好，大家都有利，利人利己呢Ｄ野就真係唔怕做～我都好希望呢個表弟做得成份工，佢做夠一年的話，咁我個３千介紹費就袋袋平安啦，嘩哈哈哈，不過我都好相信我個眼光，雖然大家第一次見面，但我對呢個表弟好有信心，捱過窮0既人一定會捱得過呢度表弟就約好下星期三去見工，祝佢可以順利咁過哂６關，改善到屋企0既生活，入黎同我做同事喪禮去到１０點鐘就完結，換返哂Ｄ衫就搭包左個架巴士閃人，１１點鐘返到大興村，之後就轉搭的士返屋企，係屋企樓下食少少野先返屋企，返到屋企就上網睇新聞，睇完新聞都２點鐘啦，跟住就死去沖涼，沖完涼就死返入房度聽歌＋打日記，打完日記就死返上床度長眠聽日要７點幾起身，９點鐘過到大興村上巴士，１０點鐘要去到大圍寶福紀念堂繼續第２日0既喪禮，希望阿爺可以安心上路

ＰＳ：星期日約左生哥仔去游水，呢輪開始熱啦，今個夏天第一次下水禮，嘩哈哈哈

今日做岩哂個ＴＥＳＴ，公司送比我0既獎品，模型車兩部，可以放係我間房度裝飾一下，嘩哈哈哈

今日訓到７點鐘先起身，跟住就刷牙洗面換衫，攪惦哂Ｄ野之後，就行落樓下搭２５９Ｄ出觀塘，上到車就見到ＨＥＩＤＩ，勁耐無見過佢啦，係巴士度同佢吹下波，交換返電話，得閒出黎食飯～由屯門傾到去新蒲崗佢先落車，自己就搭到去觀塘先落車，今日都遲左起身啦，所以係街邊檔買個餐蛋治＋多杯凍檸茶，一路行一路食，落到觀塘個倉就打卡先，跟住就死入課室上堂，今日又係講下公司Ｄ福利同埋公司幫我地買個份保險0既內容，聽左好多次啦，不過呢Ｄ利益野關於自己就聽多幾次都無壞～到臨走個陣又要做個ＴＥＳＴ，自己份卷做岩哂，所以公司送左兩部車仔模型過我，可以用黎放係我間房度做裝飾用１點鐘就上完堂，跟住ＣＳ　Ｄ女女就叫我一齊去食飯，佢地話呢頭唔熟路，知我之前係觀塘道返工，睇下我有Ｄ咩好介紹？帶佢地去一間好Ｄ 0既地方食飯～到坐低左食飯之後，ＣＳ　Ｄ女女就問我係邊條線度做？自己就講左我做個條主線比佢地聽～佢地聽到之後就話：原來呢條就係你主線，咁樣第日有客要落投訴的話，我地就唔開ＦＩＬＥ啦～我聽到之後就話：咁就唔該哂你地啦，不枉我今次介紹你地黎食飯所以話同Ｄ　ＣＳ女女打好Ｄ關係，做起野上黎都方便好多，第日食投訴都起碼有人幫一幫先食飽飽飯之後，自己就閃人先，趕住搭車落返自己條線度開工，２點鐘先搭巴士閃人，打定個電話比老細，報定案比經理聽，話我有可能遲Ｄ先返到落線做野，保障左自己先～老細話無問題之後，就真係可以慢慢黎，自己都費事咁趕，最後都準時返到去拎齊裝備就開波，今日下午都唔算忙，慢慢黎做都好輕鬆，６點鐘就攪惦哂Ｄ野等收工，等到７點鐘閃人，坐公司ＳＨＵＴＴＬＥ車返荃灣，係車上面個陣，小虎就同我講：傑仔，你而家做野真係好好，好快手～我聽到之後就話：係呀？真架？我好開心呀～我真係心諗：你老味你食屎啦，你上個星期先話我做野呢樣唔得，個樣又唔得，又話我慢，呢個師兄真係車手黎架，轉（車太）轉得幾撚快呀，同埋我覺得你唔好同我係度講撚埋哂Ｄ鬼話同廢話啦，我唔係第一日出黎做人同做野，我覺得你唔好係我面前玩鬼呢一套，我１０幾歲個陣已經玩緊～呢個師兄可算係西撚到震啦，我用幾多力去做野，我自己好清楚，係睇下我自己肯唔肯去做架者，我自問自己做呢行耐過你啦，一試就試到呢Ｄ人幾撚屎忽呀，呢獲我就明鬼佢架啦，一星期就要你現哂形，好清楚咁睇到呢個師兄Ｄ人格～返到荃灣就搭５９Ｍ返屯門，係車上面就攰到訓Ｑ著左８點幾返到屋企食飯，食飽飽就死返入房度聽歌＋睇新聞，今晚好攰，唔想去跑步，偷懶返一晚睇完新聞之後，大姑丈都上到黎我屋企，今晚１０點鐘先落機，同大姑姐返黎香港參加阿爺0既喪禮，阿（女麻）屋企又無位訓，咁岩我地屋企有間房吉左出黎，所以大姑丈都會係我屋企度住幾日，大姑丈就同我講：移民左去澳洲咁耐，而家連智能身份証都未換，今次返黎香港順便攪埋佢，返得黎香港６日，好趕，搵日朝早要早Ｄ起身去入境處度排隊換証～我聽到之後就同大姑丈講：唔洗咁煩啦，我而家同你上網預約咪得囉，洗鬼一早起身咁辛苦要排隊咩？訓晏Ｄ好過啦～大姑丈聽到之後就話：有呢Ｄ咁0既野架？我真係唔識，唔該哂你呀傑仔～之後我就話：傻啦，唔洗唔該，你無返香港咁耐，唔知一Ｄ都唔出奇～幾分鐘就攪惦哂預約換証個Ｄ野我記得大姑姐係我細個個陣係好鍚我，成日帶我出街玩又成日買玩具比我，好鍚我同家姐，所以我都會對佢老公好，一定會出手幫下佢～同大姑丈吹多陣波之後，就死返入房度睇戲，睇到１點幾就死去沖涼，沖完涼就死返入房度聽歌＋打日記，打完日記就死返上床度長眠呢兩日拎左假去攪阿爺Ｄ身後事，真係好忙，好忙．．．．．好多野做

今日訓到７點鐘先起身，跟住就刷牙洗面換衫，執好哂Ｄ波衫之後，就行落樓下搭５９Ｍ返工，出到荃灣就食個早餐先，食飽飽就死返公司打卡開工，今朝超好做，１１點鐘就攪惦哂上午Ｄ野，理西佢咁多，跳返上車度開冷氣訓覺訓到１２點幾就食飯，食飽飽就繼續係車度開冷氣訓覺訓到２點半又再繼續開波下午0既工作，下午就多返野做啦，直落到６點鐘都無停過手，等到７點鐘收工，之後就係車度換衫閃人，搭小巴落旺角，見子傑又未落到黎，落機鋪玩兩手先，玩到８點鐘個陣，就ＪＯＩＮ埋子傑食飯，食飽飽先上花園街體育館度換波衫準備開波，今日都係跟教練練下波，圍內ＤＨＬ分兩隊打下友誼賽咁，雖然我今時今日唔係ＤＨＬ0既員工，無份打今年0既比賽，但自己都係志在打下波同做下運動直落到１１點鐘都無停過，成件波衫濕到榨得出水同子傑係體育館沖埋涼先閃人，之後就同子傑買野飲，企係ＯＫ門口吹左陣波先閃人，諗住上新世紀廣場搭車返屯門啦，咁岩係天橋撞到姐夫，同佢一齊搭車返屯門，自己都１點鐘先返到屋企，換完衫之後，就係房度聽歌＋打日記，打完日記就死返上床度長眠聽日上午又要落觀塘上堂，又悶又無靚女，他媽的下午又要落返自己條線度開工，聽日７點鐘起身，繼續努力搵錢返埋聽日之後，自己拎左兩日假去攪埋阿爺Ｄ身後事，真係有很排忙

ＰＳ：今日醒左，自己呢幾年真係遺忙左一樣好緊要0既野，以前自己覺得做人就離離合合，散散聚聚，呢樣野自己好早就已經睇化左啦，個陣時做人都不知幾開心，其他Ｄ女仔係咪咁樣諗，我就唔知，但我覺得咁樣做人會開心好多，加上而家自己咁後生，未定性＋未玩夠，停左自己賽咁耐，呢幾年遊左雲咁耐，唔開心左咁耐，無玩左咁耐，係時候要做野架啦，咁後生就緊係要識多Ｄ女先啦，唔溝下識下同試下，又點知邊個岩自己，可以同自己過世呢？未定性就一定唔會結婚住，費事累人累己，同埋我唔相信有一見鍾情呢樣野，今日我終於搵返幾年前0既我啦～諗返轉頭，點解自己會連呢Ｄ咁重要0既野都可以忘記左？呢幾年好似撞左邪咁，竟然會失去左溝女呢個興趣，呢幾年真係哂左好多時間，而家真係乜Ｑ都唔理，要開波架啦～