係公司睇到0既模型，超正勁想拎返屋企放係我間房度

呢個貨櫃車模型，伍生一定會勁鍾意

係三聖比我地選擇0既海鮮～

今日訓到６點幾就起左身，跟住就刷牙洗面換衫，攪惦哂Ｄ野之後，就行落樓下搭２５９Ｄ出觀塘，８點幾出到去，去我以前成日去開個間餐廳度食早餐，一樣係咁正食飽飽之後就去個Ｄ咩迎新會，講埋Ｄ野悶足我成朝，差Ｄ訓著咁濟到１２點幾就去食飯，同今日識個個師兄食ＬＵＮＣＨ，同佢鬼死咁好傾，最衰佢係沙田線，如果佢同我做埋同一條線的話，大家一定會做到ＦＤ食飽飽之後，我就叫師兄走先，我就上返舊公司度探下老大華，買定半打蛋撻上去比佢地食，上去見唔到老大華，原來佢今日出左去食飯，平時佢都會係倉度食，今日就出左去食，擺明我地無緣見面，都費事打比佢阻佢食飯，到１點半就閃人先，點知去到電梯就撞到老大華返黎，同佢吹左幾句水，趕住走，真係我唔走佢就唔返黎１點半死到返去繼續上堂，下午就去影員工証，同班個Ｄ女女多數都係ＣＳ，得我同另一個師兄係ＣＯＵＲＩＥＲ，呢班新入職0既ＣＳ女女聽日就會落倉度睇我地Ｄ　ＣＯＵＲＩＥＲ做野，香港８個倉，佢地抽簽睇下去邊個倉，抽到去我做個個倉個３個女女就問我：你個倉有無靚仔架？你都幾靚仔呀～跟住我就同個女女講：咁睇得起我呀？我可以同你講，我做野個度個個都靚仔過我～之後個３個女女就話：乜你咁講野架？之後我就話：呢個係事實呀嘛，聽日你落到黎咪知囉，靚唔靚仔呢Ｄ野，各花入各眼架者～之後我就心諗：你真係唔知我個名叫鬼仔傑咩？自從我係ＤＨＬ走左之後，係ＤＨＬ入面出哂名架啦，阿森都比我隊唔少啦，我走左佢先知，呵呵～第一次見面就緊係鬼下先啦，大家又唔係話咁熟，熟落Ｄ就話可以傾多Ｄ野者，我點知你地同我個倉Ｄ師兄熟唔熟架？一陣我亂講野，話返比Ｄ師兄又或者講返比我Ｄ大佬聽，咁我咪無運行？野可以亂食，說話就真係唔好亂講，大公司入面有好多鬼架，講人同隊人都要小心Ｄ同有技巧Ｄ～都係個句啦：我就唔係Ｄ咩好人，做任何事都要對得住自己，對得住人，人地點對我就我點對人，總之防人之心就不可無，害人之心就有時要有，睇下對住邊個啦出黎呢個社會做野同生存就要夠奸，要成功就要比奸個Ｄ人更加奸，你就算做好人，呢個世界都仲有大把衰人，我相信好人唔一定會有好報，做衰人亦唔見得個個都收場慘淡，做人問心無愧就ＯＫ啦～影完員工証之後，就見到公司Ｄ模型好靚，同佢地影左幾張相跟住又死返去上堂，上到６點鐘先閃得，真係好很７悶，之後就去偉業街度搭村巴返屯門，勁耐無係觀塘搭村巴返屯門啦，簡返我平時最鍾意坐個個位訓覺７點幾返到屋企換衫，之後就聽歌＋睇新聞，睇到８點鐘個陣，姐夫，家姐同姨甥女都黎到屋企樓下，跟住就成家過三聖食海鮮，提早慶祝定老母節～過到去就簡海鮮，跟住就拎過去酒樓度比人地整，今晚Ｄ海鮮真係好正，象拔蝆，東風螺，瀨尿蝦，扇貝，樣樣都好好味食到９點鐘就返屋企，跟住就死去沖涼，沖完涼就死返入房度睇戲，睇到２點幾先打日記，打完日記就死返上床度長眠聽日更表返８點４５分，繼續努力搵錢

ＰＳ：子傑約聽晚落旺角室內場度打波，繼續ＤＨＬ籃球友誼賽，呢個朋友都算唔話得，我走左之後都無忘記我，知我鍾意打波就每次都預埋我一份最好以後就（有獎抽，有女溝）0既活動都預埋我就更加好啦，嘩哈哈哈聽晚收左工就直接搭車落旺角打籃球，正

星期一早上６點鐘就起左身，跟住就刷牙洗面手換衫，攪惦哂Ｄ野之後，就行落樓下搭５９Ｍ返工，出到荃灣就食個早餐先，食飽飽就死返公司打卡開工，諗住今日星期一多野做啦，又唔係喎，１１點幾就攪惦哂Ｄ野，坐係車度開冷氣訓覺訓到１２點幾就要渣車返荃灣開會，今日下午又無得訓，真係好麻很煩～返到公司就食飯先，食到２點鐘就開會，２點半就各自開車返自己條線度開波，下午都好多野做，直落做到７點鐘都無停過手，收左工就坐公司ＳＨＵＴＴＬＥ車返荃灣，轉搭５９Ｍ返屯門，上家姐屋企度食飯，勁耐無見過姨甥女啦，食飽飽就同佢玩左一陣，８點幾就頂唔順，要死返屋企度訓覺啦，今日好攰，成身都無哂力，唔想去跑步，好想快Ｄ訓覺返到屋企就即刻死去沖涼，沖完涼個陣都１０點鐘啦，即刻跳上床度長眠直落訓到今日７點鐘起身，勁耐無試過咁早就死上床度訓囉～今日唔洗返自己條線度做野，要落觀塘參加個Ｄ咩（迎新會）？者係玩鳩我啦？呢間公司真係好得意，而家我條線仲有個新過我0既師兄入左黎，我做左兩個幾月先黎迎新？不過都好，坐係度唔洗做又有錢收，完全乎合我心目中0既經濟效益都好耐無試過朝９晚６啦，今日去開觀塘仲可以去探下老大華，好耐無見過佢啦，老大華真係好叻，教左我好多野，不論做人同工作，我有今時今日，老大華都幫過我唔少同教左我唔少，所以自己走左之後都唔想同佢失去連絡今晚收左工之後，就去食我最鍾意0既海鮮，提早慶祝母親節，費事星期日咁７多人，周圍搵位食飯，雖然有姐夫車，但今次都唔入布袋澳食海鮮，衰在聽日要返工，所以入三聖個邊食算數，比我簡就緊係想入布袋澳食海鮮啦，個度一定正過三聖多多聲都係個句啦，我部車返左黎之後，一定會同Ｄ朋友入去布袋澳食返餐海鮮而家係朝早７點幾，又要出門口返工啦，繼續努力搵錢

尋晚１１點鐘先去到銅鑼灣參加８８３個生日ＰＡＲＴＹ，真係好耐無見過佢啦，佢個樣都無咩點變，大家都吹下波，佢都話呢幾年我個樣無咩點變，嘩哈哈哈不過就比以前肥左少少，咁就緊係啦，而家生活正常左咁多，３餐定時又做運動，唔同以前咁，成日去玩又索茄，而家咁就緊係肥返少少啦，呵呵８８３個ＦＤ仲話我似８８３個細佬，都話皮膚保養係好緊要架啦，嘩哈哈哈今晚仲識到８８３一個玩車0既女仔ＦＤ，渣１８仔，女仔唔洗渣咁大ＣＣ 0既車，１５００ＣＣ １８仔夠哂用，我仲叫佢個ＦＤ遲Ｄ渣部車出黎比我睇下，等我同佢部車做返個檢查，嘩哈哈哈，玩到半夜５點鐘先閃人，之後就分兩架的士返屯門，大部分人都住新界，岩撚哂數＋ＶＥＲＹ　ＧＯＯＤ公主飲到勁醉，行都行唔到直線，都要送左佢返屋企先走得，自己都記得公主住邊呢，仲要幫佢開門，送完公主返屋企之後就返屯門，自己返到屋企都６點鐘啦，沖埋涼就死返上床度長眠直落訓到今日下午４點鐘先安樂醒，飲完酒訓覺真係好舒服跟住就落去樓下買車仔麵黎做今日0既早餐，食飽飽就打比ＭＡＮＤＹ，傾左陣電話之後就死返入房度上網睇新聞，到６點幾就換衫出門口，去搵ＭＡＮＤＹ食飯，食飽飽就直接搭巴士入東涌，勁耐無搭過機場Ｄ龍運巴士囉，照舊係咁很７貴～９點幾死到入東涌踢波，踢到１１點鐘先走人，搭船返屯門碼頭，１１點幾過到去蝴蝶村食宵夜＋吹波，１２點幾散場各自返屋企，返到屋企沖埋涼就死返入房度聽歌＋睇戲，睇完戲先打日記，打完日記就死返上床度長眠聽日更表返７點５０分，又要６點鐘起身，繼續努力搵錢

星期五無咩特別，都係返工放工，收左工就收到阿龍佢地打黎約打麻雀，應成左佢地之後，收左工就搭巴士入屯門工廠區間雀會度ＪＯＩＮ佢地打麻雀，９點鐘開波，玩到半夜３點幾，今日好好彩，頭４圈都輸３００幾，最後個４圈倒贏返６舊水跟住就同肥丞，鴻９搭的士返碼頭，贏得最多就緊係要請搭的士啦返到屋企沖埋涼都４點鐘啦，連日記都費事打，即刻死返上床度長眠訓到今日６點幾起身，訓得兩粒鐘，真係好很眼訓要玩就預左架啦，做人食得咸魚就抵得渴，自己受返哂攪惦哂Ｄ野之後，就死落樓下搭５９Ｍ返工，今日更表返８點１５分，上到巴士就長眠出到荃灣就食個早餐先，食飽飽就死返公司打卡開工，諗住星期六少野做啦，最唔夠訓個日先黎料，仆佢個街，勁多野做，已經唔夠訓架啦，成朝早仲要無停過手，做到個人都火火地到２點鐘食飯個陣先叫有得停下，食飽飽之後就係車度開冷氣訓覺，下午就空閒好多，可以比我好好咁訓返覺到５點鐘就收工，跟公司ＳＨＵＴＴＬＥ車返荃灣，收到李健打黎，話我個新車牌吸左返黎，叫我上去荃灣度拎，岩撚哂數返到荃灣就上去拎返個新車牌先，終於正式吸左個貨櫃車同重型車車牌返黎啦，仲差的士就攪惦哂，考哂所有車牌拎完車牌之後就上金星機鋪度ＲＥＬＡＸ一下，玩到７點幾先閃人，跟住就搭５９Ｍ返屯門，上到車又不經不覺咁訓Ｑ著左返到屋企都８點鐘啦，跟住就即刻死去沖個涼先，沖完涼就死返入房度打日記，打完日記就換衫出門口，同民仔食個晚飯先，食飽飽就出銅鑼灣參加８８３個生日ＰＡＲＴＹ，同佢都好耐無見啦，佢話我一定要去，因為勁耐無見過我＋同我玩，我今晚真係要好好咁同佢玩下，都係天光先返到屋企架啦，聽日放假，今晚就要好好咁玩返晚，嘩哈哈哈

星期三早上６點幾起身，跟住就刷牙洗面換衫，攪惦哂Ｄ野之後，就行落樓下搭５９Ｍ返工，上到巴士就打比ＭＡＮＤＹ叫佢起身返工，跟住就係巴士度繼續長眠出到荃灣就食個早餐先，食飽飽就死返公司打卡開工，今日上午都無咩野做，１１點幾就攪得惦，到１２點幾就去食飯，食飽飽就係車度開冷氣訓覺訓到２點半又繼續開波做野，下午有單野１９件２５０幾ＫＧ 0既貨彈左落黎我條線度，一個人食哂，自己推架手推車上去收，上到去收左之後，部車仔重得濟，爆左個車碌，跟住就用枝槍叫ＨＥＬＰ，但叫左都無用，個個時間條條線都忙，跟本就唔會有人幫到手，之後自己就放車貨係個客度，自己落去推兩架手推車上黎收，求人不如求己，唯有自己一個人推兩部手推車，之後自己返到落車，其他師兄收完野返到黎見到我都唔敢出聲，佢地一出聲我就即屌，我收呢單野都收到西哂面，講真個句，心照知咩事啦，Ｄ人有無心幫都打個電話黎問候下呀，出左ＭＥＳＳＡＧＥ都無聲氣，我西面就緊架啦，我自己一個攪得惦係我自己本事，西面都好應該～我新人比你食都算啦，出黎做野恰新人就好平常，做夠３個月我話知你係人定係鬼，唔撚幫拖我一定屌鬼～今晚係假期前夕，所以做到７點幾先收到工，跟住就坐公司ＳＨＵＴＴＬＥ車返荃灣，車左個師兄上火車站先，咁岩係火車站上面其中一架７人車見到方力申坐左係入面，同佢對望左一眼，佢知我望緊佢，佢就好快咁避開我個眼神，慌死我爆佢係車入面咁，我唔係女，亦都唔係佢Ｄ　ＦＡＮＳ，所以佢係唔係車上面都唔關我事，返到落荃灣就轉搭５９Ｍ返屯門，知道自己今晚夜返屋企，所以一早打定比伍太，叫佢拎Ｄ飯返去屋企比我食，９點鐘返到屋企樓下，咁岩見到伍太同阿Ｂ返屋企，返到屋企就食飯先，餓鬼死我，食飽飽之後，貞貞都上到黎我屋企，等開波打牌，佢之前話想見下我個姨甥女，今晚又可以順便上黎睇下阿Ｂ，貞貞就係我間房度玩電腦，自己就死去沖涼先，沖完涼之後，生哥同鴻９都上到黎，跟住就即刻開波打牌，今晚玩左１２圈牌，今晚真係黑到爆，頭４圈已經輸緊５舊水，進入第８圈已經輸到７舊水，好彩最後４圈比我追返５舊水，最後輸兩舊水算數，追到算好彩，輸少當贏啦，之前贏落咁多，係時候要嘔返Ｄ出黎架啦，有來有往，再贏就無ＦＤ同我打牌架啦，今年都係第一次係自己主場度輸錢玩到半夜４點鐘散場，送埋貞貞落樓下搭的士之後，就死返屋企訓覺，直落訓到今日下午３點鐘先起身，跟住就打個電話比ＭＡＮＤＹ，之前應成左陪佢去同佢隻狗仔剪毛，換好衫就搭輕鐵落元朗，落到去都４點幾啦，放低左狗仔係寵物店之後，就同佢去行街＋食野，落左勝利牛丸度食粉，食飽飽之後，我就同ＭＡＮＤＹ講：今個月我好窮，呢餐你請啦～跟住佢無話乜，真係即刻比錢請我食野～呢個女仔真係ＯＫ，佢對其他人係點我唔理，佢對我好咪得囉，唔怕蝕底比我，好多女叫佢請我食飯都好似食鳩佢咁，哂撚氣～我同自己講：將來要對呢個女仔好Ｄ～有好多女仔出親街都會老撚馮要個男仔比錢，好老實講句，其他男仔係咪唔識計數我就唔知，我就好少會計錯數，都係個句啦，Ｄ女識計數0既同時，我相信我唔會計得比Ｄ女差～好女仔係我心目中我一定會尊重同對佢地好，持靚行兇個Ｄ女我就最鍾意玩，無辦法啦，我個人比較貪玩～食飽飽就同ＭＡＮＤＹ行下街街，雖然佢唔鍾意落機鋪，但佢都陪我落機鋪玩左陣～玩完就去接返狗仔，送ＭＡＮＤＹ返左屋企之後，自己就搭輕鐵落大興村搭下阿（女麻），上到去見到３叔同４叔係埋度，咁岩佢地煮落飯，問我食唔食？阿（女麻）煮（食送）就一路都麻麻地架啦，自己都話約左人食飯要走先，飲碗湯算數～探完阿（女麻）就搭輕鐵返屋企，返到屋企個陣，伍太都買左肯德基返黎比我做晚餐，正食飽飽就同姨甥女玩左一陣，玩到１０點鐘就換衫落去海皮度聽歌＋跑步，照舊沿住海皮來回慧豐同美樂各３次，１１點鐘跑完返屋企沖涼，沖完涼就死返入房度上網睇新聞＋聽歌，見到西貢個單巴士車禍真係好慘，雖然差佬未話係咪超速，但我好肯定個條友一定係開得快，部車慢的話就無可能會反車～我覺得載住人就好心唔好開得咁快，幾十條人命係手都可以唔理，有無攪撚錯？西貢個條路咁斜，個個位細車開得快都難轉彎，何況係大巴？有牌１０年同渣左８年巴士都可以犯Ｄ咁樣0既錯？呢條友點樣都係難辭其疚～伍生同伍太係我１８歲考到車牌個一刻開始同我講：你點玩車都好，載住人個陣就一定唔可以開得快～所以到今時今日我都係咁話：自己鍾意飛車係自己0既事，載住人就一定唔會飛車，自己一個個陣，我開幾快都無所謂，鍾意開得快係自己0既事，飛車玩車自己死好啦，無謂累到其他人去陪死～睇完新聞就打日記，打完日記就死返上床度長眠開心0既時間已經過去，又要收拾返心情專心工作，聽日更表返７點５０分，繼續努力搵錢

今日７點鐘起身，跟住就刷牙洗面換衫，攪惦哂Ｄ野之後，就行落樓下搭５９Ｍ返工，出到荃灣就食個早餐先，食飽飽就死返公司打卡開工，星期二0既關係，今日上午超悠閒，１１點幾就做哂Ｄ野，點知坐坐下就收到ＭＥＳＳＡＧＥ話要返公司開會，仆佢個街，又無得訓晏覺到１２點幾就係車度等齊Ｄ外賣送黎，之後就上哂班兄弟Ｄ外賣上車，直接返公司，返到去都１點鐘啦，跟住就成班分外賣飯盒黎食，一路食就一路開會，開到２點鐘閃人，跟住就各自渣車返落自己條線度，今日拍阿葉做野，暫時我新人黎講都未渣得車住，所以每日都係跟車多，試過咁多個師兄手車，我個邊條線黎講，手車最辣個個都非阿葉莫屬，基本上呢度好多師兄都做到有自己車，做得呢行，個個片車都有返一手，阿葉都唔例外，到我買返車返黎個陣，真係好想同阿葉玩下～點知出到去公司路口個陣，有３部車係我地前面，第一部係街車，第２同第３部車都係我地公司車，我地部車就排第４，阿葉就剩係望住右手邊，前面部車就遮住哂右手面，阿葉又推到前面部公司車勁貼，咁岩我係左手邊就好清楚咁睇哂前面0既路面情況～見到排第一位個架街車就本身直去，忽然間急停轉入去左手面個入口，呢個時候我已經大聲叫阿葉要踩ＢＲＥＡＫ－力煞車，阿葉聽到之後就即刻踩停部車，同前面排第３位個架公司車差一個手掌位就撞，阿葉定一定神先知我點解要叫佢煞車，基本上呢間公司一撞車就好麻撚煩，呢間公司第一死罪係唔見貨，第２死罪就係撞車，上面Ｄ大佬睇呢兩樣野係睇得好緊～好彩我地煞得切部車，排第２位個部公司車都煞得切，無撞落排第一位個部街車度，但排第３位個架公司車就隊左埋去排第２位個架公司車度，之後個兩個渣車0既師兄就落車睇睇，好彩兩部車都係好輕微咁撞一撞，花都無花～去到燈口位個陣，我就較低個窗同撞到前面車個個師兄吹下水，問下佢有無事？個師兄就話：無事，我都係好輕微咁ＨＩＧＨ到前面個師兄部車者，好似輕輕力咁推左佢部車一野咁，而家無事就扮無發生過，費事報比公司聽，好彩頭先煞得切，撞到就麻撚煩～跟住阿葉就話：乜師兄你咁咸濕架，咁鍾意隊人屎忽0既？一聽阿葉咁講就笑死我同撞車個個師兄落返自己線個陣都３點鐘啦，跟住就開波做野，好彩今日下午都無咩野做，做到５點鐘已經好空閒，雖然我都仲有幾單野要做，但我理西佢啦，去茶餐廳度坐低整個ＨＩＧＨ　ＴＥＡ先講啦～整件餐蛋治＋多杯凍檸茶食飽飽坐到５點幾先去攪埋Ｄ手尾，做到６點鐘就攪惦哂今日所有工作，跟住就坐係車度同Ｄ師兄吹下波，吹到７點鐘就收工，坐公司ＳＨＵＴＴＬＥ車返荃灣，轉搭５９Ｍ返屯門，８點幾返到屋企食飯，食飽飽就坐一陣＋同阿Ｂ玩下，９點幾等Ｄ飯落左格之後，就換衫落去海皮度聽歌＋跑步，今晚照舊沿住海皮黎跑，來回美樂同慧豐各３次，１０點幾就跑完返屋企，跟住就即刻死去沖涼，沖完涼就打比ＭＡＮＤＹ同佢傾電話，傾到１２點幾先收線，跟住就聽歌＋打日記，打完日記就死返上床度長眠聽日更表返８點１５分，要６點幾起身，繼續努力搵錢

今日６點鐘就起身，跟住就刷牙洗面換衫，攪惦哂Ｄ野之後，就行落樓下搭５９Ｍ返工，出到荃灣就食個早餐先，逢星期一係大排檔都撞到柒堅，同佢一路食早餐就一路吹波，食飽飽就死返公司打卡開工，星期一0既關係，超級多野做，但１１點鐘已經攪惦哂Ｄ野，今日要返公司開例會，所以都係買飯返去食，食到２點鐘就開會，２點半先講完囉，成班拿拿臨渣車落返自己條線度做野，今日返到自己線都３點鐘啦，下午仲要鬼死咁多野做，忙到無停手，直落做到７點鐘先叫有得停下，之後就坐公司ＳＨＵＴＴＬＥ車返荃灣，今日伍太無煮晚飯，所以約我返市中心食飯，收左工之後就打比ＭＡＮＤＹ，同佢傾左陣電話先係車度訓覺搭６０Ｍ返市中心，８點幾返到去搵伍太食飯，食飽飽返到屋企都９點幾啦，今日真係做到好攰，唔想跑步住，即刻跳左上床度訓陣，訓到１１點幾就比伍太剷我起身沖涼，起左身之後仲攰，一訓就發哂Ｄ疲累出黎～沖埋涼都１２點鐘啦，之後就死返入房度打日記，打完日記就再跳返上床度長眠聽日更表返８點半，又要７點鐘起身，繼續努力搵錢