７月２號朝早４點幾起身，之前成個禮拜都未返過早，真係好唔慣，岩岩第一日轉返早更，訓得唔好，要勁耐先訓得著，結果訓得２粒幾鐘，好辛苦先爬到起身，攪惦哂Ｄ野之後，就死落樓下搭Ｄ鬼巴士返工，半粒鐘返到機場，今日開始一連４日都返朝早６點半，收下午４點半，４日都係做貨機６點鐘返到更衣室打卡＋換制服，換好衫就沖定枝烏龍茶黎慢慢嘆，好彩今日都唔算多貨機，亦都無叫我ＯＴ，不過月頭都無咩所謂，月頭個人都比較懶，我0既習慣都係後上＋留前鬥後，等Ｄ人月頭係咁狂做狂踩先，到佢地攰個陣就係我出力0既時候，一開頭我就慢慢渣下流灘，好好咁休息下先，月尾先再發力，一發力我就唔會停，直至達到我心目中0既目標為止今日應成左女女收左工要早Ｄ返屋企，本身自己諗住落會所度做ＧＹＭ，但最後都無去到，即刻返屋企沖定涼等女女返黎，女女今日話要幫我全身通下淋巴，佢話自己勁耐都無同我通過淋巴，好彩自己平時都有運動開，所以Ｄ淋巴都唔係咁塞，女女仲同我做埋媽沙池，女女Ｄ手勢同力度真係好正，比女女按按下就想訓覺，實在係太舒服啦，女女真係好抵鍚下個月應成左女女送副太陽眼鏡比佢，佢話坐我車個陣都可以同我一樣載太陽眼鏡自己下個月都要買過對新0既ＢＩＲＫＥＮＳＴＯＣＫ，而家呢對都著左差不多３年啦，個底都比我著到爛哂，女女都話我而家唔洗買鞋架啦，佢話我去邊都係著拖鞋，因為我個人係比較懶，一黎拖鞋舒服，二黎一著一穿就行得女女又話要買返對ＢＩＲＫＥＮＳＴＯＣＫ黎同我襯返一對總之就大出血啦本身２號夜晚約好左民仔落去食宵夜＋吹下水，做左而家呢份工之後，真係好耐都無見過呢個老友啦，但自己又衰，通完淋巴之後就訓著左，仲要係勁好訓，由夜晚８點幾直落訓到今日３號朝早４點幾起身，訓左足足８粒鐘，而家做呢份工可以話成日都唔夠訓，有６粒鐘訓對我黎講已經係一件好幸福0既事，所以一有時間我寧願訓覺都好過出街逛３號起左身就執定Ｄ野準備收工同班同事係東涌打波，攪惦哂Ｄ野之後，就死落樓下搭鬼巴士返工，半粒鐘返到更衣室打卡＋換制服，之後就沖定枝烏龍茶黎慢慢嘆，今日係第２日做貨機，好彩今日都唔多貨機做悠悠閒閒咁就磨左一日，４點半準時收工閃人，之後就過去東涌ＪＯＩＮ埋班師兄打波，由５點打到夜晚７點，玩３ＯＮ３又４ＯＮ４咁，停都無停過，打到我件衫都渣得出水，孖煙通都濕Ｑ哂，７點幾就係更衣室度沖埋涼，沖完涼就搭７點半尾班船返屯門碼頭，８點鐘返到屋企食飯，食飽飽就換好波衫同波襪，同女女一齊搭小巴過去５人場度搵文西佢地踢波，真係好耐都無同呢班朋友聚下，幾場波都無去到同佢地踢，佢地約親都咁岩係我返夜，而家兩個星期返早，又可以同佢地去踢下波啦～而家Ｄ時間真係好唔夠洗＋要輪班工作，所以成日都出席唔到朋友Ｄ活動，自己都好無奈都係個句啦～隨緣，Ｄ時間就到的話，自己都會盡量出席，有邊個唔鍾意玩架？踢到１０點幾個陣，５人場都熄哂燈，一日之內踢波又打波，仲辛苦過做ＧＹＭ，運動量仲更加大成個人真係散哂，對腳軟鬼哂，成身都無哂力，今晚一定會好好訓１１點鐘返到屋企沖涼，沖完涼終於都有Ｄ時間打下日記啦，打完日記又要即刻死返上床度長眠聽日第３日返貨機更，要繼續努力搵錢去完成我Ｄ目標

２８號本身返上午１１點鐘，不過連踩左４日朝早１１點，收半夜１點之後，終於都頂唔住，訓到１１點鐘就收到郵局個掃把打黎，佢問我係邊度，我只係答佢仲係屋企，本身應成左人今日提早返去ＯＴ，而家焗住要ＣＵＴ左個ＯＴ佢，攪到我勁唔好意思，不過自己連續ＯＴ左４日，日日都返１４粒鐘，差唔多到極限，今日都係迫於無奈，唯有返返正更：返下午２點１５分，收夜晚１１點４５分啦，收左線之後就訓多陣，起碼訓兩粒鐘，差好很遠，精神好好多，起左身之後，個面口都唔同Ｄ啦２點鐘返到更衣室打卡＋換制服，之後就沖返枝烏龍茶黎慢慢嘆，之後就正式開波做野，今日做郵局，正式係（夜郵人），星期日0既關係，所以一定唔多野做，食飯食左２粒鐘，茶鐘都有兩個，耐唔耐做郵局真係唔錯，可以比我悠閒一下，做到９點半又要返返去部門度幫手，星期日例牌返我呢個更0既人都要比部門抽水，調返過去幫手，仲諗住可以悠閒足全日，點知又係石堅（衰收尾）好快就磨到１１點４５分收工，收工個陣，先知道炎君，兆聰佢地成班都係收夜晚１點，所以約收左工一齊去食宵夜，我同阿包都係收１１點４５分，所以搭車閃人先，約好炎君佢地入屯門食宵夜，我同阿包就各自返屋企先，係屋企沖埋個涼就渣車去接埋阿包一齊過去何福堂度ＪＯＩＮ埋炎君佢地，泊低部車之後，炎君佢地都搭的士黎到，今晚真係多屯門腳收１點，之後就去我平時同女女幫襯開個間大排檔度食宵夜，一路食就一路係度吹水，我諗自己好耐都無試過渣車出黎同成班朋友食下宵夜，之後再送哂佢地返屋企，呢個動作我諗起碼有成２年都無做過～以前就經常有咁做，一黎之前屋企環境唔好，賣鬼左部車，同埋呢兩年屋企發生左好多事，自己閉關＋自閉去解決屋企好多問題，係而家環境好返Ｄ，加上又有返部車，先可以繼續做呢個動作，講開又講，自己真係比以前靜左好多，可以話係不問世事好耐，可能係人眼中，我而家係一個唔會理人＋自私0既人，但我可以話，有好多野都唔到我去控制＋有能力去理會到，有時人地咁睇我我都無辦法，我唔需要去解釋咁多，真係了解我0既朋友就會好清楚我係一個咩人，同埋我自己覺得耐無見就唔代表大家唔係朋友，朋友係係個心入面，唔係下下要講係口邊，又或者夾硬做Ｄ野出黎去証明大家係好朋友，同埋我從來唔會迫人去同我做朋友，我自己都唔鍾意比人迫我做Ｄ我唔鍾意0既野，做任何野都係雙向0既，我比較喜歡順其自然同埋好老實，呢幾年我真係變得不問世事左，應該係話我自己Ｄ時間都唔夠洗，連自己Ｄ野都未攪得惦，仲邊有時間去理會到其他野？一日如果有４８小時的話，我諗我會鬆洞好多我覺得有Ｄ野試過同玩過就算數，我而家都係鍾意簡簡單單0既生活多Ｄ同炎君佢地食埋宵夜都差唔多半夜３點幾啦，之後就逐一車佢地返屋企，車哂佢地４個返屋企之後，自己返到屋企都４點幾啦，之後就死返上床度長眠好彩２９號返ＤＨＬ更，返下午６點，收半夜４點，夠哂時間比我好好咁訓下，１２點幾起左身之後，就叫外賣返屋企同女女食飯，食飽飽之後，休息到２點鐘就換衫落去會所度做ＧＹＭ＋跑步，照舊玩４０分鐘跑步機，跟住就舉鐵＋做ＳＩＴ－ＵＰ，玩到３點幾就死返屋企度沖涼，沖完涼之後，女女就話同我一齊出門口，因為佢要去天水圍新公司度簽約，我見有Ｄ時間就決定車埋女女先返工，女女就驚我唔夠時間搭車返工，話我再車埋佢去天水圍的話就一定會遲到，我就同女女講唔洗擔心，做唔做到我心裡有數，我從來唔會沖大頭鬼，做唔到我就唔會出聲～今次我真係要認真返少少，唔可以再好似平時咁渣流灘，因為我覺得做野無乜必要成日都出盡全力＋要比機會人地睇到自己有幾多料～４點１０分開車，４點２０分落到天水圍放低女女，４點３５分返到停車場泊低部車，４點４０分上到車訓覺，５點半返到更衣室打卡＋換制服，之後就沖定枝烏龍茶黎飲，返呢個ＤＨＬ更就係即刻食飯，食到７點幾就自動波返郵局做野，今日係先郵局，１２點幾後先再做ＤＨＬ　Ｄ飛機，好快就磨到半夜４點鐘收工，返到屋企沖埋涼都５點幾啦，即刻死返上床度長眠訓到３０號下午１２點幾，同女女先安樂醒，換好衫就同女女執定衫準備一陣去游水，游水前就渣車出旺角買定戲飛準備７月１號放假出旺角睇戲，諗住放假出深水埗度睇Ｄ野，係旺角買定戲飛就岩哂數啦買完飛就渣車返屯門泳池度游下水，女女志在浸下水＋順便陪我游水，同女女傾一陣就來回一下個泳池，今日有女女係度都唔游咁多，盡可能都陪女女浸下水，女女到而家都未學得識游水，所以都係睇住我游成人池同女女游到４點幾就渣車閃人，係屋企沖埋涼就同女女過啟豐商場度食Ｄ野，本身諗住食完野剪埋頭髮先返工，可惜幫我剪開頭髮個師傅今日放假，唯有要聽日先再黎過，同女女食完飯就再行多陣街街，到６點半就正式搭車閃人，今日返短更ＤＨＬ，返夜晚８點鐘，收半夜４點鐘，一返到去就即刻食飯，食埋飯都９點幾啦，呢個更真係好好返，正正式式做６粒幾鐘野就收工今晚阿丁要調我入去做出口，返得ＤＨＬ更，阿丁一定會有一晚搵我入去幫下手，好快就磨到半夜４點鐘收工，落到荃灣就搭泥鯭的士返屯門，４點５０分返到屋企沖涼，５點幾先正正式式死上床度長眠訓到今日下午１點鐘先同女女安樂醒，裝完身之後，我就出門口去剪頭髮先，女女２點鐘先正正式式出門口，同女女過去啟豐度搵勇成媽媽幫下手，好耐都無試過勇成媽媽Ｄ手勢啦，一樣係咁好味勇成爸爸就話我大隻左好多，我就同佢講話而家好食好住，不問世事＋無乜壓力，所以肥左先真比我簡就寧願做個不問世事，做個蠢人算數，雖然我唔係一個聰明人，叻過我0既人有大把，但我都唔想咁聰明，有時個人睇野睇得太通，知得太多野並唔係一件好事，睇得太通同知道太多野，做人亦都唔會開心，所以我寧願做個蠢人，乜都唔撚７知，有Ｄ野知都扮唔知，唔去理就最好，理少樣就煩少樣野，簡簡單單咁生活算數，同埋叻0既人就要越做得多野，蠢0既人就係比Ｄ叻0既人照顧埋，我老西都蠢啦食飽飽就同女女搭車出去行街，首先就要女女陪我落一落深水埗（孖八）度睇下Ｄ偈油同波箱油，我要隔下價，睇下自己買定料去比人幫我部車換偈油會唔會平Ｄ，起碼買料個度唔會比人食一水錢先睇完車個Ｄ野之後，就同女女行下高登同黃金，女女話想買ＭＯＮ，點知最後我就買左個ＫＥＹＢＯＡＲＤ＋ＭＯＵＳＥ返屋企，因為屋企個個都用左７年啦，近期換左新電腦就換埋個ＫＥＹＢＯＡＲＤ＋ＭＯＵＳＥ佢，同女女行完深水埗之後，就搭港鐵落旺角準備睇戲，尋日已經買定左今日６點０５分個場（矮仔多情），戲就預左佢無深度架啦，不過係預左同女女笑下者，我期待緊（風雲２），（竊聽風雲）同（殺人犯），暑假大把戲要睇呢，嘩哈哈哈睇完戲都８點鐘啦，同女女行多陣旺角，行到９點幾就去炳記牛牛度食焗飯，食到１０點鐘就同女女搭車返屋企，返到屋企沖埋涼都１１點幾啦，之後就打下日記，聽日開始就轉返返早，一返就返２個星期，又可以返屋企食下住家飯啦，聽日又係女女返新工0既第一日，我都希望女女工作順利，最緊要做得開心返朝早６點半，繼續努力搵錢

返埋今日６月３０號晚ＤＨＬ更之後，終於都放假啦，連續踩８日無假放個種感覺真係好爽呢幾日都係忙到爆，係頭先同女女去完游水，之後返屋企沖個涼先叫有Ｄ時間留係屋企度打下日記，平時一返到屋企就即刻長眠今晚返８點鐘，所以起左身都有Ｄ時間比我用下，一陣食Ｄ野，剪埋頭髮就返工，聽日放假再同女女去行街街＋睇戲，好耐都無同女女去過街街啦，都係個句啦：一有時間的話，我都會盡可能陪另外一半多Ｄ，平時返工見同事仲多過見屋企人，何況仲話陪女女呢？自己Ｄ時間已經唔夠用啦，但搵錢就無辦法，有得必有失，做得呢度就預左架啦，唯有自己再去就一就Ｄ時間～今日繼續努力搵錢

ＰＳ：今日我又再同女女傾下計＋講下我Ｄ睇法：當你有錢個陣就特別多朋友架，但當你無錢個陣，有Ｄ撚樣眼尾都唔會望你一眼，呢Ｄ人我見唔少架啦～所以我成日都同女女講：做人唔好咁天真，唔好咁易去相信人，有好多人你睇表面係睇唔出，要真正相處過先可以睇到佢0既真面目，我相信幾好戲0既人都無可能會扮野扮到一世，紙永遠都包唔住火，正所謂（路遙知馬力，日久見人心），我衰Ｄ咁講句：講到錢呢樣野的話，好朋友都有機會會出賣自己～

２６號朝早又係９點鐘起身，刷牙洗面之後，就食伍太煮0既公仔麵黎做早餐，食飽飽就即刻出門口返工，上到車就繼續長眠１０點半返到更衣室打卡＋換制服，換好衫就沖定枝烏龍茶黎飲，跟住就執Ｄ重裝備出黎放定係部車度，都估佢今日會落雨架啦，點知做做下野就真係忽然落大雨，走都走唔切，個陣時又渣緊車，係大直路度停唔到，落雨一停的話，後面Ｄ車就會ＤＵＰ唔切～所以攪到我要焗住淋雨，最後係淋到我孖煙通都濕Ｑ埋，真係興過火屎，你話我無防備的話，我心甘命抵比佢淋濕我，但我有帶住Ｄ裝備下都唔可以比我著，真係火火地，所以有時Ｄ野真係岩岩遇著剛剛，避都避唔到，愛情係咁，做人做事又係咁上更衣室換返套新制服之後就繼續開波，今日Ｄ天氣好反常，落一陣雨又出一陣太陽，來來回回都有幾次，出太陽個陣，我出一轉車都已經吹返乾我條孖煙通今日部車比我走左幾轉之後，就比我踩爆左副偈，忽然間停左係度，又好似上次咁，個車頭跟住就出哂煙，撻唔返著部車，仲有好大陣燶味～Ｄ師兄話我成日渣爆哂公司Ｄ車，今次已經係第２獲踩爆部車副引擎，阿龍又再串我係滕原拓海～今日食飯都有兩粒鐘，食完飯之後就繼續做野，等到個地乾左＋無人睇到＋部車岩岩換左４條新車胎個陣時，我又再開始玩下甩尾，好耐都無玩過啦，驚自己Ｄ技術會有生疏，無拖貨0既情況下就甩住咁轉落隧道，好耐都無爽過啦，真係好有快感玩下玩下好快就到１２點幾，換定衫等收工，今日又ＯＴ左４粒半鐘，已經係連續第３日返上午１１點，收半夜１點鐘，收左工就即刻搭車閃人，上到車就繼續長眠返到屋企沖埋涼都２點幾啦，女女係都要等埋我先訓佢話一個人訓好驚，要我陪住訓先有安全感，我其實係一個人肉毛公仔黎架者訓到今日２７號上午９點鐘起身，今日又係返上午１１點鐘，收半夜１點，又再ＯＴ４粒半鐘，已經進入第４日ＯＴ，呢幾日都無咩時間去做下ＧＹＭ＋游水，捱埋個２８號就轉返ＤＨＬ更，到時終於有Ｄ時間比我去做下ＧＹＭ起左身之後，就食女女買比我0既江蘇餅黎做早餐，食飽飽就出門口搭車返工，上到車就繼續長眠女女今日都去左新公司度身做制服，準備７月２號返新工，其實咪又係返返舊公司度做，女女而家終於明白呢個世界係幾咁殘酷，之前無啦啦去轉工，最後咪又係返返舊公司度做，話哂舊公司個老細咁睇佢，之前比佢渣哂ＦＩＴ，出黎做野靠關係同識得人係好緊要，總之呢個世界有財有勢的話，是都可以變非，講野同做0既野就係最有公信力～我成日都同女女講：出黎做野可以放熱誠落工作度，但唔可以放感情落去份工度，出黎做野係求財架者，我相信無乜邊個老細會真係同Ｄ伙計講感情，好多老細心態：出糧比你班粉腸你就同我做野啦，出得起錢請人，你唔做就大把人爭住做～女女經歷過之前份工0既慘痛經歷之後，而家都好認同我0既講法同做法，我仲好記得佢初初同我一齊個陣，好多時都唔認同我所講同所做0既野，哈哈～有時Ｄ野係要自己親身經歷過同感受過先會明白返到更衣室都１０點幾啦，之後就換衫＋打卡，再沖返枝烏龍茶黎飲，１１點正式開波，頭２粒半鐘係郵局度幫手，做到２點幾先返返去部門度幫手，今日全日都打雨戰，成日都著住Ｄ雨褸同雨褲，熱到仆街４點幾個陣，炎君仲叫我一齊食飯，上左去飲茶叫小菜，同班掃把一齊食飯，其中一個話頭先搵返尋晚唔見左個個銀包，所以今餐請我地食飯，咁好彩又無啦啦有免費餐食食到６點幾又再開波做野，今日都係幫炎君手，做到１２點幾就換衫準備打卡收工，今晚炎君仲ＢＯＯＫ左的士返元朗，因為佢地都同我一樣，第２日要返上午１１點鐘，但佢地成班都住天水圍＋元朗，唔夠腳就搵埋我呢個屯門腳搭，炎君叫我夾少少錢就得，因為都係經過屯門市中心放低我，我覺得都無問題，已經幫左我好多，起碼半粒鐘就返到屯門，１點半去到市中心之後，就轉搭小巴返屋企，返到屋企沖埋涼都半夜３點鐘啦，今晚唔係好眼訓，所以打埋個日記先死去訓，打完日記都４點幾啦，跟住就死返上床度長眠聽日又係返上午１１點鐘，進入第５日ＯＴ，聽日又再ＯＴ　３粒幾鐘，全日都係郵局度做野，繼續努力搵錢

ＰＳ： 前幾日知道籃球隊會長有癌症，人生真係好化學，兩腳一伸就乜都無，所以生活簡簡單單已經好夠，亦都係最難做到0既境界，追呢樣追個樣，爭呢樣又爭個樣，最後都係帶唔到落棺材～呢幾年我更加明白到呢個道理，所以而家做人都無咩所謂，最緊要係每日同身邊人開開心心咁生活，舒舒服服咁過日子就已經好足夠，做人其實可以好簡單～爭到又點？追到又點？好似而家我玩車咁，唔鍾意同人去比較，自己玩，影響唔到人就ＯＫ，因為我覺得，贏左，快過你又點？贏左又唔會有錢收0既～雖然話Ｄ錢係帶唔到落棺材，我明白呢個道理，但我而家呢個年紀都未需要去睇到咁化，我仍然都會繼續努力搵錢去完成我定下0既所有目標～去到個個年紀就要做返個個年紀0既野，我覺得適當0既時候要做返適當0既野，做人最緊要係清楚自己0既位置，同清楚自己做緊Ｄ乜野，行緊邊一條路～

ＰＳ：今日同炎君傾好左，黎緊７月陪我去幫我部車換偈油＋波箱油，油隔，風隔，部車而家渣到無乜快感，一Ｄ都唔爽，係時候要將我部車上架攪一攪佢架啦

２５號又係９點幾起身，一起身就刷牙洗面，伍太就煮左個公仔麵黎比我做早餐，食飽飽就搭車返工，上到車就繼續長眠１０點幾返到更衣室打卡＋換制服，攪惦哂Ｄ野之後，就繼續沖返枝烏龍茶黎飲，到１１點就正式開波做野，今日真係做到無停手，一黎我地部門人手又唔夠＋唔請人住，２黎今日係超級多機做，星期四都係西西地架啦今日同子健吹開水，連佢都話全部門最快0既車手一定係毛毛，同我諗法係一樣，佢手車快係上黎真係拖住貨都追佢唔到，毛毛仲教左我好多車0既野，我同毛毛黎比就真係差幾班波，佢手車真係堅到暈，快到爆～一黎大家年紀同經驗都相差好遠，人地飛車個陣我都唔知係邊度，我諗毛毛同伍生都差唔多係同期玩電單車個Ｄ人，今日多野做到無停手，好彩食飯都有兩粒鐘，４點鐘食飯，食到６點鐘先正式再開波，今晚我返１４粒鐘，夜晚竟然無茶鐘，所以就自己自製個茶鐘，我老西都食左野先，我都費事理鳩佢咁多，唔通我餓住個肚唔食野，再努力咁幫你做野呀？咪撚係度柒啦，你唔識做咁我咪自己做囉，緊係要對自己好Ｄ啦～好快就做到１２點幾收工，臨收工就同個師兄打飛機（飛行棋），食散餐贏左＄２０走，咁好彩賺左今日回程0既車費，嘩哈哈哈１點幾返到屋企，女女都仲未訓，等埋我返黎，沖完涼之後，女女就幫我做下ＦＡＣＥ－ＳＯ，到３點鐘先一齊訓，訓到今日９點幾又再起身，今日又係返下午２點，不過ＯＴ　３粒鐘，所以提早１１點鐘返去開工，今日有機會要打雨戰啦，又要著哂重裝備黎開工啦今日繼續努力搵錢

２３號返朝早６點鐘，去完海洋公園個晚都要成半夜２點幾先訓得著，一黎轉更，２黎玩得開心得濟，要女女半夜幫我按摩下個頭先訓得著，本身我都叫女女唔好幫我按，由得我訓唔著，因為女女第２朝都要返工，佢都要訓覺架，但佢死都唔肯訓，一定要幫我按下個頭，女女真係好抵鍚女女幫我按左大約５分鐘之後，我就訓著左啦訓到半夜４點鐘就彈起身刷牙洗面，好似無訓過咁囉，之後就死去搭車返工，上到車就繼續長眠今日班車遲左，攪到要成５點５０分先返到更衣室打卡＋換制服，換好衫就沖定枝烏龍茶黎慢慢嘆，６點鐘正式開波做野，今日Ｄ天氣都好很麻煩，落一陣雨又停下，之後就出返太陽，起碼有３獲以上，落完雨之後Ｄ熱氣又蒸返哂上黎，我估計今日停機坪起碼有３６度以上，放隻雞蛋係地下都蒸得熟個隻，而家唔止女女話我黑左好多，連Ｄ同事都話我：初初入黎做個陣，你成隻白白豬咁，而家就黑到成個印度人咁～其實係呢度做野就個個都係印度人黎架啦～都係個句啦：我而家同馬龍Ｄ皮膚係有得揮今日本身自己就係貨機組，但全日都係做客機囉，好彩飯鐘都有粒半鐘好快就磨到下午２點半換衫，等到３點就打卡，不過今日就無得閃人住，要等埋Ｄ師兄收工先，之後再一齊搭車去打籃球，４點半先落到球場開波，今日連打幾場都無停過，加上Ｄ咁0既天氣，打到我條孖煙通都可以渣得出水打到６點鐘就開始落雨，之後就係更衣室度沖個涼，等個人無咁熱先，沖完涼就搭６點半班船閃人，７點鐘返到屋企再沖涼，沖完涼之後，女女都岩岩好返到黎，之後就開始食飯，好耐無坐係屋企度食住家飯啦，食飽飯之後，就同姨甥女慶祝埋生日，係度切蛋糕＋唱生日歌，仲同姨甥女影左好多相，佢仲好鍾意我送比佢個個熊貓公仔切完蛋糕之後就死返入房度玩ＰＳＰ，點知玩玩下就不經不覺咁訓Ｑ著左，我好記得臨訓前係９點半，一訓就訓到第２朝９點鐘，今日真係好幸福，好耐都無試過訓多過６個鐘以上訓醒之後就刷牙洗面換衫，今日返上午１１點，上到車就繼續長眠１０點半返到更衣室打卡＋換制服，換好衫就去買個車仔麵黎做早餐，之後就沖返枝烏龍茶黎飲，１１點鐘正式開波，今日都做到無乜停手，好彩飯鐘都有２粒鐘，本身今日返下午２點，ＯＴ　３粒鐘，提早３粒鐘返工，飯鐘就緊係要長啦，食到６點鐘又再開波做野，ＤＯ仲叫我聽日繼續返１１點，本身返２點１５分就提早３粒幾鐘返工，又醒多３粒幾鐘ＯＴ過我洗，跟住又有個同事同我後日調左更，又係１１點鐘返工，原來返下午２點鐘，提早３粒鐘返工，者係又多３粒鐘ＯＴ，臨收工個陣，坐（木台）個個又叫我今日ＯＴ到半夜１點，本身今晚收１１點半就ＯＴ多粒半鐘，剩係呢３日黎計，又多左１０．５粒鐘ＯＴ，今個月Ｄ　ＯＴ真係我入黎做咁耐以黎，破紀錄0既一次，有成４０幾粒鐘ＯＴ，呢度最多都係８０粒鐘ＯＴ，好多師兄都做到架啦，係我懶Ｄ咁解者，我係好睇精神同個身體狀況先決定個日ＯＴ唔ＯＴ，唔鍾意死衝難衝，因為我覺得錢係搵唔哂0既，同埋身體好就長搵長有，身體唔好比你搵幾多錢都無用，衰Ｄ講句：咁快谷壞個身體，我驚有錢無命洗咋～休息對我黎講都一樣係咁緊要今晚好快就磨到１點鐘收工，之後就搭車閃人，２點幾返到屋企沖涼，沖完涼就見未眼訓，所以就打下日記，打完日記都４點鐘啦，９點幾又要起身準備返工，今日又係返上午１１點，收半夜１２點幾，繼續努力搵錢

今日訓到１０點幾先安樂醒，女女開心到早Ｄ起身裝身，之後先叫我起身，攪惦哂Ｄ野之後，就同女女落去海翠大快活度食個早餐，食飽飽就過百佳度用積分去換海洋公園Ｄ入場卷，原價＄２０８一張，而家＄１３８就有交易拎左Ｄ平飛之後，就行返停車場度拎車閃人，１２點半開車，星期一0既關係，７分鐘就過左紅隧，之後就直剷上香港仔隧道，１點半去到海洋公園個停車場度泊低部車，女女一去到門口就開心到暈，今次係第一次同女女兩個拍拖咁去海洋公園，見到女女開心，自己都好開心，女女成個細路女咁，呢度跑個度跑咁影相，我之前應成左會同女女今日影好多好多相，最後都影左成２００幾張相同埋應成左女女去睇下小熊貓＋海洋生物，平時自己已經少陪女女，所以今日我Ｄ時間係屬於女女0既，佢想去邊度我都會同佢去，因為女女驚玩機動遊戲，所以我今次去都無玩過，最緊要係女女開心就夠啦但原來咁樣同女女行下都係一種樂趣總之今日同女女行哂成個海洋公園咁濟，５粒鐘已經夠我地玩哂，係海洋公園入面，我仲送左個袋比女女＋買左個熊貓公仔比姨甥女，準備２３號用黎送比姨甥女做生日禮物，姨甥女每次見到熊貓都會好開心，咁岩屋企又無熊貓公仔，我諗姨甥女一定會好鍾意呢份３歲0既生日禮物同女女玩到６點幾先閃人，走個陣時，紅隧都開始多車，所以我最唔鍾意繁忙時段渣車，盡可能都避左佢，但今次要趕返去同女女拎醫生紙，所以先無得避，塞左成１５分鐘先正式過到紅隧，７點半返到屯門拎醫生紙，之後就同女女過市中心度泊低部車食飯，同女女係市中心度食壽司，食到９點鐘閃人，返到屋企都９點幾啦，之後就即刻死去沖涼，沖完涼之後，女女就用（我的美麗日記）黎幫我做媽屎做完ＦＡＣＥ－ＳＯ就打日記，打完日記就死返上床度長眠訓３粒鐘之後，又再正式起身返工，今日返朝早６點郵局，收左工就同班師兄去打籃球，正今日繼續努力搵錢

ＰＳ：女女話好耐都無試過玩得咁開心，同埋好耐都無試過同我影咁多相，其實我今日都玩得好開心呢，今日呢個假期真係可以比我好好咁ＲＥＬＡＸ一下，好好咁叉下電，而家又要準備入返作戰狀態，繼續努力搵錢