今日一早起身，十二點出到屯門市中心，因為今日約左阿燐、志峰訂機票～本應諗住係西安落，北京走，但因為冇得咁買，如果就咁正價買一張去程同回程機票，又太貴．．．三千一百幾，咩稅都未包，酒店又冇～所以最後放棄左西安，淨係去北京．．．三千五百幾蚊五日四夜，包晒所有稅同酒店錢．．．呢個價先合理家嘛～哈哈
早幾日四川大地震，境況慘不忍睹，今日睇電視見到偶像溫總理指揮救災，真係感覺到咩叫政府，永遠係最適當同最需要佢o既時候出現，呢ｄ先叫負責任o既政府～唔似香港個ｄ得個講字同做Show～
聽到佢安慰個小妹妹個下仲感動，佢大概係話："小妹妹你唔駛驚，政府會養你，政府會管你食得飽、穿得暖、有書讀，另你覺得你係有家o既，係呢次災難能夠生存，就要好好活下去"．．．哇，我聽到感動到爆燈，如果係我．．．我真係唔知講咩安慰呢個小妹妹lo．．．如果我係現場聽到呢返說話，我相信我一定會感動到喊出黎！
希望救災工作順利，能救出更多o既同胞～

今日．．．一般啦～同平時都冇咩分別～
不過．．．我真係覺得呢間鋪Ｄ人事真係麻麻．．．尤其出面個Ｄ．．．
下星期諗緊放星期三定星期五好，其實想放星期四．．．但已經知冇得放．．．
好想快Ｄ睇詹瑞文，等我可以大笑一場～

今日都係返兩點，不過今日成日都頭痛，所以冇咩點講野～
今日同昨天一樣，全日生意過六萬．．．你都咪話唔勁～
夜晚ＭＳＮ會議，決定左西安、北京兩邊都去．．．Yeah～
星期三攪埋ｄ機票．．．呵呵～

今日返兩點，返到去唔想講野、唔想理野、唔想做野，乜都唔想，只係想放工～成晚冇咩點出聲，唔知咩事．．．只係覺得好煩好煩好煩～
收工同馬王食埋宵夜就歸家～

星期四一早出門口，因為要０７開會，加上飲到兩點，差唔多三點先返到屋企，所以沖左個涼都冇訓到，睇波等五點半閃～
今日九點鐘就散左．．．比原定早左半個鐘～
返到屋企十點度，上左陣網，十一點頂唔順訓覺，訓到五點起身，六點返工～
之後十二點半收工，出左荃灣，等埋阿亮就北上．．．
今日兩點度落返香港，三點返工．．．十二點半放工，之後返屋企～
好似好充實咁，實際悶爆．．．

六月旅行地點，一改再改，由北京變左去西安，雖然西安我都想去好耐，想睇兵馬俑，但呢刻想去北京多ｄ，我想睇感受下奧運o既氣氛同埋睇下個水立方嘛．．．

今日放假，學完琴之後同阿燐去左旅行社睇下ｄ行程咁，本應諗住Plan去高雄台北，但之後去左書局睇旅遊書，發覺冇乜野好玩，所以最後轉地方，經過一輪苦惱之後，終於決定左去北京自由行。
睇下三年半前o既北京同三年半後o既北京有幾唔同～

終於都放假喇．．．
講返今晚先．．．其實都冇咩特別～
生意比起昨晚高左，有ｄ忙，但未至於應付唔到～
今日知道左ｄ野，唉．．．呢個世界人同人果然係合久必分o既多，有幾可係可以一生一世到死個刻架丫～灰！
聽老母講．．．妹子又多左個新fans，唔係fa．．．等我証實下先~但．．．呢個世界Ｄ女死晒咩？有冇咁大吸引力呀？哈哈～

今日返三點，都好似好耐冇返過三點咯，哈哈～
今日唔算太忙，以開全場黎講～
十二點收工，但差唔多十二點九先收，唉～
夜晚返屋企，收左幾封信咁，其中一封係稅單．．．Shit～
另外兩封係Kelly演唱會飛，坐２７行．．．唔．．．都OK啦~鬼叫我遲過人訂咩，唉～
最唔開心係．．．幫阿雞佢地訂反而仲前多我一行，攪錯～