今日返9-23直踩，唉．．．唔好提喇～
真係要諗諗計點樣可以令佢做野做快Ｄ，冇錯．．．品質佢係好好，但．．．繁忙時間都仲係龜速O既速度．．．點算？
五點幾個時真係燥，三四間供應商一齊黎貨，仲要D貨多到幾日都用唔晒．．．又冇人幫手執．．．唉～
十一點．．．即閃～
唉．．．聽講下星期五有活動，但而家先同我講，REQ唔切啦，即係又冇得去．．．算，冇所謂～
夜晚冇野做，同Elanie MSN下．．．吹下水咁～
唉．．．點解呢排好似咁無聊冇野做咁架，好想去街呀～

今日訓醒，睇電視先記得今日係傳聖火日子，都幾有意義架，話晒唔係成日有機會睇到，下次都唔知幾時，所以都覺得有ｄ光榮架香港，哈哈～所以我今日都著左我緊存o既一件紅衫支持下奧運。
之後諗住去佐敦交野，點知．．．過左期，唔比交，話叫我等收信，心諗．．．慳返，所以一個箭步就閃左～
七點四約左城烽同阿雞睇戲，但望下錶．．．五點半，所以慢慢行落旺角，行下街咁，想買袋．．．但冇心水，之後係Starbuck坐左陣，等埋佢地就入場睇戲喇，今日睇鐵甲奇俠．．．OK正，有Ｄ位幾攪笑，冇悶場．．．當然套戲又有下集．．．但唔知幾時先有得睇下集咯～
睇完戲去左風月堂食野，十點幾入去，係入面吹水吹到十二點幾先閃．．．好開心呢，哈哈～

今日返兩點，忙到爆，隻右手仲有ｄ痛～好彩星期五放假，呵呵～
其實呢排都冇咩特別．．．都幾悶下～
冇咩野打．．．

今日收早，所有約會全部取消，呢排都唔係幾想去街～
係屋企上左陣網，之後同阿爸落左去打籃球，都好耐冇打喇，不過球技仲係度，哈哈～打左一個鐘度就閃喇～
今日收到詹瑞文D飛喇，呵呵～

另一半．．．在這時期可能未必係生活o既必需品～
但有時候．．．夜深人靜又或是坐巴士一個人沉思時，就會想起以前．．．想起她～
當在街看見一對對情侶時，又會想起她～
人總是有一些深刻o既回憶是永遠都會記住～
但回憶過後，可能只係兩三秒，我又回到現實世界，繼續我o既生活，繼續等待我o既另一半出現～

今日返早，都冇咩特別～落場食完飯就返屋企HEA~
六點返去再做過，呢晚都幾忙架，Suppoter係完全唔掂lo，最火滾係一檯都係餸，咁求其執好一tay野俾佢，諗住佢會醒水出架啦，點知．．．唔係～佢拎出黎重新執過，執條順路o既，哇．．．真係見到火都黎，結果小到佢爆廠～
呢個星期放星期五，唔．．．都好，可以唔駛太忙～哈哈
順便可以搵師傅上黎Tune下個琴～

今日放假，起身就出左機場，因為約左美婷係潮樓飲下午茶，食左九樣野，當然有最愛O既蝦餃啦～
食完之後係機場行左陣，跟住就出返東涌睇戲，睇功夫之王，成龍大戰李連杰個幕真係好正，劉亦菲又真係幾靚，哈哈～套戲感覺似玩緊金庸群俠傳～
九點幾度就歸家了～

今日收五點．．．本應～但最終都六點先走～
之後去左剪髮，其實都長左好耐，只不過一直找不著時間去剪，今日終於都有時間，所以就走左去剪髮～
而家舒服左好多，唔駛長到插眼，哈哈～

呵．．．開MSN易拎問睇唔睇詹瑞文，唔．．．又OK WO，我諗都唔差得過林狗O既，所以最終買左，睇22號～
其實．．．因為佢係文化中心開，我未去過，哈哈～