星期四開完員工大會，再返埋工收三點，之後夜晚約左阿紫返TW食野，感覺好攪笑，因為以前係呢度做開，而家就身份唔同左．．．怪～
食完落左上水，因為約左阿燐佢地飲野，呢晚都好攪笑，睇返佢地最近去雲南D相，真係勁開心．．．快Ｄ到六月啦．．．就到我去旅行喇～飲完野再去食埋宵夜．．．閃～
昨天一早八點鐘試做會，知後又上咩天婦羅班，刺身班咁．．．總之成日都係度試做啦～夜晚美婷同朱峰黎左屯門，哈．．．估唔到美婷提早俾份生日禮物我，我仲以為下星期六先收到添．．．但其實我生日都過左好耐．．．哈～多謝呢．．．MP3機好鍾意喔～
星期日唔知燒唔燒到野食呢．．．唉．．．TW BBQ，真係一波三折，睇黎又要改期咯～不過星期日晚睇Rambo，期待中～～～

今日返早，都係差Ｄ遲到～
今日收到Call，話日本個集團主席，即係大老細會黎，所以要執生～
開頭話５點，之後又７點，黎左喇．．．一眼都冇見過，哈．．．究竟佢係唔係真係黎左，我都唔知，就走左喇～
呢日都係平時咁，冇咩特別～
不過一陣又要員工大會，唉．．．七點．．．九龍灣國際展貿中心，哇．．．乜高級左咁多呀個場地～但．．．你唔諗下我住邊，頂你～

今日收三點，之後出左葵芳，因為約左小Cat睇戲，睇一個好爸爸．．．睇之前去左食上海野，唔．．．我都係覺得上水個間好食D，哈哈～
套戲我覺得好好睇呀，有笑位亦有感動位，唔知點解我都有D明白古天樂做爸爸Ｏ既心情～
尤其係個女大左要拍拖個種呷醋心情，好似冇左個女咁，哈哈～
所以．．．唔好生女第時，哈哈～可能我佔有慾較強啦，好易呷醋～呵

在家中真好，有時HEA下都幾舒服~
呢排日日返工，見到Ｄ新人就燥燥地．．．近排樓面黎左個女仔，係呢間鋪黎講算靚個個，只限呢間鋪黎講～
Ｄ仔見到就好似前世未見過女咁，痴線～
見到一個人地教佢成個星期都唔識做野O既人，竟然好主動咁同個女仔講餐牌，呢條友扮傻～
今日廚房新黎左個男仔，佢就係傳聞中O既保鮮紙界手抖足成個星期Ｏ既神人～佢竟然撩個個女仔．．．呢條友想死～
而家Ｄ新人．．．咩事呀？
明天收三點，幾經轉折下．．．最終睇一個好爸爸．．．呵呵～期待～

今日同志峰傾開六月旅行d日期，無意中得知，Kelly演唱會原來恆生卡可以網上訂，所以即使興趣不大，但都搵左人睇，但搵人ｏ既時候真係漁翁撒網，睇下邊個最快約得成就同邊個睇，結果係你．．．恭喜你呢．．．哈哈～
6月16日．．．有排呢～

而家暫定旅行日子係５號，如果個三位人兄冇異議，就確實架喇～

今日放假，訓到四點幾先起身，本應今日諗住去睇戲，但最終改期～
呢日都係係屋企抖下，都冇出過街～
黎緊呢個星期都冇假放．．．有排捱～

今日都係返工放工咁，冇咩特別～
收工極速返屋企．．．
真的可以調返出去？何時呢？

今日放工之後，出左旺角．．．因為約左阿賢同阿燐睇戲，睇三國之見龍卸甲，本應都有諗住睇埋Rambo架，但最終驚太夜返屋企，所以冇睇～
套片拍得叫做唔錯，但劇情改左好多，有好多故事情節同三國演義差好遠，不過電影黎講算係咁，始終電視個套真係高質素好多～
睇完戲之後去左飲野，飲到十二點幾度．．．閃～

星期二原定節目．．．應該要取消～
即係要諗下個日有咩攪喇．．．唔．．．有冇人得閒去街？