上星期去赤柱時食的....仲飲左一大杯beer

由而家開始... 你要錫晒我, 寵壞我, 唔准扼我, 答應我的每一件事都要做到. 對我講的每一句說話都要係真心. 唔准蝦我, 鬧我, 怨我. 要信任我. 有人蝦我要第一時間出黎撐我, 保護我.  我開心的時候要替我開心, 我唔開心要逗我開心.  永遠覺得我最靚, 發夢都要夢見我. 向你心裡面只有我.
  就係咁簡單

時間: 10月23號

地點: 自己屋企

人物: 家人

經過昨日的大餐, 諗住今日可以清淡少少, 點知老爹的朋友今日係上海新鮮帶了一些大閘蟹過來比佢. 仲話D蟹係剛剛答飛機過黎

正所謂九食尖十食圓, 今日的蟹都是蟹公(舊曆九月), 而他的糕亦正是最好食的地方! 好似食緊半生熟的蛋黃, 但是沒有蛋味, 而是帶有一種大閘蟹獨有的甘甜, 入口即溶, 真係非筆墨可以形容.  至於蟹肉則比一般蟹較清, 但點了姜酢亦都好好味 

唔知幾時又有人送蟹來呢?

不過經過呢個星期, 我又要加倍努力做Gym了

時間: 10月22號

地點: 元朗

人物: 我, 女友, 女友同事+BF

今日接完女友放工就入左元朗, 第一個目標係車仔麵. 搵左一陣, 我地去到教育路的"永年士多". 真係比佢條人龍嚇左一跳.....成廿個人排緊, 不過一場黎到唯有照排.  呢度係自助式的, 即係你自己去麵擋落order&拎翻位! 排左15-20分鐘終於到我, 叫左粟米, 豬皮蘿白, 生菜, 蟹柳&烏冬+小棘....最尾個師父冇端端又加隻雞亦比我?!(後尾個friend話翻比我知個師父係好意幫人加料的, 真攪鬼) 真係好大碗! 成座山咁高....兩碗先係45蚊算OK., 味道亦唔錯, 用料都幾新鮮.

食完跟住去左行街, 到左7點左右就join埋女友的同事去食Sushi, 又係好多人, 拎完籌就先過對面的佳記甜品(B仔涼粉)飲杯果汁先.. 等左20分鐘到, 到我地入去, 立即叫左蟹籽salad, 三文sushi, 蛋sushi, 蝦sushi, 炸軟殼蟹and 天婦羅.  好彩冇再叫, 因為元朗日本餐的特色是大件夾抵食! 有幾大?自己睇相la. 件蛋sushi真係笑死我...件蛋好似一大舊海棉放係舊飯上面... 之後埋單都只係百幾蚊, 好抵!!

之後兩位女仕居然話要食佳記雞亦尖  所以又走翻過去, 我亦唯有捨命陪君子....叫左一碟擂沙湯丸, 食完之後大家就滿足地抱住個肚腩返屋企

時間: 10月20號

地點: 大角嘴蛇王濤

人物: PKG美食團

今日做同演舞做完gym去到聯合, 見到大家之後就向目標出發, 其實我最初冇諗住食蛇, 不過既來之則安之.

以下係引用自美食團團友柏直的blog

今晚同左pkg美食團一齊出動, 目標係蛇宴...講真, 如果正正式式黎講, 真係有成十幾年冇食過蛇...去到目的地大角咀, 因為地下冇位, 就上左閣樓, 一行8人坐埋一圍枱, 叫左一個4人用蛇餐同一個牛尾煲...先黎蛇羹, 一人一碗, 再上牛尾煲...牛尾煲入面, 真係乜鬼都有...除左牛尾,...

今個禮拜去左好多唔同地方食野有新有舊, 全部都好好味, 所以決定係hompy公諸同好!

時間:10月18號星期二

地點: 尖沙嘴赫德道大中華火鍋(新東記同一集團)

今日因為同客食飯所以選了這裡, 環景裝修比好和清靜

有去開新東記的朋友都知道佢地D雪花肥牛真係一絕! 另外不得不提的就是他們的醬料, 有十幾二十種任你自己配 大中華另一個特色就是他們是有日式刺身供應的, 價格亦都唔係太貴.  我叫了北寄貝和三文

最後令我非常驚喜的就是今日居然係連我自己都唔記得的舊曆生日, 女友特地為我去訂了壽桃&DIY紅雞蛋一隻, 而壽桃亦非常美味簡直甜到入心, 為今餐作了完滿的結束

比賽完滿結束 多謝大家的參加&有份幫手的朋友

恭喜冠亞季軍的隊伍

1st: 雲希+斷臂
2nd: Nin+小安子
3rd: 長毛+龍頭


首先由於本人的經驗/準備不足令至冇mic用, 少了現場實況 不過11pm左右已經全部打完就比我的預算快了將近一個小時.

除止之外, 比賽都非常順利. 而由於今次係用敗部復活的賽例, 變成大家都會留耐D/打耐D. 所以到最後的氣紛得好, 如無意外下次比賽都會再用這個模式.

本人感想: 新手跟老手的距離拉近了 eg. 龍頭&培都打得很好! 希望你地不要自滿繼續努力. 反觀我自己真係太緊張, 發揮得好差 全靠小安子我先拎到個亞軍.

另外很多朋友因各種原因而黎唔到今次的比賽,希望下次可以見到你地! 昨晚見到咁多人係聯合, 又玩得咁開心, 連食野都包起間餐聽! 邊個話VF依家冇人打?!?

我係攪手, 請多多支持!! 最緊要好玩, 其他一於少理

詳情: http://hk-vf.net/bbs/viewtopic.php?t=16824